كلمة ونص 13-مايو-2007

[sab3aawy]

فى كل العالم تحدث الحوادث فى الطرق، وتتسبب فى تعطيل السير فى الجهة من الطريق التى حدثت فيها الحادثة

ولكن اعتقد اننا البلد الوحيد فى العالم الذى عندما تحدث فيه حادثة فى اتجاه من اتجاهين الطريق يتعطل السير فى الإتجاهين، الإتجاه اللى فية الحادثة والإتجاه التانى اللى فيه ناس بتتفرج

[memo_hefnawy]

آه و الله يا أبو السباع الموضوع ده بيستفذنى جداً جداً و بكون عايز أنزل أضرب الشخص الثــأيــيل البايخ إللى موقفنا عشان يتفرج
بجد قمة فى التخلف

[M_ElSabaa]

معاك حق والله فعلا قمة التخلف والمشكلة كمان تلاقى الناس وقفت ونزلت من العربية وسايبنها فى نص الشارع

[وائل عطية]

ياجماعة بهدوء شوية
أقول لكم ليه الطريق الناحية التانية من الحادثة بيوقف:
إحنا شعب فيه قدر كبير من العاطفة والتراحم، بمعنى إن في عربيات الناحية التانية بتوقف بدافع المساعدة سواء الاتصال بالإسعاف أو نقل المصابين أو إخلاء الطريق يعني مش لمجرد الفرجة وخلاص دي حقيقة فعلاً،
ولا إيه المطلوب نشوف لا قدر الله المُتوفى أو المُصاب ونسيبه ونمشي، لأ طبعاً دي تبقى منتهى الأنانية والسلبية
اسمحلي ياسبعاوي أنا مختلف معاك في تعليقك المرة دي.

[M_ElSabaa]

ياجماعة بهدوء شوية
أقول لكم ليه الطريق الناحية التانية من الحادثة بيوقف:
إحنا شعب فيه قدر كبير من العاطفة والتراحم، بمعنى إن في عربيات الناحية التانية بتوقف بدافع المساعدة سواء الاتصال بالإسعاف أو نقل المصابين أو إخلاء الطريق يعني مش لمجرد الفرجة وخلاص دي حقيقة فعلاً،
ولا إيه المطلوب نشوف لا قدر الله المُتوفى أو المُصاب ونسيبه ونمشي، لأ طبعاً دي تبقى منتهى الأنانية والسلبية
اسمحلي ياسبعاوي أنا مختلف معاك في تعليقك المرة دي.

اسمحلى اقولك ان الناحية التانية دى بتبقى للفرجة بس وعمرى مشفت حد بيساعد اخرهم ينزلوا يتفرجوا عن قرب او يصوروا الحادثة بالموبيل!!

[وائل عطية]

والله ياأخي أنا بنفسي شوفتها أكتر من مرة
الناس بتبقى في قمة الإيجابية والتعاون
ياأخي الفاضل دعك من نصف الكوب الفارغ وانظر إلى نصفه الممتلئ، وارو عطشك

[M_ElSabaa]

والله يا استاذ وائل نفسى اشوف ان الناس بتتعاون. اصل انا بقول الكلام ده فعلا عشان بشوفه فى كل الاوقات تقريبا
النهارده كان فى حادثة على محور 26 وكان فيه نفس الموضوع برده الناس بتتفرج و مفيش حد بيعمل حاجة!

[mohamed ali]

يبدو ان الدنيا كلها بقت كده احنا عندنا في فرنسا كده لكن لاحقاق الحق مش بنفس الطريقه ما بتبقاش واقفه زي مصر
وانا بقيت بعرفها لما الاقي الطريق الي انا فيه واقف والطريق المقابل ماشى بسرعه ومفيش حاجه مكتوبه على لوحة الارشادات الالكترونيه في اتجاهى باعرف ان فيه حادثه في الطريق المقابل******يبدوان النفس البشريه واحده :!: ,
وعلى فكره القانون هنا بيقول ان اول واحد يشوف الحادت انه يلزم عليه التبليغ بالوسائل العديده المتاحه وممنوع انك تنزل من السياره وتساعد وتقف بالسياره علي بعد معين يسمح لرجال النجدة للقيام بعملهم ’
واذا النجده ما وصلتش في خلال خمس دقائق من التبليغ ممكن تقاضيهم عن التقصيير,
ولما بتتصل بالنجده ما بيسالوش انت مصري ولا اجنبي وما بيتطلبوش انك لازم تتصل من تليفون ارضي :!:

[Nader]

الناس بتعد تتفرج ونادراً لما حد فيهم بيعمل حاجة او ينقل مصاب بعربيتة مثلاً ولما تطلبهم للشهادة يقولك انا مستعجل ويمشي!!