حقوق ملكية الوزة

[sab3aawy]

انا بس حبيت ادخل وامسى على شباب منتدى الوزة

وبعد ان لاحطت ان اسم الوزة بقى متداول ومنتشر حتى خارج المنتدى، قلت بس احفظ لنفسى حقوق اطلاق اسم الوزة ، لاننى اول من اقترح تسمية الوزة من ايام كونتاكت

مين عارف، يمكن لما واحد من اولادى بعد كام سنة يفكر يشترى وزة مستعملة ابقى اتمنظر عليه واقول له (ابوك يا واد اللى طلع عليها اسم الوزة)

[محمد المرسي]

لك الشكر أ.سبعاوى على الأسم ..
وكلمة وزة أخف من اسبرانزا ..

[Abonora]

استاذ سبعاوى من حسن حظنا تواجدك معنا هنا ---حين قررنا ان تكون لسيارتنا اسم دلع اسوة بالسيارات الكبيرة والمشهورة---تقدم الكثير باسماء مختلفة ---وبالفعل انا توقفت عند اسم الوزة وطالبت من الجميع يوافق علية لسببين --اولهم ان من اختارة هو الاستاذ سبعاوى ولة فى نفوسنا جميعا كل الحب وخدماتة ونصائحة شملت الجميع-فلا اقل من ان نوافق على الاسم الذى اختارة عرفانا بالجميل --اما السبب التانى --انى وجدتة اسم ظريف فعلا ومش موجود ومقبول جدا-وبعد رسالتى وموافقتى وجدت مباركة من الجميع ولكن حقك محفوظ يا استاذ سبعاوى --

[kamatchodj]

شكرا جزيلا ليك يا استاذ سبعاوى على اقتراح اسم الوزه ..... وشكرا لاخى جنيدى على طلبه موافقه الجميع على الاسم

بس الحقونا احنا هنتاكل...........



الحقنا يا سبعاوى

[ahmedmagdy]

طبعا حقوق الاستاذ سبعاوى محفوظة فى تسمية الوزة وانا عن نفسى عرفت اسم الوزة من كونتاكت وعجبنى جدا واسمحلى يا استاذ سبعاوى اذا مكانش يضايقك انى استخدمه واعذرنى انى استخدمته فى مشارتى السبقة قبل مكون استاذنتك

[Abonora]

استاذ محمد المرسى هى تمشى برضة -اسبراوزة---يعنى انا ما وفقتش من فراغ-برغم انى اعز المهندس سبعاوى

[محمد المرسي]

استاذ محمد المرسى هى تمشى برضة -اسبراوزة

أيه الجمال ده يا أ.جنيدى ...بالفعل الأسم عاجبني جداً .. وهيكون سهل لما روان تقوله .. بدل متقول اسبلنزة ..

[baher]

حقوق الملكيه للاستاذ سبعاوي في الاسم وزه

[h_hezzah]

طب هى ال A620 تبقى وزة كبيرة ولا بطة؟ :roll:

[ايهاب]

اية اللي يمنع اننا نعمل استفتاء علي اسم دلع(للسبلنزة) 620

اسبرانزا طبعا --عارف
انا اقترح اسم ----نسر الكوندور
نسميها (الكوندور)
DR/EHABABDELHAFEEZ
اسبرانزاوي32

[ooo]

يا جماعة اسم الوزة انتشر في الشوارع. انا كنت ماشية مرة لقيت واحد راكب عربية
بيقولي عدي يا وزة او ادخلي يا وزة.

اسبرانزاوية رقم 28

[ahmedmagdy]

أنا عن نفسى شايف ان الوزة اسم جميل وكله دلع ويليقبعربية بكل الامكانيات دى ولكن لو حد شايف ان عنده اسم احسن ياريت يقولهولنا علشان نتفق على اسم واحد ويكون جميل ويليق بالعربية

[Ahmed Ibrahim]

لو حد شايف ان عنده اسم احسن ياريت يقولهولنا

الصقر
احمد ابراهيم

[jimmy]

حلو اسم الوزه

شغال يا عم سبعاوى بس انا زعلان منك انت لما ركبت عربيتى فى مقابلة العبور انت وشريف

طلعت فيها الوزز الفاطسه

اسف القطط الفاطسه

[e1a2f]

موافقة
وزه وزه ماشي