مساعدة في تجميع كيسة فئة متوسطة

[أشرف العدوي]

عايز مساعدة في تجميع كيسة بمبلغ حوالي 2500 جنيه
مبدئيا
و قابله للتطوير في المستقبل القريب

هيبقى الشغل عليها جيمز زي فيفا و ميدل و call of duty كدة يعني

و عايز كمان توضيح للبروسيسور Amd الي بيبقى مدمج فيه كارت شاشه حد جربه و هو فعلا يغني عن اني اشتري كارت شاشة منفصل و لا اخليني في ال i3


و ايه رائيكوا لو جبت كيسة استيراد بالمبلغ ده هل هتقدر تشغل الجيمز دي

و زي ما ذكرت انها هتبقى قابله للتطوير فيما بعد

[أشرف العدوي]

للرفع

[acs]

هات كيسة استراد موديل DELL 780 tower
وركب عليها كارت شاشة خارجى 2G
ورمات 4G
هتعملك كل حاجة من جيمز لجرافك كل حاجة افضل من التجميع . التجميع ادائة بقل بعد حوالى 6 شهور مش بيكون زى الاول

[أشرف العدوي]

شكرا جدا لاهتمامك
بس عندي استفسار
هينفع اغيرلها الرامات مثلا ل 8 و كارت الشاشة هيركب عادي و لا هبقى محصور في موديلات معينة بس هي الي تشتغل على الماذر بورد
و ياريت كمان لو تقولي هي بتعمل في حدود كام

[acs]

ايوة يا فندم ينفع تزود الرامات 8 جيجا فى الموديل المذكور لانه بيشتغل رامات ddr3 واى كارت شاشة حديث هيركب عادى . سعره فى حدود من 900-1000 جنية كيسة فقط بدون شاشة

[أشرف العدوي]

الف شكر ليك جدا

[supernovaxxxx]

يا جماعه انا كنت عاوز حد يفيدني في جهاز بجمعه ودي مواصفاته
cpu: i5 4440 3.1/6
mother: h81
ram: 4
vga: n740
hdd: 1t
case :w3 tiger
monitor : 19' samsung ]
دا قاطع 5000 هل السعر دا غالي ولا عادي ولو في اي نصيحه اكون شاكر لأفضالكو

[supernovaxxxx]

ياريت حد يفيدني في اسرع وقت لأني محتاجو الايام دي

[abokoko]

هات كيسة استراد موديل dell 780 tower
وركب عليها كارت شاشة خارجى 2g
ورمات 4g
هتعملك كل حاجة من جيمز لجرافك كل حاجة افضل من التجميع . التجميع ادائة بقل بعد حوالى 6 شهور مش بيكون زى الاول

ممكن اعرف مواصفاتها بالتفصيل ايه
و ازاى اعرف انها مش متغير فيها حاجات بمعرفة البائع
؟


كل دول 780
؟؟
انهى فيهم اللى بيتباع مستعمل فى مصر وسعر المستعمل كام
؟

http://www.ebay.com/bhp/dell-optiplex-780

[Black gold]

ممكن اعرف مواصفاتها بالتفصيل ايه
و ازاى اعرف انها مش متغير فيها حاجات بمعرفة البائع
؟


كل دول 780
؟؟
انهى فيهم اللى بيتباع مستعمل فى مصر وسعر المستعمل كام
؟

Dell Optiplex 780: PC Desktops & All-In-Ones | eBay

انا بقترح عليك التجميع افضل مليون مره وارخص وادائه بيبقى ممتاز حضرتك انا ممكن اساعدك لو تكتبلي ميزانيتك كام في الكيسه وانا هكتب لحضرتك تجميعة كويسه ان شاء الله

[abokoko]

انا بقترح عليك التجميع افضل مليون مره وارخص وادائه بيبقى ممتاز حضرتك انا ممكن اساعدك لو تكتبلي ميزانيتك كام في الكيسه وانا هكتب لحضرتك تجميعة كويسه ان شاء الله

حد اقصى الف ونص

[Black gold]

اتفضل :

كيسة + بورسبلاي 400w :
Cooler Master CMP-350 Mid Tower Desktop Case + 400W PSU
سعرهم:380
او ممكن تشتري بور منفصل 400w ب250 ج.م وتشتري اي كيسه تانيه تعجبك
+
تشتري كمان اي CD-Driver وسعره ميزدش عن 100ج.م

هارد: wetern digital blue 500GB
سعره:350 جنيه

معالج : AMD A4-5300 Trinity 3.4GHz Socket FM2
سعره:300 ج.م

اللوحة : Gigabyte GA-F2A55M-DS2 Socket FM2 Motherboard
ودي سعرها:425 ج.م

رامات :Kingston HyperX Blu 4GB DDR3 1600MHz CL9 1.65v
سعرها:300ج.م

بصراحه هيبقى ناقصك كارت شاشه عشان تشغل الالعاب
واقل حاجه ممكن تجيبها الكارت ده SAPPHIRE R7 240 1GB GDDR5 WITH BOOST
ودا ب550 جنيه
او الافضل تزود وتجيب SAPPHIRE R7 250X ودا ب700ج.م

وكده انت محتاج تزود الميزانيه بس في المقابل هيبقى جهاز محترم وهيشغاك العاب زي BLF4 - Call of duty - Batman. gta IV باعدادات كويسه وهيبقى جهاز جديد مش مستعمل وهيقضي احتياجاتك
والله انا عارف اني زودت كتير عن الميزانيه الاصليه بس لو اشتريت كارت R7 250x هتحس انك اشتريت كمبيوتر

ولو مفيش امل ان الميزانيه تزيد عن كدا ممكن تجيب هارد مستعمل او لو عندك جهاز قديم فيه هارد
وتجيب كيسه مستعمله ( بس هات البور جديد ) وهاتCD Driver

وبلاش معاج مستعمل او ماذربورد او بور سبلاي او حتى كارت شاشه ( الا لو كان اصداره حديث )
لا الحجات دي ليها عمر افتراضي وممكن متقضيش معاك فتره طويله زي ما حضرتك عاوز :)

اصل بدل ما تجيب جهاز مستعمل مش كويس ب1500 زود شويه وهات جهاز جديد كويس :)

الكلام دا لو انت عاوز جهاز للجيمنج انما لو حضرتك عاوز حاجه للتصفح وافلام بس فكدا ال1500 كويسين وممكن اجيب لحضرتك تجميعه كويسه بيهم بس حضرتك تقولي

[abokoko]

مليش فى الالعاب

الكيسة علشان تبقي للنت وتشغيل اوفيس وافلام وموسيقي والعاب على خفيف
بالنسبة لى ممكن ابقي مشغل نت وفاتح صفحات كتير +مشغل اكثر من متصفح +مشغل موسيقي+ فاتح اكسيل +بجرب تثتيب برنامج -- كل ما سبق فى نفس الوقت
وبالتالى عايز مازربورد حديثو +تقبل التحديث والاضافات مستقبلا
بروسيسر amdمساوى او اعلى من كور 3
الرامات ممكن 4 جيجا حاليا وابقي ازود 4 مستقبلا
السي دى روم ممكن ااجلة وابقي انزل النسخ بالفلاشة
عندى هارد ساتا خارجى 260 وهارد داتا 40 --- ازاى استفاد منهم داخل الكيسة
؟
طبعا الانواع تبقي بالتفصيل بعد اذنك لانها لو عجبتنى هطلبها من محل يجيبها لى لانى مش فى القاهره والاسعار التقريبيه

شكرا لحضرتك

[Black gold]

مليش فى الالعاب

الكيسة علشان تبقي للنت وتشغيل اوفيس وافلام وموسيقي والعاب على خفيف
بالنسبة لى ممكن ابقي مشغل نت وفاتح صفحات كتير +مشغل اكثر من متصفح +مشغل موسيقي+ فاتح اكسيل +بجرب تثتيب برنامج -- كل ما سبق فى نفس الوقت
وبالتالى عايز مازربورد حديثو +تقبل التحديث والاضافات مستقبلا
بروسيسر amdمساوى او اعلى من كور 3
الرامات ممكن 4 جيجا حاليا وابقي ازود 4 مستقبلا
السي دى روم ممكن ااجلة وابقي انزل النسخ بالفلاشة
عندى هارد ساتا خارجى 260 وهارد داتا 40 --- ازاى استفاد منهم داخل الكيسة
؟
طبعا الانواع تبقي بالتفصيل بعد اذنك لانها لو عجبتنى هطلبها من محل يجيبها لى لانى مش فى القاهره والاسعار التقريبيه

شكرا لحضرتك

بص عموما الكيسه انت الي هتختارها ودي على حسب ذوقك يعني عشان مش مهمه دي انت تختارها براحتك وعلى حسب سعرها
في كيسات بيجي معاها بور وفي من غير الي بتيجي ببور بتكون اغلى اكيد ودي بقى تسأل فيها صاحب المحل الي هتشتري منه وانا قولتلك في الرد الي فات على اسم واحده وكانت مع باور 400w

بس خلاص طلاما مفيش كارت شاشه فانت تجيب باور 300w ودا سعره (200)

معالج:AMD A8-6500 Richland 3.5GHz Socket FM2 65W Quad-Core Desktop APU
سعره:750 ج.م وفي محلات بتبيعه ب825

اللوحة : Gigabyte GA-F2A55M-DS2 Socket FM2 Motherboard
ودي سعرها:425 ج.م

رامات :G.skill Ripjaws 4GB (1 x 4GB) DDR3 1600 CL9 1.5v
سعرها : مابين 310-320

الهارد : western digital blue 500GB
سعره: مابين 350-370

التجميعه دي حلوه وكارت الشاشه الي في المعالج كويس جدا وهيشغلك الالعاب الي انت عاوزها وهوا اداءه مقارب لل i3 بس كارت الشاشه المدمج في الi3 تعبان
انما في معالجات ال amd معروف ان كارت الشاشه المدمج بيبقى جميل جدا وكارت الشاشه في المعالج الي انا كاتبه من نوع : Radeon HD 8570D

الميزانيه برضه هتزيد حبه بس صدقني لو قليت عن كدا مش هتبقى راضي بالجهاز وانا بعت عن معالجات انتل عشان لو فكرت تلعب بالكارت المدمج بتاعها هتولع في الجهاز الي انت لسه شاريه :D

ولو عندك هارد مستعمل ممكن تحطه بس حكاية ازاي وديه للراجل الي هيجمعلك الجهاز وهوا هيركبه
وطبعا تقدر تزود الرامات اكتر من 4 كمان لو حبيت هيا اكتر حاجه ليها 64 جيجا بس متقدرش تركب الا رامتين يعني رامتين كل واحده 32 جيجا براحتك بس انت طبعا مش هتحتاج ده كله انت هتركب 4 بس في الاول ولو احتجت ابقى زود

وحكاية الاسعار دي مختلفه من محلات لمحلات يعني لو هتفاصل او هتاخد الحجات كلها من محل واحد يمكن يعملك خصم وانت وشطارتك بقى :D

[abokoko]

AMD FX-6300 Vishera
AMD FX-6300 3.5GHz Six Core Processor AM3+ 14mb Cache

CPU Socket Type: Socket AM3+


سعره كام تقريبا -- وهل به كارت شاشة مدمج معه





---------


Gigabyte GA-970A
سعرها التقريبي كام وهل هى مناسبة للمعالج باعلى
والاهم هل بها كرت شاشة

===


؟؟؟