تعريفات سبعاوية عصرية للقيادة المصرية

[M.Osman]

"السيارة: وسيلة للتباهى والمنظرة واثبات النجاح فى الحياه ومعاكسة الفتيات ومجاملة الأقارب فى الزفات وسبب للخناق مع الجيران بسبب الركنة ولعب الأطفال، كما انها قد تصلح احيانا كوسيلة مواصلات"

بجد مش قادر ........هموت من الضحك

ههههههههههههههههههههه

[AhmedGen2]

موضوع جميل اوى يا سبعاوى :)

[mixd99999]

خواطر كوميدية واستهزائية........... لحقيقة الشوارع المصرية
بجد احنا شعب عايش بالفهلوة مافيش نظام ولا احترام لاي حاجة في اي حاجة

شكرا استاذ(سبعاوي)

[ahmed1981]

موضوع جميل جداً
ربنا يكرمك

وبخصوص النقطة التالية:

يسار الطريق: فى كل دول العالم اللى بتسوق على يمين الطريق زينا اليسار معمول للتخطى فقط ومن ثم إخلاؤه للسيارات الأكثر سرعة، لكن عندنا يسار الطريق ده لإثبات التفوق ، معنى انك تمشى فى اليمين انك تلموذ لسة بتحسس فى مجال السواقة

أنا عملت موضوع كامل عن الحارة اليسرى أو حارة التخطي
والظاهر إني كنت بتكلم عن أشياء في خيالي والرجالة حاولوا إقناعي أني فاهم غلط وكنت هروح فيها
ورابط الموضوع:

http://www.nilemotors.net/Nile/showthread.php?t=21773

[ouba2]

والله هو دة اللي بيحصل

[Dr.A.Nabil]

جميله جدا
جزاكم الله خيرا

[MoDyBeNz2008]

ههههههههههه

جامد جدا الموضوع دة

شر البلية ما يضحك

[MohaMed_Refaat]

[QUOTE=sab3aawy;182929]
العربة الكارو: عربة ذات عجلات يجرها حمار، فإذا انتقل الحمار الى مقعد القيادة اصبح اسمها ميكروباص

كمين المرور: الرؤية العصرية لقطاع الطرق، يسدون الطريق ويجبرونك على الوقوف ويستولون على تصريح قيادتك ، فتذهب لمكتب قائدهم وتدفع اموالا طائلة لاستعادته

فعلا هو دة الوصف الفعلى لبتوع الميكروباص اللى موش عارف بيجبوهم منين ولا اية صنفهم دول اية دول كولهم كدة فعلا نادرا جدا متلاقى واحد فيهم ملتزم وبيفهم .

واوسخ من بنوع الميكروباص فعلا هما رجالة المرور الافاضل قصر الله عمرهم وبلاهم بجميع الامراض هو دة وصفهم فعلا شوية حرامية حرامية حرامية والله انا لو يسيبونى عليهم اجيبهم تحت الكاوتش عالم حرامية .

[nno1]

gammmmmmmmmmeeeeeedddddd gedan gedan

[samirayad]

هل ماسأعلق بة حلم............................................... ..........متى سنرى نهاية لكل هذة السلبيات الموجودة فى المجتمع المصرى......أعتقد انى بأحلم

[Karim_Mohy]

nice ya sab3awy

[zizophone]

السيارة: وسيلة للتباهى والمنظرة واثبات النجاح فى الحياه ومعاكسة الفتيات ومجاملة الأقارب فى الزفات وسبب للخناق مع الجيران بسبب الركنة ولعب الأطفال، كما انها قد تصلح احيانا كوسيلة مواصلات

العربة الكارو: عربة ذات عجلات يجرها حمار، فإذا انتقل الحمار الى مقعد القيادة اصبح اسمها ميكروباص

كمين المرور: الرؤية العصرية لقطاع الطرق، يسدون الطريق ويجبرونك على الوقوف ويستولون على تصريح قيادتك ، فتذهب لمكتب قائدهم وتدفع اموالا طائلة لاستعادته

الإرتباك المرورى: فى الخارج يقولون على الإرتباك المرورى traffic jam أى مربى مرورية لأن حتى الإرتباك المرورى عندهم بيكون طعمه مسكر، لكن شوراعنا احنا لا يمكن ان يطلق عليها سوى "عجة"

الطيران والهبوط العمودى : اسلوب للملاحة ابتكر اصلا مع اختراع الطائرات الهليكوبتر، لكن حاليا يستخدمه سائقو الأجرة بكافة انواعها فى مصر، يهبطون عموديا من اقصى يسار الطريق الى نقطة الإنزال على يمين الطريق عند انطلاق اشارة التحذير الشهيرة (على ايدك ياسطى) ، ومن ثم يطيرون عموديا فى لا مسافة الى اقصى يسار الطريق لكى يستخدموا المجال الجوى المفتوح

نظام المرور المفتوح: مجهود حميد قامت به الحكومة المصرية للقضاء على التسول ، حيث لاحظت الحكومة ان المتسولين يمارسون اعمالهم فى الإشارات فقامت بإلغاء الإشارات وتحويل التقاطعات كلها الى نظام المرور المفتوح مما ادى الى اختفاء المتسولين من الإشارات وظهروهم فوق الكبارى التى توقفت الحركة فيها تماما بعد اختراع نظام المرور المفتوح

قانون المرور المصرى: حاجة كدة زى قانون حمورابى، محفوظ فى السجلات لزوم الدراسات التاريخية

القاعدة الوحيدة للقيادة فى الشوارع المصرية: البقاء للأقوى

الزفة: نوع من انواع مجاملة الأقارب لا يتحقق وتثبت الجميلة لصاحبه إلا بتحقيق اكبر قدر من النكد على مخاليق ربنا بسد طريقهم ومنعهم من المرواح لبيوتهم

مهارات الإتصال بين قائدى السيارات فى الشارع فى أى موقف: خدوهم بالصوت احسن يغلبوكم

العلاقة بين افضل نظام صوتى للسيارة فى مصر وجهاز طرد الفئران: لا تسمعه انت ولكن يصيب من تستهدفهم بالصمم

الحالة المرورية فى شوارع مصر الساعة الخامسة مساء: ملايين المحركات دائرة ولا توجد حركة فعلية، هذة بالضبط هى اعراض مرض الشلل الرعاش

مواطن مصرى رايح يطلع شهادة مخالفات ويجدد رخصة عربيته: انت وقعت واللا الهوا رماك

الميكروباصات والنقل و المينى باص الأخضر وسيارات الشرطة والجيش: جعلونى مجرما

يسار الطريق: فى كل دول العالم اللى بتسوق على يمين الطريق زينا اليسار معمول للتخطى فقط ومن ثم إخلاؤه للسيارات الأكثر سرعة، لكن عندنا يسار الطريق ده لإثبات التفوق ، معنى انك تمشى فى اليمين انك تلموذ لسة بتحسس فى مجال السواقة

الرصيف: مكان لركن السيارات وعرض البقالة والخضر والفاكهة ونصب السلاسل واقامة درجات السلالم، اما المشاه فلهم ربنا

اغنيتى المفضلة عند "محاولة" العودة من العمل لبيتنا آخر النهار: طريقك يا ولدى مسدود مسدود مسدوووووووووووووووووووووووود


(هذا العمل من مجهودى الخاص وغير منقول من أى مكان)

هههههههههههههههههههههههههه جامد جدا جدا

[fadynabil]

جامده جدااااااااااااااااااااااااااااً

[ehab08]

العربة الكارو: عربة ذات عجلات يجرها حمار، فإذا انتقل الحمار الى مقعد القيادة اصبح اسمها ميكروباص

تسمحلى حضرتك باضافة صغيره جدا

العربة الكارو: عربة ذات عجلات يجرها حمار، فإذا انتقل الحمار الى مقعد القيادة اصبح اسمها ميكروباص أو نص نقل

[human]

i didn't notice this one before
u r amazing hilarious writer
u made me really laugh