البطاقة الفنية الكاملة للرينو لوجان

[sab3aawy]

السيارة لوجان ، والتى طرحتها اخيرا شركة رينو فى مصر بعد نجاحها الذى لم تكن تتوقعه رينو نفسها فى شرق وغرب اوروبا ، تباع فى رومانيا والعديد من دول اوروبا باسم داتشيا لوجان مع اضافة عبارة Made by renault على كل ملصقاتها واعلاناتها، وتباع فى دول اخرى باسم رينو لوجان

لكن المفاجأة الحقيقية ان مجموعة نيسان رينو المنتجة للسيارة تبيعها فى المكسيك ودول امريكا الجنوبية باسم نيسان ابريو ، وربما كان ذلك لقبول اسم نيسان فى دول الأمريكتين عن اسم رينو

المعلومات الفنية للسيارة

شاسيه السيارة:

اللوجان مصممة على شاسيه من نيسان ، وهو المسمى (قاعدة عجلات نيسان B) وهو نفس الشاسيه الذى ترتكز عليه النيسان ميكرا السيارة الصغيرة واسعة الإنتشار فى اوروبا وكذلك الجيل الجديد من الرينو كليو



المحرك:

السعة 1600

التصميم احادى الكامة ب 8 صباب

القدرة القصوى 87 حصان على 5500RPM

العزم الاقصى 128 نيوتن متر على 3000RPM

نسبة الأنضغاط: 9.5

تغذية الوقود: حقن الكترونى متعدد النقاط

نوعية الوقود: عادى (عادة يقصد بها بنزين 80 ، وهم كاتبين فى الموقع الرسمى بتاع رينو ان المحرك مصمم لاستعمال انواع متدنية من الوقود المتوافرة فى دول العالم الثالت)

السرعة القصوى:
175 كيلومتر فى الساعة



آلات الجر:

عدد الغيارات :5 امامى + 1 خلفى

نظام الجر: امامى ، لاتوجد معلومات متاحة عن وضعية المحرك (بالطول ام بالعرض، يلاحظ ان سيارات داتشيا القديمة كانت جر امامى ومحركاتها بالطول)

نسب التخفيض:
سرعة السيارة على 3000 RPM على الغيارات المختلفة:
على الغيار الأول:22 كم/س
على الغيار الثانى:40 كم /س
على الغيار الثالث:60 كم/س
على الغيار الرابع:79 كم/س
على الغيار الخامس:102 كم/س




التعليق والتوجيه والفرملة:

مكفرسون امامى

وقضيب متعدد الوصلات على شكلH فى الخلف

قطر الدوران:10.5 متر

عدد لفات عجلةالقيادة: 4.5 للعادة، 3.2 للباور ستيرنج

مقاس العجلات: 185/65/15

الفرامل: اقراص (طنابير) امامية ودرام (حلل) فى الخلف


تصميم السيارة:

طول السيارة :السيدان4250 مم (اربعة متر وربع) للتوضيح نقول انها بهذا تكون اطول من اللانوس بخمسة سنتى متر واقصر من الشاهين بخمسة سنتى متر

اما الستيشن فهى 4450 مم ، اى اقصر من النيسان الصنى بخمسة سنتى مترات

عرض السيارة:1735 مم، اعرض من اللانوس بخمسة سنتى مترات

قاعدة العجلات(المسافة بين مركز العجلة الأمامية ومركز العجلة الخلفية):السيدان 2630 مم (اطول ب 11 سم من اللانوس)، الستيشن 2900 مم

ارتفاع السيارة الكلى:1525 مم للسيدان و 1640 مللى للستيشن

الخلوص من الأرض: 155 مللى


سعة السيارة:

سعة الحقيبة الخلفية :510 ليتر (واااااااااااااو)
سعة تانك البنزين: 50 لتر
حمولة السيارة الصافية :425 كيلو جرام
وزن السيارة فارغة:980 كيلوجرام
وزن السيارة بالحمولة الكاملة وحمولة تانك الوقود كاملة:1540 كيلوجرام
اقصى وزن للمقطورة فى حالة الجر:1100 كيلوجرام


الأمان:

السيارة لوجان حاصلة على ثلاثة درجات من خمسة فى اختبارات EuroNcap للأمان

المصادر : الويكيبيديا-الموقع الرسمى لنيسان رينو-الموقع الرسمى لداتشيا-الموقع الرسمى لليورونكاب

[islamnabil]

تسلم ايدك ياباشا و مستنيين التست درايف

[mido777]

نسبة الأنضغاط: 9.5

تغذية الوقود: حقن الكترونى متعدد النقاط

نوعية الوقود: عادى (عادة يقصد بها بنزين 80 ، وهم كاتبين فى الموقع الرسمى بتاع رينو ان المحرك مصمم لاستعمال انواع متدنية من الوقود المتوافرة فى دول العالم الثالت)

ده مين ده اللى يجيلوه قلب يحط بنزين 80 فى عربية زيرو مهما كانت ماركتها

[sab3aawy]

ده مين ده اللى يجيلوه قلب يحط بنزين 80 فى عربية زيرو مهما كانت ماركتها

يا عم انا مليش دعوة، رينو هى اللى بتقول كدة، بس بينى وبينك انا لو هجيبها زيرو حطلها بنزين 112 لو فيه ، واستحالة هسمع كلام رينو طبعا

[fahd_628]

شكرا يا سبعاوى باشا

انا حاسس ان العربية حتعمل انتشار

[BooDElGn]

الف شكر ليك يا باشا

[SuMo]

wllahy ya sab3awy dah klam gamil

[Abo_Lina]

الف شكر ع المعلومات الدسمة دي ع الغدا كده

[TAG_Turbo0]

كالعاده تقيم أكتر من راشع
بس احنا مستنين تجربة القياده الى هتبين ان العربية دى تستاهل 70 ألف ولا لأ

[MoToRiZeR]

العربية دي هتحط نقطة نهاية لسيارات كتير تانية منتشرة انتشار كبير

[El Prince]

كالعاده تقيم أكتر من راشع
بس احنا مستنين تجربة القياده الى هتبين ان العربية دى تستاهل 70 ألف ولا لأ

نعم 1000000000000+

[aLashin]

الف شكر يا استاذ سبعاوي علي المعلومات القيمه ..

انا فعلا كنت دورت علي النت و عرفت موضوع الداتشيا ده .. طب خد كمان ديه ..

العربيه ديه بتنزل في الهند باسم ماهيندرا لوجان .. بس عليها البادج بتاع رينو مش زي الداتشيا .. و واخده جوايز و تقييمات عاليه اوي .. هدور عليها و اجيبهالكو هنا ..


بالنسبه للسرعه علي ما اعتقد التابلوه عندي تقريبا 200 او 220 مش 175 ..

عموما هتأكد و ارجعلك تاني ..

[hazem_khidr]

شكرا يا باشمهندس علي التقييم.
رغم شكلها السئ في نظري لكن حاسس انها حتعمل حاجه

[Sharky]

كالعادة متألق يا سبعاوى

وواضح إهتمامك باللوجان

يا ترى ليه ؟؟؟

[ows212]

شكرا سبعاوى باشا ... بس لو رينو بتقول بنزين 80 متهيالى مافيش مشكلة