ارجو الرد ضرورى للاستفسار ده بخصوص شراء كرت شاشة ورامات

[YaSSeR ALi H]

ارجو الرد ضرورى للاستفسار ده بخصوص شراء كرت شاشة ورامات علشان هنزل اشترى الحاجات اللى انا هقول عليها دى فى خلال ايام ان شاء الله

اولا : امكنيات جهازى كالتالى >>> بالنسبة للشاشة فهى : Philips 19

El borda : Gigabyte >>> GA -78LMT-S2P

بالنسبة للبروسيسور هو اساسن X2 بس انا فتحت النواة التالتة يعنى بقى تالة انويه بدل اتنين ممكن انتوا تعرفوا الحوار ده بس على العموم بقى اسمو كده >>> Processor : AMD Phenom x4 B60 3.30 GHz

Vga : AMD Radeon HD 5450 1 GB DDR3 اما بالنسبة للكرت هو اساسن 1GB بس قارى 2
وشوية

Ram : 4GB DDR3

ثانيا : اللى انا عايز اجددو هو الكرت اغير اللى عندى واجيب >>> SAPPHIRE VAPOR-X HD 7770 GHz EDITION OC 1GB GDDR5

السؤال بقى >>> 1_ ايه رايكم فى الكرت ده وفى النوعية دى وهل يوجد الافضل فى النوعية ولا ايه

2_ هل يوجد كرت افضل منه بس يكون فى نفس الفئة السعرية سواء من Amd بردو او Nvidia

3_ وهل سوف يكون متوافق مع الشاشة و البروسيسور ولا لا يعنى هيعمل بالكفاءة الكاملة وله ايه النظام ومحتاج بور كام ولو فى اى اقتراحات تانية فى الكروت ياريت الاجابة على نفس الاسئلة للكروت اللى هتطرحوها

ملاحظة : الكرت للاستخدام فى الالعاب وتشغيلها بجودة عالية مش لازم على اعلى حاجة يعنى علشان الفئة السعرية بردو بس جودة نضيفة استمتع بيها وانا بلعب علشان انا من عشاق الجرافيكس الحلو ويكون بيشغل الالعاب الحديثة و اللى لسه هتنزل ويعيش معايا سنة ولا اتنين ويكون بجودة نضيفة بردو كما ذكرت

ثالثا : كمان الرام عايز ازودو لى 8GB Kingstone DDR3 ايه رايكم فى النوعية دى وهل يوجد الاحسن ؟؟؟ وبكام ؟؟

و شكرا ليكم جزيرا ولكم منى خالص التحيات وارجو الرد على جميع الاسئلة ومتنسوش حاجة ونبى ومعلش تقلت عليكم جامد انا عارف وشكرا ليكم مره تانية.

[tutankhamoun]

بالنسبة لكارت الشاشة
أنا عندي نفس النوع اللي فوق ما عدا الموديل هو 7750 و تقريبا بيشغل كل حاجة .
هو طبعا 1 جيجا و بيسحب كمان 1 جيجا من الرامات .
و عندي 8 جيجا رامات من نوعية crossair و شغالة كويس قوي و كنت شاريها من حوالي 8 شهور .
طبعا علشان الجهاز يقدر يقرأ الكمية دي كلها من الرام لازم يكون عندك نظام تشغيل بيدعم 64 بت .
لو نظام التشغيل بتاعك 32 بت ... الجهاز مش هايتسخدم غير 4 جيجا بس .
بس بصراحة أنا شايف أن 8 جيجا كتير قوي .... أكبر لعبة مش بستتهلك كل الرام ده .
4 جيجا بايت حلوين قوي .

بالنسبة للبروسيسور اللي عندك معقول طبعا و لكن أعتقد فيه بعض الألعاب الجديدة ممكن يكون أدائها مش أد كدا معاه و الله أعلم .. أنا من الآخر مش خبير في الألعاب ... لأني مش بلعب كتير .

[tutankhamoun]

نسيت أقولك أن كارت الشاشة اللي عندي أقل باور بيحتاجه مش أقل من 450 وات .

و الكارت اللي أنت بتتكلم عليه برضه ما تقلش عن 450 وات