كلمة ونص-14 مارس 2008

[sab3aawy]

تتعدد وتتنوع المخالفات المرورية التى تسحب بسببها رخص القيادة فى بلدنا ، من حديث فى المحمول اثناء القيادة الى عدم ارتداء حزام الأمان الى مخالفة السرعة الى رسوب السيارة فى اختبار البيئة فى احد الكمائن العشوائية حتى ليعتقد من سمع بسحب الرخص لهذه الأسباب اننا فى اعظم بلاد العالم على المستوى المرورى، ومع كل هذا التعنت المرورى نجد عربات الكارو تجوب الشوراع بكل اطمئنان وتسير عكس الإتجاه بكل برود فى ارقى شوارع الزمالك وجاردن سيتى دون ان يتعرض لها احد

تطبيق عملى واضح للمثل اللى بيقول: مقدرش على"الحمار"اتشطر على البردعة

[MTAK]

للمثل اللى بيقول: مقدرش على"الحمار"اتشطر على البردعة

هذا المثل واضح وصريح
ولا يحتاج الى أى توضيح
:D

[aif]

اصل الكارو مالهاش رخصة والعربجي مالوش رخصة قيادة طب حد يقولي يعملوله اختبار عادم ازاي ده ... ولو سالت مدير مرور القاهرة ح يقولك:
واحنا مالنا ... دول مش تبعنا
احنا مختصين بالمركبات المرخصة فقط هو احنا ناقصين


عشان كدة المفروض يعملوا ادارة كارو في وزارة الداخلية
وبدل الكومستابل ما يركب موتوسكل يركب حصان ... وممكن يشيل سيف كمان :p
يبقي منظر يفطس من الضحك .. بس ممكن يجذب السياح .. حاجة اورينتال خالص ....

[sab3aawy]

اصل الكارو مالهاش رخصة والعربجي مالوش رخصة قيادة طب حد يقولي يعملوله اختبار عادم ازاي ده ... ولو سالت مدير مرور القاهرة ح يقولك:
واحنا مالنا ... دول مش تبعنا
احنا مختصين بالمركبات المرخصة فقط هو احنا ناقصين


عشان كدة المفروض يعملوا ادارة كارو في وزارة الداخلية
وبدل الكومستابل ما يركب موتوسكل يركب حصان ... وممكن يشيل سيف كمان :p
يبقي منظر يفطس من الضحك .. بس ممكن يجذب السياح .. حاجة اورينتال خالص ....

فى الكثير من المدن الكبرى بالعالم وحتى نيويورك وباريس، يوجد شكل من اشكال "الحنطور" للأغراض السياحية وللنزهة، لكنه مرخص ويا ويله يا سواد ليله لو الحصان عمل (عادم) فى الشارع، او ارتكب اى غلطة

لكن انا مش شايف اى لازمة للكارو الخشب فى ظل وجود عرببات الناقل بكافة الأحجام والأشكال، ولو على اكل العيش يقلبوها حناطير وتترخص وتشتغل فى السياحة فى الهرم وشارع الأزهر، لكن المنظر اللى احنا عايشين فيه ده مهزلة كبرى

[tmz9111]

هذا المثل واضح وصريح
ولا يحتاج الى أى توضيح
:d

100+++++++++++

[Dr_Smart]

بصراحه الموضوع ده فعلا لازم يتشافله حل

بس لو قلنا نمنعها مش هينفع لانك هتقطع عيش ناس كتير ... واحد بياع خضار مثلا هو الكارو ده وسيلته الوحيدة لبيع حاجته

عشان كده الموضوع محتاج تنظيم من المحافظة ... او من اي جهة المهم يبقى فيه نظام

لان بصراحه ( العادم ) بتاع الكارو فعلاااااااا ( مؤذي ) ولو سرحت شوية وانت ماشي في الشارع ومابصتش تحت رجلك ... انا مش مسؤول عن اللي هيحصلك ... ولا مؤاخذه :)

[aif]

علي فكرة فيه قرار من محافظ القاهره بمنع العربات التي يجرها الحيوانات من السير في القاهره وكل واحد معاه كارو ممكن يسلمها في المحافظة وياخد سيارة ربع نقل بقرض ميسر من بنك ناصر
الكلام دة من اكتر من 20 سنة ..... !!!!!!!!!

[محمد ابراهيم 1]

على فكره العربيات الكارو والحنطور لهم تراخيص واشتراطات مروريه
القانون فى مصر جميل جدا ومغطى كل حاجه لكن المشكله فى التطبيق وفى انصراف الشرطه عن عملها الاساسى فى فرض وتطبيق القانون كأمن جنائى ( غصب عنهم ) الى الأمن السياسى

[جمال]

فعلا انا فاكر ان فيه قانون طلع من زمان -مش فاكر امتى - بضرورة ترخيص الكارو و كان لها نمر ايضا , ثم اتنسى هذا القانون ولم يطبق - هما فاضيين للكارو كمان

[Megane]

علي فكرة فيه قرار من محافظ القاهره بمنع العربات التي يجرها الحيوانات من السير في القاهره وكل واحد معاه كارو ممكن يسلمها في المحافظة وياخد سيارة ربع نقل بقرض ميسر من بنك ناصر
الكلام دة من اكتر من 20 سنة ..... !!!!!!!!!

السلام عليكم
يا ريت يتنفذ الكلام دة
أنا كنت واقف فى إشارة شارع وادى النيل و إنت رايح فى إتجاة النفق و فجأة وجدت عربجى واقف أمامى بالعرض و نازل ضرب فى الحصان بالكرباك لدرجة إن الحصان كان عمال يقف على رجلية الخلفية و كان محمل هدم عمارة (طوب و حديد مكسر) و دة كلة هيقع على كبوت عربيتى و الأستاذ الضابط واقف بيضحك طبعا مش فارق معه حاجة طول ما هو باشا و واخد حقوق غيرة المرورية ميضحكش لية مش مهم العربية تتكسر على دماغى و أنا واقف صح فى الإشارة :):):)