سؤال لخبراء الكمبيوتر...!

[Mido80]

من يومين حصلت لي مشكلة في اللاب توب بتاعي. دخلت علي ملف C فلاقيت مجموعة من ملفات صيغة text موجودة بالاضافة الي الملفات الاخري زي program files وغيرها. فقلت انظمة شوية واخلي شكلة حلو ورحت مظلل كل ملفات ال text دي وحاططها في ملف تاني داخل ال c وقفلت الجهاز. اليوم التاني جاي اشغلة استحالة يفتح وبعت لي رسال علي برنامج dos يقولي
(NLTDR is missing) المهم دورت وعرفت احل المشكلة من النت ونزلت الملف المطلوب علي سي دي وعملت ريستارت ولكن لم ينطق، ابدا وطلع لي رسالة تانية تقول
(windows root\system32\hall.dll) مفقود. هنا كانت المشكلة ودوخت اني احلها ابدا ولا عرفت افتحة. المهم وديتة لواحد متخصص فقالي لازم نفرمت الجهاز. قلت لة مستحيل لان فية ملفات مهمة جدا علي ملف D المهم في النهاية قالي طب خلاص هافرمت لك ال C فقط. وفعلا فرمتة ونزل لي نسخة ويندوز اصلية بس المشكلة بقي هي
الملفات الخاصة الموجودة علي ال D كل ما اجي افتحها لا يمكن تفتح وتديني رسالة Access denied ومش عارف اعمل اية.

اسف علي الاطالة بس ياريت لو حد يقدر يفيدني في حل المشكلة دي ولكم جزيل الشكر

[ibrahimsaad]

اخى العزيز

الملفات التى قمت بحذفها للاسف هى ملفات النظام وملف البوت ليدر الذى يقود الى الويندوز و كان ممكن جدا حل هذه المشكله بدون الفورمات

كذلك كان من الممكن ايضا عمل اصلاح فقط للويندوز دون ان تقوم بالفورمات مع احتفاظك بكافه ملفاتك ولكن نقول قدر الله وماشاء فعل

النقطه الثانيه

حكايه ان الملفات لايمكن فتحها فهى احد احتمالين

1- اما ان لديك فيروس اصاب تلك الملفات وقام بافسادها وهنا يجب عليك فحص الجهاز فورا واستخدم برنامج مثل الكاسبر او نود ايسيت سيكيوريتى او انتفييروس

2- اما ان نظام الملفات لديك PARTITION TABLE كان على نظام ال NTFS الاحدث والاشمل لتشفير وحمايه البيانات
وعندما قام صاخب الشركه بعمل فورمات قام بعمل فورمات على بال FAT32
وهنا فى هذه الحاله ان كان لديك اى ملفات مشفره من قبل على البارتشن D بخاصيه ال NTFS
فانك لن تستطيع فتحها ابدا الا بعد تحويل البارتشن C الى NTFS

فان كان هذا الاحتمال صحيح فما عليك الا تحويله
لكن كيف تقوم بتحويله ال NTFS دون ان يقوم بعمل فورمات او يقوم بمسح ملفاتك
اذن ماعليك الا فتح الكوماند برومبت للدوس
from start--all programs--accessories--comand prompt

ثم اكتب
cd\
لينتقل المحث الى
C:\
ثم اكتب
c:\convert c: /FS:NTFS

هذا الامر سيقوم بتحويل جداول الملفات الى النظام NTFS
وبذلك يمكنك فتح اى ملف محمى او مشفر

[أبو إياد]

اذا لم تفلح طريقه الاستاذ ابراهيم ممكن تقف على الببرتيشن وتضغط بالماوس كليك يمين وتختار sharing and securrity ثم تختار securrity ثم add وتضيف كلمه everyone وتعلم على المربعات اللى تحت كلمه allow ثم ok
وان شاء الله يفتح

[Mido80]

الطريقتين ما نفعوش ومش عارف اعمل اية كل ماجي افتح الملف يبعتلي رسالة Access denied ياريت لو حد عندة حل تاني هاكون شاكر الافضال

[TaoTao]

هو الموضوع كان يتحل من الأول ببساطة بال Repair بدل الفورمات!
موضوع Access Denied له أسباب كتير، بس السؤال هل الملفات المطلوبة لونها أخضر (اسم الملف مكتوب باللون الأخضر)؟

[galilio_mad]

المشكلة ان ال OWNER بتاع ملفاتك اتغير ( الويندوز فاهمة كده )
ادخل الويندوز بال Administrator و ان شاء الله تتحل المشكلة

[ibrahimsaad]

بس ياسيدى الفاضل انت دلوقت داخل كمستخدم جديد
فلازم الاول تاخد الصلاحيه ازاى ؟

كليك يمين على الملف او المجلد بيمين الماوس واختار خصائص
properties
ثم اختار
security
ثم اضغط على add
وفى المربع الفارغ اكتب
Administrator
ثم اوك
ثم علم على ال administrator
واضغط على
advanced اللى باسفل
هيظهر ليك شاشه اخرى علم على اول خيار اللى هو
inherit from parent the permission.............

then ok

وقم ايضا باختيار ال administrator

وعلم على كل خصائص الصلاحيه المتاحه

[Mido80]

اذا لم تفلح طريقه الاستاذ ابراهيم ممكن تقف على الببرتيشن وتضغط بالماوس كليك يمين وتختار sharing and securrity ثم تختار securrity ثم add وتضيف كلمه everyone وتعلم على المربعات اللى تحت كلمه allow ثم ok
وان شاء الله يفتح

الحمد لله المشكلة اتحلت بالوصفة الجميلة بتاعة الاستاذ محمد عزت، بارك الله فية، بس عندي مشكلة صغيرة تانية وهي ان الشاشة فيها وميض او زي ما تقولوا كدة رعشة خفيفة بتطلع كل لحظة ومش عارف اية السبب. فهل دة يكون سببة عيب في كارت الشاشة ولا اية؟
كمان وانا بافتح الجهاز قبل عبارة welcome الاقي رسالة مكتوبة قبلها
windows root/32/hall.dll وتختفي بسرعة فيا تري اية السبب في دي كمان؟ لان دي كانت هي المشكلة اللي كان بيعاني منها الجهاز

اسف تعبتكم معايا بس العشم بقي

[Everlasting]

كمان وانا بافتح الجهاز قبل عبارة welcome الاقي رسالة مكتوبة قبلها
windows root/32/hall.dll وتختفي بسرعة فيا تري اية السبب في دي كمان؟ لان دي كانت هي المشكلة اللي كان بيعاني منها الجهاز

اسف تعبتكم معايا بس العشم بقي

حمل هذا الملف ثم ضعه بعد فك ضغطه في المسار التالي
C:\WINDOWS\system32

[Mido80]

حمل هذا الملف ثم ضعه بعد فك ضغطه في المسار التالي
C:\WINDOWS\system32

عملت كدة بس لاقيت الملفين hal.dll وreadme.txt موجودين بالفعل في المسارC:\WINDOWS\system32

[Everlasting]

عملت كدة بس لاقيت الملفين hal.dll وreadme.txt موجودين بالفعل في المسارC:\WINDOWS\system32

Replace the existing file

[أبو إياد]

رعشة خفيفة بتطلع كل لحظة ومش عارف اية السبب. فهل دة يكون سببة عيب في كارت الشاشة ولا اية؟
كمان وانا بافتح الجهاز قبل عبارة welcome الاقي رسالة مكتوبة قبلها

الرعشه اللى قبل كلمه welcome ده معناها ان تعريف الشاشه مش كامل على الجهاز وعلشان تتاكد تابع الخطوات
1 كليك يمين من على DESKTOP
2 اختار SETTING
3 اجعل COLOR QUALITY >>>>>>>>>>>>> تكون HIGHEST(32BIT(
4 بعد ما تتاكد من الكلام ده اضغط على ADVANCED ثم اختار ADAPTER هايفتحلك صفحه عن معلومات لكارت الشاشه اذا لقيت نوع كارت الشاشه مكتوب يبقا كده هو متعرف لكن لو مش موجود يبقا محتاج يتعرف

[Mido80]

الرعشه اللى قبل كلمه welcome ده معناها ان تعريف الشاشه مش كامل على الجهاز وعلشان تتاكد تابع الخطوات
1 كليك يمين من على DESKTOP
2 اختار SETTING
3 اجعل COLOR QUALITY >>>>>>>>>>>>> تكون HIGHEST(32BIT(
4 بعد ما تتاكد من الكلام ده اضغط على ADVANCED ثم اختار ADAPTER هايفتحلك صفحه عن معلومات لكارت الشاشه اذا لقيت نوع كارت الشاشه مكتوب يبقا كده هو متعرف لكن لو مش موجود يبقا محتاج يتعرف

عملت كدة فعلا ولاقيت الرقم 128MB موجود بس الرعشة لسة موجودة وبتحصل اثناء استخدامي للجهاز (كل دقيقتين تقريبا) فيا تري اية المشكلة؟