شراء usb فلاش ديسك مع حماية ضد الكتابه

[Dragon78]

سلام عليكم ياشباب .. يمكن أنا أول مره أعمل موضوع في قسم الشراء والكلام ده

بس ده لأني دورت كتير على المنتج ده هنا في مصر ومالقتش أي نتيجه

المنتج ده هو ببساطه عباره عن فلاش ديسك فيه خاصية انه مزود بزرار في الجنب بيخلي الفلاشه للقراءه فقط ( وده ليه أهميه كبيره هاشرحها كمان شويه )

للأسف دورت كتير في مولات الكمبيوتر والتوكيلات ومش موجود خالص مع انه موجود بره من زماااااااااان وكذا ماركه كمان .. ومن خلال بحثي على الإنترنت لقيت موقع أقدر أشتري من عليه الفلاش ده ويوصله لحد مصر هنا بس المشكله ان سعر الشحن عالي شويه بالنسبه لأني أشتري واحده أو 2 ليا .

فقولت أعرض عيلكم يمكن حد يحب يشتري معايا ونقدر نعمل طلب شراء من الموقع

أهمية وجود الخاصيه دي في الفلاش ديسك بقى :

- أولا انك تقدر تحافظ على البرامج والحاجات اللي على الفلاشه بدون ماحد يقدر يمسحها (إلا طبعا لو فتح الزرار )
- ثانيا ودي باعتبرها أهم من النقطه الأولى .. انك لو وصلت الفلاشه دي على أي جهاز فيه فيروس .. الفيروس مش هايقدر يتنقل للفلاشه دي ( ودي في نظري خاصيه مهمه جدا خصوصا اني شغال في مجال الـ IT والـ Network Administration )
-ثالثا برضه نقطه ليها علاقه بالنقطه السابقه .. ان الواحد ممكن يعمل نسخة ويندوز بوتابل على الفلاشه ويقدر ينزل بيها الويندوز لأي جهاز بكل سهوله (وطبعا هاتبقى أحسن من الـ CD و DVD اللي بتبوظ بسرعه)

معلش طولت عليكم ودي شوية صور للفلاشه :




ودي صوره فيها كل مميزات الفلاشه



ياريت بقى اللي يحب يشترك معايا يراسلني على الخاص أو على الميل بتاعي (tamer_tolbah@yahoo.com ) عشان لما أجمع عدد معقول ابتدي اطلبها من على النت

ملحوظه / الفلاشه موجوده بأحجام مختلفه في منها 8 جيجا و16 و 32 .

ملحوظه كمان / ده اللينك بتاع الموقع للي يحب يتفرج على الفلاشه ويعرف سعرها قبل الشراء

http://global.pchome.com.tw/english/?mod=item&func=exhibit&IT_NO=DGAG0O-

A61910540&SR_NO=SDAJ06&ROWNO=13&tm=e

[Ramy_2R]

طيب أقلك حل أرخص
هات كارت ميموري سريع
class 10 مثلا 300x
و ركبه على ريدر
و بيبقى فيه زرار لوك

[mikology]

فكره الكارت دى هايله
وبالنسبه لحكايه الويندوز ال Portable دى انا عاملها على فلاشه عاديه و بنزل بيها وهى احسن و اسرع من الــ DVD فعلا

[firstknight_eg]

ممكن تنزل برنامج حماية من الكتابة علي اي فلاشة، وبكده محدش يقدر يغير اللي عليها غير با باسورد

[Dragon78]

ياجماعه كل كلامك مظبوط
بس أولا وموضوع كروت الميموري دي .. مش عملي لأن الحمايه ضد الكتابه بتاعتها مش آمان 100% وممكن تعملوا بحث عنها وهاتعرفوا الفرق .

ثانيا موضوع الباسوورد ده برضه مش عملي .. لأن انا لما باعمل فلاشه للشغل مش باديها لحد باستخدمها انا وبس .. لكن حتى وهي ليها باسوورد الفيروس يقدر يدخل على الملفات اللي فيها .

عموما شكرا على مروركم الكريم

[firstknight_eg]

لا الفيرس مش هيقدر يدخل عشان برنامج اللي بينزل بيحمي الفلاشة كلها من الكتابة عليها، بيخليها قراءة بس

[Dragon78]

لا الفيرس مش هيقدر يدخل عشان برنامج اللي بينزل بيحمي الفلاشة كلها من الكتابة عليها، بيخليها قراءة بس

لا ياباشا معلش .. مع احترامي لسيادتك بقى .. ده شغلي وأنا أدرى بيه .. أنا أساسا it

في أنواع فيروسات رخمه ممكن تضربلك برنامج الحمايه نفسه .