(:@:) كلمة ونص 8-4-2008

[sab3aawy]

كلمة ونص النهاردة مش من الطريق ، حيث لا تزال الريجاتا ال85 النبيتى تخضع للعلاج والأشعة المقطعية (اقصد لهب بورى القطعية بتاع السمكرى، مخك مايروحش لبعيد) ،ولكن هحكيلكم عن فتى الشاى والقهوة فى المكتب والذى حكى لنا عن قصته الحزينة مع الدراجة النارية الصينية التى اشتراها بالامس بمبلغ 2800 جنيه قضى عامين كاملين يحاول توفيرهم، وبمجرد ان ركبها وخرج بها من المعرض التهمها توكتوك يقوده فتى ارعن وحولها الى شئ يشبه البيض بالبسطرمة،وبعد ان حكى الفتى الكثير من التفاصيل عن الواقعة والمعركة التالية وتدخل اقارب الطرفين حيث وقع الحادث فى منطقة المنيب الشعبية التى يسكنها الطرفين واقاربهما،سألت الفتى: وماذا كانت نهاية الأمر: فرد على فتى الشاى والقهوة الصعيدى المعتز بنفسه وبعائلته قائلا: ولا حاجة، حكمنا عليهم خدوا الموتوسيكل وخدنا منهم التوكتوك.....................:)

[Sameh]

هههههه من أعمالكم سُلِطَ عليكم :)

دلوقتى ممكن ماتلاقوش مشاريب والولد يشوفلوه لقمة عيش بالتوكتوك أحسن

[H.ibrahim]

انت بعد الحادثة غيرت من مهندس لدكتور وهل الحادثة عملت لك دماغ زى اللمبى - ربنا يقومها بالسلامة .

[محمد عز]

حكمنا عليهم خدوا الموتوسيكل وخدنا منهم التوكتوك

الحقيقة حكم باطل
ازاى طرف يحكم على طرف
لازم الحكم يكون من خارج الطرفين ويفضل يكون اجنبي
واسمه يكون سره لحد بدء المباراة اقصد المحاكمة

[sab3aawy]

الحقيقة حكم باطل
ازاى طرف يحكم على طرف
لازم الحكم يكون من خارج الطرفين ويفضل يكون اجنبي
واسمه يكون سره لحد بدء المباراة اقصد المحاكمة

اكيد طبعا لك حق فيما ترى وانا كنت مستنى اى حد يلتفت الى هذة النقطة

لأن اللى شدنى فى الموضوع هو مبدأ القوة الذى تسرى به الأمور فى مثل هذة المناطق، حيث انه لمجرد ان الفتى عائلته قوية استطاعوا توقيع هذا الحكم المجحف جدا على عائلة فتى التوكتوك حيث ان التوكتوك يتخطى تمن الموتوسيكل بكثير ، لكن الواضح ان الغياب الأمنى او بالأصح الإنتقائية الأمنية هى الى اعادتنا الى عصر الفتونة وفرض الأمور بقوة الذراع والعائلة، وكان هذا هو غرضى من هذة الكلمة ونص بتاعة النهاردة

[محمد ابراهيم 1]

أمن مين يا باشا
الأمن مش فاضى للكلام ده

[MTAK]

لكن الواضح ان الغياب الأمنى او بالأصح الإنتقائية الأمنية هى الى اعادتنا الى عصر الفتونة وفرض الأمور بقوة الذراع والعائلة،

احنا رجعنا تانى لكده من زمااااااااااااااااااااااااااااااااااااااااان

و على اختلاف المستويات باختلاف المسميات

[Sameh]

فى البلد دى بتاخد حقك بالصوت - اللى صوته أعلى ويغرق يزعق للأسف هو اللى بيكسب سواء على حق أو على باطل ، ولاحظ الموقف ده مع سواقين الميكروباص والتاكسى فى الطريق

[د-احمد عبد اللطيف]

الاحكام العرفيه لها دورها الاجتماعي الهام ولكن اللجوء اليها هو مؤشر خطير على تراجع سلطة الدوله
وعدم ثقة الناس في عدالة القانون
قال عليه الصلاة والسلام انما اهلك من كان قبلكم انهم اذا سرق فيهم الشريف تركوه واذا سرق الضعيف اقاموا عليه الحد
اعتقد ان سباق السيارات الذي تسبب الشخص القطري في مقتل المصريين اللى مالهمش ثمن مازال في ذاكرة الكثيرين
ولو كنتوا مثلي تكسرون حاجز الاربعين فيمكن تذكروا الطبيب الذي فقد عينه عندما قام لاعب كره مغاربي بفقئها في احد فنادق القاهره ثم هرب واحتما بقومه والان الخارجيه تحاول سحب مذكرة الانتربول حتى يتمكن هذا اللاعب من السفر والترحال مزهوا بجريمته التي لم ولن يعاقب عليها

لابد للحق من قوه تحميه

[ahmedsiyam]

غير ان سواقين التوكتوك دول عايزن الضرب بالنار فى ميدان عام
الموتسيكلات الصينى اللى ببلاش دى هاتبهدل الدنيا لان اى حد بيقدر يشتريها دلوقتى
قدام عينى 2 عيال راكبين على موتسيكل من ابو بلاش ده اعمارهم لا تتعدى الـ 14 سنة و طبعا الموتوسيكل و لا عليه لوحة معدنية و لا عليه حاجة غير جوز الرعاع دول و الافندى بيعزم على الاكسراتير و راح طالع طلعة جهنمية عدل فى عربية اول فيكترا جديدة و خرشم وشها و بهدلها و ما اكتفاش بكده هو اصلا موش عارف يوقف الهباب اللى راكبه اصلا راح مكمل فى ناس قاعدين امام محل بعد العربية الاوبل و دخل فيهم
طبعا موش عايز اقولكم بقى خراب ديار اصلى و منظر الاوبل بصراحة بقى شمال على الاخر و اللى قدرنى عليه ربنا عملته و مسكت الافندية و انتظرت لحد ما صاحب العربية نزل و سلمتهمله فى ايديه و فى الغالب لو حتى باع الشئ اللى كانوا راكبينه ده موش هايكفى ثمن التصليح
ربنا يستر علينا و عليكم بس الموتوسيكلات ام 3 تعريفة دى بقت اكتر من اللازم و هاتتسبب فى كوارث كتير

[hero]

يا جماعه برضة مش هانقدر نعمل امن بعدد المواطنين...يعني مش ممكن هاتخلي عسكري علي كل 10 مواطنين يحميهم ويفض منازعتهم...ولا حتي عسكري لكل 100 مواطن...احنا كدة عايزين دولة تانية..تراقب المواطنين...
المفروض كبني آدمين...ان احنا ارقي حالا من الحيوانات ايلي بتاخد حقها عافية قوة وعزوة...وظلم وجور...

يعني المفروض ان يكون فية ضمير...
العيال ايلي بتركب موتوسيكلات ...فين اهاليهم...فين الكبار ايلي منطقتهم....
التاجر ايلي بيبيع الموتوسيكل ...لية مش بيشوف مين ايلي بيشترية..لية همة يكسب وبس...

يعني هو المصريين لازم يكون فوق منهم رتبة ولا عسكري علشان يعيشوا منظمين...مالناس في الخليج مش هاقول في اوروبا عايشة من غير مشاكل من غير عساكر في الشوارع...ولا مراقبة


ربنا يهدينا ويهديهم...

[sab3aawy]

يا جماعه برضة مش هانقدر نعمل امن بعدد المواطنين...يعني مش ممكن هاتخلي عسكري علي كل 10 مواطنين يحميهم ويفض منازعتهم...ولا حتي عسكري لكل 100 مواطن...احنا كدة عايزين دولة تانية..تراقب المواطنين....

الموضوع مش موضع عسكرى لكل مواطن ولا عسكرى لكل 100 مواطن (مع ان بالمناسبة وطبقا للأرقام المسجلة فإن جهاز الأمن فى بلدنا ممكن يوفر عسكرى لك 70 مواطن بسهولة :) )

لكن الموضوع ببساطة، لو حصل هذا الحادث فى اى بلد فى العالم فإما ان سيارة او موتوسيكل الشرطة بييجى يسجل الواقعة، ويتحدد مين اللى غلطان وكل واحد يتحمل نتيجة غلطه، او ان الناس بتروح القسم وتعمل محضر بالواقعة يحصل به صاحب الحق على حقه

تخيل بأه هنا الناس دى لو كانت راحت القسم هيحصل لها ايه؟ يا ترى شفت فيلم التحويلة بتاع نجاح الموجى وفاروق الفيشاوى؟

[محمد ابراهيم 1]

الدوله تتحمل المسئوليه بالتأكيد
الدوله تسمح بإستيراد هذه الآلات وتأخذ جماركها ثم تحاول مصادرتها
لا تتخيلوا كم الجرائم التى ترتكب بإستخدام هذه الموتوسيكلات
لابد من فرض النظام بالقوه