(:@:)ماركات وموديلات السائقين-النوع الرابع"هايدى تجارة انجلش"

[Sharky]

فبمجرد ان تضغط هايدى على دواسة الدبرياش تدخل فى حالة من التحفز والترقب ، حيث تنظر لعصا الفتيس بطرف عينيها ، ووتطمئن ان عصا الفتيس فى مطرحها ومش واخدة خوانة ، يستمر الامر لربع ثانية ثم هوب مرة واحدة تروح رافعة ايدها من على الديريكسيون وخاطفة العصاية بأسرع مايمكن من التانى جايباها فى التالت قبل ما العصاية تاخد بالها انها هتتعرض لحركة الغدر دى ،يظهر ان هايدى بتكون خايفة العصاية تطلع تجرى وتسيب مكانها فاضى لو هايدى اتأخرت فى خطف النقلة

حراااااااااااام عليك
أنا مش أقدر أبطل ضحك على الفقرة دى
أنا لو حصلى حاجة إنت المسئول عن تربية العيال أنا بقوللك أهه
:D :D :D :D :D :D :D :D

[دموع الثلج]

يا سسسسسسبعاوى انا اول مره اتابع الموضو ع ده بس بجد تحفه الاسلوب والحوار ويموت من الضحك


بس ده كله على اعتبار ان الموضوع اضحوكه طبعا مش واقعى وانها مش اكثر من مداعبه

لانه ذى ما فيه هايدى فيه هريدى مخه زنخ ومش بيفهم لا اشارات ولا شمال ولا يمين ولا مطب من ملف

ولا عزاء للرجال اللهم لا اعترض يعنى على سواقه بعض الرجال

[Chicco]

١٠٠ ١٠٠ يا باشمهندس كالعادة ....شد حيلك عايزين الباقي ;)

[أبو عبدالله]

مع هايدى تشعر ان مسألة السواقة مسألة معقدة وخطيرة حتى اننى اتصور انها قبل ان تقود السيارة لا بد ان تتبادل تتبادل كلمة السر مع البواب وتتأكد ان رد البواب عليها صحيح

ان مت من الضحك يا سبعاوي والله

بالذات الفقرة دي

[sab3aawy]

يا سسسسسسبعاوى انا اول مره اتابع الموضو ع ده بس بجد تحفه الاسلوب والحوار ويموت من الضحك


بس ده كله على اعتبار ان الموضوع اضحوكه طبعا مش واقعى وانها مش اكثر من مداعبه

لانه ذى ما فيه هايدى فيه هريدى مخه زنخ ومش بيفهم لا اشارات ولا شمال ولا يمين ولا مطب من ملف

ولا عزاء للرجال اللهم لا اعترض يعنى على سواقه بعض الرجال

على فكرة ارجو ان حضرتك تراجعى الحلقات السابقة هتلاقى ان ليست هايدى فقط هى من تناولتها، ولكن لدينا فى الحلقات السابقة مودى غوراز وعم نجيب حسن الختام ومدام اعتماد بالإضافة الى هايدى ، وروابط الحلقات السابقة موجودة فى اول الموضوع للمراجعة ، وبالتالى فالموضوع ليس فيه تحيز رجالى او نسائى ، فقط هى مجرد محاولة ساخرة لرصد تصرفات السائقين بدون تحيز

وللا إيه رأى حضرتك ؟ :)

[islambana]

بمجرد حصول اختنا هايدى على السيارة فلابد ان تملأها بكل ما يثبت انها هايدى وليست هريدى .
ونجد الكرسيين الاماميين وقد لبس كل منهما تيشيرت عليه صورة بطوط-واحيانا بكار لو كانت هايدى تقاطع المنتجات الامريكيه.
يظهر ان هايدى بتكون خايفة العصاية تطلع تجرى وتسيب مكانها فاضى لو هايدى اتأخرت فى خطف النقلة .

حلوه اوي الجمل دي ياهندسه

[Ahmad Allawy]

انا عندي اقتراحات باسامي ابطال الحلقات الجاية..
عندك مثلا "العربي مقطورة" سواق النقل التقيل..
و "مسعد سيرفيز" سواق الميكروباص..
ايه رأيك؟؟

[ASD peugeot]

الله عليك يا ابو السباع انا قرأت علي جميع فصول ماركات السواقين بس مفيش احسن من (عم خليل حسن الختام )

[El Prince]

مش ممكن يا اخ سبعاوى
انا كنت هافطس من الضحك و انا اقرأ هذا الموضوع
جزاك الله خيراً على انك بتضحك الناس و الظريف ان دى انواع من البشر موجوده فعلاً
يعنى مش خيال علمى و لا حاجه
مشكور على المجهود فعلاً

[khalid_adel]

بمناسبه هايدي ماشي في الشارع زمان ولقيت هايدي بتقولنا ممكن تزقو العربيه عشان مش عايزه تدور زقينا وجامد وانا اخبطلها واقولها ارمي ارمي تقوم مفرمله وانا مش فاهم مش بدتور ليه 3 مرات على كده رحتلها بعد ما جبت جاز :p قلتلها في ايه قالتي مش راضيه تدور وابص الاقي الكونتاكت مطفي الفتيس ممور (كنت حتشل ) قلتلها انتي مبتعرفيش ترمي قالتلي يعني ايه قلتلها طب انزلي ودارت معايا من اول زقه
تاني هايدي ودي اللي كنت هاموت فيها كنت عند الشغل وطالع لقيت عربيه لادا عماله تحك في سيفيك بافترا كدا قلت بس بس اقف لقيت اتنين هايدي واترعبو مني المهم بقولهم ليه كده اترعبو اكتر ونزلو وبيقولولي ممكن تتطلعها بصيت كده وفكرت ازاي تطلع وظبط ولسه هادخل العربيه لقيت واحد طلعلي من البلكوني وشايف العربيتين لازقين من فوق بيقولي ايه اللي انت عملته ده حرام عليك انت عملت كده ازاي انت مش بتعرف تسوق حرام عليك ده صاحب العربيه مسافر وانت خبطاهله وقعد ينده على البواب كل الكلام ده والبنات ساكتين ولا ردو كأن انا اللي خابطها قمت نازل وجه البواب وبيوقلي ايه اللي حصل حكيتله وهما ساكتين ومرعوبين ( اتخرسو ) المهم قمنا زقينا العربيه انا والناس وعدلناها واديتلهم المفتاح وقلتلهم مش عايزين حاجه. لا شكرا ومشيت (طبعا السيفيك نتيجتها رفرف دخل لجوه وفانوس اشاره اتكسر ) وادي جزاء اللي يدخل مابين هايدي ومصيبتها :)

[ahmedsrs]

شكرا ياباشا على المقالة الرائعة

[waleedabbas]

ماشاء الله عليك بجد بتعبر فعلا عن الصورة بالظبط:)

[Amrrr]

انت أستاذ وطريقة كلامك معبرة - بحس اني شايف اللي انت بتحكيه !!!حاول تستفيد على أد ما تقدر من الموضوع دا

[M.Osman]

لأ لحد هنا و إناف نو مووور "enough no more"

مالهم تجارة انجليش يا عم بس ؟
دول ناس زي الفل ... بس بجد هايدى تجارة انجلش زي ما انت بتقول بالظبط .. و هنا برضه فى المنصورة كدا ... ماروتى و تيريوس و ياريس و بيكانتو ...هههه بالظبط يعني !
و فعلا بيبقى فى حديقة حيوانات و ادغال فى العربية .. مش عارف ليه !! هههه

و موضوع ابعاد العربية دا فى الباى باي خالص ... و الله واحدة زميلتى كانت بتركن ( انا فى تجارة انجلش على فكرة ..رابعة ) .. و بترجع بالعربية ورا ... ورا ورا ...ورا ... ورا ... ريحت عالعربية اللى وراها و لسة كانت هتكمل ... لولا انا و صحابي كنا موجودين لحقناها ...

شكرا عالحلقات الروعة دى

[MohaMed_Refaat]

حرام عليك يا سبعاوى باشا موتنى وتعبتنى من كتر الضحك بجد والله يعنى انا دمعت والله من كتر الضحك فعلا نموذج هايدى دة منتشر جدا وبالذات حتة الدركسيون اللى ماسكة بايديها وسنانها وكمان الفتيس الللى متحفزالة جاااااااااااااااااااااااااامدة الحتيتن دول والله العظيم انت راجل جاااااااااااااااااامد يا باشا .