سؤال بخصوص فلتر زيت كورولا جنوب افريقيا

[sab3aawy]

هو فلتر الزيت بتاع الكورولا الجنوب افريقى بيتغير كله وللا بتتغير له حشوة ورقية؟

اصلى رحت عند بتاع قطع الغيار أسأترى فلتر زيت فسألنى السؤال المحرج ده قاللى هو فلتر وللا حشوة؟ انا معرفتش بصراحة ، حيث انى مش قادر انزل تحت السيارة فى الوقت الحالى لظروف صحية فياريت لو حد عنده هذة المعلومة القيمة يفتينى بها

[medo_sirion]

اولا الف سلامة على صحة حضرتك
ثانيا حتى لو نزلت تحت العربية مش هتعرف
لان الحشو دة بيكون عبارة عن حشو داحل غطاء معدنى زى العادى بالظبط
انا اللى اعرفة ان عربيتى هاى لاين الكاملة فلترها حشو وهية جنوب افريقى

[sab3aawy]

شكرا للمعلومات، انا معايا البروفيشنال بس اعتقد ان المحرك واحد، عموما هو بيكون الفرق بين الفلتر اللى بيتغير له حشوة والفلتر العادى ان اللى بيتغير له حشوة بيكون الخامة بتاعته تقيلة شوية عن الخامة بتاعت الفلتر العادى وغالبا بيكون لونه فضى مش اسود، ودى اللى كنت هدور عليه لو نزلت تحت العربية
ومرة اخرى شكرا للمعلومات

[medo_sirion]

العفو على اية بس
بس لما كنت فى التوكيل كنت بقول للمهندس انا مبسوط ان فلتر التيوتا العادى لان الديهاتسو سيريون اللى معايا حشو
فضحك وراح ورالى عربية مرفوعة جنوب افريقى بتغير زيت و فلتر وبيقولى والتيوتا كمان حشو الجنوب افريقى

[sab3aawy]

العفو على اية بس
بس لما كنت فى التوكيل كنت بقول للمهندس انا مبسوط ان فلتر التيوتا العادى لان الديهاتسو سيريون اللى معايا حشو
فضحك وراح ورالى عربية مرفوعة جنوب افريقى بتغير زيت و فلتر وبيقولى والتيوتا كمان حشو الجنوب افريقى

هو انهى توكيل اللى انت بتدخل مع المهندس الورشة؟ لأنى بصراحة اتفعت من بتوع التجمع الخامس اللى بيتكلموا بالشوكة والكسينة وكله ممنوع ممنوع والنظام والسيستم لكن شغل مافيش؟

[medo_sirion]

لا انا متابع باستمرار فى الرزق باسكندرية
ناس محترمة جدا جدا
من اول مابوصل لحد مابمشى بكون تحت فى الورشة اسيب عربيتى واقعد اتفرج على العربيات التانية
وبجد ناس خبرة جدا ومحدش بيعمل حاجة بمزاجة هناك كلة بخطوات وعدم الاستعجال حتى لو فى ظغط

[TemTem1]

كورلا

الحمد لله على سلمتك يا سبعاوى ان كنت مستنيك تخش المنتدى اصلى بقالى كتير مش بشوف موضيع ليك و بالمناسبة دية انا عاوز اخد رايك فى كام حاجة بالنسبة للكورلا انا جبت وحدة هاى لاين اوتومتك بس حاسس ان العفشة نشفة جدا و خصوصا فى فواصل كبرى اكتوبر او الدارى بحس انى بترجرج جو العربية و ان فى صوت خبط جامد و ثانى حاجة كرسى الساق بحس انة كل مجرى بتظبط على سن غير المجرى التانية و بالتالى بحس ان الكرسى معوج تالت حاجة الفرامل بحس ان الماروتى انشف منها و اقوى غير صوت التيل الاصلى الفبريكة مع الطنابير الاصلى الفبريكة مع كل دوسة فرامل

هى دى تخيلات و الا دى هى الكورلا بجد سعات بحس عاوز ارجع الانوس تانى

[hanosh]

العفو على اية بس
بس لما كنت فى التوكيل كنت بقول للمهندس انا مبسوط ان فلتر التيوتا العادى لان الديهاتسو سيريون اللى معايا حشو
فضحك وراح ورالى عربية مرفوعة جنوب افريقى بتغير زيت و فلتر وبيقولى والتيوتا كمان حشو الجنوب افريقى

السلام عليكم
يعنى ايه حشو انا معاى كورولا جنوب افريقى هاى لاين ومن ساعة ما بغيرلها الفلتر وكنت بشتريه من التوكيل هو الفلتر العادى اللى لونه اسود وصناعه يابانى
فياريت التوضيح اكتر وشكرا

[hanosh]

الحمد لله على سلمتك يا سبعاوى ان كنت مستنيك تخش المنتدى اصلى بقالى كتير مش بشوف موضيع ليك و بالمناسبة دية انا عاوز اخد رايك فى كام حاجة بالنسبة للكورلا انا جبت وحدة هاى لاين اوتومتك بس حاسس ان العفشة نشفة جدا و خصوصا فى فواصل كبرى اكتوبر او الدارى بحس انى بترجرج جو العربية و ان فى صوت خبط جامد و ثانى حاجة كرسى الساق بحس انة كل مجرى بتظبط على سن غير المجرى التانية و بالتالى بحس ان الكرسى معوج تالت حاجة الفرامل بحس ان الماروتى انشف منها و اقوى غير صوت التيل الاصلى الفبريكة مع الطنابير الاصلى الفبريكة مع كل دوسة فرامل

هى دى تخيلات و الا دى هى الكورلا بجد سعات بحس عاوز ارجع الانوس تانى

السلام عليكم
بالنسبة لنشفان العربية من ساعه ما اشتريتها فى شهر 2 2008 والعربية عاملالى مشكله فى المطبات الصناعية بتحس انى فيه رجه او خبطه فى العجل الامامى وفى الطرق المكسرة بتحس انى فيه زلزال واى حد يركب معاى يقلى انه فيه حاجه غلط فى العربية ولما كشفت على المساعدين لقيتهم سلام واخر مرة وديتها التجمع قلتلهم يشيكوا على الجزء الامامى من العربية يمكن طنابير ولا مساعدين بعدها بربع ساعه قالولى العربية مفيهاش حاجه مع انى اشك انهم عملوا حاجه كل اللى عملوه انهم اخدوا فلوس
المساعدين عملالى مشكلة ومش عارف لو غيرت اركب ايه وهل فيه مساعدين مريحة زى العربيات الامريكانى ولا ايه الحل
وشكرا

[Unendlich]

هو فلتر الزيت بتاع الكورولا الجنوب افريقى بيتغير كله وللا بتتغير له حشوة ورقية؟

اصلى رحت عند بتاع قطع الغيار أسأترى فلتر زيت فسألنى السؤال المحرج ده قاللى هو فلتر وللا حشوة؟ انا معرفتش بصراحة ، حيث انى مش قادر انزل تحت السيارة فى الوقت الحالى لظروف صحية فياريت لو حد عنده هذة المعلومة القيمة يفتينى بها

2008 و 2009 الفلتر العادي
في التوكيل ياباني بـ 50 جم و في شارع دمشق التايلاندي بـ 35 جم
في 2010 الجماعة بتوع البيئة تدخلوا و بقى حشو

[hanosh]

2008 و 2009 الفلتر العادي
في التوكيل ياباني بـ 50 جم و في شارع دمشق التايلاندي بـ 35 جم
في 2010 الجماعة بتوع البيئة تدخلوا و بقى حشو

مش فاهم هو فلتر 2010 غير 2009 ولا يركبوا على بعض؟؟؟؟

[tiger451]

مشكورين

[medo_sirion]

2008 و 2009 الفلتر العادي
في التوكيل ياباني بـ 50 جم و في شارع دمشق التايلاندي بـ 35 جم
في 2010 الجماعة بتوع البيئة تدخلوا و بقى حشو

مظبوط كدة من اول 2010 وهية حشو

[medo_sirion]

مش فاهم هو فلتر 2010 غير 2009 ولا يركبوا على بعض؟؟؟؟

لا طبعا مينفعش يركبوا على بعض
الحشو مختلف عن الفلتر العادى
بس العادى متوفر والحشو دة مشكلة نادر انك تلاقية عند اى حد