(:@:)ماركات وموديلات السائقين-النوع السادس"منى سياحة وفنادق"

[mohamed_88sk]

هههههههههههههههههه
والله يا أستاذ سبعاوي موديلات تحفه هههههههههههههههه
فطستني من الضحك

[mohamed hatem]

وقعت انا كمان في منى دي .... على الدائري مع لانسر 2007 1600 فول اوبشن .....وكنت جايب بعربيتي 120 ومعرفتش حتى اوصلها عشان اقولها شاطرة .... اصلي بستجدع البنت اللي بتعرف تسوق .... ومقلكمش من كتر الغرز فصلت فستان

[Ahmad Allawy]

هههههههههههههههههه
جامد جدا الفستان ده.. اضحكتني جدا والله.. حلوة..
اما الاستاذ سبعاوي..
هاغنيلك اعنية شعبية سمعتها مرة..
"هي عادتك ولا ولا ولا هتشتريها.." :)
مقال جامد جدا كالعادة..
اما فيما يخص تجربتي مع النويعه دي.. كانت لسة اول امبارح..
اسكندرية رايح جاي..
رايح كانت معاها دايهاتسو ميرا العبد لله عمل شغل كويس واحنا رايحين.. كنا بنبدل.. مش شد مع بعض يعني.. بس هي والحق يقال كانت حريفة.. بس الحمد لله سديت معاها و وريتها الحرفنة برضه..
انا كنت مستغرب جدا من كلامك وانا باقرا مقالك علي كلمة انها ماسكة الدركسيون بايد واحدة و التانية الموبايل و هات يا رغي مش اقل من نص ساعة و احنا ماشيين.. بس دي انا قدرت عليها
بس بعد ما طلعت منها اكتر من مرة.. كنت باهدي شوية تعديني و اشد تاني اطلع منها.. نوع من كسر الملل من الطريق اللي كان الي حد كبير فاضي وانا زهقت من السواقة..
وغالبا هي مكانتش واخدة بالها مني اصلا

في الرجوع بقي.. كانت كيا بيكانتو
مكانتش بنفس حرفنة الاولي.. بس اللي فرق بس السرعة القصوي.. انا كنت اخر حاجة باجيبها 140 وهي عليت عن كده..فضلنا ماشيين قريب من بعض شوية.. اطلع منها شوية و اعديها هي شوية.. لحد ما الطريق وسع ثدامها و واحد قفل عليا.. هي فتحت بقي.. و فضلت لحد ال140 وهي قدامي وبعدين اختفت عن الانظار.. بس ما شاء الله الاتنين كانت سواقتهم كويسة

[fahd_628]

هههههههههههههههههههه

بجد والله يا سبعاوى باشا انت ملكش حل

مواضيعك جامدة اخر حاجة

و منتظرين الموديل السابع

[Karim_Monir]

هايل يا خالد
منتظرينك في كتاب سبعاويات بقي
ويا ريت لما تجمع الحاجات دي حطها في ملف PDF احسن منعا لسهولة السرقة زي بقيت حاجتك
-----------
طبعا انا تجاربي مع مني دي يتكتب فيها كتب خاصة ان في وقت كنت كاتب على ضهر عربيتي الريو
Play with the best-Lose like the rest
وكتير قوي من الجنسين كانو بيسخنوا معايا
بس اكتر واحدة اشهدلها بالتقطيع بجد بس برضه ما فلتتش من تحت ايدي وروقتها زميلة معايا في ABB وزمانها بتقرى اللي مكتوب وهاترد لو بتبلى عليها طبعا
من محترفات السواقة في الصغر ومعاها فيرنا 2004 -1600 واحدة من العربيات اللي كانت بتنزل بعفشة النترا 2004 مع وزن النترا الخفيف وموتور جبار ما قولكمش ياما شوفت ناس بتتقطع منها
خاصة ان قبلها كان معاها شاهين 1600 وواخدة على السواقة العنيفة
بعد ما بعت الريو وجبت الكرولا وهيا عارفة ان موتور الكرولا 1300 وتجميعة اقل من الفيرنا اصتادني جنب سور الكلية الحربية واحنا خارجين من الشغل وانا مشغل التكييف ومروق الغزالة وهوب قامت رامية الرمية اللي هي وضحكت وجريت على مدخل صلاح سالم
هوووب التكييف اتطفي والغيار سقط وصاروخ وراها وال RPM بيصرخ من اللي بعملة فيه
وسخن معانا ولد بجولف 4 طبعا غرز ما جابتنيش خاصة ان تاني يوم كانت ABB كلها هاتشمت فيا
روقتها وهيا فشت غلها في بتاع الجولف دخلتها في شارع نخلة المطيعي بالعكس وانا سمعت الفرامل بتاعتة وهيا بتصرخ لما دخل الشارع عكس الاتجاة
ومن شدة الغرز اللي خدتها في اليوم ده الجنط كان ساعات بيلمس في طرف الرصيف ومنور النور العالي على طول وعملنا حالة رعب في الشارع ومن يومها حرمت تشد معايا ان شالله اكون راكب 128
نييييييييييييهههههههههههههههههههههههههههههههههه

[Nile_Storm]

دي حرب ياكريم مش شد :)
معايا انا هي كانت بشاهين وفضلت تشد تشد و تغرز طول شارع الهرم الساعه 5 صباحا و مادراك شارع الهرم بيكون عامل ازاي ساعتها صحرررررررررررررررررررررررررررررررررررررررررراوي
و ديه بأه لقتها جايه من ورايا و بتقلبلي نور و كنت ب 127 و لقتها بتبصلي باحتقار
كانت بشاهين شوفو انتو الفرق
بس و الله ال 27 كانت اصيله معرفش جابت ازاي معايا 110 يومها و الله 110 و هي اصلا كانت بتعوم علي 90 كنت مرعوب يومها بس انا من الناس اللي وقت النرفزم مبشوفش ادامي حتي لو هلبس في حد المهم هي شافت كدده اتخضت خصوصا اني كنت داخل النفق علي 110 بصراحه يومها زعلت من نفسي جدا عشان التهور ده اخرته وحشه لو زلطه جت تحت العربيه يومها كنت طرت
بس من ساعتها سميت ال 27 الكتكوت المفترس :) هههههههههه

[Ayman_Abdullah]

يابشمهندس سبعاوى سيبك من الهندسة مبقتش تأكل عيش:)
واتجه الى الصحافة و الأعلام ...

[أبو ياسين]

حصلتلى
بس منى كانت ركبه جين تو و سبتها تعمل الهيا عايزاه لانى عارف ان الطريق ده اخره دايما واقف سبتها تعدينى ببساطه و قبل نهايه الطريق جيت قدمها و قررت اعمل العكس مخلهاش تعدى منى (اسهل على الانوس من انى اشد بيها مع جين تو و النتيجه واحده حرقت دم الزبونه)

[waleedabbas]

موضوع جميل ماشاء الله
بس سيبك انت هايدى احلى طبعا ;)

[Moh.Abdelbaset]

شكرا يا استاذ سبعاوى على حلقاتك الجامدة دى اللى بننتظرها على احر من الجمر
شخصية منى دى انتشرت اوى وخصوصا فى الطبقة المتوسطة
وفئة طالبات الجامعة عايزين يثبتوا ان هم مش بس زى الولد لا دول احسن منه كمان

[hazem_khidr]

-----------
طبعا انا تجاربي مع مني دي يتكتب فيها كتب خاصة ان في وقت كنت كاتب على ضهر عربيتي الريو
Play with the best-Lose like the rest
وكتير قوي من الجنسين كانو بيسخنوا معايا
بس اكتر واحدة اشهدلها بالتقطيع بجد بس برضه ما فلتتش من تحت ايدي وروقتها زميلة معايا في ABB وزمانها بتقرى اللي مكتوب وهاترد لو بتبلى عليها طبعا
من محترفات السواقة في الصغر ومعاها فيرنا 2004 -1600 واحدة من العربيات اللي كانت بتنزل بعفشة النترا 2004 مع وزن النترا الخفيف وموتور جبار ما قولكمش ياما شوفت ناس بتتقطع منها
خاصة ان قبلها كان معاها شاهين 1600 وواخدة على السواقة العنيفة
بعد ما بعت الريو وجبت الكرولا وهيا عارفة ان موتور الكرولا 1300 وتجميعة اقل من الفيرنا اصتادني جنب سور الكلية الحربية واحنا خارجين من الشغل وانا مشغل التكييف ومروق الغزالة وهوب قامت رامية الرمية اللي هي وضحكت وجريت على مدخل صلاح سالم
هوووب التكييف اتطفي والغيار سقط وصاروخ وراها وال RPM بيصرخ من اللي بعملة فيه
وسخن معانا ولد بجولف 4 طبعا غرز ما جابتنيش خاصة ان تاني يوم كانت ABB كلها هاتشمت فيا
روقتها وهيا فشت غلها في بتاع الجولف دخلتها في شارع نخلة المطيعي بالعكس وانا سمعت الفرامل بتاعتة وهيا بتصرخ لما دخل الشارع عكس الاتجاة
ومن شدة الغرز اللي خدتها في اليوم ده الجنط كان ساعات بيلمس في طرف الرصيف ومنور النور العالي على طول وعملنا حالة رعب في الشارع ومن يومها حرمت تشد معايا ان شالله اكون راكب 128
نييييييييييييهههههههههههههههههههههههههههههههههه

يا مفتري
:D:p:D:p:D:p:D:p

[Karim_Monir]

بصراحة ما ينفعش معاهم غير كدة
ما تدخلي يا M تردي لو بكدب ساكتة ليه
نييييييييييههههههههههههههههههه
على فكرة يا جماعة
نص ABB مشاركين في المنتدي وما بيرضوش يكتبو بيقرو بس
وشوفت كتير قوي ناس فاتحين المنتدي على كومبيوتراتهم

[Islam_galal]

الله ينور يا سبعاوي
صدقني موضوعك اللي مابعلقش عليه أكيد ماشفتوش
شكرا للكاتب الظريف الحزين

[جمال]

والله انت فعلا حكاية

[Ahmad Allawy]

يا معلم سبعاوي يا كبير..
تحية كبيرة مني للمواضيع الجامدة دي..
وبما ان دي المشاركة رقم 777 ليا في المنتدي الجميل ده..
فقررت ان المشاركة دي لازم تكون في موضوع من مواضيع العملاق سبعاوي لما يحتويه رقم المشاركة من سبعات كتيرة..
وعقبال ال7777 ان شاء الله و برضه هتكون هنا في موضوع سبعاوي.. :)


----------------------------------------
المشاركة رقم 777 في موضوع سبعاوي.. :)
----------------------------------------