ال otg بيشتغل ازاي ؟؟؟؟

[Eng.Mina]

كل سنة وحضراتكم طيبين
انا لسه شاري سامسونج جالاكسي تاب 4 t231من حوالي 3 اسابيع واشتريتله كابل otg من كارفور
بس لما باستخدمه مع الفلاشة مفيش اي حاجة بتحصل كان مفيش حاجة اتوصلت بالتاب انا شكيت في الكابل فجبت انهارده واحد تاني بس للاسف هي نفس المشكلة
ياتري كده في مشكلة في التاب ولا في حاجة تانية ؟؟؟؟
وشكرا

[Eng.Mina]

جربت انهارده كابل تالت وبرده نفس المشكلة مع كذا فلاشة يا ريت اي مساعدة بعد اذنكم

[Ahmed_selmy]

بص الفلاشه لازم تكون fat32 لان الموضوع دا حصل معايا وكانت الفلاشه NTFS ومرضيتش تقرا الا لما بقت fat32

[Eng.Mina]

بص الفلاشه لازم تكون fat32 لان الموضوع دا حصل معايا وكانت الفلاشه NTFS ومرضيتش تقرا الا لما بقت fat32

شكرا لرد حضرتك جدا انا كلمت سامسونج انهارده وقالولي ان التابات بتاعتنا مابتدعمش ال otg مش عارف الكلام ده صح ولا لا بس دي خاصية مهمة اوي مش عارف ازاي سامسونج مش مهتمة بيها . حاجة تخنق فعلا

[Amr_MO]

مش كل التابلت او الموبايلات بتدعم ال OTG، في بعض الموديلات فقط الي بتدعم الخاصة دي وهي فعلا ممتازة ومفيدة جدا بس لازم الاول تتأكد ان الجهاز بتاعك بيدعمها عن طريق مواصفات الجهاز نفسه التفصيلية

يعني السامسونج مثلا في موبايلات معينة بتدعم الخاصة دي زي ال s4 - note 3 - s5 - s3 ومثلا ال s4 mini مش بيدعم الخاصية دي ونفس الشيئ برضه بخصوص التابلت

[Eng.Mina]

مش كل التابلت او الموبايلات بتدعم ال OTG، في بعض الموديلات فقط الي بتدعم الخاصة دي وهي فعلا ممتازة ومفيدة جدا بس لازم الاول تتأكد ان الجهاز بتاعك بيدعمها عن طريق مواصفات الجهاز نفسه التفصيلية

يعني السامسونج مثلا في موبايلات معينة بتدعم الخاصة دي زي ال s4 - note 3 - s5 - s3 ومثلا ال s4 mini مش بيدعم الخاصية دي ونفس الشيئ برضه بخصوص التابلت

شكرا لرد حضرتك انا فعلا كنت عارف ان في الموبيلات في موديلات معينة بتدعم ال otg بس مش عارف ليه توقعت انها حاجة المفروض تكون اساسية في اي تابلت علي اساس ان في ناس ممكن تستخدمة كبديل للاب في حاجات معينة . عموما هو الجهاز كويس مش وحش وححاول اتكيف معاه علي الوضع ده وخلاص بس ده مايمنعش ان انا كنت اتمني ان الخاصية دي تبقي واضحة في مواصفات اي موبيل او تابلت زي مثلا المواصفات اللي بتبقي مكتوبة لموديل اي موبيل في موقع gsmarena مثلا ( الكاميرا والبروسيسور والرامات وخلافه ) ايه المانع ان يبقي في مواصفة لل otg ويبقي واضح اذا كان الجهاز بيدعمها ولا لأ

[Eng.Geo]

بيتكتب حضرتك في GSMARENA
تحت data في usb .... لو مش مكتوب جنبها USB On-the-go يبقي مابيدعموش

[Land_Cruiser]

معلش ما تزعلش نفسك . عامه في حلول بديله ممكن حضرتك تعملها بدل الكابل زي عن طريق الواي فاي فهناك دلوقتي wifi adapters بيتركب عليها اي usb flash و هو بيعمل sharing لمحتوياتها كلها عن طريق URL تدخل عليه يعني كأنه file server صغير و ميزه الحل ده انك تقدر تدخل علي حاجتك من اي جهاز فيه wifi و كمان تقدر تركب عليه ان storage عندك من غير ما يكون فيه wifi ولا حاجه و في نفس الوقت حجم ال wifi dongle ده صغير تقدر تحطه في جيبك و بيشتغل من غير اسلاك و لا حاجه. في كمان انواع منه بيشتغل power bank كمان و router من ضمن وظائفه وحجمه مش كبير

[Eng.Mina]

بيتكتب حضرتك في GSMARENA
تحت data في usb .... لو مش مكتوب جنبها USB On-the-go يبقي مابيدعموش

شكرا لرد حضرتك ياباشمهندس جورج فعلا معلومة مكنتش اعرفها الغريب ان تقريبا كل تابات سامسونج مابتدعمش ال otg حتي التابات الغالية زي ال pro مثلا . التاب الوحيد اللي لقيته بيدعم ال otg هو لينوفو a3000 :)

[Eng.Mina]

معلش ما تزعلش نفسك . عامه في حلول بديله ممكن حضرتك تعملها بدل الكابل زي عن طريق الواي فاي فهناك دلوقتي wifi adapters بيتركب عليها اي usb flash و هو بيعمل sharing لمحتوياتها كلها عن طريق URL تدخل عليه يعني كأنه file server صغير و ميزه الحل ده انك تقدر تدخل علي حاجتك من اي جهاز فيه wifi و كمان تقدر تركب عليه ان storage عندك من غير ما يكون فيه wifi ولا حاجه و في نفس الوقت حجم ال wifi dongle ده صغير تقدر تحطه في جيبك و بيشتغل من غير اسلاك و لا حاجه. في كمان انواع منه بيشتغل power bank كمان و router من ضمن وظائفه وحجمه مش كبير

متشكر لحضرتك اوي بس حاستاذنك لو تديني لينك للadapter ده علشان انا حاولت ادور عليه بس مش عارف اوصل