حدث فى الطائرة

[sab3aawy]

حدث اليوم اثناء رحلة العودة الى القاهرة على احدى الطائرات ، احدى المضيفات كانت تتعامل بعجرفة مبالغ فيها مع كل ركاب الطائرة اثناء شغل المقاعد وترتيب الحقائب، وقامت بتوجيه احد الركاب بأسلوب اقل ما يقال عنه انه تعدى حدود الخروج عن الاحترافية الى الخروج عن اللياقة العامة، وقام الراكب بالرد عليها بان تتحدث اليه بأسلوب مناسب، فما كان منها سوى ان ذهبت للشكوى لقباطنة الطائرة، وبعد الاقلاع فوجئنا باحد الطيارين صغير السن يتوجه للحديث مع الراكب المذكور وظننا انه جاء اللاعتذار، فاذ به يتحدث مع الراكب بمنتهى العجرفة ويهدده بأنه ان لم يقم بالاعتذار للمضيفة فسوف يقوم بتوجيه تحذير مكتوب له ويتخذ اجراء ما، وفى خطوة تحسب لركاب الطائرة الذين اثبتوا لى ان المصرى تخلى عن فكرة(وانا مالى) رددنا جميعا على الطيار بأن الراكب لم يحطئ وأن المضيفة تعاملت معنا جميعا بعجرفة، فتحدث معنا بأسلوب يقطر غرورا وتركنا وذهب الى كابينة القيادة، وبعد قليل وجدنا كبير قباطنة الطائرة ،رجل كبير السن والمقام واشهد له بالأدب الجم بالتوجه الى الراكب ومحاولة لم الموقف، لكن الراكب تمسك بحقه، الى هنا وتصورنا ان الموقف انتهى، لكن بعد هبوط الطائرة -الذى كان جافا جدا برغم هدوء الجو خارج الطائرة-بشكل لا ادرى ان كان متعمدا لتأديبنا او غير مقصود،حتى ان الطائرة لامست الأرض وهى مائلة قليلا على احد الجانبين -بدأنا الخروج من الطائرة، واذ بعدد يزيد عن العشرة من موظفى المحطة من شركة الطيران بهم عدد لا بأس به من ضخام الجثة قد احتشدوا امام باب الطائرة فى الأنبوب الناقل وبمجرد خروج الراكب صاحب المشكلة حاولوا احتجازه واعتقاله ومدوا يدهم عليه وحاولوا إيذائه، فى موقف يدل بوضوح على ان الطيار صغير الن قام بتصعيد المشكلة فى محطة الوصول من خلال اجهزه الاتصال مع العلم ان الموقف داخل الطائرة لم يتعد ارتفاع الأصوات دون اى كلمة خارجة ودون اى تصرف يؤثر على الرحلة-بأى وجه حق لا أدرى، ولولا اننا تجمعنا جميعا حول الراكب واصررنا على انه أما نحن جميعا معه او لا أحد سوف يتم احتجازة وصنعنا حوله درعا بشريا لما تمكنا بالخروج به من ايدى هؤلاء حتى خارج المطار، هذا ما حدث اليوم ولا ينفى ان هذه هى المرة الأولى التى اشاهد فيها موقفا كهذا من الشركة التى تعاملت معها العديد من المرات كلها مشرفة، ولا ينفى الأدب الجم والتفانى فى العمل لموظفى محطة الركوب، وكذلك نضوج كل من كبير قباطنة الطائرة وكبير طاقم الضيافة، اسم الشركة ورقم الرحلة وبطاقة الصعود والعديد من الشهود من الأصدقاء(كنا زملاء من شركات عديدة على رحلة واحدة لاداء احد الاعمال) موجودين معى للمرجعية

[AmatoALLAH]

انا عمري ما ركبت مصر للطيران الا ولازم يحصل موقف قليل الذوق من المضفيين

بالرغم ان اخويا طيار في مصر للطيران بس فعلا هي شركه مش بتحترم ركابها الا من رحم ربي و اي طيران تاني هتلاقي فرق السما و الارض بينه و بيها

[شريف]

لسه والدتي راجعه علي مصر للطيران و اشتكت من الطياره و الاكل و و تاخر الشنط
رغم وجود سياره بانتظارها علي سلم الطايره و تسهيل كل الاجرايات لها

[mmtronic]

انا بسافر بقالى 3 سنين بمعدل سفرية كل شهر - معظم سفرى على مصر للطيران لجهات مختلفة

اقول بمتهى الاسى انهم يدمرونها تدميرا - الاداء فى منتهى السوء الان ( فى الارض )

- الاكل ( زبالة ) و اقسم بالله من واقع سفرى على خطوط اخرى - نحن اصبحنا الاسوء على الاطلاق
- طاقم الضيافة ( عدم الخبرة , العنجهية - على اية مش عارف )
- و المصيبة الكبرى ( الطياريين ) - كان الاول الطيار المصرى مشهور بكفائتة الى بتبان فى الاقلاع و الهبوط بسلاسة - اما الان فانهم طيارين لطائرات نقل بضائع و ليست ركاب
- اما الامتعة فحدث ولا حرج - المطار الجديد الى كنا فرحانيين بية - اصبح اردغانة و سويقة - شاشات بايظة و تاخير حقائب و تبقى دلوقتى محظوظ لو مضاعتش شنطتك - هذا بجانب فهلوة مكتب خدمة الامتعة لو شنطتك ضاعت

ربنا يستر لان كدة الاهمال ممكن يكون طايل الصيانة كمان - و حيفوقو على كارثة - بس ساعتها مش حينفع ندم

اقول بصراحة - علية العوض و منة و العوض - الهم اجرنا فى مصيبتنا

[zago]

الحمد لله المره الوحيده اللي سافرت على المصريه الطيران محصلش حاجه
ماعدا تاخر موعد الاقلاع ساعه بالتمام والكمال
بعد نص ساعه من الانتظار سالت واحد في صاله الانتظار ان كان الناس دي مستنيه الطياره المصريه ( خفت اكون واقف في حته غلط ههههههه ) ؟؟ قاللي مدام اتاخرت تعرف انك واقف صح

[mohabelnegm]

من زمان كل اللى شغال فى السياحة مسميها"مصر للألبان" ..قليل قوى لما بيكونوا على مستوى شركات الطيران و أفتكر لهم سيئات كتيرة جدا بحكم التعامل على مدار سنيين طويلة.

[Ghamrawy]

الحمد لله عمرى ما سافرت عليها الا مرة واحدة لشرم الشيخ
الباقى كله على المغربية او كيه ال أم زمان

[Nistelrooy]

ركبت مصر للطيران حوالي 9 او 10 مرات وبصراحة ماشوفتش ما يسيء منهم .. وكان دائما التعامل جيد ..

[Karim_Monir]

احيي فيك وفي بقية الركاب الايجابية
يعني الراكب ده لمجرد انه شد مع اكس على الطيارة يتبهدل وبرستيجه يضيع ومشبعيد يتضرب
ايه قلة الادب دي

[rammar]

لا الحقيقة انا سافرت عل مصر للطيران كتير جدا ولم الاحظ اي اساءة بالعكس
كان تعاملهم فوق الممتاز وافضل من شركات تانية كتير
وكنت بحس معاهم بالأمان فعلا

[minicooper20]

مصر للطيران
دى شركه تكاتك
و اليه دهر معاهم بيخود حقو و لا عزاء للناس العادين
بابعد عنها بالمشوار سيئه بجد

[أحمد كمال]

الأشكال دي هتفهم امتى ان هي اللي شغالة عند العميل مش العميل اللي شغال عندهم و هما متفضلين عليه بركوبه طياراتهم ...... انا شخصيا بطلت اسافر على مصر للطيران من زمان و مش هاسافر عليها تاني الا في الداخلي و ربنا يسهل و المصرية يونيفرسال للطيران تبتدي تشتغل عالداخلي و نبطل نطير مع مصر للطيران (انا مسميها اسم تاني بس ما ينفعش اقوله هنا عشان مش عايز اتوقف)

[ENG\AHMED]

دة ايميل للشكاوى ممكن حضرتك تبعت علية شكوى بكل بيانات الرحلة واية اللى حصل بالظبط
Wecare@egypatair.com

الكابتن من حقة انة ينزل اى راكب لو عمل قلق ومشاكل على الطيارة ودة لسلامة الطائرة وباقى الركاب وممكن يعمل فيه شكوى وبالتالى هو دة اللى حصل , انت متضمنش هو بلغ المحطة قالهم اية بغض النظر الراكب دة لية حق ولا ملهوش وبالتالى المحطة والامن اتصرفوا بناء على بلاغ الطيار

[ENG\AHMED]

ربنا يستر لان كدة الاهمال ممكن يكون طايل الصيانة كمان - و حيفوقو على كارثة - بس ساعتها مش حينفع ندم

اقول بصراحة - علية العوض و منة و العوض - الهم اجرنا فى مصيبتنا

هل حضرتك عندك دليل على الاهمال فى الصيانة ؟ , لو فى ممكن حضرتك تقدمة

[Medo007]

حمدلله على سلامتكم جميعا .فيه ناس متعجرفة كتير في مصر للطيران فعلا واشهد لناس اخرى بالاحترام
بالنسبة لمرحلة الهبوط وحسيت ان الطياره مايلة ممكن كان وقتها فيه رياح جانبية cross wind
ولازم يهبط بالطريقة دي ومظنش ان الطيار يعمل كده عقابا للركاب لانه مهمته الاساسية احساس الركاب بالامان ووصولهم بالسلامة
وده فديو في هبوط في حاله الرياح الجانبيه

Cross Wind Landings - YouTube