ايفون ولا سامسونج

[HeMa_LanCeR]

انا محتار اشتري سامسونج جراند 2 ولا ايفون 4 مستعمل
ومش فارق معايا موضوع الخطين :)

[J A G U A R]

ايفون 4
بس تكون اتعاملت معاه قبل كده

[Ahmed_selmy]

على حسب انت عايز ايه.....
يعنى لو ليك فى نقل ملفات بينك وبين اصدقائك و عايز مساحات تخزينيه كبيره و سهوله فى الاستخدام يبقى سامسونج
انما لو عايز نظام مستقر و جهاز مبيهنجش ولا يسخن يبقى ايفون
عيوب السامسونج انه ممك تلاقيه بيهنج من وقت الى اخر هو مش شرط بس غالبا بيحصل ...بالاضافه للسخونه عند تشغيل الالعاب مثلا....انما لو استعمالك خفيف يبقى قشطه
عيوب الايفون صعوبه شويه فى التعامل معاه بالاضافه لبعض الصعوبه فى نقل الملفات من والى..

[HeMa_LanCeR]

انا المهم عندي مكالمات وانترنت ماليش في جو الالعاب ده وموضع نقل الملفات عادي ممكن كام صورة وكام اغنية وخلاص

[ahmedfor3]

ايفون

[HeMa_LanCeR]

كلام نهائي ايفون يعني :)

[Ahmed_selmy]

على كلامك كدا يبقى ايفون

[gasser72]

لو ايفون 4اس اوكى لكن لو 4 بس اوعى تعمل فى نفسك كدة الرام 512 و دة هيكون بطى جدا
نصيحة شوف 4 اس هتفرق كتير

[HeMa_LanCeR]

لا هو 4 بس
يعني هيقرفني زي السامسونج ولا اية؟؟؟؟

[gasser72]

اى تليفون تشترية لو انت من هواه الانترنت تاكد من حجم الرام يفضل 2 ميجا فيما فوق اما لو كان استعمال عادى بدون تنزيل برامج هيكفيك اة حاجة و يفضل الايفون

[HeMa_LanCeR]

انت كده وقعتني في حيرة اكتر :)
انا كده قدامي حلين يا الايفون
او سامسونج جراند برايم وده رام 1.5ج و بروسيسور x4 1.2
اختار مين فيهم بقي وانا قولت استخدامي ايه :)))))
انا في النت بروسر عادي + برامج الشان فايبر فيس واتس كده يعني

[Mamoud salah H]

ايفون 4 وياسلام لة 4s

[M!SHO]

لو ايفون 4اس اوكى لكن لو 4 بس اوعى تعمل فى نفسك كدة الرام 512 و دة هيكون بطى جدا
نصيحة شوف 4 اس هتفرق كتير

الرام ٥١٢ في الاتنين

هو طبعاً ال 4s احسن بس ال 4 شغال وزي الفل ، اهم حاجه ابعد عن سامسونج في الفئه دي

[eng.samy]

اي فون

[m.basha]

اى فوون طبعا