(:@:)كلمة ونص 16-4-2008

[aif]

بصراحة الستات معذورة ولازم يعملن بمبدأ" من خاف سلم " و" والجبن سيد الحلاق .. اقصد الأخلاق "
لكن ساعات في بنات بيبقو مزودينها حبتين

[Noha.M]

بصراحة الستات معذورة ولازم يعملن بمبدأ" من خاف سلم " و" والجبن سيد الحلاق .. اقصد الأخلاق "
لكن ساعات في بنات بيبقو مزودينها حبتين

قلهم يا ابراهييييييم

احسن شدين حيلهم علينا اوىى:p

[khalid_adel]

طب انا اعمل ايه النهارده الصبح واقف في باركنج كده لقيت راجل ومراته ركبو معاهم كذا ولد وبنت ركبو ورا وطبعا الواد مقفلش الباب كويس من كتر ماهم مزنوقين
انا خفت والله على العيال لحسن الباب يقتح من ضغطهم عليه فقلت لازم اقولهم وكانت الست هي ناحيتي فقلتلها الباب اللي ورا متقلش كويس وبشاور على الباب
الاقيها بتقولي بكل تناكه واحتكار ( حاضر حاضر ) وبتشورلي بايديها ان خلاص يعني
ولا شاورت ان شكرا ولا قالت شكرا ولا حتى ابتسامه (بل نظره اشمئزاز) طب ليه ده كله بجد انا صعبت عليا نفسي قوي وكان نفسي اقتلها ولا احدفها من عربيتها على الارض معلش طولت بس انا متغاظ قوي وحسبي الله ونعم الوكيل

[tmz9111]

كله دلوقتى مش طايق نفسه

[Noha.M]

طب انا اعمل ايه النهارده الصبح واقف في باركنج كده لقيت راجل ومراته ركبو معاهم كذا ولد وبنت ركبو ورا وطبعا الواد مقفلش الباب كويس من كتر ماهم مزنوقين
انا خفت والله على العيال لحسن الباب يقتح من ضغطهم عليه فقلت لازم اقولهم وكانت الست هي ناحيتي فقلتلها الباب اللي ورا متقلش كويس وبشاور على الباب
الاقيها بتقولي بكل تناكه واحتكار ( حاضر حاضر ) وبتشورلي بايديها ان خلاص يعني
ولا شاورت ان شكرا ولا قالت شكرا ولا حتى ابتسامه (بل نظره اشمئزاز) طب ليه ده كله بجد انا صعبت عليا نفسي قوي وكان نفسي اقتلها ولا احدفها من عربيتها على الارض معلش طولت بس انا متغاظ قوي وحسبي الله ونعم الوكيل

انا ملاحظة ان قلة الذوق بقت صفة فى الناس كلها

[R A N A]

طبعا هي البنت دي اتصرفت بغباء وكانت Over يعني في رد فعلها.

لكن انا اكتر من مرة وانا ماشية حد ظريف لطيف من الشباب اللذاذ اوي الكوول دول بتوع 2008 .
يبقي علي شمالي مثلا من الناحية التانية والشارع اتزحم والاشارة قفلت مثلا واحنا بينا رصيف او هو علي يميني واختي راكبة جنبي فيحب يسلي وقت فراغه ويبص يستكشف مين اللي في العربيات اللي جنبيه لو لاقي فيها أي بنت (أو مززة بلغتهم طبعاً :drool5:) يقولك قشطة لاقينا مزحة الليلة اهي ياولاد ويقعد يستظرف بقي بأي تعليق او ومن ضمن الجمل اللي بيسيئوا استخدمها للأسف جملة علي فكرة العجلة نايمة بجد ببقي عايزة ارد واقوله طب سيبها نايمة وطي صوتك لحسن تصحى وفي مرة بجد هارد واقوله كده .
طبعا انا ببقي عارفة من شكله وطريقة تعليقه انه عايز يشتغلني يعني كل همه اني اصدق كدبته دي واقوم مطلعة راسي من الشباك ببراءة (او ببلاهة من وجهة نظره هو) ابص علي العجلة النايمة دي يقوم هو بقي يحس بمدي الإنتصار الفظيع اللي حققه وينشكح اوي ويقعد يضحك مع باقي اصحابه اللطاف اللي معاه في العربية ولسان حالهم بيقول هييييييييييييييييييييييه بعتناها هييييييييييييييييييييييه .
بجد والله المثال ده موجود فعلا وحصل معايا مرتين وبدون مبالغة بس الحمد لله سبحان الله في المرتين دول من حظهم السيئ مبتبعتش عشان يإما ببقي لسة مزبطة الكاوتش وواثقة انه مش نايم يإما ببقي قبل ماركب العربية باصة على الكاوتش كله وكمان ولو عجلة من اللي قدام نامت بحس بيها في الدريكسيون (بعد الموقف اللي حصلي قبل كده) لكن المشكلة بقي لو عجلة من ورا نامت فعلا صعب احس بيها بس لو حد نبهني برده مش بتعامل معاه بغشامه ولا بظن انه بيعاكسني لا بشوف شكله الاول واسلوبه ومنه بحكم اذا كان الشخص ده جد فعلا ويقصد النصيحة وساعتها بقوله متشكرة اوي وانزل ابص على العربية ام انه من عينة موديل 2008 اللي مقضيها استظراااااااااااف وساعتها بكبسه واعمل كإن هواااا معدي من جنبي ولا كإني شايفاه (كإني هوااا ياثامح) لكن لابديله كلمتين ولا بقعد ازعق ولاغيره وممكن بقي عشان اتاكد بعدها بشوية ويكون هو مشي بعيد اركن على جنب اشيك على العربية لحسن يطلع صادق مثلا المرة دي.

بس فعلا اكتر من مرة ناس تكلكس وتقولي مثلا الإكصدام اتخلع اشكرهم واركن على جنب وانزل اشوف هاتصرف ازاي.

الموقف اللي جاي بقي هو اللي خلاني فيما بعد اعرف ازاي ان العجلة نايمة الموقف حصلي في صلاح سالم برده (مواقفه كلها غريبة معايا صلاح سالم ده ) بعد ماطلعت من الشغل ماشية وكنت يومها رايحة اضبط الكاوتش والزوايا حسيت بتقل فظيييييييع في الدريكسيون والعربية بتحدف يمين اوي وانا كلبشت في الدريكسيون عشان العربية متوقفش بالعرض في الشارع في الاول مكنتش فاهمة ايه اللي بيحصل وليه العربية بتعمل كده لاني مكنتش اتعرضت للموقف ده خالص قبل كده شوية ولاقيت واحد معدي جنبي بيقولي العجلة نااااااايمة قلتله طيب شكرا وانا مرتبكة كده (وساعتها بس فهمت العربية ليه ببتصرف بالشكل ده ) قلت هاركن على جنب عشان اشوف ايه النظام في اثناء انتقالي من اقصى الشمال إلى اقصي اليمين في صلاح سالم وطبعا عارفين اد ايه الموضوع ده صعب ولازم بتاخدة واحدة واحدة لا سم سم كمان + اشارة يمين طبعا وتوقع النتيجة بعد 3 او 4 عربيات ينفضوا لإشارتك لحد مايطلع حد محترم يعديك المهم طول مانا ماشية بقي في الحتة دي (المدة لاتتعدي 3 دقايق مثلا) كل عربية تعدي جنبي تقولي نفس الجملة العجلة نااااااايمة اقولهم حاضر حاضر مانا هاركن اهوه واشوفها وهكذا واشكر كل واحد فيهم (اللي الحق اشكره طبعا لإنهم بيعدوا بسرعة قبل مانطق اصلا ) طبعا دول كانوا اكتر من واحد لحد مازهقت واللي عدي في الاخر من كتر تكرار الجملة قلتله عارفة والله ورايحة ازبطها اهوه .
لحد ماركنت على اليمين وشافني ولد راكب متوسيكل ونزل ساعدني ووقفنا سواق تاكسي عشان مكانش معايا مفتاح عجل ونزل بنفسه ساعدني وغيرلي الكاوتش وركبلي الإستبن من غير ماياخد ولا مليم ولما عرضت عليه انه ياخد فلوس زعل وقالي " يعني انا غلطان اني نزلت ساعدتك" طبعا اتأسفتله وشكرته ودعيتله والله واستجدعته اوي رغم كرهي الشديد لسواقين التاكسي.
ومجاش في دماغي ابدا ان اي حد من الناس دي بيعاكسني ولا بيستظرف خالص.
في ناس بتبان على طول وبفهم من تصرفاتهم هما قاصدين ايه بالزبط ولما بحسن الظن بالناس ربنا بيوقفلي ناس تساعدني بجد من غير اي غرض وحش.
والبنت المفروض يكون عندها سينس تفهم من خلاله اللي قدامها ده يقصد ايه الاول وبعدين تتصرف بعد كده لكن اللي تتغابي كده من غير ماتفهم الاول تبقي عندها عقدة نقص او حد منكد عليها اصلا من قبيلها والغلبان اللي نصحها هو اللي شرب بس ثوابه عند ربنا مراحش ياجماعة ونفتكر الجملة دي كويس اوي
متستناش الشكر والجزاء من بني ادم جزاؤك عند ربنا اكبر وارقي بكتيييييييير.:Angel_anim:

[Osama_soliman]

عالم عجيب عجيب عجيب

هههههههههههههههه

[Samir Elshahawy]

انا اول امبارح كنت نازل نازل مدينة نصر لزيارة والدتي و معي زوجتي و اذا بي اري سيارة لانسر تسير امامي تقودها سيدة و معها اطفال في الكنبة اللي ورا لحد كده و جميل اوي , ابدا مش جميل و لاحاجة :k26:

لأن الهانم سايبة الشباك الخلفي مفتوح و طفلة صغيرة مطلعة رأسها برة و تكاد يكون نصفها العلوي كله متدلي من الشباك

طبعا قربت منها بحرص و مشيت علي شمالها و بدات اديلها كلاكس علشان زوجتي هيا اللي تنبهها لكن و لاحياة لمن تنادي و كانها في غيبوبة و مش شايفة عربيتي ماشية جنبها لمسافة لاتقل عن 500 متر و لاهي دارية باللي بيحصل في الكنبة اللي وراها كأنها نائمة مغناطيسيا :k39:

المهم بعد عدة كلاكسات و محاولات من زوجتي للنداء عليها تنبهت الي وجودنا و بدأت تهدي سرعتها و انا كمان علشان ننبهها الي الخطر علي طفلتها فماذا كان الرد ؟؟
" ما أنا شايفة كل حاجة , خليكوا انتوا في حالكوا"

[R A N A]

انا اول امبارح كنت نازل نازل مدينة نصر لزيارة والدتي و معي زوجتي و اذا بي اري سيارة لانسر تسير امامي تقودها سيدة و معها اطفال في الكنبة اللي ورا لحد كده و جميل اوي , ابدا مش جميل و لاحاجة :k26:

لأن الهانم سايبة الشباك الخلفي مفتوح و طفلة صغيرة مطلعة رأسها برة و تكاد يكون نصفها العلوي كله متدلي من الشباك

طبعا قربت منها بحرص و مشيت علي شمالها و بدات اديلها كلاكس علشان زوجتي هيا اللي تنبهها لكن و لاحياة لمن تنادي و كانها في غيبوبة و مش شايفة عربيتي ماشية جنبها لمسافة لاتقل عن 500 متر و لاهي دارية باللي بيحصل في الكنبة اللي وراها كأنها نائمة مغناطيسيا :k39:

المهم بعد عدة كلاكسات و محاولات من زوجتي للنداء عليها تنبهت الي وجودنا و بدأت تهدي سرعتها و انا كمان علشان ننبهها الي الخطر علي طفلتها فماذا كان الرد ؟؟
" ما أنا شايفة كل حاجة , خليكوا انتوا في حالكوا"

ماهي دي الأمهات اللي فعلا خسارة فيهم الأمومة بجد ودي للأسف مبتتعظش الا بحدوث كارثة وبعد فوات الأوان
ربنا يهديهم ويفوقوا بقي