محتاج نصيحة في شراء شاشات الكمبيوتر

[hemalotfy]

السلام عليكم

ان شاء الله نازل بكره اشتري شاشة كمبيوتر وعايز حاجة Led 19 inch او ممكن Lcd
ياريت اللي يعرف الانواع والمواصفات والاسعار اكون شاكر ليه

الشاشة هتككون لاستخدام الاطفال على كمبيوتر عادي العاب وكرتون وكده

[magdy_dvd]

سامسونج من افضل الشاشات والاسعار من تبداء من 650 و انت طالع و طالما للالعاب يفضل ان تكون وايض اى عريضة

[A_H_M_A_D]

أنا لسه كنت في سوق العصر اللي في شارع الخليفة المأمون أول إمبارح عشان برضه كنت بدور على شاشة وهاقولك على اللي لقيته

Samsung LED 19 inch صناعة صيني بزرار باور بس من غير أي أزرار تانيه دي سعرها كان 500 جنيه

Samsung LED 19 inch صناعة ماليزي فيها تحكم في الاضاءة وتركيز الصورة دي سعرها كان 560 جنيه

LG LED 18.5 inch صناعة إندونيسي فيها تحكم في الإضاءة وتركيز الصورة سعرها كان 520 جنيه

أنا شخصيا إشتريت الـ LG , عشان سعرها كويس و فيها ازرار للتحكم , وأنا مجربها عندي في البيت كتلفزيون بلازما

حضرتك انزل و شوف واختار اللي ترتاحله

[tiger76]

أنا لسه شارى سامسونج led ماليزى بـ 530 من مول السخاوى (أقدم مول كمبيوتر) فى شارع الخليفة المأمون
و الصينى بتاعتها كانت بـ 480
الكلام دة كان يوم الجمعة اللى فاتت

[ramy_gamal]

هو ال led احسن ولا lcd ؟
وايه الفرق بينهم

[hemalotfy]

سامسونج من افضل الشاشات والاسعار من تبداء من 650 و انت طالع و طالما للالعاب يفضل ان تكون وايض اى عريضة

جزاك الله خير

أنا لسه كنت في سوق العصر اللي في شارع الخليفة المأمون أول إمبارح عشان برضه كنت بدور على شاشة وهاقولك على اللي لقيته

Samsung LED 19 inch صناعة صيني بزرار باور بس من غير أي أزرار تانيه دي سعرها كان 500 جنيه

Samsung LED 19 inch صناعة ماليزي فيها تحكم في الاضاءة وتركيز الصورة دي سعرها كان 560 جنيه

LG LED 18.5 inch صناعة إندونيسي فيها تحكم في الإضاءة وتركيز الصورة سعرها كان 520 جنيه

أنا شخصيا إشتريت الـ LG , عشان سعرها كويس و فيها ازرار للتحكم , وأنا مجربها عندي في البيت كتلفزيون بلازما

حضرتك انزل و شوف واختار اللي ترتاحله

جزاك الله خير يا احمد باشا ايه الاسعار الحلوه دي كانت عامل حسابي على 650
انا ميال للسامسونج هنزل ابص بصه كده واشوف الدنيا فيها ايه


[QUOTE=tiger76;3874354972]أنا لسه شارى سامسونج led ماليزى بـ 530 من مول السخاوى (أقدم مول كمبيوتر) فى شارع الخليفة المأمون
و الصينى بتاعتها كانت بـ 480
الكلام دة كان يوم الجمعة اللى فاتت[/QUOTE530

جزاك الله خير
شكلها هترسى على سامسونج بس الله اعلم هلاقيها في الشرقية بكام ؟!

هو ال led احسن ولا lcd ؟
وايه الفرق بينهم

led افضل بس نشوف راي الناس برضو

[hemalotfy]

اشتريت شاشة سامسونج ماليزي 19 ب 550 جنيه
ماشاء الله تبارك الله صورة تحفة
شكلي هسيب اللاب للعيال واقعد انا على الكمبيوتر

[windofchange]

ماشاء اللهم بارك ياهيما بك ,,,, فعلا الحجم الكبير19 وطالع جميل اووي انا جبت واحدة برضه سامسونج 19 وكان قبلها 14 هناك فرق ياراااجل ,,,بس نصيحتي في الشاشات الlcd متجبش استيراد او استعمال الخارج الا لما تعمل اختبارات معينة عليها وفي برامج عالنت بتاخده معاك عالفلاشة وتشغله هناك او تعمل خلفية بيضاء او حمراء سادة وبرضه بتبين لأن في الغالب بتبقي مخبوطة خبطات خفيفة بتخليها تعمل خيالات رمادي او ملونة الوان الطيف او بيضاء او سوداء ودي بتبقي بيكسلات باظت فيها وبتبان بصعوبة فاوقات وعايزة تركيز عشان تشوفها وكمان فرق السعر ميستهلش يعني كنت جبتها ب460 ضمان اسبوعين وهي جديدة ب560 ودي كانت نصيحتي *)

[A_H_M_A_D]

ماشاء اللهم بارك ياهيما بك ,,,, فعلا الحجم الكبير19 وطالع جميل اووي انا جبت واحدة برضه سامسونج 19 وكان قبلها 14 هناك فرق ياراااجل ,,,بس نصيحتي في الشاشات الlcd متجبش استيراد او استعمال الخارج الا لما تعمل اختبارات معينة عليها وفي برامج عالنت بتاخده معاك عالفلاشة وتشغله هناك او تعمل خلفية بيضاء او حمراء سادة وبرضه بتبين لأن في الغالب بتبقي مخبوطة خبطات خفيفة بتخليها تعمل خيالات رمادي او ملونة الوان الطيف او بيضاء او سوداء ودي بتبقي بيكسلات باظت فيها وبتبان بصعوبة فاوقات وعايزة تركيز عشان تشوفها وكمان فرق السعر ميستهلش يعني كنت جبتها ب460 ضمان اسبوعين وهي جديدة ب560 ودي كانت نصيحتي *)

وانا في المول سألت واحد بيبيع شاشات مستعمله قالي ال HP 19 inch سعرها 475 جنيه , بصراحة ضحكت قلتله يعني شاشة مستعمله ب 475 و الجديد ب 500 , طبعا مفيش اي داعي لشراء المستعمل لأنه غير مضمون

[wsamir]

led افضل و ممكن سامسونج او ال جى

[hemalotfy]

ماشاء اللهم بارك ياهيما بك ,,,, فعلا الحجم الكبير19 وطالع جميل اووي انا جبت واحدة برضه سامسونج 19 وكان قبلها 14 هناك فرق ياراااجل ,,,بس نصيحتي في الشاشات الlcd متجبش استيراد او استعمال الخارج الا لما تعمل اختبارات معينة عليها وفي برامج عالنت بتاخده معاك عالفلاشة وتشغله هناك او تعمل خلفية بيضاء او حمراء سادة وبرضه بتبين لأن في الغالب بتبقي مخبوطة خبطات خفيفة بتخليها تعمل خيالات رمادي او ملونة الوان الطيف او بيضاء او سوداء ودي بتبقي بيكسلات باظت فيها وبتبان بصعوبة فاوقات وعايزة تركيز عشان تشوفها وكمان فرق السعر ميستهلش يعني كنت جبتها ب460 ضمان اسبوعين وهي جديدة ب560 ودي كانت نصيحتي *)

جزاك الله خير ياباشا على النصيحة وفعلا فرق السعر مش يستاهل وحتى لو هيستاهل مفيش احسن من الجديد

وانا في المول سألت واحد بيبيع شاشات مستعمله قالي ال HP 19 inch سعرها 475 جنيه , بصراحة ضحكت قلتله يعني شاشة مستعمله ب 475 و الجديد ب 500 , طبعا مفيش اي داعي لشراء المستعمل لأنه غير مضمون

صح كده مش عارف انا مين اللي بيدخل الشاشات اليوزد دي !

led افضل و ممكن سامسونج او ال جى

led تقنية جديدة