لدى 3 اطارات ماروتى بحالة جيدة لمن يحتاجهم مجانا

[sab3aawy]

اشتريت اطارات للسيارة وخارج منها 3 اطارات بحالة معقولة(عاملين 38 ألف كيلومتر، واتنين منهم مافهمش اى ثقوب وواحد فيه خرم واحد متصلح) وحالتهم العامة جيدة وصالحين للسفر

انا مش محتاجهم ، لو فيه حد هيستفيد منهم ممكن اديهمله شريطة انه ييجى ياخدهم منى من 6 اكتوبر وانه يكون لديه سيارة ينفع يركب عليها الاطارات دى( الشرط الأخير ده لأنى مش هديهم مجانا لتاجر بالطبع)

[hamaza81]

ربنا يجزيك كل خير ويجعله في ميزان حسناتك

[shshmoh]

ربنا يباركلك الف شكر عربيتى جديده

[amrfares]

ممكن اعرف الفرده الواحده جديده بكام ويفضل تغير الاربع فرد كل اد ايه بالسنين او الكيلومترات ولكم كل الشكر

[amrfares]

متابع

[hamaza81]

الفردة الواحدة نفس النوع اللي جاي مع العربية جوديير انا كنت اشتريتها من الشركة العالمية بـ 185 جنية
وفي ايهاب زميلنا جابهم من توكيل جوديير تقريبا في المعادي في حدود 225

الكاوتش يتغير على 50000 كم
او لو انت مش بتمشي بالعربية كتير اعتقد في حدود أربع أو خمس سنين

أنا الفردة اللي أنا غيرتها كانت مخرومة وتقريبا انا مشيت عليها وهي نايمة وماخدتش بالي فباظت - عند 10000 كم- ومانفعش انها تتصلح رحت ركبت الاستبن كان جديد واشتريت فردة جديدة وركبت الاثنين قدام

[hamaza81]

يا ترى يا سبعاوي بيه حضرتكم جبتهم نفس المقاس؟؟
وياترى نوعهم ايه وسعره كام؟؟
وإيه السبب اللي خلاك تغيرهم بدري كدة رغم ان حالتهم كويسة؟؟

[ahmed_emo]

أنا معايا ماروتي 2011 ممكن واحدة بس اخليها احتياطي جمب الاستبن اللي معايا

--------------------------------------

[yasser77777777]

انا محتاجهم منك لو كانت لسة موجودة عشان عربيتي ماروتي برضه
انا عايز اشتريهم ومستعد اجيلك اكتوبر
ممكن تبعتلي موبايلك عل الخاص