شرح تفصيلى مبسط لكيفية عمل تكييف السيارة واجزائه المختلفة

[Meedo]

100%

[amrya]

الف شكر

[kamalfar74]

جزيل الشكر للأخ المهندس العظيم سبعاوى ونأمل المزيد أخوك كمال فرحات

[bimmeraddict]

شكرا بشمهندس,لو سمحت كل سيارة (حسب الموديل وسنة الانتاج)ليها نوع فريون معين,فازاي أعرف نوع الفريون في سيارة معينة(بيبقى مكتوب فين؟),
وهل لو غيرت النوع ده حاجة تحصل ولا مش هتفرق؟
وهل فية أنواع أحدث وأحسن نحطها ول لأ؟
كمان,لما سربنتينة التكييف تكون مخرومة هل من الأفضل تغييرها ولا اللحام لن يؤثر على كفائتها؟
معلش أسئلة كتير

[أبومعاذ]

سؤال : انا معايا ريجاتا موديل90 بس لما ببص في الحوض مش بشوف غير مروحة واحدة بس اللي هيا بتاعت الريداتير فهل كدا التكييف ناقص و المراوح التانية بتكون راكبة فين

[sab3aawy]

سؤال : انا معايا ريجاتا موديل90 بس لما ببص في الحوض مش بشوف غير مروحة واحدة بس اللي هيا بتاعت الريداتير فهل كدا التكييف ناقص و المراوح التانية بتكون راكبة فين

مروحى السربتينة راكبة امام السربنتينة خلف الشبكة الأمامية، يعنى تشوفهل لو بصيت جوة الشبكة وليس من الكبوت

مروحة الصالون فى الريجاتا تشوفها من الكبوت تحت المساحات بتاعة الزجاج ، هتلاقى فيه علبة بلاستيك كبيرة كدة تحت الزجاج الأمامى فيها الكويل والمروحة، لكن فى معظم العربيات الحديثة بتكون الكويل ومروحة الصالون تحت التابلوه او جوا التابلوه والوصول لها من داخل السيارة

[أبومعاذ]

الف شكر يا باشا

[eng_elnaggar]

شكرا يا باشمهندس على الشرح المستفيض وانا كان عندي مشكلة في التكييف عايز آخد رأيك فيها وهى ان ان الكمبروسور بتاع التكييف مش بيفصل خالص حتى وانا فاصل التكييف وقافله ... ورحت بالعربية للتوكيل لأنها في الضمان وغيرولي سنسور تقريبا للضغط على ما افتكر واشتغل التكييف بكامل كفاءته مره اخرى ... وبعد ما اشتغل حوالي اسبوعين رجعت نفس المشكله ...

وعشان اوقف الكمبروسور وما يفضلش شغال على طول شلت الفيوز بتاعه من مجموعة الفيوزات وفصلت عنه الكهربا طبقا لتعليمات مهندس التوكيل بعد ما كلمته في التليفون...

يا ترى الحكاية دي ليها تفسير؟؟؟؟

بالمناسبة العربية بروتون واجا 2007

[sab3aawy]

شكرا يا باشمهندس على الشرح المستفيض وانا كان عندي مشكلة في التكييف عايز آخد رأيك فيها وهى ان ان الكمبروسور بتاع التكييف مش بيفصل خالص حتى وانا فاصل التكييف وقافله ... ورحت بالعربية للتوكيل لأنها في الضمان وغيرولي سنسور تقريبا للضغط على ما افتكر واشتغل التكييف بكامل كفاءته مره اخرى ... وبعد ما اشتغل حوالي اسبوعين رجعت نفس المشكله ...

وعشان اوقف الكمبروسور وما يفضلش شغال على طول شلت الفيوز بتاعه من مجموعة الفيوزات وفصلت عنه الكهربا طبقا لتعليمات مهندس التوكيل بعد ما كلمته في التليفون...

يا ترى الحكاية دي ليها تفسير؟؟؟؟

بالمناسبة العربية بروتون واجا 2007

هو ده متوقف على شكل دايرة التحكم فى الكباس عندك بس يبدو ان الكباس مش بيشتغل مباشرة مع زرار تشغيل التكييف ولكن بيشتغل مع حساس بيحس بضغط الفريون بعد السربنتينة لو قل عن حد معين بيشغل الكباس

ودايما مشكلة الكباس اللى بيشتغل ويفصل من نفسه دى بيكون سببها يا إما الشحن ضعيف وبالتالى بيدى قرايات خاطئة للضغط عند حساس الضغط، يا إما الحساس نفسه عايز يتظبط (فى بعض الموديلات بيكون الحساس له مسمار لتعلية وتوطية نقطة الفصل والتشغيل) لذلك اقترح عليك انك اولا تشوف الشحن ،لو مظبوط شيك على حتة ان حساس الضغط دة له نقطة ريجلاش

وفى النهاية دايما هناك الحل البلدى اللى هو تركيب كتاوت على سلك الموجب بتاع الكباس والكتاوت ده يكون بيلقط من مفتاح تشغيل التكييف وكدة الكباس دايما هيفصل لما تفصل التكييف، بس انصحك متلجأش للحل دا إلا لو ملقيتلهاش حل تانى

[moudy2002]

ابو السباع باشا كويس اوى الموضوع دة جه فى وقتة ..
العربية من يومين تلاته كدة كنت بشغل التكيف 10 دقايق علشان احافظ على الشحن وكدة
امبارح جيت اشغلة لاقيتة مطلع هوا بس من غير برودة .. الغريبة انه لما كنت بشغلة ال rpm كان بيعلى ودة العادى بتاعة .. دلوفتى بجيب هوا بس عاى كل السرعات بس rpm بيفضل زى ما هو واكنى مش مشغل تكيف اصلاا ..
برجاء الافادة .. العربية اكسنت 1500 وشكرا يا باشا وربنا يكتر من امثالك .

[M.Mokhtar]

بجد معلم
الف شكر ليك يا مان وربنا يكرمك

[sab3aawy]

ابو السباع باشا كويس اوى الموضوع دة جه فى وقتة ..
العربية من يومين تلاته كدة كنت بشغل التكيف 10 دقايق علشان احافظ على الشحن وكدة
امبارح جيت اشغلة لاقيتة مطلع هوا بس من غير برودة .. الغريبة انه لما كنت بشغلة ال rpm كان بيعلى ودة العادى بتاعة .. دلوفتى بجيب هوا بس عاى كل السرعات بس rpm بيفضل زى ما هو واكنى مش مشغل تكيف اصلاا ..
برجاء الافادة .. العربية اكسنت 1500 وشكرا يا باشا وربنا يكتر من امثالك .

هو واضح الن الكباس بتاعك مش بيلقط، ودى ممكن يكون لها اكتر من سبب

1- فيوز الكباس اتحرق، غير الفيوز
2-لو الكبس له كتاوت ممكت يكون اتحرق، غير الكتاوت
3-اى سلك من ضفيرة الكباس مش راكب مكانه، راجع على الضفيرة
4-يكون حساس الضغط او ثرموستات ضبط حرارة الصالون -اللى فيهم موجود عندك لأن الحاجات دى بتختلف من عربية لعربية-معلق او سلكه واقع
5- يكون الشحن ضعيف وبالتالى لو فيه حساس ضغط يكون واخد اشارة مش مظبوطة
5-يكون الكباس نفسه فيه مشكلة، ودى أشك فيها لأن فى هذة الحالة كان الRPM هيعلى لما تشغل التكييف حتى لو الكباس مشتغلش

مع ذلك فيه تجربة بسيطة بتتعمل فى هذا الصدد، تجيب حتة سلك كويس، 3-4 مللى مثلا وتوصلها من موجب البطارية لحد موجب الكباس ، وشوف الكلاتش بتاع الكباس هيلقط ولا لأ(له صوت تكة مميزة) ، لو لقط خليه موصول كويس من عند الكباس وفكه من موجب البطارية، وادخل صالون العربية وشوف الهواء ساقع وللا لأ، لو الهواء طالع ساقع يبقى انت كل مشكلتك فى الضفيرة او فيوز او كتاوت او حساس ضغط او ثرموستات وكلها حاجات بسيطة، ولو انت عارف مكان الأجزاء دى دايما تقدر تجرب ان تعمل عليها كوبرى وتشوف الكباس هيلقط وللا لأ والكوبرى اللى يخلى الكباس يلقط يبقى هو اللى عنده القطعة البايظة

[حاتم سليم]

سبعاوى بك

أشكرك حتى تستغيث ...

و اسمح لى بسؤال

لماذا يجب تشغيل تكييف السيارة فى الشتاء
كل اسبوع لمدة عشرة دقائق ؟؟

و اذا لم نقم بهذا فماذا يحدث ؟؟

لأنى استلمت الياريس اول ديسمبر 2007
و للأن ( حوالى شهرين ) لم اقم بتشغيل التكييف مطلقاً.

أرجو الافادة ...

[dr.ayman]

موضوع رائع
شكرا جزيلا

[moudy2002]

شكرا سبعاوى باشا على سرعة الرد والاهتمام وجزاك الله خيرا وجعلة فى ميزان حسناتك امين