إعـــــــلان

Collapse

.

,
See more
See less

إستخدم انفك كحساس أعطال لسيارتك

Collapse
X
 
  • Filter
  • الوقت
  • Show
Clear All
new posts

  • إستخدم انفك كحساس أعطال لسيارتك

    هناك عدد من الراوئح التى اذا شممتها من سيارتك يجب ان تبحث عن سببها لأن بحثك عن سببها واكتشافه قد يسعفك فى اصلاح عطل مبكر لسيارتك وانقاذها من عواقب محتملة ، وسأستعرض معكم هنا مجموعة من الروائح وكيف تبدو :

    1- من الروائح الشهيرة جدا والتى نشمها فى السيارات رائحة شياط تيل الفرامل وطاقم الدبرياج، للأسف ان لهما نفس الرائحة واذا اشتممتها فى سيارتك فأول ما عليك ان تبحث عنه هو كونك نسيت تنزيل فرامل اليد ، فاذا وجدتها قد نزلت تابع الرائحة لفترة فلو استمرت فيجب عليك ان تراجع حالة الدبرياج وريجلاش الفرامل بالاجراءات المعتادة فى مثل هذة الظروف، الرائحة غريبة قليلا لكن اقرب تشبيه لها هو رائحة البامية المحروقة (لو مش عارفها هات شوية بامية وحطهم فى طاسة على البوتاجاز وشم ريحتها )

    2- رائحة شياط الاطارات ، وهى تشبه الى حد كبير رائحة احراق القمامة فى مقالب القمامة، خليط من رائحة حرق البلاستيك مع رائحة شواء البقاية العضوية، وهى تعنى وجود مشكلة حادة فى زوايا السيارة

    3- رائحة البنزين : وطبعا رائحة البنزين معروفة جدا ، لكن لو كان فيكم لسة حد ميعرفهاش فهى نفس رائحة طلاء الأظافر والتنر ولاصق الأوهو والغراء السريع (الكوللا) ، وهى تعنى وجود تسرب فى مكان ما من مسارات الوقود من أول التانك وصولا الى التانك مرة أخرى مرورا بالخراطيم والطرمبة والكاربراتير او مسطرة الرشاشات وخط الراجع

    4- رائحة مياه التبريد: وهى تشبه رائحة ماء تم تسخينه فى برميل مصدى، رائحة بخار لها نكهة صدأ الحديد ، جرب تشم علبة صفيح مرمية فى الشارع بعد نزول المطر وستعرف ما اتكلم عنه، وجود هذة الرائحة يعنى تسرب فى دورة مياه التبريد

    5- رائحة زيت الفرامل: وتشبه الى حد كبير رائحة حبر القلم الجاف، لو لم تكن تعرف رائحته فشرفنى بالزيارة وسأكسر قلما جافا لكى اعطيك فرصة لشم رائحته ، وتعنى بالطبع وجود تسرب فى زيت الفرامل فى احدى نقاط دورة الفرامل

    6- رائحة الزيت المحترق داخل الصالون: وهى رائحة شياط تشبه رائحة الجلد المحترق، وتعنى وجود تسرب للزيت من احد اجزاء المحرك يسقط على الشكمان ويحترق، قد يكون بسبب عدم احكام عطاء زيت المحرك او مقاس زيت المحرك او وجود تسرب من جوان وش السلندر او وش التاكيهات

    7- رائحة زيت الفايظ داخل الصالون: وهى رائحة بترولية ثقيلة (دهنية زنخة) تسبب الغثيان(ألرائحة التى نشمها دوما عند ركوب سيارة تاكسى قديمة)، وتعنى عدم وجود خرطوم الفايظ او الpcv فى مكانه او انقطاع هذا الخرطوم، لا ضرر منها على السيارة ولكن على صحة الركاب

    8- رائحة العادم داخل الصالون: رائحة العادم معروفة بالطبع (يمكنك ان تشمها اثناء عبور الطريق اثناء توقف السيارت فى اشارة) ووجودها فى صالون السيارة يعنى وجود مشاكل أو تسريب فى فرن الشكمان او المراحل الأولى من الشكمان

    9- رائحة زيت الباور: وله رائحة مميزة قريبة من رائحة عادم السيارة وإن كانت اكثر قبولا لكنها غير نفاذة وغير سريعة الانتشار ، اشتمامها يعنى تسربات فى زيت الاوتوماتيك او الباور

    10-رائحة احتراق او انصهار الضفيرة: ولها رائحة البلاستيك او الشمع المنصهر، فى حالة اشتمامها بوضوح توقف فورا واوقف السيارة وابحث عن السبب ويفضل ان تتسلح بطفاية الحريق فى يدك ، خاصة ولو ظهر معها دخان

    12- رائحة عفونة فىالصالون: وهذة تكون بسبب ابتلال موكيت الأرضية بالماء او بمواد غذائية(لبن اطفال، عصير ...الخ) وتركه بدون تجفيف ونظافة، وهذة تعالج بتنظيف الجزء المتضرر بمساحيق النظافة وتجفيفه جيدا

    13- رائحة هواء عطن فىالصالون وخاصة عند تشغيل مروحة التكييف: سببها هو نمو البكتيريا على كويل التكييف، وعلاجها هو تشغيل التكييف الساخن لأقصى درجة مع هواء فريش لمدة ربع ساعة ثم وضع معطر على مدخل السربنتينة( كنت استعمل البخور مع تشغيل الريسايكل لحل هذة المشكلة)
    [SIZE=5][COLOR=navy]سبعاوى[/COLOR][/SIZE]
    _______________________________________________

  • #2
    شكرا للموضوع ,, أكيد هيتسرق فى الجرايد والمجلات والمنتديات

    Comment


    • #3
      موضوع جديد و مختلف جداً:)

      أحييك يا باشمهندس
      [CENTER][SIGPIC][/SIGPIC][/CENTER]

      Comment


      • #4
        باشمهندس / خالد ....

        مش عارف أقولك أيه .... بس بصراحة انت هايل و شكرا لموضوعك الجامد ده و لكن أسمح لي أستشيرك بالمناسبة دي في موضوع حصل معايا النهاردة و كتبت عنه في قسم "تويوتا" و ده الرابط بتاعه :


        المهم : انا شميت ريحة بنزين قوية جدا لما فتحت غطاء المحرك علشان أشوف العربية مش عايزة تدور ليه (أفتكرت ان العيب من البطارية)
        و تاني مرة لما وقفت علي الطريق كان برضه فيه ريحة بنزين بالرغم من ان البنزين كان مش واصل للمحرك

        أيه تفسيرك لده ؟؟

        و تقبل تحياتي
        م/ سمير الشهاوي
        [SIGPIC][/SIGPIC]

        Comment


        • #5
          ماشاء الله عليك يا باشمهندس..أسلوبك ممتاز وسهل وبسط ولا يخلو من المرح اللى بيخلى الواحد يتشد للموضوع..
          بس فيه نقه..انا يوم معملت الصيانه 10000 وانا راجع المحله(الصاينه كانت بالسبع)
          شميت ريحه كده وانا على الطريق السريع..وفضلت أشمها لمده معينه لحد مراحت
          و أعتقد غنها رائحه زيت محترق على الشكمان فعلا..فهل هى نتيجه تغيير الزيت فى الصيانه مثلا..
          ولا ممكن تكون شويه شحوم على الشكمان..مع العلم إنى كنت شادد شويه وانا راجع على الطريق
          [CENTER]م/محمد علاء[/CENTER]
          [CENTER][SIZE="2"][/SIZE][/CENTER]
          [CENTER]مش شرط اعجب كل الناس .....لان مش كل الناس بتعجبني[/CENTER]
          eng:mohamed سابقا

          Comment


          • #6
            الله عليك موضوع ممتاز جدا الف شكر ليك
            [RIGHT]سبحان الله وبحمده سبحان الله العظيم
            [/RIGHT]

            Comment


            • #7
              موضوع رائع ... شكراً جزيلاً

              Comment


              • #8
                موضوع رائع جدا ومفيد
                موضوع ريحته حلوة
                [CENTER][FONT=Tahoma][SIZE=2][COLOR=#ff4400]:M_yes[1]:[SIGPIC][/SIGPIC]:M_yes[1]:[/COLOR][/SIZE][/FONT][/CENTER]
                [CENTER][FONT=Tahoma][SIZE=2][COLOR=#ff4400]سبحانك اللهم وبحمدك[/COLOR][/SIZE][/FONT][/CENTER]
                [CENTER][FONT=Tahoma][SIZE=2][COLOR=#ff4400]أشهد ألا اله الا انت [/COLOR][/SIZE][/FONT][/CENTER]
                [CENTER][FONT=Tahoma][SIZE=2][COLOR=#ff4400]استغفرك واتوب اليك[/COLOR][/SIZE][/FONT][/CENTER]

                Comment


                • #9
                  والله المنتدي كان مظلم من غيرك يا هندسة
                  ربنا ما يحرمنا من وجودك معنا في المنتدي و من مواضيعك الرائعة دي اللي كنا مفتقدينها في غيابك عنا
                  ربنا يعطيك الصحة و العافية يا بشمهندس خالد
                  [CENTER][SIZE=2]ياااااااااااااا رب [/SIZE][/CENTER]

                  Comment


                  • #10
                    كالعادة خالد باشا متميز فى افكار الموضوع و طريقة سردها

                    Comment


                    • #11
                      مبدع والله يا مهندس سبعاوي
                      .
                      طيب ازاي نستخدم الانف في تحديد اذا كانت العربيه رشه دواخل أو خوارج
                      هههههههههههه


                      ربنا يرزقك الخير والصبر يا مهندس سبعاوي
                      [rmade]http://im58.gulfup.com/qswdwL.jpg[/rmade]

                      Comment


                      • #12
                        مشكور يا باشمهندس على الموضوع الجمييل
                        الله يرحمك يا محمد جمعه :120146b

                        Comment


                        • #13
                          تقرير أكثر من رائع
                          عن كيفية تشخيص أعطال طارئه
                          بأستخدام حاسة الشم
                          التى لاتكذب أبدأ
                          عند الأستطاعه فى التفرقه بين مختلف نكهات الروائح

                          يمكن تكون أدق كمان من أجهزة التشخيص الألكترونيه

                          لأنها حاسه طبيعيه
                          من صنع الخالق ( سبحانه وتعالى )

                          Comment


                          • #14
                            كان فيه ورشة عند سور مجرى العيون تخصص تاكيهات , كان الميكانيكي بيفحص الصوت باستخدام سماعة طبية وشايل القطعة الصدرية وحاطط مكانها انبوب طويل

                            Comment


                            • #15
                              موضوع متميز جدا و ممتاز و شكرا باشمهندس خالد
                              [B]بَلْ سَوَّلَتْ لَكُمْ أَنفُسُكُمْ أَمْرًا فَصَبْرٌ جَمِيلٌ وَاللَّهُ الْمُسْتَعَانُ عَلَى مَا تَصِفُونَ[/B]

                              Comment

                              Working...
                              X