تجربة صديقنا الدكتور احمد سمير مع جهاز الرنين المغناطيسى

[OsKaR]

الف سلامه يا دوكتور شعور صعب فعلا كان الله في العون

[emadkamel]

أنا جربته قبل كده على ركبتى كان عندى قطع فى الغضروف.... هو طبعا اختراع علمى رائع لأنه بيدى صور ثنائيه الابعاد لأى جزء من الجسم بطريقه الشرائح يعنى الصوره على بعد مثلا 0.5 سم من سطح الجلد وبعدين 1 سم وهكذا، وده يساعد فى تشخيص الحالات بطريقه ممتازه لدرجه ان انا اللى مش متخصص فى الطب امكننى بوضوح رؤيه القطع ..... هو طبعاً ممل شويه ودوشه جداً ..بيفكرنى بترام اسكندريه فى بعض المحطات اللى بيكون فى سور عالى قوى من اليمين والشمال ... بتبقى مش قادر تستحمل الدوشه ... بس انا قعدت 20 دقيقه بس .... الف سلامه يا دكتور احمد

.......
وخصوصا مشاكل الاهمل لدرجه انى مره اخدت حقنه الصبغه مره تانيه لان الهانم الممرضه اللى ركبت لى الاداه اللى فى ظهر الكف لدخول الصبغه الاداه دى انثنت داخل الوريد ونزفت واضطر دكتور هو اللى يركبها

دى برضه جربتها ... بس فى حاجه اصعب بكتير ... حقنه البنج النصفى اللى طولها حوالى 15 سم ... "دكتور" البنج دخلها فى ضهرى وخرجها 4 مرات !!!!!!! الحمد لله ربنا ستر

[ams]

ودكتور احمد عملة عند دكتور اسامه الغنام في مدينة نصر

والدى هو المدير الادارى لهذا المركز و بيقوم باداء حالات الرنين فى الفترة الصباحية
والرنين اللى هناك اول رنين مغناطيسى مفتوح بمصر "siemens"
لو فى اى حاجه كلمنى على الخاص ;)

(تم استئذان دكتور احمد سمير قبل كتابة هذا الموضوع )

تقدير ارض ارض موجه للاستاذ سبعاوى على مراعاة شعور الاخرين:)

[PRO-DRIVE]

لا حول ولا قوه الا بالله

كان الله في العون يا دكتور احمد :(

[Abonora]

أخرج البخاري عن أبي هريرة أن النبي قال: { ما يصيب المؤمن من وصب ولا هم ولا حزن ولا أذى حتى الشوكة يشاكها إلا كفر الله بها من خطاياه }،
وقال : { ولا يزال البلاء بالمؤمن في أهله وماله وولده حتى يلقى الله وما عليه خطيئة }

ألف سلامه عليك دكتور احمد
نسأل الله ان يجعله فى ميزان حسناتك
و ما هذا المرض و الالم الا تكفير ذنوب او رفع درجات
و ربنا يشفيك ؛؛؛؛؛؛؛؛

[Chicco]

ألف سلامة على الاخ الفاضل و ربنا يشفي و يعافي الجميع

بصفتي طبيب تخدير أحب أضيف تعليقين

أولا بالنسبة لجهاز الرنين المغناطيسي المفتوح (open MRI) فهو فعلا أقل دقة من الجهاز التقليدي لكنه بديل معقول للمصابين بداء الفوبيا من الاماكن الضيقة أو المغلقة =Claustrophobia
البديل الاخر هو إعطاء إلمهدئات التي قد تصل إلي تخدير كلي لبعض الحالات

ثانيا التخدير النصفي برغم عدم شعبيته في بلدنا انما هو بديل أمن للتخدير الكلي في بعض العمليات الجراحية في النصف الأسفل من الجسم
مدي صعوبة "الحقنة" و الوقت اللازم لها يعتمد على عوامل كثيرة منها ما يتعلق بالطبيب و ما يتعلق بالمريض نفسه و في معظم المرضي "عمق الحقن" ما بين ٤ و ٦ سم

مع أصدق الدعاوي بالصحة للجميع

[Dr Ahmed]

والرنين اللى هناك اول رنين مغناطيسى مفتوح بمصر "siemens"

بكل تأكيد اللى عمله الدكتور أحمد ليس المفتوح

[د-احمد عبد اللطيف]

شافاك الله وعافاك يا اخي

http://www.simplyphysics.com/flying_objects/Chair_Removal.mpeg

هذا الرابط به فيديو لمحاولة ابعاد كرسي التصق بالمغناطيس, شئ مضحك لكنه يضيع يوم كامل حتي يتم تقليل قدرة الجهاز حتي يزال الكرسي
وفعلا الجهاز فعلا مزعج انا جربته

[ams]

بكل تأكيد اللى عمله الدكتور أحمد ليس المفتوح

لا يا سيدى الفاضل الرنين فى المركز المذكور رنين مفتوح ولا يوجد جهاز رنين غيره فى المركز

[Dr Ahmed]

ياريت حضرتك تقول لى يعنى إيه مفتوح؟؟؟

[Dr Ahmed]

دا المفتوح (وسيمنز على فكرة) ولا يتفق مع وصف سبعاوى أبدا

ودى صورة لموديل مغلق

[ams]

دا المفتوح (وسيمنز على فكرة) ولا يتفق مع وصف سبعاوى أبدا

نعم هذا هو يا سيدى الفاضل
و وصف الاستاذ سبعاوى تضمن فقط فوبيا الاماكن المغلقة
و كلام الاستاذ كريم منير ذكر اسم المركز وقال انه المركز الذى اجرى فيه الدكتور احمد الاشعه بالرنين
كل ما ذكرته انا ان هذا المركز به جهاز رنين مفتوح وحيد
و اسمه بالنص "مركز المخ والاعصاب والرنين المغناطيسى المفتوح والجامانايف الدوار " أ.د/ أسامه الغنام عميد طب ازهر سابقا
والرنين المفتوح لذوى الوزن الزائد و الذين يعانون من فوبيا الاماكن المغلقة غير الحالات العاديه

عتاب اخير : لم تشك فى كلامى ؟ هل وجدتنى كذابا او من اهل السوء ؟:(

[Dr Ahmed]

يحكى لنا صديقنا الدكتور احمد انه ، وبعد ان تلقى التعليمات بعدم الحركة وعدم الكلام نهائيا داخل الجهاز، وانغلق عليه الجهاز اصابته فوبيا الأماكن المغلقة، وكاد يدخل فى مرحلة هيسترية ، .............................إلا انه وفى لحظة يستفيق لحاله ويتذكر انه محبوس فى علبة تكاد تطبق على انفاسه،

أخى.. أنا لا أشك فى كلامك ، وأنا لم أر الجهاز الموجود فى المركز ، لكنى أظن أن الجهاز المفتوح لا ينغلق على المريض ولا يمكن وصف أنه "محبوس" فيه كما فهمت من كلام المهندس سبعاوى ، والجهاز المفتوح أحدث من المغلق ، وأعرف أن مركز د أسامة يحوى الجهاز من أكتر من 11 سنة مضت - ربما سبقت إختراع النوع المفتوح..وبخصوص الإسم فالدعاية الطبية شئ أحيانا كثيرة لا يطابق الواقع..

ولا أظن الموضوع جديرا بالخلاف ، فأنا لم أر الجهاز الموجود عند د أسامة وحضرتك متأكد من إسم الجهاز الموجود هناك وليس مواصفاته ، ولا يزيد الموضوع عن البحث فى تفصيل صغير لا يهم أحد .. رغم إنى مازلت مقتنعا بما قلت من قبل ، إلا أن يكون سبعاوى قد خانه الوصف فهذا شئ آخر.

[ams]

أخى.. أنا لا أشك فى كلامك ، وأنا لم أر الجهاز الموجود فى المركز ، لكنى أظن أن الجهاز المفتوح لا ينغلق على المريض ولا يمكن وصف أنه "محبوس" فيه كما فهمت من كلام المهندس سبعاوى ، والجهاز المفتوح أحدث من المغلق ، وأعرف أن مركز د أسامة يحوى الجهاز من أكتر من 11 سنة مضت - ربما سبقت إختراع النوع المفتوح..وبخصوص الإسم فالدعاية الطبية شئ أحيانا كثيرة لا يطابق الواقع..

ولا أظن الموضوع جديرا بالخلاف ، فأنا لم أر الجهاز الموجود عند د أسامة وحضرتك متأكد من إسم الجهاز الموجود هناك وليس مواصفاته ، ولا يزيد الموضوع عن البحث فى تفصيل صغير لا يهم أحد .. رغم إنى مازلت مقتنعا بما قلت من قبل ، إلا أن يكون سبعاوى قد خانه الوصف فهذا شئ آخر.

يا استاذى الفاضل انا متاكد من الاسم و المواصفات ولقد ذكرت فى مشاركتى الاولى ان ابى يعمل مدير ادارى فى المركز و يقوم باجراء الاشعة على الجهاز فى الفترة الصباحية ولقد رايت الجهاز بعينيا كثيرا وهو نفسه الموجود بالصورة الاولى(بالضبط) وكان اول رنين مفتوح فى مصر

وصف الاستاذ سبعاوى شىء ومعلومة الاستاذ كريم شىء اخر مما يعنى ان الاول كتب باسلوب ادبى (واصفا) والثانى باسلوب علمى (مخبرا)

الموضوع لا يحتمل خلاف كلانا اكبر من هذا وخصوصا انت (اكثر علما وعملا وعمرا)

[sab3aawy]

يا شباب انا لم ار الجهاز ولا عمرى شفت جهاز زنين مغناطيسى لكنى نقلت حرفيا ما قاله دكتور احمد

لما هو يقوم بالسلامة ويدخل على المنتدى ويشوف الصور هو يقول لنا اذا كان هذا هو ما استعمله ام هو شئ آخر