مشكله ظهور الشاشه الزرقاء !!

[besso]

ياجماعه
انا ليه قريبى فتح سايبر جديد وجاب 4 اجهزه استيراد
وغالبا كده الراجل اللى باعهوملوا معندوش ضمير والاجهزه غالبا جات متفيرسه
ولعب كتير باظت والنسخ باظت على كذا جهاز

المهم قولتلو هاسطبللك نسخه جديده
وعملتلو اسكان امبارح
على كل الاجهزه كذا مره ومسحت كل الفيروسات ( النهارده لاقيت فيه فايروسات تانى)

كل ماجى اسطب النسخه على اى جهاز يجى عند خطوه
windows setup is starting

تيجى شاشه زرقاء دى

http://nileup.com/up/watermark.php?src=uploads/nilemotors_14275767351.jpg&p=c

وتفضل واقفه لحد ما ارستر الجهاز
دورت على النت كتير لاقيت ان دى مشكله فيروسات ( اصلا مش عارف اعمل ايه تانى عملت اسكان كذا مره) ولاقيت بردو ان ممكن اخر برنامج هو اللى عامل مشكله ( نسخه الوندوز بايظه ومش بتمسح حاجه)

اعمل ايه

انا قولتلوا لو غلب هافرمتلك الهاردات كلها ونشتغل على نظيف بس خايف المشكله ماتتحلش

انا ابتديت اقفل من الكيس الاستيراد دى .. ده انا ناوى اجيب واحده قريب

ايه الحل بقى

اه البورده عنده نوعها esprimo p2550 fujitsu

[Specialist]

نصيحة : فرمت الهاردات كلها و سطب نسخ وندوز جديدة و أنتي فيرس محترم ,, و بعد كده حمل الداتا اللي عايزها علي الهاردات بعد كده ..

و أبعد عن أي برامج مشبوهة أو مش معروفة ..

لو حصلت شاشة زرقاء تانية, هتبقي غالبا من الهاردووير ,, مش سوفتويير ..

[besso]

طب تمام
هافرمتهم ازاى هارد على هارد ولا فيه طريقه تانيه ؟؟؟

وكمان احطله انتى فيرس ايه
انا بستخدم عندى nod32

[Specialist]

حضرتك هتفرمت كل هارد في كل جهاز لوحده , أثناء تنصيب الوندوز ,,

أثناء تسطيب وندوز 7 ,, حضرتك بتقابل الشاشة دي :-



أختار كل بارتيشن ,, و أختار الأمر Format من تحت ,, هيتفرمت علي طول ,, ثم تفرمت الـ C , ثم تسطب الوندوز بعد كده ..

الـ NOD32 كويس جدا علي فكرة ..

[besso]

ماهي المشكله ان الجهاز مش بيوصل للخطوه دي
الشاشن الزرقاء بتظهر بي بدايه الاسطوانه قبل حتي ما اختار اي بارتيشن

[mr_green]

جرب نسخة ويندوز تانية ممكن الويندوز نفسه مش سليم

[a7medsh3rawi]

الاحسن تفك الهارد من الجهاز وتركبه slave على جهاز master
وتعمل فورمات وبارتشنات جديده لان ممكن تكون مشكله badsector

[pepo2011]

غير السي دي الاول
وبعدين نزل نسخه نضيفة لوحدها بعد فرمته الهاردات كلها واعادة التقسيم واول حاجة تعملها تنزل انتي فايرس اورجينال وتعمله ابديت الاول وبعديت تعمل باقي شغلك علي نضافة

[exelence]

بص على الرامات كويس و خرجهم من مكانهم و امسحهم بمنديل و ركبهم تانى

[aly_hosny]

مش فايرس غالبا

مفيش فيرس هيوقف السيت اب بتاع الويندوز

دي مشكلة هاردوير او في النسخة ال انت بتنزلها

[Specialist]

طالما أن الشاشة الزرقاء بتظهر أثناء تسطيب الوندوز ,,, يبقي حضرتك تعمل الأتي يا أفندم ...

1- أخلع الرامات و كارت الشاشة ,, و نظفهم كويس أوي ,, و تنظف مكانهم بفرشاة أسنان قديمة ...
لو لسه المشكلة ما أتحلتش : جرب رامات من جهاز أخر ,, لو أشتغلت, يبقي الرامات القديمة فيها مشكلة ..

2- أتأكد من البيوس أن درجة حرارة المعالج كويسة (مش فوق الـ 60 درجة) ,, لآن أي مشكلة في أرتفاع درجة حرارة المعالج لآما بيخلي الجهاز يرستر لوحده , أو شاشة زرقاء عشوائية, أو بطئ ملحوظ في أداء الجهاز ..

3- يستحسن تغيّر كابل الساتا المتصل بالهاردديسك ,, أحتياطيا ..

4- تغيير أسطوانة الوندوز بأسطوانة أخري , و لو حضرتك بتسطب من الفلاشة, يبقي من الأفضل أنك تغيّر النسخة اللي علي الفلاشة ..

و إن شاءالله خير ..

[besso]

ماشي انا هاعمل كل اللي انتو قولتو عليه واشوف ايه النتيجه واهاجربله رامه من عندي والاسطوانات انا متأكد منها لاني بستخدمها عندي دايما

[moonston]

المشكلة دى كانت ظهرتلى فلاب جديد اشتريته والحمد لله غيرته خالص

[Romantica_4all]

شيك على الرامات برضة
ولو موجود رامتين مختلفين شيل واحدة وجرب كل واحده على حدى وشوف

[Romantica_4all]

وبرده شيك على اعدادات البيوس خليها على الديفولت