مشكلة في الويندوز جننتني ...!!!

[SkyBird]

انا شغال على ويندوز 7 من ايام ما كان بيتا وكان كل شئ تمام
وتقريبا كل 3 شهور اعيد تثبيت الويندوز
من حوالي 3 شهور ظهرت المشكلة وهي صوت اليو اس بي بلج (دا-داــــــــــ دا-دام) من غير ما اشبك اي جهاز على اليو اس بي والصوت بيظهر عشوائي ممكن كل 10 دقايق ممكن كل ساعة
غيرت الويندوز ومفيش فايده
عملت سكان على الفيروسات بكل الطرق والنتيجة ان الجهاز نظيف
خصائص الجهاز
جهاز مكتبي بورده انتل ومعالج انتل ثنائي النواة ورام 2 جيجا وهارد 160 والكروت المثبته كارت الستالايت فقط
واجهزة اليو اس بي كاميرا ديجيتال


ايه الحل ؟

[Hacker5]

طب متجرب تنزل اصدار تانى غير اللى حضرتك شغال بيه
انا شغال بـ اصدار ultiamte N و دة يعتر افضل اصدار لويندوز سفن

او ممكن حل تانى
جرب تمسح تعريف الكاميرا و متسطبوش و شوف الدنيا هاتمشى ازاى

[nabaster]

افصل الكاميرا خالص

وشوف الدنيا هتمشي ازاي

شاكك ان كابلها بيعلق

A.Yakout

[aly_hosny]

غالبا لو العيب مش في كابل الكامير هتلاقي واحدة من فتحات اليو اس بي ضربت
بص عليهم من جوة وممكن تلاقيها باينة ملمسة او شايطة

[SkyBird]

طب متجرب تنزل اصدار تانى غير اللى حضرتك شغال بيه
انا شغال بـ اصدار ultiamte n و دة يعتر افضل اصدار لويندوز سفن

او ممكن حل تانى
جرب تمسح تعريف الكاميرا و متسطبوش و شوف الدنيا هاتمشى ازاى

تجربة اصدار تاني خليها اخر العلاج الكي
اما الكاميرا فهي ملهاش تعريف يعني الويندوز بيقرا الكارت ميموري بتاعها ممباشرة

[SkyBird]

افصل الكاميرا خالص

وشوف الدنيا هتمشي ازاي

شاكك ان كابلها بيعلق

a.yakout

مهو المشكلة ان الصوت بيحصل والكاميرا مفصولة

[SkyBird]

غالبا لو العيب مش في كابل الكامير هتلاقي واحدة من فتحات اليو اس بي ضربت
بص عليهم من جوة وممكن تلاقيها باينة ملمسة او شايطة

ابص عليهم بكرة
انا خايف يكون عيب هاردوير ........ قلقتني يا علي باشا

[SkyBird]

فتحات اليو اس بي سليمة
وجربت الاربع فتحات وشغالين تمام

حد عنده افكار تانية للحل ؟

[kok3]

بص يا باشا مشكلتك دى عند ناس كتير انا قلبتلك فى جوجل كدا على السريع لقيت ناس عندها المشكله دى وحتى عندهم فى الابتوبات كمان مش فى بى سى والمشكله فى السفن برده المهم حاول تشيك على كل الوصلات اللى فى جهازك زى الماوس اليو اس بى والكيبورد ووصله الكاميرا تمام شيلهم حتى وركبهم تانى لو النسخه اللى عندك 7600 ار تى ام الالتميت الاورجنال يبقى قشطه لو مش دى اللى عندك نزلها علشان النسخه دى استيبل قوى انا مبغيرهاش اصلا وبرده اتاكد عندك من كل الوصلات حتى وصلات الهاردات لو فيه هارد تانى شيك عليهم

[SkyBird]

انا عندي نسخة rtm الالتيميت اوريجينال واتأكدت من رقم الهاش بتاعها من موقع ميكروسوفت بس راكنها وشغال على هوم بريميوم
كنت لما استخدم الالتميت مااسمعش الصوت وفعلا الصوت مع الهوم بريميوم بس
الوصلات سليمة
انا لاحظت في جوجل ان في ناس بتشتكي نفس الشكوى لكن محدش حل مشكلتهم حتى الان
مشكلة عجيبة بصراحة

[kok3]

ممكن يكون Bugs ف النسخه الهوم او تكون مش متوافقه مع درايفر علي جهازك خصوصا لو كان فيه قطعه قديمه كارت شاشه او كارت دش او بلوتوث قديم مش متوافق مع النسخه خليك فالالتميت ونزل كراك اللودر الجديد 1.8.2 تقريبا او فيه نسخه احدث نزلت

[SkyBird]

كلامك فعلا ممكن يكون صح
الله يعيني على الالتميت هستبها واشوف ايه الاخبار
على فكرة فيه بديل لكراك ويندوز 7
تول جميل اسمه RemoveWAT عامله Hazar ده بيشيل قسم الاكتفيشن من الويندوز بالمرة ويخليه ميسأش عن الاكتفيشن اصلاً وتنزل التحديثات زي ما انت عايز
انا شغال بيه بقالي حوالي سنة ومفيش منه اي مشاكل

[MAX_PIN]

انا شغال على ويندوز 7 من ايام ما كان بيتا وكان كل شئ تمام
وتقريبا كل 3 شهور اعيد تثبيت الويندوز
من حوالي 3 شهور ظهرت المشكلة وهي صوت اليو اس بي بلج (دا-داــــــــــ دا-دام) من غير ما اشبك اي جهاز على اليو اس بي والصوت بيظهر عشوائي ممكن كل 10 دقايق ممكن كل ساعة
غيرت الويندوز ومفيش فايده
عملت سكان على الفيروسات بكل الطرق والنتيجة ان الجهاز نظيف
خصائص الجهاز
جهاز مكتبي بورده انتل ومعالج انتل ثنائي النواة ورام 2 جيجا وهارد 160 والكروت المثبته كارت الستالايت فقط
واجهزة اليو اس بي كاميرا ديجيتال


ايه الحل ؟

بص ياباشا الحل النهائى للمشكلة دية انك تنزل تعريفات جديدة للهاردوير
لأن اكيد الى عندك قديم وبعدين كل يوم بينزل تعريف جديد وبيعمل توافق مابين الويندوز والهاردوير وبيخلى فى مرونه وسرعة اكتر من الاول
فى برنامج ممتاز بينزل التعريفات دية للجهاز وانا شخصيا بستخدمه من سنتين
ادخل هنا ونزل النسخة من الموقع الرئيسى هنا

http://www.driver-soft.com/products/drvgenpro.exe

وهنا هتلاقى السيريال والباتش عشان النسخة تبقى أصلية معاك
Driver.Genius.Pro v10.0 Patch & Serial.rar
وهنا برنامج التنشيط لويندوز سيفين
Windows 7 Loader.zip
لكن
انا بفضل انك تكون مسطب ويندوز جديد ويفضل لو يكون النسخة ال Ultimate
أو تعمل تنشيط للنسخة الى عندك وتسيبه ينزل كل التحديثات
ودية مش هتفرق سواء قبل ماتشغل برنامج التعريفات او بعدة
جرب وقولى اية الاخبار وبالتوفيق
كل الملفات المرفوعه خاليه من الفيروسات وعلى ضمانتى الشخصيه

[SkyBird]

يا باشا كل التعريفات اخر اصدار من موقع انتل نفسه
ده انا كل اسبوع ادخل الموقع واشوف البورده نزل لها اخر التعريفات ولا لسه
وشكرا يا باشا على الروابط اكيد الاخوة هيستفيدوا منها
لان انا زي ما قلت باستخدم RemoveWAT وما بستخدمش لودرز او كراكات