Tweet
بعد اربعة شهور من استعمالى للسيارة قطعت فيها حوالى 5000 كيلومتر لحظت ان هنك عقدة كبيرة جدا ضد ماركة تويوتا من كثير من راكبى السيارات ومستعملى الشوارع فى مصر، عقدة تسفر عن نفسها فى شكل كثير من انواع الغلاسة والتكسير وحتى التعدى اللفظى التى يمارسها الجميع ضد راكبى التويوتا، ومع قلي من تحليل الأمور الى عواملها الأولية بدأت ارى الناس يتعاملون معى وفقا للسيارة التى يركبونها هم بالشكل التالى:
راكبى الفيرنا واللانوس وما على شاكلتها من السيارات الاقتصادية: هو انت فاكر نفسك يعنى علشان راكب تويوتا هيعملولك شوارع لوحدك، مكلنا ولاد تسعة يا أخى(مصحوبا بأنه يصر على حشر عربيته امامى حتى لو الطريق فاضى)
راكبى السيارات الكورية الحديثة المكتظة بالكماليات: اه ، هو انت بأه الأهبل اللى دفع 20 ألف جنيه زيادة وخد عربية كمالياتها اقل من كماليات عربيتى علشان تغيظنى بالماركة اللى على العربية، روح ولع فى نفسك بكرة عيل يسرق الماركة من عليها (وطبعا يكسر عليا)
راكبى الهوندا سيفيك الجديدة: بقى حد يدفع 150 ألف جنيه فى البتاعة البلدى دى وقدامه الطيارة السيفيك، وسع يا عبيط الطريق للجدعان
راكبى الجيتا والأوكتافيا: ايه يا فسل، انت فاكر نفسك علشان ركبت عربية فى نفس الفئة السعرية هتحط راسك براسنا وللا ايه؟ انت اساسا حشرة ، راكب سحلية يابانى، احنا الألمانى، الجامد اوى، الشديد أوى، اللى مافيش زيه، وسع يا حقير للباشوات
راكبى ال إف أر فى والفيرنا المتروشة والجين تو: اوعى يا جدو ، الشباب مستعجل، روح اتوفى فى بيتكم يا عم
بتوع البيجو ال 504 وال132 والمرسيدس الخنزيرة والتمساحة: فين ايام العز لما كنا لنا شنة ورنة وديلوقتى ييجى حيوان زيك يفتكر انه خلاص اليومين دول بقو ايامه، جتكوا داهية مليتوا البلد
حتى فى اطار الماركة نفسها، الكثر من قائدى السيارات التويوتا يناصبوننى العداد بدون ذنب ولا جريرة ارتكبتها فمثلا:
راكبى الكورولا شكل 2000-2007 يعاملوننى بطريقة: جرا ايه يا بتاع انت، هو انت علشان راكب الشكل الجديد هتتنطط علينا، دا انا اقطعك انت و100 واحد من صنفك (مصحوبة طبعا بالرزالة والكسر عليا)
راكبى الياريس فيه بينهم وبين راكبى الكورولا عداء تاريخى من نوعية: مالك يا عم طالع فيها كدة مانا برضة تويوتا، واصلا الناس فى الشارع مش بتعرف النوعين من بعض، بتتأرنن عليا بتاع ايه
والصنف الثالث الذى يناصبنىالعداء هو الميكروباص التويوتا الجديد، ده بأه وهو بيكسر عليا بحس انه بيقول لى: انا برضه باشا زيك ، واحسن منك كمان، دى تويوتا ودى تويوتا، بس انا راجل سويق وحريف واشكر ربنا اننا سايبينلك حتة من الشارع تمشى فيها
بس الشهادة لله فيه 3 او اربع ماركات كدة اصحابهم بحس انهم مش بيغتتوا عليا ابدا:
أول ماركة هى المرسيدس من الموديلات الحديثة، دول ناس باشوات وعايشين فى عالمهم الخاص وانا وعربيتى الحقيرة مش موجودين ضمن مساحة الرؤية بتاعتهم اصلا
تانى ماركة هى اللانسر البومة: وميزة هذة الماركة ان اصحابها عندهم قناعة تامة انهم رابكين افضل سيارة صنعهتها الأيدى البشرية وبالتالى هو لية يشغل باله بالسيارة التويوتا الحقيرة دى ويحاول يدخل معاها فى اى صراع من اجل اثبات التفوق وهو متأكد فى قرارة نفسة ان اى صراع من هذا النوع بين سيارته وبين الحشرة التويوتا محسوم لصالح بومته بدون ان يبذل مجهود اصلا
أما الماركة الثالثة فهى السيات 133: ودول برضه ناس عايشين فى عالمهم الخاص، والذى ينحصر فى جملتين: "الحمد لله اهى لسة ماشيه"و" ربنا يستر وتكمل لحد آخر المشوار" وبالتالى معندهمش وقت ولا مجهود للغلاسة على امثالى
راكبى الفيرنا واللانوس وما على شاكلتها من السيارات الاقتصادية: هو انت فاكر نفسك يعنى علشان راكب تويوتا هيعملولك شوارع لوحدك، مكلنا ولاد تسعة يا أخى(مصحوبا بأنه يصر على حشر عربيته امامى حتى لو الطريق فاضى)
راكبى السيارات الكورية الحديثة المكتظة بالكماليات: اه ، هو انت بأه الأهبل اللى دفع 20 ألف جنيه زيادة وخد عربية كمالياتها اقل من كماليات عربيتى علشان تغيظنى بالماركة اللى على العربية، روح ولع فى نفسك بكرة عيل يسرق الماركة من عليها (وطبعا يكسر عليا)
راكبى الهوندا سيفيك الجديدة: بقى حد يدفع 150 ألف جنيه فى البتاعة البلدى دى وقدامه الطيارة السيفيك، وسع يا عبيط الطريق للجدعان
راكبى الجيتا والأوكتافيا: ايه يا فسل، انت فاكر نفسك علشان ركبت عربية فى نفس الفئة السعرية هتحط راسك براسنا وللا ايه؟ انت اساسا حشرة ، راكب سحلية يابانى، احنا الألمانى، الجامد اوى، الشديد أوى، اللى مافيش زيه، وسع يا حقير للباشوات
راكبى ال إف أر فى والفيرنا المتروشة والجين تو: اوعى يا جدو ، الشباب مستعجل، روح اتوفى فى بيتكم يا عم
بتوع البيجو ال 504 وال132 والمرسيدس الخنزيرة والتمساحة: فين ايام العز لما كنا لنا شنة ورنة وديلوقتى ييجى حيوان زيك يفتكر انه خلاص اليومين دول بقو ايامه، جتكوا داهية مليتوا البلد
حتى فى اطار الماركة نفسها، الكثر من قائدى السيارات التويوتا يناصبوننى العداد بدون ذنب ولا جريرة ارتكبتها فمثلا:
راكبى الكورولا شكل 2000-2007 يعاملوننى بطريقة: جرا ايه يا بتاع انت، هو انت علشان راكب الشكل الجديد هتتنطط علينا، دا انا اقطعك انت و100 واحد من صنفك (مصحوبة طبعا بالرزالة والكسر عليا)
راكبى الياريس فيه بينهم وبين راكبى الكورولا عداء تاريخى من نوعية: مالك يا عم طالع فيها كدة مانا برضة تويوتا، واصلا الناس فى الشارع مش بتعرف النوعين من بعض، بتتأرنن عليا بتاع ايه
والصنف الثالث الذى يناصبنىالعداء هو الميكروباص التويوتا الجديد، ده بأه وهو بيكسر عليا بحس انه بيقول لى: انا برضه باشا زيك ، واحسن منك كمان، دى تويوتا ودى تويوتا، بس انا راجل سويق وحريف واشكر ربنا اننا سايبينلك حتة من الشارع تمشى فيها
بس الشهادة لله فيه 3 او اربع ماركات كدة اصحابهم بحس انهم مش بيغتتوا عليا ابدا:
أول ماركة هى المرسيدس من الموديلات الحديثة، دول ناس باشوات وعايشين فى عالمهم الخاص وانا وعربيتى الحقيرة مش موجودين ضمن مساحة الرؤية بتاعتهم اصلا
تانى ماركة هى اللانسر البومة: وميزة هذة الماركة ان اصحابها عندهم قناعة تامة انهم رابكين افضل سيارة صنعهتها الأيدى البشرية وبالتالى هو لية يشغل باله بالسيارة التويوتا الحقيرة دى ويحاول يدخل معاها فى اى صراع من اجل اثبات التفوق وهو متأكد فى قرارة نفسة ان اى صراع من هذا النوع بين سيارته وبين الحشرة التويوتا محسوم لصالح بومته بدون ان يبذل مجهود اصلا
أما الماركة الثالثة فهى السيات 133: ودول برضه ناس عايشين فى عالمهم الخاص، والذى ينحصر فى جملتين: "الحمد لله اهى لسة ماشيه"و" ربنا يستر وتكمل لحد آخر المشوار" وبالتالى معندهمش وقت ولا مجهود للغلاسة على امثالى
Comment