حجم ويندوز 8 بعد التنصيب

[طارق _عبد السلام]

السلام عليكم

القرص سى عندى ممتلى جدا والمساحه الفاضيه تقريبا 3 جيجا

غلطتى وانا بشترى اللاب انى قلتله خلى القرص سى خليه صغير تقريبا عمله 55 جيجا

دلوقتى المساحه المشغوله 48 جيجا

هل ده ممكن يكون النسخه بعد التنصيب.......... وازاى المساحه دى تكبر.... للعلم النسخه اصليه مع الجهاز لكن بدون سيريال ؟!!!................... بيتعمل لها اعاده تنصيب ومش عايز امسحها

[Specialist]

الحلين دول ممتازين جدا جدا يا أفندم و عن تجربة ..

How do I remove the Windows.old folder?

Delete Windows update files to regain hard-drive space - CNET


جربهم ,, و في خطوات أخري برضه كويسة جدا بعد كده ..

[طارق _عبد السلام]

عملتهم وبالفعل تم توفير 1 جيجا تقريبا

واستخدمت .run............Cleanmgr

,..........%temp%

المشكله ان المتوفر فى المساحه تقريبا 3جيجا.......... وده قليل جدا

[Specialist]

طب جرب حضرتك الخطوة دي برضه ...

[طارق _عبد السلام]

اشكرك على المتابعه لكن لى استفسار بسيط نفذت الخطوات لكن لم اكمل للاستفسار اولا

حضرتك المؤشر عندى فى الخطوه رقم 4 موجود على 50%

والصوره اللى حضرتك منزلها فيها 1%

اخليها زى الصوره بالظبط واعمل ديليت على طول

وكل البارتيشن عندك جنبه كلمه off
عندى السى هو on هل ده شرط فى الخطوات

اعذرنى على كثره الاسئله

[Specialist]

أنا عامل أيقاف للخاصية دي يا أفندم علي جهازي :) ,,
عشان كده تلاقي النسبة عندي 1% ,, و كمان عامل Off للخاصية ..

حضرتك أعمل Delete للملفات زي في الصورة وشوف كده ايه النتيجة ,, وربنا يسهل إن شاءالله ..

[طارق _عبد السلام]

أنا عامل أيقاف للخاصية دي يا أفندم علي جهازي :) ,,
عشان كده تلاقي النسبة عندي 1% ,, و كمان عامل Off للخاصية ..

حضرتك أعمل Delete للملفات زي في الصورة وشوف كده ايه النتيجة ,, وربنا يسهل إن شاءالله ..

تمام اشكرك
على المتابعه والاهتمام

تم زياده 10 جيجا ... دى الطريقه الوحيده اللى عملت نتيجه

وبعدها فعلا السى عندى off

لكن المؤشر زى ماهو على 50 % تمام

طيب هل الخطوات دى مؤثره مثلا فى استعاده النظام يعنى لو حبيت اعمل ريستور او اى حاجه مثلا هتأثر فى حاجه ولاعادى
بس المهم المساحه بقت تمام

اشكرك وتقديرى لحضرتك

[Specialist]

للأسف طالما أن الخاصية لديك معمول لها Off علي بارتيشن الـ C الخاص بالوندوز,, يبقي الخاصية معطلة ..

لا أخفي عليك سرا ,, وندوز 8 و 8.1 من أكثر أنظمة التشغيل أستقرارا ,,
لم أحتاج لخاصية الـ System Restore أبدأ ..

لكن حضرتك ممكن تخلي الخاصية On , مع تقليل النسبة إلي 10% ,,,
كده هيبقي عندك نقطة أستعادة النظام بحجم أقل و أفضل ..

[yasserelgohary]

بص عندك طريقتين اولهم سهلة شوية تنزل برنامج TuneUp Utilities 2014 ودة الوحيد اللى بيحذف الريستور بوينت واللى دى ممكن تطلع بالميت 10 جيجا ان لم يكن اكتر ممكن توفرهم ويمسح ملفات ملهاش لازمة وكمان يوفرلك حوالى 4 جيجا بتاخدهم خاصية الهايبر
(وخد بالك لو حذفت الريستور بوينت مش هتقدر تدخل على System Restore عشان انت كدة حذفت النقط اللى النظام هيرجع الجهاز لاخر حالة كان عليها شغال دون مشاكل)
طريقةتانية هتحتاج شغل شوية وبرضة سهلة وجربتها كتير على اكتر من جهاز تقطع مساحة من بارتيشن D وتضيفها على السي وفى اكتر من طريقة واكتر من برنامج

https://www.youtube.com/watch?v=o7hWX3-4S3U