مشكلة صعبة في الاب توب

[Mido80]

السلام عليكم ورحمة الله. امبارح وانا جاي افتح النت في الاب توب بتاعي لاقتة مش راضي يشتغل. راجعت التوصيل والكابل والروتر كلة تمام.لاحظت ان اللمبة الخضرة منورة ولكن اللمبة التانية البرتقالي (اشارة النت) مش شغالة خالص. جربت جهاز تاني اشتغل تمام.

بدأت ابحث عن السبب. فتحت Network connection وقلت اعملة repair بس طلعت لي الرسالة دي (TCP/IP settings of the connection can't proceed) المهم حاولت بشتي الطرق بس مافي فايدة.

الاخوة الافاضل المتخصصين في الامور دي ياريت يساعدوني ولهم جزيل الشكرلاني باحتاج النت كتير عشان شغلي

[mido_919]

اعتقد طالما بتقول ان لمبة النت في الراوتر مش شغالة يبقي في حاجة في الراوتر ممكن تخش علي configuration بتاعة الراوتر وتشوف ليكون حد لعب فيها او جرب ترستر الراوتر

[Mido80]

اعتقد طالما بتقول ان لمبة النت في الراوتر مش شغالة يبقي في حاجة في الراوتر ممكن تخش علي configuration بتاعة الراوتر وتشوف ليكون حد لعب فيها او جرب ترستر الراوتر

انا شغال دلوقتي من جهاز تاني علي نفس الراوتر وشغال تمام. ما اعتقدش ان المشكلة في الراوتر

[PoweRPassioN]

دي مشكله ويندوز
بس قولنا دي ويندوز ايه؟؟
وحاول تثبت الip بتاع الويندوز لو تعرف دا بيبقى الحل بأذن الله

[mido_919]

طب ياريت تقولنا ويندوز ايه صورلنا صورة من اعدادات الشبكة واحنا هنفيدك ان شاء الله

[Dr_Ahmed_Abdelghany]

يافندم ياريت حضرتك تلغى درايفر الشبكة وتتعمل ريستارات وتسطبه تانى ، غالبا حصل مشكلة فيه
كمان حاجة: جرب تحرك الجاك يمين شمال فوق تحت جايز اللمبة تنور

[Mido80]

دي مشكله ويندوز
بس قولنا دي ويندوز ايه؟؟
وحاول تثبت الip بتاع الويندوز لو تعرف دا بيبقى الحل بأذن الله

انا شغال علي ويندوز اكس بي بروفيشنال. اما بالنسبة لل IP فا دي المشكلة التانية اللي مجنناني لاني لاحظت اختفاء جميع البيانات بتاعة Address type, IP Address, Subnet Mask and Default Gateway اللي هي بتظهر في Local Area Connection Status "Support"

[Mido80]

يافندم ياريت حضرتك تلغى درايفر الشبكة وتتعمل ريستارات وتسطبه تانى ، غالبا حصل مشكلة فيه
كمان حاجة: جرب تحرك الجاك يمين شمال فوق تحت جايز اللمبة تنور

طيب لو انا حذفتة من Control Panel-Add or Remove prog. اصطبة ازاي تاني؟
هل هايحتاج اسطوانات التعريف "يعني افرمت الجهاز" ولا هاسطب الويندوز من جديد؟

[zaman288]

جرب الطريقه ديه وان شاء الله تنفع

افتح start
ومنها run
واكتب فيها cmd
هيدخلك علي الدوس بتاع الويندوز
اكتب ipconfig /release
هتلاقيه صفرلك الip
اكتب ipconfig /renew
هيروح للراوتر ويجيب منه ايبيهات جديده
وان شاء الله يشتغل

[Dr_Ahmed_Abdelghany]

يا أستاذى العزيز إجابات حضرتك بتقول إن الطريقة الأفضل إن حضرتك توديه مركز صيانة فلا تحاول أكثر .

[Ahmed Selim]

افتح start
ومنها run
واكتب فيها cmd
هيدخلك علي الدوس بتاع الويندوز
اكتب ipconfig /release
هتلاقيه صفرلك الip
اكتب ipconfig /renew
هيروح للراوتر ويجيب منه ايبيهات جديده
وان شاء الله يشتغل

ممكن بس تحاول تعمل الموضوع ده قبل ما توديه أى مكان ؟؟

أعملع و قولنا طلعلك أيه.