آدى آخرة المبالغة والخروج بالتصرفات عن سياقها الطبيعى، شوفوا بيتقال علينا ايه

[sab3aawy]

مش هعلق غير بالكلام اللى انا قلته فى العنوان، عندما تخرج الأمور عن التلقائية وعندما تصبح مقصودة وتتحول الى نوع من انواع ال"شو" (الاستعراض) فطبيعى ان يتقال علينا الكلام اللى فى اللينك ده

وربنا يهدينا

المنتخب المصري بين السجود لله و السجود للكاس ..// - منتديات ستاد العرب "الكرة في ملعبك"

[أبو إياد]

هو سجود وشكر لله عز وجل فى كل الأوقات وتحت أى ظروف وليس لمبالغة أو رياء كما يدعى البعض . يقول الله عز وجل ” أنا عند حسن ظن عبدي ماكان عبدي حسن الظن بي ، فإن ذكرني فى نفسه ، ذكرته فى نفسى وإن ذكرني فى ملأ ذكرته فى ملأ خير منه ” ، وهؤلاء اللاعبين عندما طلب منهم الشكر لله على هذا الانجاز ، خروا للسجود شكراً وعرفاناً للمولى عز وجل امام الملأ والكاميرات .
وليس رياءاً أو سمعة والعياذ بالله لأنهم فى غنى عن هذا الاعتفاد .

هو فعلا الاعمال بالنيات لكن الفريق بالحركه دى عمل فعلا نوع من البلبله واعطى فرصه كبيره للناس انها تتهمنا استغفر الله العظيم بالسجود للكاس
وفعلا هما زودوها وانا عن نفسى كنت مستسخف الموضوع وشايفه زياده اوى اوى عن حده
ربنا يهدى وربنا هايحاسب على النوايا

[wisambasha]

الصورة دي من السهل جدا تكون متركبة فوتو شوب
وحتي لو مش متركبة انا مش شايف فيها اي شىء من الاستعراض او حتي الكفر (استغفر الله العظيم)
انا هاسأل سؤال
لو حضرتك معاك شنطة ورحت تلحق الجماعة مش ممكن تحط الشنطة دي امامك وتبدأ صلاتك
هل بكدة يبقي انت بتسجد للشنطة مثلا؟؟؟ الناس تعبت و كسبت وحطت جايزتها قدامها و بتسجد وتشكر الله ...... ايه المشكلة .... انهم حطوا الكاس قدامهم

احنا لو فضلنا نتابع الهيافات والسذاجات اللي بيروجها الجزائريين علينا بعد الانتصار ده مش هانخلص دي ناس دمغها تعباها ربنا يهدينا ويهديهم

[asbeats]

انا لم اشاهد الموقف الذي التقطت له هذه الصورة تحديدا....ولكن التعليق المكتوب عن سجود اللاعبين للكأس مبالغ فيه...وعار تماما من الصحة....

فهل اذا ذهب المسلم للصلاة في الخلاء كصلاة العيد مثلا...ووضع حذاءه امامه....فهل معنى ذلك انه يسجد للحذاء....حاشا لله....


هناك حديث شريف عن سيد الخلق"صلى الله عليه وسلم" يقول فيه:
(( عرضت علي النار وأنا اصلي))
صدق رسول الله صلى الله عليه وسلم

يؤخذ من هذا الحديث عدة امور منها جواز الصلاة الى حائل...وان كانت الصلاة امام النار مكروهة باتفاق اغلب الفقهاء إلا للضرورة


اظن الموضوع لا يزيد عن كونه صورة وتعليق لإثارة البلبة ليس اكثر.....


عافانا الله واياكم من كل سوء

[tmz9111]

فعلا الاعمال بالنيات

[sab3aawy]

انا بالطبع مش مع الكلام المكتوب فى اللينك، لكن احنا اللى بندى الفرصة لحد انه يقول علينا كلام ميعجبناش بسبب تصرفاتنا الغير محسوبة ، موضوع السجود لحظة الهدف مفهوم -بغض النظر عن الآراء المختلفة فيه -لكنه مقبول باعتباره مسألة عفوية تولدها الفرحة الجارفة لدى شخص متدين بطبعه، لكن حدوثه بدون حافز لحظى فى وقت الحفل مسألة تخرج من حدود العفوية الى حدود التنظيم المسبق لزوم الشو ولزوم إضاءة اللوجو الدعائى"منتخب الساجدين" ، على الأقل انا اراها كذلك ومن حق غيرى ان يراها كما يحلو له، لكن من وجهة نظرى المتواضعة التى لا افرضها على احد ، ان المقدسات من الأفضل ان تكون بعيدة عن التجارة والدعاية واللوجوهات حتى لا نجنى فى النهايه اتهامات من الآخرين لا نقبلها كما هو واضح فى الرابط اعلاه

[SeiffoZ]

واضح قوى الصورة متركبة عشان الظل مش مظبوط ...

ثانيا كل إللى فى النتدى الأخر جزائريين و عايزين يكفرونا بالعافية و إننا وحشين ...

صح إحنا بنأفور فى المواضيع دى .... زيادة شويتين كمان ...


وعودة حميدة لينا يا أستاذ سبعاوى وحشتنا مواضيعك

[asbeats]

انا بالطبع مش مع الكلام المكتوب فى اللينك، لكن احنا اللى بندى الفرصة لحد انه يقول علينا كلام ميعجبناش بسبب تصرفاتنا الغير محسوبة ، موضوع السجود لحظة الهدف مفهوم -بغض النظر عن الآراء المختلفة فيه -لكنه مقبول باعتباره مسألة عفوية تولدها الفرحة الجارفة لدى شخص متدين بطبعه، لكن حدوثه بدون حافز لحظى فى وقت الاحتفال مسألة تخرج من حدود العفوية الى حدود التنظيم المسبق لزوم الشو ولزوم إضاءة اللوجو الدعائى"منتخب الساجدين" ، على الأقل انا اراها كذلك ومن حق غيرى ان يراها كما يحلو له، لكن من وجهة نظرى المتواضعة التى لا افرضها على احد ، ان المقدسات من الأفضل ان تكون بعيدة عن التجارة والدعاية واللوجوهات حتى لا نجنى فى النهايه اتهامات من الآخرين لا نقبلها كما هو واضح فى الرابط اعلاه

+11111111111111111

أؤيدك بشدة في فكرة المبالغة غير المطلوبة.....ولا اعرف ما هي العلاقة بين الصلاة والسجود ولعب الكرة....وما هي الفائدة التي ستعود علينا من تسمية "منتخب الساجدين" واظن انه يوجد لاعبين مسيحيين في الفريق....

ولكن....كعادة المصريين او العرب بصفة عامة....ربط كل الأمور بالدين ظاهريا....وعدم مراعاة الدين ولا الأخلاق العامة في المعاملات.....

[aboelnagah]

هقول كلمة واحدة فقط لا غير

دول من الجزائر يعنى ناس لا عقل لها ولا تفكير

[sab3aawy]

هقول كلمة واحدة فقط لا غير

دول من الجزائر يعنى ناس لا عقل لها ولا تفكير

طب ليه نديهم الفرصة؟

[م.احمد زكريا]

الحركة دي حصلت في حفلة عمرو دياب في الإستاد يوم الجمعة اليفاتت

وأول ما عملوها أنا قلت ماحدش هيسبهم وهايقولوا دول بيسجدوا للكاس

وادي اخوانا الاعبين ادوا فرصة لاخوانا الهايفين والتافهين يتكلموا عليهم

[محمد محمد]

كنت متوقع انه هيتقال علي المنتخب كده.

[mohamed_kta]

فعلاً ممكن تكون زياده شويه لكن الغريب فى التعليقات أن الاخوة الجزائرين معظمهم كاتبين بالغة العربية !!! سبحان الله "الجيريى" بتتكلم عربى دلوقتى ؟؟

[M.Mosaad]

دة كان ردي في موضوع اخر عن حفل التكريم من قبل ماشوف الصورة دي و صدقوني الموضوع دة هيبقي لبانه في بق كل العرب و بصراحه فعلا الحركه كان شكلها سخيف جدااااااااااا


1- موضوع السجود دة بقي مبتذل اوي اوي يعني مبقاش حاجة تلقائية كدة بتحصل لما بنجيب جون بقت احس ان اللعيبة بتجيب جون علشان تسجد مش العكس و كمان شكل الفريق و هو ساجد و الكاس قدامه كان ساذج و مبتذل و ماسخ اوي يعني لو مصور لقط صورة و نشرها برة مثلا و حط كلمتين سم كدة من عندة فريق كورة يسجد للكاس يعني زي بيعبد الاصنام كدة و العياذ بالله كان واضح اوي انه كان شو اعلامي و خلاص في 2008 كان شكلها حلو اوي لانها فعلا كانت تلقائية

[aliabutaleb]

واضح قوى الصورة متركبة عشان الظل مش مظبوط ...

للأسف الصورة مش متركبة
المشهد حقيقي من الاحتفال بتاع اول امبارح
وانا كمان توقعت إنه هايكون فرصة لهواة الصيد في الماء العكر