قررت اشترى سير الكاتينة لكى اغيره لأنى على أعتاب الأربعين ألف، وقلت بأه اجيب الأصلى بتاع بلاده، فركبت السيارة بالأمس من المهندسين صوب التوكيل فى جوزيف تيتو جنب المطار، ولكم ان تتخيلو هذا المشوار الساعة 2 ونص يبقى عامل ازاى، وصلت هناك الساعة 4 ونص بأعجوبة، ودخلت أسأل على مبيعات قطع الغيار ، قالولى مبنبيعش، اومال ايه قالولى بنركب بس لكن مش بنبيع فرط، قلتله انا جاى من المهندسين وشعرى شاب واصلعيت وسنانى وقعت فى المشوار من المهندسين الى هنا، بيعهولى ياسيدى بتكاليف تركيبه، قالى لأ دخل العربية الورشة ونركبهولك، قلت استهبل وأسأله سؤال انا عارف اجابته مسبقا: طب ادخلها، قالولى لا ،تحجز ميعاد وندخلهالك، قلت لهم طب لو عايز قطع غيار فرط اجيبها منين، قال لى من 26 شارع المساحة الدقى، (معرض بيع سيارات ومافيهوش صيانة) ، قلت ماشى، المهم نزلت النهاردة من المهندسين الى الدقى مستعملا وسيلة المواصلات الوحيدة المتاحة فى وسط النهار فى تلك البقعة من العالم( الموتورجل) ، ووصلت الى 26 شارع المساحة بعد ما صبيت كمية عرق لو انا فرخة بتتسلق فى حلة كانت عملت كمية مرقة تكفى الفتة لمائدة كاملة من موائد الرحمن، دخلت المعرض سالت الراجل(اللى اشتريت منه العربية من 3 سنوات) قطع الغيار فين، قال لى فى الممر اللى جنبينا، دخلت الممر، لقيت موظف من النوعية اللى لو فتحت اى قاموس لغوى ودورت على كلمة (موظف) هتلاقى صورته جنبيها،بدلة صيفى ومنديل على رقبته وبقايا شعر ابيض تم تطويلها وتسريحها للجنب لتغطى الصلعة، ومروحة ايديال موديل سنة حاجة وسبعين اللى بيتقول كركركركركركركركركر دى، سألته على سير الكاتينة، قال لى معندناش، قلت له اومال انتم فاتحين ليه، رد عليا رد مالوش أى علاقة بالسؤال قالى (حضرتك ممكن تدخلها صيانة ونغير لك السير) ، طب بالذمة دة اقول له ايه، يعنى منين معندهمش ومنين هيغيرهولى فى الورشة، ثم هو اصلا مافيش ورشة فى شارع المساحة، قلت له طب لما اعوز سير كاتينة للماروتى اعمل ايه، قال لى هديلك محل تجيب من عنده ووصف لى محل فى آخر شارع التحرير، قلت له يعنى ده عنده الأصلى قالى لا هتلاقى عنده كورى او تايوانى .......................طب ارد اقول ايه؟ مقلتش، خرجت من عنده خدت المترو لحد التوفيقية وجبت السير من الشركة اليابانية ورجعت المهندسين لاعنا ابو اليوم الأسود اللى فكرت فيه انى اتعامل مع مودرن موتورز، وربنا يخليلنا الميكانيكية وتجار قطع الغيار
X
-
-
تعيش وتاكل غيرها ياهندسه
شعار التوكيل:
(حد قالك تركب ماروتي يا.....)
ههههههههههههههههههههههههههههههه
عموما انا من الاول مع اني اشتريه واركبه من بره التوكيل وننجز وانت طمنتني كده
هههههههههههههه
حمد لله عالسلامه ياهندسه وواحشنا جدا جدا
سلاميdon't judge a car unless you have driven it
hm414 سابقا
Comment
-
معلش مش لوحدك يا بشمهندس سبعاوي اللي اتشل من اللي شافه
انا ربنا تاب عليا من اول صيانة و قولت مش هعتبه تاني بسبب اللي شوفته و بسمعه كمان عمل عندي زي مناعة ضد التوكيل
و كله كوم و لما سألتهم ع خبطة في العربية تترد ع البارد بيقولي الفين مش عارف و كام
روحت عملتها برة و رديت حتتين في الشنطة دخلوا بسبب الدليفري و كله بــ25 جنيه و رجعت زي الفل و لا كأن فيها حاجة
ال الفين و مش عارف كام
محسسني اني هرش العربية كلها و اشد الفرش كله
[CENTER][SIGPIC][/SIGPIC]
[SIZE=4][URL="http://www.nilemotors.net/Nile/252145-a.html"]سلسلة تعالوا نعرف التعليمية[/URL][/SIZE]
[SIZE=4][URL="http://www.nilemotors.net/Nile/195073-a.html"]أدوات يجب ان تكون في كل سيارة[/URL]
[URL="http://www.nilemotors.net/Nile/194027-a.html"]اسعار جميع كماليات و اكسسوارات السيارات[/URL][/SIZE]
[/CENTER]
AXEL سابقا
Comment
-
حبيبى ورفيق الكفاح حازم باشاالمشاركة الأصلية كتبت بواسطة hm414 مشاهدة المشاركةتعيش وتاكل غيرها ياهندسه
شعار التوكيل:
(حد قالك تركب ماروتي يا.....)
ههههههههههههههههههههههههههههههه
عموما انا من الاول مع اني اشتريه واركبه من بره التوكيل وننجز وانت طمنتني كده
هههههههههههههه
حمد لله عالسلامه ياهندسه وواحشنا جدا جدا
سلامي
للمعلومات ، انا جبت السير من الشركة اليابانية اللى فى مول التوفيقية بتاع شارع زكى الدور الاول اللى بتعاامل معاهم على طول، السير ماركةsgp (احد الشركات المغذية لسوزوكى) صناعة يابانى ، ب 35 جند، وهركبه يوم الجمعة، لو لك فيه كلمنى بالتليفون قبل الجمعة او الجمعة صباحا[SIZE=5][COLOR=navy]سبعاوى[/COLOR][/SIZE]
_______________________________________________
Comment
-
والله يا بشمهندس سبعاوى أنا غيرت سير الكاتينة على 70 الف والحمد لله مفيش أى مشاكل[CENTER][SIZE="4"][COLOR="Purple"](( فقلت استغفروا ربكم إنة كان غفارا _ يرسل السماء عليكم مدرارا _ ويمددكم بإموال وبنين _ ويجعل لكم جنات ويجعل لكم انهارا ))[/COLOR][/SIZE][/CENTER]
[CENTER][COLOR="DarkRed"](((أستغفروا الله)))[/COLOR][/CENTER]
[CENTER][SIGPIC][/SIGPIC][/CENTER]
Comment
-
ياقسوة قلبك 70000المشاركة الأصلية كتبت بواسطة ehab_11_22 مشاهدة المشاركةوالله يا بشمهندس سبعاوى أنا غيرت سير الكاتينة على 70 الف والحمد لله مفيش أى مشاكل
ماشاء الله تبارك الله
طب قولنا غيرته ازاي واشتريته منين وبكام
Comment
-
تسلم يا سبعاوي بيه بس للاسف الجمعه دي انا نازل المستشفى من 7 الصبح ل4 العصرالمشاركة الأصلية كتبت بواسطة sab3aawy مشاهدة المشاركةحبيبى ورفيق الكفاح حازم باشا
للمعلومات ، انا جبت السير من الشركة اليابانية اللى فى مول التوفيقية بتاع شارع زكى الدور الاول اللى بتعاامل معاهم على طول، السير ماركةsgp (احد الشركات المغذية لسوزوكى) صناعة يابانى ، ب 35 جند، وهركبه يوم الجمعة، لو لك فيه كلمنى بالتليفون قبل الجمعة او الجمعة صباحا
بس عموما
هبقى اكلمك اطمن الاخبار ايه وربنا ييسرها عليك وعلى الجميع
نشوفك على خير ان شاء الله
سلاميdon't judge a car unless you have driven it
hm414 سابقا
Comment
-
أسف على التأخيرالمشاركة الأصلية كتبت بواسطة hamaza81 مشاهدة المشاركةياقسوة قلبك 70000
ماشاء الله تبارك الله
طب قولنا غيرته ازاي واشتريته منين وبكام
بسيطة جدا أن شاء الله
رحت جيبت واحد من سوزوكى سنتر وركبتو عن ميكانيكى
والحمد لله مفيش مشاكل[CENTER][SIZE="4"][COLOR="Purple"](( فقلت استغفروا ربكم إنة كان غفارا _ يرسل السماء عليكم مدرارا _ ويمددكم بإموال وبنين _ ويجعل لكم جنات ويجعل لكم انهارا ))[/COLOR][/SIZE][/CENTER]
[CENTER][COLOR="DarkRed"](((أستغفروا الله)))[/COLOR][/CENTER]
[CENTER][SIGPIC][/SIGPIC][/CENTER]
Comment
-
مشكلة التوكيلات فى مصر انها مش بتحترم العميل
أنا كنت جربت توكيل بيجو(فى العربية القديمة) اللى فى الهرم (شارع النادى الرياضى) شوية فنيين ملهومش لازمة الواحد فيهم فاكر نفسه سوبرمان
و عامل فيها أنه مخترع رهيب , بصراحة لولا الاحترام كنت ادتهم بالجزمة
ربنا يتوب علينا من قرف التوكيلات[CENTER]اللهم انصر الإسلام و أعز المسلمين
و أذل الشرك و المشركين
ودمر أعداء الدين[FONT="Times New Roman"][SIZE="5"][/SIZE][/FONT][/CENTER]
Comment


Comment