مشكلة في اللاب توب بتاعي...

[Eng.Omar_karem]

السلام عليكم...

انا لسه شاري لاب توب توشيبا a300 وبصراحة الجهاز جامد ومواصفاته عالية ...بس للاسف مافيهوش بلوتوث...فشتريت blutooth adabter(اللي هو الصغير ده..مش الي قد الفلاشة)
بس بوصله بالاب بيعمل تعريف للdevice ويقولي ready to use بس مش بيشتغل..جربت ابعت اى حاجة للموبيل مافيش في قايمة send to بلوتوث خالص..
قولت يمكن بايظ جربته على الكمبيوتر العادي اشتغل ومافيش مشاكل وبعت للموبيل وكله تمام!!!.....والبلوتوث ده بيتعرف لوحده مش محتاج برنامج

مش عارف بقى المشكلة في ايه دلوقتي؟؟!!

[deee]

بوص انا بصراحة مقدرش افيدك اوى ..
بس انا عندى فى اللاب البلوتوث لما آجى اشغله بيكون فيه زرار اسمه Fn ..
بدوس عليه وf12 بتظهر الايقون بتاعت البلوتوز تحت فى التاسك بار ..
انت أكيد عندك فيه Fn جرب دوس عليه واى حاجة من F اللى انت مش عارف هى بتشغل ايه .. يمكن ..
او ادخل على الكونترول بانل وشوف الايقون بتاعت البولوتوث ايه نظامها وشوف البروبيرتز بتاعتها لو لقيتها تمام يبأه جرب اللى قلتلك عليه ..
بالتوفيق.

[pro_samir]

موضوع فنكشن FN أو الزرار بيكون مع البلوتوث الداخلية فقط لأنة بيفتح الباور بتاعها ويبتدي الجهاز يحس بالDevice نفسة

لكن الأكسترنال بتبقي واخدة باور من usb علي طول وعلشان كدة بيتعرف عليها بمجرد توصيلها

دور كدة علي الأبلكيشن اللي بينزل معاها في قايمة ستارت أو الكنترول بانيل وشوف الأوبشن بتاعتة ، أو شوف الأبلكيشن يكون موجود في التراي أيقون جنب الساعة

أو حتي جرب توصلها علي أي usb تانية يمكن تفرق في حاجة

[A.Elsheikh.01]

انا معايا برضه toshiba satllit pro a300 1pk
البلوتوث موجود بس تعريفه ميكتملش الا بالملفين هرفعهملك او اجبلك اللينك بتاعهم
بس علشان تشغله فيه تحت بعد فتحات كابل الصوت زر تحركه يمين وشمال لو حركته لليمين يشتغل معاك البلتوث والوير ليس سوا
وعلشان ارفعلك اللينكات او التعريفات قولى الاول هو نفس الفيرجن بتاعى ولا لا