مشكلة في اللاب توب ومحتاج مساعده

[mr_sameh]

انا عندي لاب ايسر اشتريته من حوالي سنة ونص وكان شغال زي الفل والاستخدام كان عادي جدا من فترة شلت البطاريه لاني بستخمده بالكهربا ومن يومين جيت اشغله مشتغلش نهائي روحت لواحد صاحبي شغال في الكمبيوتر قالي دائرة الباور فيها مشكله وهتكلفك تصليح في حدود 300 جنيه والسبب انك بتستخدم اللاب من غير البطاريه وده اكبر غلط طبعا انا اقترحت عليه انه يتصلح ويبعه ويجيبلي مكانه لاب تاني يكون استعمال خفيف واقترح يكون اتش بي او توشيبا
ايه رايكو في القصه دي اعمل ايه

[ahmed_khalil]

الكلام غلط طبعا
لان و انتا شغال على الكهرباء يستحسن انك تشيل البطاريه

[adelmof40]

السلام عليكم ورحمة الله وبركاته

رجاء التوضح يعني ايه ما بيشتغلش
-قاطع بور
-سيستم لا يعمل
- الادابتور اتخبط لا قدر الله
مبدئياضع البطاريه وراجع الشحن وشوف واحنا معاك بأذن الله

[mr_sameh]

قاطع باور اكيد

[SunSet]

واضح انه مش فاهم

ممكن تكون كارتة الميموري بازت او البيوس فيها مشكلة

روح لحد تاني وثالث وما تسمعش واحد بس

[pro_samir]

الأول المفروض تجرب شاحن تاني

ولو مفتحش باور يتأكد ان الزرار نفسة سليم وجرب تضغط علية جامد شوية في الأول مثلا بس بشكل عامودي من منتصف الزرار لو مفتحش خلية يشيك علي الزرار نفسة

لو مشتغلش برضو يبقي احتمال كبير حاجة في دايرة الباور و رقم 300 جنية دة كتير لكن رقم قريب من المتعارف علية لمصطلح دايرة الباور وممكن يكون اللي بايظ فيها مكثف ولا ترانزستور ببضعة جنيهات وحضرتك هتتحاسب علي دايرة الباور ب 300 جنية

لو بتنزل طنطا أو في حد من طرفك بينزل طنطا ممكن تبعتلي الجهاز معاة هدخلهولك صيانة في الشركة عندي وان شاء الله مش هيكلف ربع المبلغ دة

بس ربنا ييسر وتكون حاجة من دايرة الباور متكونش مشكلة بوردة كاملة

وموضوع الشغل علي الشاحن باستمرار دة يبوظ دايرة الباور كلام غريب

[mr_sameh]

فعلا موضوع الشاحن ده انا مش مقتنع بيه
لكن للاسف انا اتسرعت وسيبته علشان يتصلح عنده وربنا يستر
لوكنت استنيت شويه كنت عديته علي محمد سمير في طنطا لكن معلش ومتشكر ليك جدا
بصراحه انا اتخنقت من الجهاز عايز اغيره واشتري حاجه اتش بي يكون استعمال نضيف
ياتري يكون في حدود كام

[pro_samir]

حصل خير

لو عايز تغيرة ممكن تجيب HP Compaq جديد مواصفات كويسة ب2600 جنية

اسمة CQ61

[mr_sameh]

انا متشكر جدا ليك يامهندس محمد وفعلا الموديل اللي نصحتني بيه ده كويس جدا وشغال زي الفل مع ناس كتير اعرفهم

[ahmed_khalil]

انا متشكر جدا ليك يامهندس محمد وفعلا الموديل اللي نصحتني بيه ده كويس جدا وشغال زي الفل مع ناس كتير اعرفهم

قولى عايز حاجه فى حدود كام و انا اقولك تجيب ايه و بكام

[mr_sameh]

قولى عايز حاجه فى حدود كام و انا اقولك تجيب ايه و بكام

بصراحه انا كنت عاوز حاجه اتش بي يكون استعمال نضيف معرفش الموضوع ده هيكون مناسب ولا لا

[ahmed_khalil]

بصراحه انا كنت عاوز حاجه اتش بي يكون استعمال نضيف معرفش الموضوع ده هيكون مناسب ولا لا

صدقنى بعد خبره 3 سنين فى مجال notebooks بلاش مستعمل
فيه واحد core i3 hp G62
هاتلاقيه فى كارفور و هايبر
مش فاكر سعره فى كارفور كام بس سعره فى هايبر 3450
هاتلاقيه فى كارفور فى نفس الرينج
و فيه dell inspiron core i3 برضه ب 3444
دول سعرهم فعلا مايتعوضش