شهادة وفاه الشاهين

[وائل عطية]

يا أستاذ هاني
ياأخي والله أنا ماقصدت من قولي أن أجعلك تعتذر إطلاقاً
إنت إنسان محترم وأنا أُكن لك خالص الود والتقدير ولكن مبعث غضبي (بلاش غضبي خليها أخدي على خاطري) إن من يقرأ عبارة أنه تم التعديل قد يعتقد أنني تجاوزت الحد مع أحد بينما أنا حريص كل الحرص على علاقتي وصداقتي للجميع
وإذا كنت أنت بكرم أخلاقك اعتذرت لي مرة فأنا أعتذر لك ألف مرة
ولنطرح هذا الموضوع جانباً إن أردت
شكراً

[وائل عطية]

الأخ سبعاوي
كلمة "تصميم غبي" أرى أنه لا غبار عليها
فالتصميم الذي يُغفل الاستفادة بهذة الأبعاد الممنوحة للسيارة والتي تشعر معها بضيق الأنفاس حين تدخل فيها هذا التصميم يفتقد للذكاء
وكما أنه يوجد " تصميم غبي " فأيضاً يوجد " تصميم ذكي " مثال على ذلك السيارة الأونو التي بمجرد أن تراها للوهلة الأولى تعتقد أنها صغيرة وغير رحبة ولكن بمجرد دخولك فيها تشعر بعبقرية المُصمم وليس بذكائه فقط
ثم أنه فارق كبير بين " قدم التصميم " " وغباء التصميم " فالماركات التي ذكرتها حضرتك برغم تصميمها القديم إلا أن بها رحابة ملحوظة في الداخل.
وبعدين انت مابقتش تظهر غير لما نتخانق ولا إيه ههههههه
شكراً

[hazem_khidr]

فما الضير أن أقول أن تصميمات فيات متخلفة؟؟ هذا رأيي ولي حرية التعبير عنه ولي عليك حق إبرازه وعدم التدخل فيه نهائياً

لا طبعا غلط انك تقول كده علي تصميات شركه عريقه و بقالها في السوق اكتر من 105 سنه و الناس كلها بتشهد بكفائتها و اشكالها اللي عايشه من الستينات و السبعينات و معمها شغال لحد انهارده و معظمها ان لم يكن كلها كانت معجزات ايام ما طلعت .ما تتقارنش مثلا بشركه لسه حديثه العهد في العربيات و مش معلومه المنشأ و لا التكنولوجيا بتاعها جايه منين اصلا
اللي ما تعرفوش ان مجموعه فيات نرنيبها من اكبر عشر مجموعات في العالم و لحد انهارده بتدخل راليات تحت اسم فيات و لانشيا و محققه ارقام كويسه و لا ننسي فريق فيراري في الفورميلا واحد بدعم من فيات (لو تبص علي مقدمه سيارات فيراري في الفورميلا واحد تلاقي مكتوب عليها فيات) ما تنساش انها كانت اخدت بطوله العالم للصانعين و السائقين اربع مرات علي التوالي.اخرها عام 2004
و بصراحه لو دا راي حضرتك الشخصي ف تحتفظ بيه لنفسك ما تنشروش علي الملأ.انا لما اتكلمت ما اتكلمتش في راي شخصي انا اتكلمت في حاجات عامه .
شوف لو حد جه علي الاسبرنزه و قال فيها كده شوف ايه الللي حيحصل؟
و بعدين اني تصميم لفيات متخلف؟شوفت البرافو الجديدهاو القديمه و ايه وجه التخلف فيها شفت الفيات كوبيه او البارشيتا شفت الكروما او الباندا؟ما تجيش تجيب موديل من السبعينات او التمانينات و تقارنهم بعربيات موديل 2007

[وائل عطية]

إهدأ ياأخي شوية
مفيش داعي للموال اللي انت قولته ده
أنا لم أصف شركة فيات إجمالاً بالغباء
لو حضرتك فهمت كويس أنا قولت إيه كنت عرفت إني استشهدت بمثالين الشاهين والأونو والاثنين بتوقيع فيات
واحد منهم وهو الشاهين لا يلقى قبولاً بالمرة عندي وهذه حرية شخصية ولا حكر لك عليها
والآخر وهو الأونو أشعر فيه بعبقرية مصممي فيات وأيضاً حرية شخصية وقد تتعارض مع رأي آخر
فما الخطأ في ذلك؟
من ناحية تانية ماالداعي لما ذكرته من شركة مجهولة الهوية وتكنولوجيا ماعرفش إيه، و الاسبيرانزا لو انت عايز تكتب فيها قصيدة هجاء اتفضل والله ماهاقولك حاجة بالعكس أنا ضد المدح الزائد بدون داعي فيها..
على فكرة انت دخلت غلط في الموضوع أعتقد انك كنت بتقرأ موضوع تاني!!!

[hanyfarrag]

رجاء خاص يا جماعة
مش عايزين نزعل من بعض
الموضوع أبسط من كده
أنا مش زعلان ووائل مش زعلان وحازم مش زعلان وحدش خالص زعلان
ده حتى فى عربية سبيرانزا راكنة وقصدها عربية شاهين
قاعدين بقولوا " هما الناس بتوع نايل موتورز كبروا الموضوع قوى"
" رغم إنه ما يستهلش "

حصل خير حصل خير حصل خير

[sab3aawy]

توضيح هام لاخونا وائل

انت مش واخد فى اعتبارك ان الشاهين دفع خلفى في حين ان ال405 والانو جر امامى

وبالتالى انت بتدفع ثمن المتانة المتناهية للشاهين من مساحة السيارة لان معروف ان سيارات الدفع الخلفى بتروح منها مساحة كبيرة فى مكان الجيربوكس وتانك البنزين وعمود الكردان

كل مكسب قصاده قيمة مدفوعة يا اخ وائل، صح وللا غلط

وبعدين هارجع واؤكد ان تصميم الشاهين قديم وليس غبى، ليه بؤكد، لأن الشاهين هى ال131 بنفس الأبعاد الدخلية، والتى لم يجرؤ احد فى عصرها على اتهامها بالغباء وكانت معشوقة اوروبا كلها ، ناهيك عن انها من اكثر سيارات فيات التى حققت سوقا ممتازة فى الولايات المتحدة. صحيح اننا نجد ان مساحة صالون ال128 الأصغر حجما مثلا هو نفس مساحة صالون ال 131 والشاهين، ولكن تانى افكرك ان دى جر امامى (يعنى باور ترين كله فى الكبوت الأمامى جارر وراه صندوق فاضى) والتانية دفع خلف(يعنى ميكانيكا موزعة على كل مساحة السيارة وواخدة من مساحتها)

فبالتالى فرق المساحة اللى انت متضايق من فقده هو نفسه ثمن المتانة اللى انا شايف انها اهم مميزات الشاهين

[وائل عطية]

والله ياأخ هاني إحنا كنا أنهينا الموضوع
بس واضح إن الأخ اللي دخل بدون داعي ده لم يقرأ الموضوع إجمالاً
وإنما تدخل لمجرد إنه يقول أي حاجة والسلام !!!!

[وائل عطية]

انت مش واخد فى اعتبارك ان الشاهين دفع خلفى في حين ان ال405 والانو جر امامى
[/quote]
والله الكلام ده عارفه كويس يا باشمهندس خالد
بس ياأخي أنا لم أُذنب حين أبديت تعليقاً على موديل لا يلقى هوى في نفسي
ياأخ سبعاوي
من بداية ركوبي سيارات امتلكت أربعة سيارات: اثنتان منهم يتوقيع فيات كانت الأولى 128 والثالثة سيينا 1600
يعني بحسبة بسيطة تجد إن 50% مما ركبت بتوقيع فيات، أي أنني أتحدث عن واقع وعن تجربة شخصية انتقدت من خلالها موديلاً واحداً وهو الشاهين اللي تعليقى الوحيد عليه كان في الحجم الهائل والأبعاد الكبير التي كان يجب أن يتوازى معها في نفس الاتجاه رحابة المقصورة
ثم إن الوصف كان مجازياً وشرحت لك ذلك مسبقاً فهناك تصميم غبي وتصميم عبقري .. ألم تسمع عن "عبقرية مكان مصر"

[sab3aawy]

يا وائل من حقك تنتقد زى ما انت عايز وانا لم افعل سوى انى دافعت عن وجهة نظرى بإظهار ما ارى انك اهملته فى انتقادك

انت بتقول ان تصميم الشاهين غبى وبتقارنها بسيارات جر امامى

وانا شايف ان تصميمها معقول جدا بالنسبة لسيارة دفع خلفى، ولما احب اتكلم عن نسبة مساحة صالونها الى ابعادها الخارجية يبقى اقارنها بسيارات الدفع الخلفى وليس الأمامى،

كما ان الشاهين ليست بالحجم الوهمى الذى تتكلم عنه ولندع لغة الارقام تتكلم

الشاهين طولها 430 سم: يعنى اطول من اللانوس ب10 سنتى متر فقط واقصر من النوبيرا وكذلك اقصر من سيارتك الحالية ب20 سنتى متر
عرضها:1.67 متر يعنى اقل من معظم السيارات الموجودة فى نفس الفئة
وزنها فارغة:950 كيلوجرام فقط، يعنى اقل من وزن اللانوس ب85 كيلوجرام كاملة

فى المجمل هى عربية تحت المتوسطة فى الحجم(اذا اعتبرنا النوبيرا نموذج مثالى للسيارة المتوسطة)،وبالتالى فصالونها معقول بالنسبة لحجمها الحقيقى، اما كون خطوطها الحادة بتديها منظر اكبر من حجمها الفعلى فانا اراها ميزة وليس عيب "على سبيل البرستيج يعنى"

[وائل عطية]

"على سبيل البرستيج يعنى"

وأنا أرفع القبعة احتراماً للبرستيج ولك أنت شخصياً
بس بيني وبينك بقى أنا زعلان منك ياريت تبص على صندوق الوارد بتاعك

[Abonora]

والله انا مش عايز ادخل عشان الموضوع ميكبرش وعشان ثقتي في المطلقة في اطراف الحوار ( هاني ) و(وائل ) وانا فعلا مش هدخل لاني علي علم بان كلا الطرفين استوعب سبب سوء التفاهم واعتقد انة خلص كمان

بس انا كنت عايز اقول حاجة هو مش ده منتدي ؟؟

يعني مش ده المكان اللي الناس بتكتب فيه ارائها بحريه مطلقة وبدون رقابة

مش احنا عملنا الموقع ده عشان نحقق ده ؟

طب ليه فيه ناس مش قادرة تستوعب مفهوم حريه الراى بمزياه ومساوئة

خليني اقولكم ببساطة تصوري " انا شايف ان لو انا عايز اسمع رائ عن عربية ( وانا معرفش عنها حاجة ) هعمل حاجة من دول :

هسائل واحد معاه العربية مثلا وده اكيد هيقولي رائيه الشخصي
او هقرا ريبورتاج عنها في مجلة او جرنان وده هتلاقي مليان كلام من نوعية تتميز السيارة وتتفوق السيارة وتنفرد الزمارة الخ الخ
او هستنصح واسئل ميكانيكي ودول 90% منهم اللي يتكل عليهم يبيع عيالة

يعني كل الناس ديه مش هتتفق علي حاجة فضلا عن كون ارائهم بعيدة عن الحيادية والموضوعية ان لم تكن خالية من كلاهما تماما

طب لو سئلت في منتدي ؟؟
هو ايه المنتدي ؟؟ قولنا مكان للحريات واهمها حريه الرأي وهو مش مكان موجود فعلا لاء ده مجرد مجتمع افتراضي بيجمع ناس موجودين فعلا في الحياة

خدت بالك يعني كل الناس اللي ممكن اسئلهم في الواقع ( الموضوعيين والمفتكسين وووو) هلاقيهم موجودين برضوا في المنتدي

بس المنتدي هلاقي فيه تنظيم اكتر هلاقي فيه تواصل اكتر واحتمال اني الاقي فيه حد بيفهم بجد اكبر

طب ليه بقي الناس بتنزعج لما واحد يدخل يقول العربية ديه زبالة والتصميم ده جربان والاستابيلتي بتاعة العربية العلانية زي الزفت ( عفوا )

ليه بجد بنزعل ديه طبيعة الناس وديه طبيعة المصريين وديه طبيعة اي مجتمع افتراضي او واقعي

انا لما كنت بدور علي معلومات عن عربيتي سئلت الناس وانا كتبت ارائهم في المشاركة بتاعة " ليه اشتريت البرايد "

وكان فيه منهم واحد قال " اخويا عمل سيرش علي النت ولقي العربية مليانة عيوب "

طب يا اخي انا فلييت النت حتة حتة ملاقيتش العيوب اللي مليانة ديه وهو مقلناش علي ولا موقع منهم ده غير اننا لا نعرفة ولا نعرف اخوه

اللي عايز اقولة ان اللي بيدخل المنتدي المفروض داخل يدردش ويشبع هوايتة ( قبل كده وصف كريم المنتدي بالقهوه اللي بنتجمع فيها ) يعني مكان ترفيهي في الاساس

وديه طبيعة اي منتدي في الدنيا ومينفعش نغيرها

عشان كده مينفعش نصادر اراء الناس التانية ومينفعش نزعق ونبواء في وشهم ونقولهم " ايه يا عم الكلام ده انت بتتكلم غلط خالص "

لاء يا سيدي معلش تعالي علي نفسك شوية وتجاهل الاراء اللي متعجبكش ورد علي الاراء اللي تعجبك او اللي عايز تضيف عليها او تستوضح

لاكن اسلوب انك تقعد لكل واحد مستنيلة علي غلطة عشان ترد عليه وتبقي انت القط ابو عنين قزاز غلط ومش صح

لازم نتعلم نتكلم مع بعض ونسيب مساحة للاختلاف بينا ونحترم اراء الناس حتي الاراء الغلط تحترمها لان احترامنا ليها احترام لحرية الناس انفسهم

ومنقولهمش خلي رائيك لنفسك لان ده مكان الناس بتتشارك فيه ارائها

اللي مش عاجبة بقي فكره الرائ والرائ الاخر هو اللي ملوش مكان بينا لاننا هنا بنأسس مدرسة الرائ والرائ الاخر والحوار والجدل المثمر

http://www.nilemotors.net/Forum/viewtopic.php?t=666

اللينك ده لمقارنة كانت اتعملت بين اخيين في منتهي الاحترام هما حسام كرم(بيمثل الادا) و محمد يسري (بيمثل الشاهين )

المقارنة ديه وامثالها احسن حاجة في المنتدي لانها نقاش موضوعي فيه سخونة وشد بس مع مراعة اداب التحاور واحترام الغير
ودخل في المقارنة ناس بتلوش ومش فاهمة حاجة فعلا بس الحمد لله معرفوش يعكروا روعة الجدال المثمر

ياريت تتدخلوا تشوفوها لانها مثال حي نتعلم منة ان الجدال المنطقي هو اسمي انواع الجدال واكثرها اثمارا وعشان نتعلم ان لازم في خرابة نلاقي عفريت بس تجاهل العفريت افضل واقيم مليون مره من الانسياق وراءه في تفاهات ومجادلات بدون داعي

[hazem_khidr]

والله ياأخ هاني إحنا كنا أنهينا الموضوع
بس واضح إن الأخ اللي دخل بدون داعي ده لم يقرأ الموضوع إجمالاً
وإنما تدخل لمجرد إنه يقول أي حاجة والسلام !!!!

انا مكنتش قريت اللي اتكتب علشان الميل كان واصل قبل كلام الباشمهندس سبعاوي و عموما ميرسي لزوقك اوي يا استاذ وائل علي الكلام الحلو دا

[hazem_khidr]

إهدأ ياأخي شوية
مفيش داعي للموال اللي انت قولته ده
أنا لم أصف شركة فيات إجمالاً بالغباء

حضرتك ما وصفتهاش بالغباء مش كده

فما الضير أن أقول أن تصميمات فيات متخلفة؟؟ هذا رأيي ولي حرية التعبير عنه ولي عليك حق إبرازه وعدم التدخل فيه نهائياً

امال مين اللي كتب الكلام دا؟؟؟؟

[المتميز]

الشاهين تصميم غبي و#####
و انا راكب شاهين !!!!



تم تعديل المداخلة من قبل الأشراف وحذف الكلمات التي لا تليق

[sherif_84]

لا حول ولا قوة الا بالله متتعبش نفسك يا استاذ سبعاوى هو الشعب المصرى كده يحب اللت والعجن فالكلام كل عربية فالعالم لها مميزاتها وعيوبها حتى البى ام والمرسيدس لهم عيوب اى حاجة لها عيوب لان الكمال لله وحده فمينفعش ان كل واحد يشتم العربية اللى مش عاجباه يقول رأيه من غير شتيمة لان مالك السيارة ممكن يتضايق لان العربية لاى واحد مننا أعضاء المنتدى بتمثل حتة منه فرجاء أرجو ابداء الرأى الفنى والميكانيكى من غير شتيمة لان احنا اساس كلامنا الاحترام وأرجع اقول ان الشاهين عربية جميلة بس عيبها انها ضيقة من الخلف والتابلوه شكله قديم وتانك البنزين واكل جزء من الشنطة انما باقى العربية ممتازة