اللابتوب بيسخن جدا

[shaddadfalcon1]

من شويه الرقم كان 83

[alfath8]

انا سألتك مهندس كمبيوتر وشبكات جارى قالى كالاتى :
لازم الاب بتغير ضرورى

[shaddadfalcon1]

انا سألتك مهندس كمبيوتر وشبكات جارى قالى كالاتى :
لازم الاب بتغير ضرورى

اللاب كله ؟ وليه ؟ مينفعش يتصلح؟

النهارده انا مكنتش عارف اشتغل عليه فاتح البرنامج اللي بيراقب الحراره وايدي علي قلبي

ياريت تقولولي فين التوكيل بتاعه في الأسكندريه او القاهره

[alfath8]

اللاب كله ؟ وليه ؟ مينفعش يتصلح؟

النهارده انا مكنتش عارف اشتغل عليه فاتح البرنامج اللي بيراقب الحراره وايدي علي قلبي

ياريت تقولولي فين التوكيل بتاعه في الأسكندريه او القاهره

قالى اناطبعا بنقلك كلامه لأن مش خبرة فى الاب توب خالص المشكلة فى تبريد كارت الشاشة ودى مشكلة منتشرة جدا والعيب ده مش موجود فى الاب اللى فيه كروت ati
ده اللى قالهولى بس

[shaddadfalcon1]

يعني كلام صاحبي كان صح من الاول :((

[Mohamed_Nafie]

بما إني مش متابع المشكلة من الاول ... فياعندي كام سؤال ويا ريت تجاوبني بدقه..
مبدئيا كده زي منتا متوقع ... كرت الشاشة سخن جدا ... لأن فعلا موجود من الشمال تحت ...

1. درجة الحراره كام قبل ما الجهاز يفصل على طول ؟ في gadget ممكن اجيبهلك .. دي أسرع إنك تشوف بدل البرامج
2. لما بتتحرك باللابتوب يمين وشمال بيهنج ولا لأ ؟
3. اللابتوب بقاله معاك قد ايه ؟؟
4. جربت تروح لحد يفك الجهاز وينضف المروحه ؟
5. لو رحت لحد ونضفت المروحه ... وبرده منفعش ... تروح عالتوكيل وقولوا شك على "Thermal Paste " بتاع كرت الشاشه... لو اتغير وبرده المشكلة ... يبقى ترحلهم وتقولهم غيرو الكرت كله ...

أنا متابع معاك

[ls1090]

من شويه الرقم كان 83

الرقم حرارة core ولا السطح
لان كدا ممكن البروسيسور يودع الحرارة خطر
المعالج بتاعك اخره عند الضغط 62
ونزل برنامج core temp وارفع صورة عايز اشوف فولت المعالج كام
وانت كاسر سرعة ولا ايه

[Mohamed_Nafie]

ال i5-2410M .. ده غالبن البروسيسور اللي معاه ... و و 62 ايه بس اللي اخره..
هو ال 83 درجه دي درجة حرارة البروسيسور ولا كرت الشاشه؟

[ls1090]

ال i5-2410M .. ده غالبن البروسيسور اللي معاه ... و و 62 ايه بس اللي اخره..

safe temp for sandy bridge 62 للسطح
,و core 70
والبروسيسور الى معاه i7-2630QM
ومش معنى ان لو عدى الحرارة ديه البروسيسور هيولع لقدر الله
بس العمر الافتراضى والاداء بيقل

[Mohamed_Nafie]

معلش حضرتك ... إنت جبت الكلام ده منين ... من خبرتي اللي إنت بتقوله ده ينطبق على الSandy Bridge لل Desktops مش بتاع ال Notebooks ... سواء i5 أو i7 مختلفناش ... البروسيسور بيشيل لحد 100 درجه قبل لا قدر مايضطر Forced Shutdown ... صحيح 83 كتير بس يعتبر عادي ل i7 تحت Load زي لعبه مثلا محتاجة بروسسينج جامد - مش في حالة ال idle طبعا - ... لأن معروف ال Notebooks , نظام التبريد فيهـا محدود جدا .....

[OMAR61995]

83 ده كتير أوى و أنت مش فاتح حاجة
أنا اللاب بتاعى فيه i3 380m يعنى أقدم من الساندى بريدج و حرارته أعلى
و لما بضغط بprime 95 الحرارة عمرها ما بتعدى 80
و فى idle بتبقى بين 47 و 55

الحل أنك تروح التوكيل و تقولهم يغيروا المعجون الحرارى thermal compund
و الأفضل أنك تحاول تاخد جهاز جديد

و ده نظام التبريد بتاع اللاب عندك

المفروض يكون فى معجون حرارى تحت المكانين اللى الماسورة بتعدى عليهم (الفيجا و البروسيسور )

[Mohamed_Nafie]

أنا من كل ده مش فاهم لحد دلوقتي ال83 دي درجة حرارة البروسيسور ولا كرت الشاشه

[Screenplays]

انا الديل بتاعي بيسخن لدرجه ان بسلق عليه بيض هههههههههههههه يا باشا الدنيا حر و بعدين المشكله فعلا من كارت الشاشه ده ... ممكن تحطه في الفريزر شويه هههههههههههههههه

[shaddadfalcon1]

ال 83 دي درجة حرارة ال Core وبتوصل ل 93 وبعدها اللاب بيفصل

الجهاز منضفتوش خالص ومعايا بقاله 10 شهور

طبعا الحراره دي مش بيوصلها وهو Idle لا انا بكون مثلا بشتغل Development او بلعب او مشغل فيديو

دلوقتي مثلا انا مش بعمل حاجه غير نيل موتورز والحراره في الكور 81 وصوت المروحه عالي

[حماده المصري]

انا كان عندي نفس المشكله بس كانت من المكان الي هوا المروحه بيطلعه برا الابتوب مليان تراب ف مفيش هوا بيطلع اتنضف ب بلاور وبقى زي الفل-

------------------------------------------


انا عندي مشكله كبيره عندي لاب توب توشيبا a500-13f لاب محترم جدا بروسيسور انتل كور 2 ديو

وكرت ati جيجا اتعمل فيه شغل بسيط زي سوكت الشاحن

وقع مره والدنيا بعدها خربت كل ما افتح الاقي خطوط في الشاشه واحيانا تشتغل سليمه بس لو اتحركت تعمل خطوط تاني

المهم روحت لواحد جرب يشوف الشاشه طلعت سليمه ومفيش اي حاجه وقعد يدور لحد ما قالي المشكله دي كرت شاشه والكرت بيبقى ملزوق في البورده تقريبا او في شيبايه وعشان يتصلح ممكن يضرب الاب توب كله وميشتغلش خالص انا مش عارف الكلام ده صح ولا غلط

وانا كمان من اول ما جبت الاب توب لما بيتحرك بيهنج وهو شغال وفي واحد قالي الله اعلم ايه مدى صحته قالي انت عندك سنسوزس على الهارد بتوقفه لما بيتحرك عشان ما يبوزش وانا فعلا في عندي حاجه بفتحها كده بتقولي ان السنسورز شغاله او مش شغاله او اشغلها او اطفيها

المهم انا مش فاهم حاجه وعايز حد يساعدني