شفت اللوجان النهاردة فى الشارع

[sab3aawy]

شفتها راكنة النهاردة الصبح فى شارع البحر الأعظم عند كوبرى الجامعة ، لونها بترولى

ومعلقة نمر ملاكى

بس شكلها بصراحة على الأرض انيق جدا، هى صغنطوطة اوى بس شكلها مريح للعين اوى

[Sharky]

إيه دا دى خلاص إتسلمت و إترخصت كمان !!

[sab3aawy]

إيه دا دى خلاص إتسلمت و إترخصت كمان !!

ممكن يكونوا موزعين دفعة لموظفى التوكيل علشان الناس تعتاد منظرها فى الشارع

[معاذ الشرباصى]

ممكن يكونوا موزعين دفعة لموظفى التوكيل علشان الناس تعتاد منظرها فى الشارع

هو بالفعل كان فى 2 عربية مع مهندسى التوكيل

واحدة لونها فضى و واحدة لونها غامق (يدى على اسود مطفى شوية)

دول كانوا فى الشارع بيتجربوا اكتر من سنة

انا شفتهم اكتر من مرة

[amr123]

لا يا جماعة ... في منها اتسلم و ترخص كمان
انا اعرف واحد اشترى واحدة بترولي

بس ده تقريبا نزل يجري على التوكيل او ما شاف الاعلان :)

[Abo_Lina]

انا برضه شفت واحده بس كانت من غير نمر
افتكرتها كورسا سيدان اول ما شفتها

[NaderNabil]

فيه دكتور في الجامعة عندنا جاب ال Mcv لونها بيستاج...شكلها حلو و كبيرة بغباء....و شنطتها بحر:)

[hesham_tawfiq]

انا هستلم انشاء الله خلال اسبوع

العربيه بدأت تتسلم فعلا وانا هستلم فى خلال اسبوع إن شاء الله
اتمنى من ربنا تكون مغامره موفقه لانى حاسس ان الرينو فى مصر حظها وحش
بس عموما هى عربيه محترمه جدا فى رايى

[NaderNabil]

كان حظها وحش...دلوقتي وعي الناس زاد و عصر الانترنت خلا نناس كتير تعرف و تقتنع بحاجات كتير كان منتشر عنها أفكار مغلوطة....فعلا عربية محترمة

و ماتنساش تتابع معانا اخر الاخبار و تقييمك و كده....هاتبقي أول واحد علي نايل موتورز يكتب عنها:)

[bassam nagy]

دة التوكيل جايب مجموعة كبيرة وبيسلم على طول
من المتوقع انهاهاتحقق مستقبل كويس فى الشارع المصرى
والف مبروك مقدما للاخ هشام

[M_HaFeZ]

هو مفيش اخبار عن اللاجونا ؟؟؟؟

[sab3aawy]

المفاجأة بأه انى شفت واحدة تانية فضى عندنا فى مدينة نصر قريب من البيت وانا مروح وبرضه مترخصة ومعلقة نمر

[Mzeid]

طيب هي شكلها مقبول و لا إيه نظامها سبعاوةي باشا .. ؟!
:):)

[sab3aawy]

بص هو الشكل مسألة اذواق، العربية مضلعة بشكل مبالغ فيه، يعنى كلها مثلثات وخطوط حادة، وانا بعشق الأشياء المضلعة ذات الخطوط الحادة ، وبالتالى وقعت فى غرام العربية اول ما شفتها

لكن فيه ناس تانيين كانوا شايفينها مبعجرة (مش هقول هم مين علشان بلاش افتن ، سامعنى ياللى فى بالى؟)

عموما مسألة الحجم لا اختلاف عليها، العربية فى حجم الكورسا سيدان والكليو والنيو اكسنت

[mohamed ibiza]

يا ريت يا جماعة الناس اللي هتستلم يعجلوا بالتليين و يسافروا شرم الشيخ و ينجزوا الالف كيلو عشان ابن عمتي عايز يجيبها و قلتله يستني التقرير المتين:dرخامة معلش

============
نرجو من العضو الفاضل
تصغير حجم التوقيع لديه
لأنه تم التنبيه من قبل على ذلك في موضوع عام
وشكرا

الادارة 3