إعـــــــلان

Collapse

.

,
See more
See less

ايه انسب الطرق للحفاظ علي بطارية النوتبوك والموبايل

Collapse
X
 
  • Filter
  • الوقت
  • Show
Clear All
new posts

  • ايه انسب الطرق للحفاظ علي بطارية النوتبوك والموبايل

    السلام عليكم ورحمه الله
    زي ما باين من العنوان عايز كل واحد بيفهم في الموضوع ده يدلدل دلوة :-)
    لو جبت لاب توب جديد احافظ علي بطاريتة ازاي لاطول فترة ممكنة
    وايه عدد مرات الشحن قبل ماتبوظ
    لبطاريات ليثيوم
    والموبايل خاصة ان بطاريات الموبايلات الجديدة غالية جدا
    ومهم الواحد يحافظ عليها
    وهل الشحن من العربية بيجيب اجل البطاريات فعلا
    حتي لو شاحن اصلي بس مش لنفس الامبير
    يعني كان معايا شاحن يو اس بي الجديد بتاع نوكيا n97
    وده يشحن النوت بس مقلق منه خاصة ان النوت عايز اوتبوت عالي
    وانسب طريق لتفتيح البطارية الجديدة ايه
    شحنة طويلة ولا شحنتين ولا 3 شحنات
    وكل واحدة كام ساعة
    واخر حاجة
    هل شحن الكمبيوتر او الموبايل وهو مطفي افضل ولا شغال عادي
    ده لو متاح شحنة اثناء الليل يعني وتركه حتي الصباح
    وشكرا مقدما

    جروب ورشة نايل موتورز علي الفيس بوك


    صفحة ورشة نايل موتورز على الفيس بوك


  • #2
    متابع باهتمام شديد
    هو انا على حسب معلوماتي البسيطة المتواضعة واللي انا ملتزم بيها
    بالنسبة للاب توب انا دايما بشحن بطاريته واخليها بعيدة عنه طالما انا مشغله على الكهرباء ومن فترة للتانية بركبها واشغله عليها لغاية ما تفضى تماما واشحنها وهو مطفي لغاية ما تتملي واشيلها تاني ولغاية دلوقتي الحمد لله كفائتها جيدة جدا

    بالنسبة للموبايل لا يفضل الا الشحن بالشاحن الاصلي ويارت يكون الموبايل طافي شحن بمعني انه شحنه خلص لدرجة انه انطفئ طلقائيا. وتشحنه وهو مطفي. وحاول تشوف البيانات اللي مكتوبة على الشاحن اللي هي الفولت والامبير الخارج وتسجلها عندك علشان لو اتمسحت من على الشاحن او اتزنقت واضطريت تستخدم شاحن تاني

    لا يفضل استخدام شاحن السيارة الا للضرورة خاصة في السيارات القديمة لأن كهربتها غالبا مش بتبقى زي كهربة المنزل او السيارات الحديثة

    طبعا المعلومات ديه مش اكيدة. دي مجرد اجتهاد وان شاء الله نسمع اراء خبراء المنتدى ونستفاد منهم
    [COLOR=blue]------------------------------------[/COLOR]
    [RIGHT][FONT=Arial (Arabic)][SIZE=5][SIZE=3][COLOR=blue]وليد عبد العزيز[/COLOR][/SIZE][/SIZE][/FONT][/RIGHT]
    [RIGHT][FONT=Comic Sans MS][COLOR=blue]Opel, 1 Team, 1 Goal, 1 Family :friends:[/COLOR][/FONT][/RIGHT]
    [RIGHT][FONT=Comic Sans MS][COLOR=#0000ff]لو لم اكن اوبلاويا لوددت ان اكون اوبلاويا[/COLOR][/FONT][/RIGHT]
    [SIGPIC][/SIGPIC]

    Comment


    • #3
      هحطلك بوست كنت كاتبه زمان على موقع الدي في دي وهما مسحو الموضوع

      الموضوع كان باسم:
      الاستخدام الامثل لبطارية اجهزة الكومبوتر المحموله

      من كلمات وبحث العبد لله


      --------------------------------------------------------------------------------

      السلام عليكم

      اسعد الله اوقاتكم حيثما كنتم

      البعض هيقولي ده مش المكان المناسب للموضوع...

      هقوله اني فضلت المكان ده لسبب

      اغلب اللي بيدخل المنتدى هنا هما الناس اللي مقبله على شراء اجهزة لابتوب
      وبالتالي فهو جديدعالدنيا بتاعة استخدام البطاريه دي

      ومش بس كده

      اول اما الواحد بيشتري لاب جديد
      بيفضل متابع السوق والاسعار فتره عشان يطمن انه مضيعش فلوسه في الهوا
      وبالتالي المكان ده تم اختياره لفتح التوبيك..

      ولو حد من المشرفين شايف انه النقل الى مكان اخر افضل فهوا طبعا مشكورا على النقل....

      كان هذا الموجز واليكم التفاصيل
      هههههههههههههه

      حابب انبه على حاجه في الاول..

      للاسف كتير مننا عنده معتقدات غريبه في شأن بطاريات اللابتوب
      منها مثلا:
      البطاريه بتاعة اللاب هيا اكتر حاجه بتبوظ فيه!
      متشحنش البطاريه عشان تفضل جديده!!

      متشلش البطاريه من الجهاز ابدا ومش مشكله خليها مشبوكه في اللاب علطول لانها بتفصل لمجرد ان الشاحن يتشبك!!!!

      بصو المعتقدات كتير جدا وكل يوم بشوف كلام اجدد وحاجات اعجب
      ههههههههههههههه
      دي بس امثله مش اكتر....


      لو هبدأ اتكلم على الاستخدام

      هبدأ بالكلام على حاجه مهمه جدا جدا جدا

      انا النهارده اشتريت لابتوب..

      ياترى هل في حاجه اعملهاوانا هستخدم اللاب لاول مره؟

      الجواب
      طبعا اه في حاجات مهمه جدا جدا
      الحاجات دي
      تفرق عالاقل 6 شهور زياده في عمر البطاريه!!!!

      واحد هيقولي ياعم انتا حتهرج؟ يعني هتفرق ايه اول مره استخدمها من غيرها ايه

      هرد ببساطه وهقوله الآتي

      يااخي الحبيب
      البطاريه دي بتتصنع في مصنع مختلف تماما عن شركة اللابتوب
      ولحد ماتوصل من المصنع وتتركن لحين صدور الجهاز
      غير ان ياما اجهزة من موديلات مختلفه لنفس الشركه وبتكون بنفس البطاريه فمش معقول انهم بيصنعو بطاريات على قد عدد اجهزتهم
      لا طبعا
      بيبقو مستوردين كمية بطاريات مهوله عشان تغطيهم دايما....

      طب وايه يعني الكلام ده؟

      باختصار... البطاريه مليانه مواد كيماويه مع الركنه بتكون في حالة خامله ومحتاجه تتنشط...
      اقرب مثال
      اسألو اي واحد عنده موبايل باظ منه من 3 شهور
      وخد الموبايل لمحل صيانه دلوقتي

      هيقوله البطاريه نايمه ومحتاجه تتقوم
      وبيحطها على شاحن خارجي عشان تشحن وترجع تشتغل....

      طيب ييجي السؤال المهم
      ازاي ياترى انشط البطاريه واخليها في كامل لياقتها البدنيه؟
      ههههههههههههههههه

      خلي بالكم الكلام المكتوب هنا هينطبق على شخصين
      الاولاني اشترى لابتوب جديد
      التاني اشترى بطاريه جديده
      ...

      اول اما تجيب الجهاز
      خليك تقيل شويه
      ومش لازم تفتح الجهاز دلوقتي رجاءا
      الصبر جميل
      البطاريه بتيجي مشحونه من المصنع بكمية بسيطه جدا وساعات للنص وبتختلف
      ملهاش قاعده
      وبالتالي متجربش تشغل الجهاز دلوقتي...

      طلع الجهاز من الكرتونه ووصل الشاحن
      عالاقل البطاريه لازم تشحن من 6 - 8 ساعات متواصله...
      مش الهدف انها تشحن فل وخلاص
      لا
      في حاجه اسمها reset of the cells مبتحصلش الا بالطريقه دي والريسيت ده مهم عشان بيخلي الطاقه الاستيعابيه للبطاريه اعلى...

      عملت اول خطوه دي كده عملنا جزء من المهمه...

      بعد اما البطاريه تتشحن الفتره اللي قلناها، هتاخد الجهاز تشغله بدون الشاحن
      عالبطاريه فقط
      لحد اما الجهاز يديك تنبيه ان البطاريه قليله

      انا بفضل ان لو الجهاز بيقولك فاضل كام % من البطاريه انك تستعملها لحد اما توصل ل 12 % او اخرك 10%
      اهم حاجه متوصلهاش ل 5% دي اطلاقا

      لما توصل للمرحله دي
      افصل الجهاز وارجع اشحنه زي اول مره من 6 - 8 ساعات....

      هنكرر العمليه دي 3 مرات
      تشحن 6-8 ساعات وتفضيها ل 10%.....

      لو عملت كده مبروووووووووك
      بطاريتك اتنشطت وللحد الاقصى كمان....


      ده بالنسبه لاول استعمال للبطاريه
      سواءا زي ماقلت اللاب كله جديد او البطاريه جديده...


      نيجي بقا للاستخدام فيما بعد
      هحط شوية حاجات بسميها

      فنون التعامل مع البطاريه

      ايوة فنون
      لازم تتعود انك تكون مش مستخدم عادي
      خليك محترف ومتميز
      ههههههههههههه

      مبدئيا عايز اقول شوية حاجات ومعلومات...
      البطاريات عموما
      بتتعب من قلة الاستخدام ومن كترته على حد سواء!!
      يعني لو استخدمت البطاريه قليل البطاريه هيقل نشاطها جامد
      ولو استخدمتها كتير هيقل عمرها...

      كتر الشحن والتفريغ بيقلل عمر البطاريه جدا جدا...

      كمان حاجه عايز اقولها...
      مفيش جهاز بطاريته مبتبوظش!!
      لكن الشطاره انها لما تبوظ تبوظ بعد عمر طويل من الاستخدام الرشيد...

      هبدأ في الفنون بقا...

      اولا:
      لازم مرتين اسبوعيا بطاريتك تتشحن للفل وتفضى لل 10%

      مع مراعاة انك متفضيش البطاريه بسرعه

      يعني متبقاش مفجوع
      اول اما المؤشر يقولك فل تروح فاصلها ومشغل جيم وتفضيهافنفس الوقت
      ههههههههههههههه
      لو عملت او كنت بتعمل كده
      اضمنلك ان بطاريتك مش هتكمل 8 شهور على بعض!!
      ههههههههههههه

      انما انا بقول اشحنها فل ولما تتشحن وانتا مش هتغير مكانك او انتا في السرير ومش هتقوم
      افصلها وكمل شغلك عالشاحن لحين ماهتقوم او كده ساعتها خد البطاريه واشبكها وخليك عليها لحد اما تفضيها لل 10%....

      ثانيا:
      متتصورش ان الجهاز وهوا عالبطاريه مهما كان ومهما كانت بطاريته قويه هيديك نفس الاداء
      اطلاقا
      الجهاز بتقل كفاءته وهوا عالبطاريه...
      لذلك خليك ذكي
      متستخدمش الجهاز عالبطاريه الا لو انتا عارف انك مش محتاج اداء عالي...
      يعني مثلا متستخدمهاش وانتا عارف انك هتلعب جيم دلوقتي او هتشتغل جرافيك

      انما لو انتا متاكد انك مش هتعمل حاجه غير مثلا تصفح وتشاتنج مثلا وطباعة ملفات وورد وهكذا يبقى ده وقت مناسب لاستخدام البطاريه...

      ثالثا:
      في شوية حاجات لو عملتها وانتا شغال عالجهاز عالبطاريه بتخلي البطاريه متستهلكش بسرعه
      وطبعا كل ماكانت بطاريتك بتتشحن ببطء وتفضى ببطء كان ده لمصلحة البطاريه طبعا...
      هحاول اقول عالحاجات كلها ولو في حاجه افتكرتها كمان هبقى ازودها لاحقا ان شاء الله...

      1- احنا قلنا اننا عالبطاريه مش هنستخدمه في حاجات محتاجه اداء عالي
      وبالتالي اول خطوة تعملها ونتا جاي تاخد اللاب من الشاحن وتمشي عالبطاريه انك تغير الباور اوبشينز بتاعة الوندوز الى الباور سيفر او البالانسيد...
      في ناس هتضربني عارف
      ههههههههههههههههههه
      هتقولي ايه الحاجات الغريبه دي
      هقولك باختصار
      وانتا شغال عالجهاز بص جنب الساعه تحت.... شفت علامة البطاريه الجميله
      هههههههههههههه
      تعالى عندها
      لو انتا في وندوز فيستا اضغط عليها واختار منها
      power saver
      ولو حسيت الجهاز بطئ شويه معاك ابقى غيرها لل
      balanced

      اما لو كنت في وندوز اكس بي فانا على ما اذكر هتدخل عالباور اوبشنز وهتلاقي سهم جنبه انتا عايز ايه من اللاب
      وجوا السهم ده اختيارات كتير
      منها
      portable laptop
      maximum baterry
      minimum power managment
      وفي اختيارات اخرى

      فانتا هتختار ماكسيمام باتري


      ومتنساش
      لما ترجع الجهاز عالشاحن تبقى ترجع الاستخدام بقا في الفيستا على ال
      high performance
      وعالاكس بي ل
      portable laptop


      الخطوه دي مهمه جدا
      وهقول بتشتغل ازاي باختصار
      لما بنختار باور سيفر
      الوندوز بيقلل من كفاءة البروسيسور وكرت الشاشه
      بالاضافه الى انه بيقلل كذا حاجه وبالتالي استهلاك اقل
      وده مش هيأثر على الشغل لاننا اتفقنا من الاول اننا مش هنشتغل عالبطاريه واحنا محتاجين اداء عالي....

      2- خلي بالك من حاجه
      متخليش كل الاوبشنز في اللاب مفتوحه وانتا مش محتاجها....
      مثلا
      لو انا مش عايز استخدم البلوتوث
      ليه اخليه مفتوح وبيسحب من البطاريه ويفضيهالي؟

      ده مثال
      الحاجات اللي ممكن تتقفل هقول منها:
      الوايرليس لو مش محتاجه
      البلوتوث
      الكاميرا
      السي دي روم متسبش جواه سي دي
      اي حاجه مشبوكه يو اس بي (فلاشه كارد ريدر فاره مروحه اي حاجه)

      3- اضاءة الشاشه
      اضاءة الشاشه من اكتر الحاجات اللي بتشفط البطاريه شفط!!
      وبالتالي وانتا عالبطاريه
      لو انتا قاعد فمكان اضاءته كويسه
      قلل اضاءة الشاشه الى الحد اللي تحس انك مرتاح بيه(مش على حساب عينك الغاليه يعني)
      وطبعا احنا بنقللها عن طريق زرار FN + زرار تقليل الاضاءه (F8 h, سب نوع جهازك)
      والحركه دي حلوة جدا في موقف
      نفترض انك عايز اداء عالي عالبطاريه دلوقتي
      هتخلي الجهاز على الهاي بيرفورمانس
      وعوضها من اضاءة الشاشه وبكده كأنك عملت ميزان عليت فيه كفة الاداء على حساب الاضاءه...

      كل الحاجات دي هتوفرلك في البطاريه وتخلي البطاريه متستهلكش بسرعه
      وبالتالي متفضاش بسرعه ومتحتجش تتشحن كتير فتعيش اطول فتره ممكنه

      رابعا:
      اوعى تخلي البطاريه توصل باي حال من الاحوال لحد 3% !!!

      ده بيقلل عمر البطاريه جامد جدا جدا جدا
      خامسا:
      الافضل لشحن البطاريه انك تشحنها والجهاز مطفي
      ازاي؟
      مثلا
      انتا دلوقتي كنت بتشتغل عالبطاريه
      وصلت البطاريه ل 10 %
      هتروح موصل الشاحن
      وافصل البطاريه
      متخليهاش تشحن في الحاله دي
      لان الماده الكيميائيه جوا في قمة استهلاكها
      فانتا لو شحنتها هتبقى حملتها فوق طاقتها وبالتالي بتستهلكها بزياده
      وانما الافضل
      انك بعد اما تخلص بقا شغلك وخلاص هتطفي الجهاز
      اطفي الجهاز واشبكها بقا تشحن براحتها ومحدش بيسحب منا حاجه...

      سادسا:
      لو انتا محتاج البطاريه انها تتشحن (لانك خارج مثلا ومكانتش مشحونه) وفنفس الوقت محتاج الجهاز
      اشحنها عادي
      بس حاول متخليش الجهاز على الهاي بيرفورمانس
      وانما خليه على الباور سيفر او حتى عالبالانسد (ماكسيمام باتري او مينيم باور مانجمنت)
      وده بالتجربه ولو عايز تتاكد
      جرب اشحن البطاريه والجهاز عالهاي هتلاقيها اتشحنت في وقت ومده اطول بكتيييير من لو الجهاز عالباور سيفر

      سابعا:
      ظبط الجهاز بحيث انه لمايكون عالبطاريه
      انه يفصل الشاشه بعد دقيقه او اتنين من عدم الاستخدام
      وانه يعمل ستاندباي بعد 5 دقايق والافضل منه الهايبرنيت...

      وطبعا ده هيقلل الحمل عالبطاريه جدا خصوصا لو انتا فعلا من النوع اللي بيحب يستخدم البطاريه وبتسيب الجهاز مثلا هتعمل شاي او هترد على التلفون... الخ

      ثامنا:
      من اكتر الحاجات اللي بتضر وبتقلل عمر الجهاز ككل وخصوصا البطاريه
      هيا الحراره الزائده

      حاولو تستخدمو كولرز ومتحطوش الاجهزة على سطح مكتوم زي البطانيه او الفرشه
      وانما الافضل على طربيزه او ستاند
      وده طبعا لمصلحة الجهاز ككل وللبطاريه ان شاء الله

      تاسعا:
      اهتم بنضافة اللاب ككل
      وبالذات البطاريه
      متخليش التراب يتراكم عليها وعلى البيننات بتاعتها
      ده كله بيولد حراره وبيقلل عمر البطاريه

      عاشرا واخيرا:
      اوعى تسيب البطاريه فترات كبيره من غير شحن
      لان انتا كده بتدي مجال لان البطاريه تدخل في حالة الخمول

      نفترض انك عملت كده بالغلط او غصب عنك لاي سبب كان
      هتعامل البطاريه زي معاملتنا ليها وهيا جديده لاول مره....

      متنسوش
      انا نبهت فوق عالموضوع ده وبكرر
      لازم مرتين في الاسبوع البطاريه تتملي فل على راحتها وتفضى ل 10% برضو على راحتها...


      الخطوات اللي فاتت دي كلها اجتهادات شخصيه وبتجارب وقراءه كتير في الموضوع....
      وبالخطوات دي اضمنلك ان عمر بطاريتك هيبقى عالاقل سنتين ونص تشتغل فيهم بكل كفائتها وتعيش بعد كده سنه كمان لحد اما تموت خالص...

      وتنبيه
      الموضوع كله كتبته لاجل الدي في دي واحبابي في الله في الدي في دي
      وهوا حصري هنا
      ارجو عدم نقله الى اي مكان او منتدى اخر الا مع ذكر المصدر
      واي مخالفه لذلك فانا مش مسامح الناقل...


      يارب اكون وضحت للكل ازاي تتعاملو مع البطاريه
      ويارب يطول في عمر بطارياتكم
      ههههههههههههههههههههههههه
      وعمركم كمان ولا تزعلو


      واي استفسار او نقد او مشاركه انا مرحب بيها جدا

      ماكان مني من صواب فمن الله وماكان من خطأ فمن نفسي والشيطان
      اشهد ان لا اله الا انت سبحانك استغفرك واتوب اليك


      شكرا لكم جميعا وآسف على الاطاله
      وياريت دعواتكم ليا بالتوفيق..



      تحياتي

      __________________
      don't judge a car unless you have driven it

      hm414 سابقا

      Comment


      • #4
        في لابتوبات ممكن تفصل استخدام البطاريه بالضغط علي fn+f3 تقريبا
        و بكده كانك فاصل البطاريه و شغال علي الباور الخارجي
        او تسيبه يفرغ البطاريه و قبل الاخر تشحن و هكذا دايره شحن و تفريغ يعني

        Comment


        • #5
          المشاركة الأصلية كتبت بواسطة hm414 مشاهدة المشاركة
          انا بفضل ان لو الجهاز بيقولك فاضل كام % من البطاريه انك تستعملها لحد اما توصل ل 12 % او اخرك 10%
          اهم حاجه متوصلهاش ل 5% دي اطلاقا

          -----------------------------------------------------------

          رابعا:
          اوعى تخلي البطاريه توصل باي حال من الاحوال لحد 3% !!!

          ده بيقلل عمر البطاريه جامد جدا جدا جدا

          أنا مش فاهم ليه النقطتين دول .. مش المفروض عشان أشحن البطارية دورة شحن كاملة تكون فضيت على الآخر وبعد كدة أحطها على الشاحن لغاية ما تشحن على الآخر ... ليه بقى ما أخليهاش توصل لغاية 5% أو 3% .. إيه الغلط في كدة فنيا وليه بيقلل عمرها

          وبارك الله فيك وجزاك خيرا على الشرح الجميل جدا ده
          [CENTER][U][FONT=Courier New]D . a . \ A Y M A N[/FONT][/U][/CENTER]
          [CENTER][U][FONT=Courier New]A . S . Y[/FONT][/U][/CENTER]

          N.Y.S.M.A سابقاً

          Comment


          • #6
            المشاركة الأصلية كتبت بواسطة D . a .\ AYMAN مشاهدة المشاركة
            أنا مش فاهم ليه النقطتين دول .. مش المفروض عشان أشحن البطارية دورة شحن كاملة تكون فضيت على الآخر وبعد كدة أحطها على الشاحن لغاية ما تشحن على الآخر ... ليه بقى ما أخليهاش توصل لغاية 5% أو 3% .. إيه الغلط في كدة فنيا وليه بيقلل عمرها

            وبارك الله فيك وجزاك خيرا على الشرح الجميل جدا ده
            Full battery discharges (until laptop power shutdown, 0%) should be avoided, because this stresses the battery a lot and can even damage it. It's recommended to perform partial discharges to capacity levels of 20~30% and frequent charges, instead of performing a full discharging followed by a full charging.

            انا شبهتها بكباية مية
            لو بتملى كباية مية فاضيه تماما هل هو اسهل ولا انك تملاها وفيها الثلث؟

            البطارية لما تفضى للزيرو سواءا موبايل او لابتوب
            لما البطاريه هتوصل زيرو الجهاز هيطفي
            وحضرتك فرضا مخلصتش الشغل
            هتلاقيك شبكت الشاحن وشغلت الجهاز وكملت الشغل او المكالمه

            في الحالة دي هتلاقي الضغط عالي جدا عالبطارية لانها مش ملاحقة تتشحن وتملى الا وانت مستهلكها
            كأنك بالظبط بتحاول تملى حوض بلاعته مفتوحه

            لكن لو البطارية مشحونه مثلا 10-15% وانت هتعمل مكالمه
            يبقى المكالمه هتسحب من الجزء المشحون وهتوفر طاقة الشاحن لشحن جزء تاني من البطاريه

            ومتنساش ان البطارية خلايه وبشكل واضح في اللابات البطاريه مثلا 3 سيل او 6
            ف20% يعني في عالاقل سيل كاملة مشحونه وتنفع مصدر طاقه لوحدها...


            وصلت الفكره؟؟


            تحياتي
            don't judge a car unless you have driven it

            hm414 سابقا

            Comment


            • #7
              المشاركة الأصلية كتبت بواسطة hm414 مشاهدة المشاركة
              full battery discharges (until laptop power shutdown, 0%) should be avoided, because this stresses the battery a lot and can even damage it. It's recommended to perform partial discharges to capacity levels of 20~30% and frequent charges, instead of performing a full discharging followed by a full charging.

              انا شبهتها بكباية مية
              لو بتملى كباية مية فاضيه تماما هل هو اسهل ولا انك تملاها وفيها الثلث؟

              البطارية لما تفضى للزيرو سواءا موبايل او لابتوب
              لما البطاريه هتوصل زيرو الجهاز هيطفي
              وحضرتك فرضا مخلصتش الشغل
              هتلاقيك شبكت الشاحن وشغلت الجهاز وكملت الشغل او المكالمه

              في الحالة دي هتلاقي الضغط عالي جدا عالبطارية لانها مش ملاحقة تتشحن وتملى الا وانت مستهلكها
              كأنك بالظبط بتحاول تملى حوض بلاعته مفتوحه

              لكن لو البطارية مشحونه مثلا 10-15% وانت هتعمل مكالمه
              يبقى المكالمه هتسحب من الجزء المشحون وهتوفر طاقة الشاحن لشحن جزء تاني من البطاريه

              ومتنساش ان البطارية خلايه وبشكل واضح في اللابات البطاريه مثلا 3 سيل او 6
              ف20% يعني في عالاقل سيل كاملة مشحونه وتنفع مصدر طاقه لوحدها...


              وصلت الفكره؟؟


              تحياتي

              تسلم ايدك ياباشا ... وبارك الله فيك
              [CENTER][U][FONT=Courier New]D . a . \ A Y M A N[/FONT][/U][/CENTER]
              [CENTER][U][FONT=Courier New]A . S . Y[/FONT][/U][/CENTER]

              N.Y.S.M.A سابقاً

              Comment


              • #8
                الله ينور بجد
                في معلومات اول مرة اقراها

                جروب ورشة نايل موتورز علي الفيس بوك


                صفحة ورشة نايل موتورز على الفيس بوك

                Comment


                • #9
                  البطاريات الليثيوم الجديدة بتبوظ لما تتفضى للاخر

                  البطاريات الليثيوم يفضل شحنها وهى عند 15% ويفضل فصل الباور او الشاحن عنها فورا عند الشحن ل 100%

                  لو حتخزن البطارية يجب شحنها حتى 80%

                  الشاحن يبقى استخدامة لحاجتين:

                  1- يشحن بطارية فقط وبعد ماتشحن تشيلها ماتسبهاش على الشاحن وهى 100%

                  2- يشغل اللاب بدون بطارية ! وشكرا
                  اللى حيضيع بلدنا : الفهلوة و كلمة باشا و معلش و أصل


                  [SIGPIC][/SIGPIC]

                  Comment


                  • #10
                    يعني معني كلامك يا شهدي لما توصل ل 100 % اشيلها واسيبه شغال على الباور دايركت ؟؟
                    ونعمل ايه في الاستعمال اليومي
                    يعني بشتغل في البيت كتير يبقي اشتغل على الكهرباء ولما اجي انزل ميتنج اخد البطارية معايا ؟؟؟

                    جروب ورشة نايل موتورز علي الفيس بوك


                    صفحة ورشة نايل موتورز على الفيس بوك

                    Comment


                    • #11
                      بالضبط كدة ... الشاحن و البطارية لا يلتقيان الا للشحن فقط
                      اللى حيضيع بلدنا : الفهلوة و كلمة باشا و معلش و أصل


                      [SIGPIC][/SIGPIC]

                      Comment


                      • #12
                        المشاركة الأصلية كتبت بواسطة ashouhdy مشاهدة المشاركة
                        بالضبط كدة ... الشاحن و البطارية لا يلتقيان الا للشحن فقط
                        انا مع حضرتك في المقوله دي بس في المنتجات من تلات اربع سنين مثلا و يمكن اكتر كمان
                        انما الحاجات الجديده مجرد ما البطاريه بتشحن ١٠٠٪ تفصل دايره شحن البطاريه و تشتغل من البور بتاع الشاحن (سواء لابتوب او موبيل) (و دي دايره لوجيك بسيطه)

                        اديك مثال
                        الابتوب بتاعي ماك بوك و ما تقدرش تشيل البطاريه الا اذا فكيت ظهر الكمبيوتر(مسامير) و ما فيش اي تحذير من انك تسيبه في البور
                        و الايفون برده بطاريته ما بتتشالش و كل الابل كده و بطاريته بتعيش بنفس كفائتها لمده طويله

                        ، معظم الموبايلات الجديده بتديك اشاره ان الموبيل اتشحن علشان تعرفك انه خلص شحن و بعدها بتفصل الشحن عن الجهاز و الدليل انك لو سبته شغال في الشاحن لفتره طويله بعد اكتمال الشحن شيل الشاحن و حطه تاني هاتلاقيه قعد يشحن تاني مع انك لسه شايله من الشاحن و خلص شحن بقاله يجي ٨ ساعات(متاكد منها و مجربه كتير في جالاكسي اس٢)

                        الاهم من ده تقري تحذير الصانع في الكتالوج لو تمام يبقي عادي ،و لو فيها مشكله شلها
                        اللهم إني أعوذ بك من علم لا ينفع ومن قلب لا يخشع ومن نفس لا تشبع ومن دعوة لا يستجاب لها

                        Comment


                        • #13
                          دة كان رد ليا في احد المواضيع للسؤال عن بطارية للاب توب بردو

                          المشاركة الأصلية كتبت بواسطة SYD مشاهدة المشاركة
                          نصيحة

                          ماتشتريش بطارية جديدة
                          البطارية الي ب300 جنيه دي بالتأكيد مش أصلية

                          البطارية الأصلية لا يمكن تحت اي حال من الأحوال تقل عن 600 جنيه بقول لن تقل يعني ممكن تزيد وتزيد بكتير كمان

                          احسن استعمال للبطارية
                          انك مبدئيا ماتستعملهاش غير للضرورة القصوي

                          يعني لو انت في البيت يبقي ماتركبهاش
                          لو انت في الشغل ماتركبهاش
                          لو انت في مكان فيه مصدر كهرباء جمبك ماتركبهاش

                          طب لما تفكها ، تفكها مشحونة ولا فاضية ؟؟؟؟؟؟!!!!

                          نص نص

                          بالظبط عند 40%

                          البطارية الليثيوم ليها عمر افتراضي يقاس بعدد مرات الشحن الكامل
                          الشحن الكامل
                          يعني ايه الشحن الكامل ؟؟
                          يعني تشحنها من 0% لحد 100%

                          بالتالي
                          احسن شحن يحافظ علي البطارية
                          لما تشحنها ابتداء من 15% ومعظم الكمبيوترات بتحذرك عند هذا المستوي طبقاً للPower Plan الموجودة في نظام التشغيل وتشحنها لحد مثلا 90% وتفصل الكهرباء

                          يستحسن ماتركبهاش غير للضرورة

                          ولما تكون فاصلها تماما ممكن كل شهر او 3 اسابيع تركبها شوية تخلص علي الشحن الموجود وترجع تشحنها للأخر لحد 100% وتفضيها لحد 10% او أقل وترجع تشحنها لحد مثلا 50% او 60% والأحسن زي ماقولنا لحد 40%

                          طب ليه هعمل كدة كل شهر او اقل ؟؟؟؟
                          عشان تنشطها من جديد ومتديهاش فرصة تخمل او تبوظ خلاياها

                          احتمال وارد جدا انك لما تركبها بعد فترة فصل طويلة انك تلاقيها خلصت شحن او وقفت الشحن عند 97% ودة امر طبيعي ووراد جدا
                          ماتقلقش
                          فضيها واشحنها كام مرة ورا بعض هتلاقيها ظبطت تاني ورجعت تملي لحد 100%
                          او ممكن لما تلقيها وقفت عند 97% تشيل الكابل شوية صغيرين وليكن 5 دقايق وارجع ركبه تاني لحد لما تشحن لحد 100% شيل وركب كذا مرة لحد لما تملي ل100%

                          انا شخصيا ماركبتش بطارية الكمبيوتر بتاعي غير مرات معدودة من حوالي سنة ونص والحمدلله بفضل الله البطارية بحالتها ويوم لما بركبها مش اقل من 3 ساعات شغل
                          بس بعد ايه ؟؟؟؟ بعد ماغيرت حوالي 3 كمبيوترات قبله وكل واحد بطاريته بتودع في حوالي 6 شهور

                          في ناس بتقول حفظ البطارية في كيس بلاستيك محكم الربط في فريزر الثلاجة
                          بس انا لا اميل لهذا الرأي

                          خليها دايما في شنطة الكمبيوتر ولكن بدون استخدام غير في الظروف القاسية جدا واعتقد ماحدش فينا بيشغل الكمبيوتر بتاعه ومفيش جمبه مصدر كهرباء

                          ومع كامل احترامي للDELL بس انا ماشوفتش منه كمبيوتر بطاريته بتعيش ابدا

                          تقبل مروري

                          والله المستعان
                          ،
                          ،
                          [CENTER][FONT=Lucida Sans Unicode][COLOR=darkred]Eng. Mohamed Sayed[/COLOR] [COLOR=black]|[/COLOR] [COLOR=sienna]MS Networking Trainer[/COLOR][/FONT][/CENTER]
                          [CENTER][FONT=Lucida Sans Unicode][COLOR=darkorange]IBIZA MK2 (Typ 6K) APQ 1.4 MPI R4 44KW - 60hp[/COLOR][/FONT][/CENTER]

                          [CENTER][SIGPIC][IMG]http://www.nilemotors.net/Nile/signaturepics/sigpic94704_5.gif[/IMG][/SIGPIC][/CENTER]
                          [CENTER]
                          [COLOR=DarkRed]صفحة القسم علي الفيس بوك[/COLOR]
                          [/CENTER]
                          [CENTER][URL]http://www.facebook.com/SeatNileMotors[/URL]

                          [COLOR=Navy]صفحتي الشخصية
                          [url]https://www.facebook.com/ITNetworksWay[/url]
                          [/COLOR] [/CENTER]

                          Comment


                          • #14
                            كلام هايل
                            وانا جايب توشيبا بورتجيي المفروض انها بتكنولجي الايكو لتوفير الطاقة وتقعد شغل من 6 الى 8 ساعات
                            وهي 6 خلايا بس

                            جروب ورشة نايل موتورز علي الفيس بوك


                            صفحة ورشة نايل موتورز على الفيس بوك

                            Comment


                            • #15
                              هو فعلا الاجهزة الحديثة كلها بتفصل البطارية اوتوماتيكي

                              ولو عايز تتأكد تعالى على علامة البطارية هيقولك 100% not charging
                              او يقولك fully charged not charging

                              فهو ريحك من موال انك تفصل وتشغل
                              لكن اللي بأكد عليه متستخدم الجهاز بشدة لو الجهاز بيشحن البطاريه فعليا



                              تحياتي
                              don't judge a car unless you have driven it

                              hm414 سابقا

                              Comment

                              Working...
                              X