مشكله قارفاني في الكمبيوتر

[FunnyMickey]

سلام عليكم ياشباب
بعد اذنكو بقالي 3 ايام في مشكله سخيفه مقابلاني علي الكمبيوتر بتاعي

انا عامل فايل عن ثوره 25 يناير ومنزل فيه فيديوهات من عاليوتيوب والفيس
من ساعه الثوره

الفايل ده كل ما افتحه يهنج
ويديني الرساله دي


وكذلك فايل الrealplayer download
بردو بيهنج
والحاجات اللي عليه انا محتاجها ومش حعرف المها تاني

ده فيروس ولا ايه بالظبط
قبل كده كنت بنسخ الفايلات واخدها في فايل تاني وخلاص
بيبطل يعمل الحركه دي
بس دلوقتي اول ما افتحه يهنج ويدي الرساله دي

ايه العمل دلوقتي ؟

[fiat128man]

ممكن حضرتك تنقله بال command line
copy path\foldername d:\newfolder

[sasa44]

حاول يا باشا تدخل على ال safe mode وتنقله من هناك
لو متنقلش ممكن تجرب برامج للنقل زي tera copy
لو متنقلش المشكلة هتكون من نسخة الويندوز يا اما لا قدر الله الهارد عليه باد سيكتور

[greenday]

بص يا باشا هقولك حاجة عن تجربة لان المشكلة دى حصلتلى قبل كده وهى غلبا بسبب مشكلة فى الكوديكس عشان كده اعمل uninstall لجميع الكوديكس وبرامج الفيديو او الأوديو اللى عندك ورسترت الجهاز وجرب تنقل وشوف هيحصل ايه وقولى

[Dojuar]

أخيرا جات العلامة اللي كنت مستنيها و محتار من غيرها

الثورة لعنة

وانت أولنا يا ميكي

وكل واحد فينا حايجيلي عليه الدور

ههههههههههههه

[amrelsaqqa]

افتح الفولدر ببرنامج تانى غير الويندوز اكسبلورر

يعنى تصفح الفولدر باستخدام برنامج winrar مثلا

وشوف اي ملفات غريبة او اسماء مش مظبوطة تكون سبب المشكلة وظبطها او امسحها

[SHNORY]

بص يا باشا هقولك حاجة عن تجربة لان المشكلة دى حصلتلى قبل كده وهى غلبا بسبب مشكلة فى الكوديكس عشان كده اعمل uninstall لجميع الكوديكس وبرامج الفيديو او الأوديو اللى عندك ورسترت الجهاز وجرب تنقل وشوف هيحصل ايه وقولى

دا حل اكيد
وممكن برضه تظهر الملفات المخفيه لما فيهم ملفات السيستهم
وتعمل بحث علي
Thumbs.db
وتمسحهم كلهم
او ببرنامج كلينر تديله امر انه يدور عليهم ويمسحهم
هو الويندوز لما بييجي يفتح ويبدا يعرض صورهم بتحصل المشكله والفولدر يتقفل

[aly_hosny]

90 % ملفات بايظة جوا الفولدر هي السبب في كدا و اكيد واحد من الحلول ال الاخوة عرضوها هتنفع

بس في 10 % الهارد يكون فيه حاجة عشان كدا انا بنصحك تنقل اي داتا مهمة عندك على هارد تاني او فلاشة او سي دي لحد ما تتاكد ان الهارد سليم

[mohammedabdallh]

أخيرا جات العلامة اللي كنت مستنيها و محتار من غيرها

الثورة لعنة

وانت أولنا يا ميكي

وكل واحد فينا حايجيلي عليه الدور

ههههههههههههه

لا لا
الثورة لا

[FunnyMickey]

دا حل اكيد
وممكن برضه تظهر الملفات المخفيه لما فيهم ملفات السيستهم
وتعمل بحث علي
thumbs.db
وتمسحهم كلهم
او ببرنامج كلينر تديله امر انه يدور عليهم ويمسحهم
هو الويندوز لما بييجي يفتح ويبدا يعرض صورهم بتحصل المشكله والفولدر يتقفل

عملت سيرش
وخدت فايل منهم حطيته عالديسك توب
فيديو
ومن ساعتها والرساله بتطلع لوحدها ومبلحقش حتي اعمل ديليت بيطلب ريستارت للاكسبلورر
وقافل الكمبيوتر من ساعتها ومش عارف اعمل ايه

فين المشكله بقي
في الفايلات نفسها ولا فيروس ولا ده ايه بالظبط

[FunnyMickey]

90 % ملفات بايظة جوا الفولدر هي السبب في كدا و اكيد واحد من الحلول ال الاخوة عرضوها هتنفع

بس في 10 % الهارد يكون فيه حاجة عشان كدا انا بنصحك تنقل اي داتا مهمة عندك على هارد تاني او فلاشة او سي دي لحد ما تتاكد ان الهارد سليم

بس الهارد سليم ولسه جايبه من سنه
ومفيهوش اي مشاكل

[mohammedabdallh]

بس الهارد سليم ولسه جايبه من سنه
ومفيهوش اي مشاكل

نزل نسخه جديده وخلاص ياصبحى باشا


الكمبيوتر ده تكاركله يشرق تكبسله يفتح على طوول

[FunnyMickey]

يامعلمي ملهاش دعوه بالنسخه
انهارده حصل نفس الحركه عاللاب
نزلت فيديو من اليو تيوب
وبردو عمل نفس الحركه
مش عارف فايل الreal player downloads ده فيه ايه
واللاب عليه انتي فيرس افيرا
انا مش عارف هوا الناس كلها كده ولا انا بس

[Land_Cruiser]

الملفات اللى حضرتك بتحاول تفتحها بتحتاج RAM كتير علشان تفتح و غالبا حضرتك فى حاجه واخده ال RAM دى و احتمال يكون فى برامج كتيره مفتوحه عندك او احتمال تانى يكون عندك فيروس شغال فى ال memory. فحضرتك حاول تقفل البرامج اللى مش محتاجها من ال task manager و حاول تشغل antivirus كويس و anti spyware علشان لو فى فيروس يشيله و بعد لما تخلص ده ممكن تنزل video player تانى و تجرب بيه

[A.Saad]

ملف الثورة عمل ثورة
استدعى الجيش يا صبحى