تقرير مبدأي عن ويندوز 8 بالصور

[abokoko]

نزلت الصهى 8 - وكان اول انطباع ان الكمبيوتر بقي محمول
وملحقتش اتهنى بيه
دخل عندى فيروس
منع النت وبدا شويه بشويه يمسح لى البرامج -- فقدت برامج كتير -
ولحقت نفسي وفرمت الهارد ورجعت ل الاكس بي
ومش عارف ايه اللى جاب الفيروس النسخه ولاموقع من النت اللى يا دوب دخلته علشان اجرب
سرعه النت - ويمكن الغلطه انى دخلت نت وانا لسه بستطب الانتى فيروس ال avg

[ghostmido]

جامد اخر 8 حاجات

بس انا عندى مشكلتين يارب حد يعرف حلهم
1-فى لعب مش عايزة تشتغل زى stronghold
2-انا متعود اقفل الجهز hibernate بس فى النسخة دى مش عايز يقفلhibernate
ياريت ياجماعة لو حد عنده حل.

[SYD]

لسه منزلها من يومين !!!!اييييييييههههههه دهههههههه !!!!!!!!
اخيرا غيروا الويندوز ,
الفيستا و السفن كانوا بالنسبالى facelift لل XP
بس لحقوا نفسهم ,ناس كتير و انا منهم هربت و شغلت ubuntu

انت بتقول فيها ؟؟

فعلا الVISTA وال 7 شغالين علي نفس الكور Core بتاع ال XP ومش بس الأكس بي المفاجأة انهم ال3 (xp - vista - 7) شغالين علي نفس الcoreبتاع ويندوز 2000
لأن ويندوز 2000 جاءت مختلفة بعد ال98 في انها غيرت الdos الي كانت بتعتمد عليه ال98 وعملت حاجة شبيهه بالcore بتاع يونكس وسميته NTOS Kernal ودة كان طفرة للويندوز وانا شخصيا بعتبر مايكروسوفت عملت نقلة ضخمة جدا في حياة الويندوز في عام 2000 او بمعني ادق ان عام 2000 كان نقلة كبيرة لمايكروسوفت في انظمة تشغيلها الي بدأت تعتمد بشكل ضخم جدا علي الويندوز الشهير جدا ليها والناجح جدا ليها والي بدأت تنسب كل حاجة ليه وهو ويندوز NT او New Technology

شكرا علي مرورك

والله المستعان
،
،

[SYD]

انا عملت دونلود للنسخة الايزو وبعملها mount من برنامج power iso وبتحمل لحد 35% ويقولي something happened installation failed وجربت كذا مررة مفيش فايدة

لو كل مرة بتقف عند 35% يبقي عيب في الأسطوانة او مشكلة في النسخ
لو عملت معاك كدة مرة في 35 ومرة مثلا عند 20 ومرة عند 40 يبقي عيب في الدرايف او اقصد الcd نفسه كجهاز (الهارد ووير)

جرب تغير الأسطوانة والسي دي كهارد ووير

وشكرا علي مرورك
واتمني تحل مشكلتك وتشاركنا الرأي والتجربة

والله المستعان
،
،

[SYD]

مين فاكر نسخة اللونج هورن؟

نسخة long horn دة كان اسم كودي للويندوز بيتا بتاعة الvista واطلقوا نفس الأسم للنسخة البيتا من الويندوز 2008 سيرفر

اما النسخة البيتا بتاعة مايكروسوفت xp كان اسمها whistler

ونزلت نسخة ويندوز فيينا viena كنسخة بيتا للويندوز 7 ثم عدلوا الأسم بتاعها لويندوز 7 والعجيب انه نزل بنفس الأسم الكودي كأسم تجاري لل final release

تحياتي لحضرتك لمتابعتك الموضوع

والله المستعان
،
،

[SYD]

ثبات زيندوز 7 رائع
انا منزله من 2009 ولغاية دلوقتي مستقر ومفيش مشاكل والحمد لله
رغم ان نازل على النوتبوك اسوء برامج من حيث التقل
ساب ولوتس نوتس وشوية برامج تقيلة محترمة ورغم ان الجهاز كورتو ديو 2.4 مع 2 جيجا رام بس
بس ثينك باد اصيل والحمد لله

معروف ان lenovo اجهزة ماشاء الله عليها وهي اصدار من ibm بأسم تجاري مختلف وطبعا اجهزة ibm حدث ولا حرج علي الجودة والأداء ولكن مش واخدة حظها في المبيعات والشهرة (طبعا داخل ج م ع فقط) زي اجهزة hp و dell و toshiba

طيب انت شايف نابجريد ولا لاء
لو هاعمل ابجريد هايكون لجهاز البيت الشغل دي نسخة مقفولة للبيزنس بالسيكورتي بتاعها

حضرتك حلتها
طبعا مجازفة التجربة دي انا بصراحة عملتها علي كمبيوتر البيت مش اكثر من التجربة ولو لقيتها تعبانة هدخل جوة add and remove programs او في ويندوز 7 بيسموها programs and features وهعمل uninstall ليها ودي ميزة الأبجريد عن ال fresh installation

كمان اخبار الكومباتبيلتي بتاعتة ايه

بالنسبة للهارد ويير ولا اي حاجة خالص زيها زي الويندوز 7 بالظبط
انا مشغلها في البيت زي ماقولت في بداية الموضوع علي جهاز 32 بت عليه 1 جيجا رام وشغالة زي الطلقة

هل هاندخل في نفس قصة 32 و 64 بت ولا ايه
وبيقرا كام رام
32 كان بيقرا 3 جيجا رام بس يعن يلو جهازي في 6 جيجا مش هايحس بيه

طبيعي ان الويندوز 32 بت مش بتقرا اكتر من 4 جيجا رام ودة لحسبة رياضية معقدة شوية بالبينر binary ولكن بأختصار شديد هي انه بيحسب ال2 اس 32 = 4 مليار وكسور بت = 4 جيجا للميموري (الرام) ولكن فعليا مش ب page علي اكثر من 3 وكسر للرام وفعليا الperformance بتاع ال3 جيجا رام احسن من 6 جيجا رام لو مشغل ويندوز 32 بت
والوضع بينقلب رأسا علي عقب لو غيرت الويندوز ل64 بت

وعموما في منها نسخة 32 ونسخة 64

خاصة اني ناوي اجيب جهاز فيه 6 جيجا رام

بصراحة دون اي تحيز لمايكروسوفت انا رأيي الشخصي ان الويندوز 8 معمولة كأثبات وجود امام اندرويد بتاع جوجل و ios بتاع ابل عشان تاخد معاهم حصة سوقية للأجهزة اللوحية
لكن لو الكمبيوتر بتاعك مش تاتش سكرين يبقي خليك في ال7
وان كنت اتوقع ان الأتجاه كله حاليا للشاشات التاتش زي لما خلونا كلنا نغير لشاشات lcd وتخلينا عن الcrt ودة هيحصل لما تنزل الموول تجيب شاشة ومش هتلاقي غير التاتش هي المتاحة واكيد وقتها سعرها هينزل لحد ال600 وال500 كمان زي الlcd النهاردة
ولو عايز تتأكد : جرب النهاردة انزل ودور علي شاشة 15 بوصة - ببساطة شديدة مش هتلاقي فبالتالي هتجيب 17 او 19 - وبالتالي السوق هو الي بيوجهنا للي المنتج عايزه

اعمنل الاوردر ولا التوافقية عاملة ايه لاني عندي برامج كتير مابتشتغلش غير 32 بت

يا كريم خليك في ال32 بت طالما عندك برامج 32 والأحسن جرب علي كمبيوتر البيت ولو مش عجباك اعمل uninstall ليها وكأنك يا ابوزيد ما غزيت
وممكن تنزل ال advisor بتاعها من علي النت او من اللينك الي كنت حطيته في الموضوع الي قبل دة وهو هيعملك تقرير يقولك تنفع معاك ولا لاء

نورت الموضوع يا كريم
واتمني تجربها
وتشاركنا الرأي بملاحظاتك

والله المستعان
،
،

[SYD]

جربت النسخة لآكثر من شهر سابقاً ... وكانت سريعة .. جميلة .. تحس انها معمولة لاجهزة التابلت والسمارت فون التاتش .
لاكن فى النهاية شيلتها لعدم توافقها التام مع بعض البرامج لانها مازالت برضوا تجريبية ... والموضوع ده كان اتكلم عنها زمان .
http://www.nilemotors.net/Nile/247068-windows-8-a.html

اكثر من شهر ؟؟؟؟
يبقي انت نزلت الdeveloper
لا دي نسخة تانية بتاعة المستهلك consumer

شكرا علي التجربة ومشاركتك معانا في الرأي

لك تحياتي

والله المستعان
،
،

[SYD]

طيب انا بعد ما نزلت النسخة من الرابط بتاعها 3 جيجا و شوية لاقيت الملف المضغوط فاضى :(

فاضي ؟؟؟؟

لا طبعا

ازاي

الملف مش مضغوط
دة ملف iso

لو عندك nero بيشوفه وممكن تعمله اسطوانة
او ممكن تعمله علي فلاشة وتستطب منها

جرب تاني

وياريت تقولنا بتعمل ايه عشان نساعدك
وتشاركنا التجربة

والله المستعان
،
،

[SYD]

انا شايف انها مصممه للتابلت والسمارت فون .. وغير مناسبه لأجهزة الديسك توب

كلامك سليم 100% وملاحظتك في محلها
دة حتي الفيديو الأعلاني بتاعها معمول علي computer pad
فواضح انها معمولة للتابلت

مجرد حركه استثماريه من ميكروسوفت .. علشان تبقى سباقه في الموضوع ده .. خاصه مع انتشار اجهزة التاتش

مش سباقة اوي ولا حاجة
دة هي دايما كدة في اخر الركب
جوجل وابل سبقتها بسنين

هي كانت سباقة بالويندوز موبايل بتاع i-mate

انا ماحدثتش من اكس بي لويندوز 7 .. غير لما حسيت اني فعلا محتاج لكدة ..


مظبوط
انا كمان فضلت متردد شوية وخصوصا اني كنت من اشد المعجبين ولكن بالفيستا
واستنيت لحد لما جبتها genune بالتراخيص بتاعتها ونزلتها

وحتى الان ويندوز 7 فوق الرائع .. وملبي جميع الاحتياجات وسريع معايا وزي الفل

best practice
ماتغيرش لما تحتاج فعلا للتغيير
زي الي بيقسم الهارد كله لعدة partitions وفي النهاية مش بيحط حاجة غير علي واحد بس فيهم وبيسيب الباقيين فاضيين
طب ما من الأول اعمل او قسسم واحد بس ولما يخلص وتحتاج تاني ابقي قسسم تاني وتالت

شكرا علي مرورك
وعلي مشاركتك المتميزة

والله المستعان
،
،

[SYD]

لسه ياجماعة النسخة تجريبيه وفيها ثغرات امنيه وموصلتش للشكل النهائى اللى المفروض تكون عليه
فحتى الان الويندوز 7 افضل
اما دى للتجربه فقط واستطلاع راى من مايكروسوفت للمستخدمين
لانك المفروض تبعتلهم تقارير ال error اللى بتظهر اول باول عشان يحلوا المشاكل اللى بتظهر

كلامك سليم 100%

فعلا خطوات تنزيل اي operating system انها بتبدأ ب نسخة تجريبية for free وطبعا دة مش عشان سواد عيونا
لا طبعا
دة عشان انا وانت وغيري وغيرك يجربها الي بيشغل اوفيس والي بيشغل جرافيكس والي بيشغل برمجة والي والي والي وكل واحد يطلعله ايرور غير التاني
والطبيعي اننا نعمل send error وليس كعادتنا بنعمل don't send
التقرير دة الي بنبعته بيبقي ليه رقم مسلسل بنوعية المشكلة يعني كل نوعية من المشاكل وليها سيريال خاص بيها بيتبعت عند مايكروسوفت في حاجة اسمها Microsoft Quality Labs بيحللوا المشكلة وبيشوفوا اسبابها وطرق علاجها سواء اخطاء برمجية في السيستم او اخطاء في كود البرنامج وعدم توافقية مع السيستم وبالتالي بيرجعوا فيها للvendor صاحب البرنامج وبيعملهم باتش batch يصلح الأكواد بتاعته
وفي النهاية سواء الأخطاء من السيستم
او security
او مجرد تحديث للسيستم
او batch لبرنامج
او hot fix في السيستم عشان يعالج عيب توافقية مع احد البرامج
او new device driver
او تحديث ل application

كل دة بيتحط في الأعتبار وينزل في نسخة تجريبية تانية تالتة لحد لما يستقروا علي اكثر نسخة متوافقة مع اكبر عدد من المستخدمين وبينزلوا حاجة اسمها RC او Release Candidate او بيسموها النسخة المقترحة او الأصدار المرشح انه يكون النسخة النهائية final release

وحتي بعد نزول الفاينل بردو بيحصل اخطاء وبناء عليها بيعملوا كل شوية windows update ولما كمية الأبديت تكتر يقوموا يعملوا SP او Service Pack ودة طبعا عشان يوفر عليك ال download من علي النت وبردو مش عشان سواد عيونك ولكن عشان ماتشغلش السيرفر بتاع microsoft update فبالتالي المصلحة للطرفين

بشكرك جدا علي مرورك ومشاركتك المتميزة


والله المستعان
،
،

[SYD]

الف سلامه يا هندسه

الله يسلمك يا ابو حميد
كان دوور برد كدة سريع وبفضل الله قمت منه بخير

الويندوز بقي لذيذ جدا مع التابليت والاسكرول عامل زي الموبايل بالظبط ، لكن في حاجه إما انا مش عارفها او عيب في منتهي الغباء

دلوقتي انا شغال تاتش بس ولا ماوس ولا قلم ، هفتح قايمه ستارت ازاي !

اما عن طريق زرار الويندوز (المرسوم عليه لوجو ويندوز)
او انك تروح لأقصي اسفل يسار الشاشة وتدوس كليك (بالظبط في نفس مكان ستارت المعتاد)

وهطلع البار اللي في الجنب ازاي ، زي البار اللي فيه شت داون ده ! المفروض دول علشان يظهرو لازم اجيب الماوس في اقصي طرف الشاشه

بالظبط كدة

ومن الحاجات اللطيفه برضو لما افتح السيتنج بتاع التاتش يقولي لو الشاشه تاتش المسها علشان يكمل ولو مش تاتش اضغط انتر ، المس الشاشه يقولي اوك تمام اضغط انتر بقي علشان يكمل ههههههه اضطر افتح الشاشه تاني علشان استخدم الكيبورد

شاشتك تاتش ؟؟؟
اللهم صلي علي النبي
هههههههه
انت فكرتني بايرور قديم اوي في منتهي الغباء
لو انت مش مركب keyboard كان يقولك رسالة دة نصها
keyboard error, press f1 to continue
طب هدوس ف1 ازاي ؟؟؟؟؟؟؟؟؟؟؟؟؟


ايه الناس دي

نورت الموضوع يا ابو حميد
وشكرا علي ردك المتميز وتجربتك الرائعة

وسلامي للأستاذ ابراهيم

والله المستعان
،
،

[SYD]

نزلت الصهى 8 - وكان اول انطباع ان الكمبيوتر بقي محمول
وملحقتش اتهنى بيه
دخل عندى فيروس
منع النت وبدا شويه بشويه يمسح لى البرامج -- فقدت برامج كتير -
ولحقت نفسي وفرمت الهارد ورجعت ل الاكس بي
ومش عارف ايه اللى جاب الفيروس النسخه ولاموقع من النت اللى يا دوب دخلته علشان اجرب
سرعه النت - ويمكن الغلطه انى دخلت نت وانا لسه بستطب الانتى فيروس ال avg

معلش يا باشا
خيرها في غيرها
وانشاء الله تنزلها تاني وتجربها وتقولنا ملاحظاتك عليها

شكرا علي مرورك

والله المستعان
،
،

[SYD]

بس انا عندى مشكلتين يارب حد يعرف حلهم
1-فى لعب مش عايزة تشتغل زى stronghold
2-انا متعود اقفل الجهز hibernate بس فى النسخة دى مش عايز يقفلhibernate
ياريت ياجماعة لو حد عنده حل.

بالنسبة للألعاب انا مش خبرة فيها بصراحة
ولكن طبيعي في البداية عدم توافق البرامج مع النيو سيستم

جرب تعمل كليك يمين علي ايكونة التشغيل بتاعة اللعبة واختار properties
هيفتح معاك dialog box اختار الtab بتاعة compatability
واختار run in xp modeاو 7 mode او اي موود انت شايف ان اللعبة كانت بتشتغل عليه

جربها وقولنا النتيجة

اما بالنسبة للهايبرنيت hibernate
ادخل جوة ال control panel
افتح power option
دور جواها علي hibernate

معلش انا اصلي في الشغل وقاعد علي اللاب توب وبالتالي ويندوز 7 لما اروح انشاء الله هشوفهالك في البيت علي ال8
بس عموما هي مش هتخرج عن كدة

اما بقي لو هي معمولها disable
انا فاكر كان في امر command بنرنه run it في الrun او من علي الCMD
الأمر كان بيشغل الhibernate
افتح الrun عن طريق زرار الويندوز وزرار الr
اكتب فيها powercfg -h on
هيشغل الhibernate

بس جرب الأول من الكونترول بانل لأنها ممكن تكون شغالة اساسا

او جرب زي الويندوز اكس بي كنا لما نفتح خيارات القفل كنا بندوس shift يقوم يظهر الhibernate بدل stand-by

شكرا علي مشاركتك الفعالة والأيجابية
وفي انتظار المزيد من الأكتشافات

والله المستعان
،
،

[ghostmido]

ربنا يباركلك ياباشا

بالنسبة للgames انا مش حاطط ليها shortcut على desktop يعنى باروح اجيبها من applications فبالتالى مش عارف اعملrightclick.
بالنسبة لل hibernate هى الiconموجودة عندى بس كل لما اعمل hibernate ممكن ياخد فترة كبيرة جدا يعنى ممكن يوصل لخمس دقائق عشان يقفل او ممكن يطول ومش يقفل او يقفل وبعد حبة الويندوز يفتح تانى لوحده على فكرة امكانيات الجهاز حلوة (intel core i3 &4gb ram)
وشكرا يا جميل على المتابعة و الاهتمام.

[Ahmed Selim]

بالنسبة للgames انا مش حاطط ليها shortcut على desktop يعنى باروح اجيبها من applications فبالتالى مش عارف اعملrightclick.
بالنسبة لل hibernate هى الiconموجودة عندى بس كل لما اعمل hibernate ممكن ياخد فترة كبيرة جدا يعنى ممكن يوصل لخمس دقائق عشان يقفل او ممكن يطول ومش يقفل او يقفل وبعد حبة الويندوز يفتح تانى لوحده على فكرة امكانيات الجهاز حلوة (intel core i3 &4gb ram)
وشكرا يا جميل على المتابعة و الاهتمام.

ال games

من all programs روح على الجيم اللى أنت عاوزه و بدل ما تدوس كليك عادية دوس رايت كليك.... و كمل زى ما سيد قالك.

الهايبرنات فكرته أنه بيحفظ كل الحاجات اللى أنت فاتحها فى ملف...........الملف ده حجمه زى حجم الرامات عندك...........يعنى لو عندك 4 جيجا رام يبقى الملف هيبقى 4 جيجا.
كل لما تكون فاتح حاجات أكتر كل ما هياخد وقت أطول علشان يحفظها على الملف.........و طبعاً الموضوع ده بيفرق فيه برضه سرعة الهارد ديسك بتاعك.......يعنى لو هارد سرعته 5400 هيكونى بطئ عن هارد سرعته 7200 علشان يحفظ نفس الملف.