حدث فى الطائرة

[mahmoud_afifi]

مصر للطيران زي البطيخه.. يا تطلع كويسه يا تطلع اي كلام.
انا معظم رحلاتي على مصر للطيران كانت كويسه والمضيفين كانوا كويسين جدا ومبتسمين و بيهزروا كمان والاكل تقريبا واحد.

وجربت الخطوط السعوديه برضه,, في الاول كانوا كويسين والخدمه كويسه والطيارات نضيفه انما بعد كده بقت مايكروباص.

[mohamed_selim]

اسمحلى يا فندم اختلف معاك

انا سافرت على air France و Royal Morocco و Kenyan airways و Turkish airways و للاسف بالنسبة للاكل مصر للطيران هى الاسواء لدرجة انى بطلت اكل فى اى رحلة لمصر للطيران من الى بحصلى بعد الاكل من تلبك معوى و خلافة

على فكرة انا بسافر دايما Business

اما الامتعة - كنت جاى من اوغاندا و كان فى رمضان و اصرو ان شنطيتى ضاعت من هناك و روحت من غير شنطيتى و لقوها اخر النهار - عارف لية - الباشوات مكسليين يفرزو الشنط كويس خاصة كان فية ركاب ترانزييت كتير على الطيارة و رمضان بقى و كل سنة و انت طيب
اصلا هوة نزل على السير حوالى 8 شنط فى ساعة الا ربع

باشا اختلف طبعا كل واحد بيحكى تجربته .... انا بسافر economy و مبشتغلش فى مصر للطيران :) و تجربتى معاهم ممتازه على خطوط فرانكفورت و ميونيخ و الجزائر ... و لما الشنطه ضاعت استلمتها من المطار و انا اللى عديت بيها فى الجمارك و كانت فعلا مفتوحه عشان امنيا لازم تتفتش طالما هتطلع طياره من غير راكب بس مكنش فيها اى حاجه ناقصه .... صاحب حضرتك استلمها من المطار ولا جابوهالو البيت (مسئولية شركة الطيران بتنتهى بتسليم الشنطه لشركة courrier لما توصل مصر و الشركه دى هى اللى بتعرضها على الجمارك و توصلها لحضرتك فممكن اى حاجه تحصل عند اى مرحله و متكونش شركة الطيران ليها دعوه ..
على فكره انا بقارن مصر للطيران فى اخر سنتين تلاته بمصر للطيران من عشر سنين ... من عشر سنين كانت فعلا ميكروباص ارياف بس دلوقتى الدنيا احسن بكتير و زى ما وضحت فى حاجات بتنافس فيها

انا ح افترض ان الشركة هي مصر للطيران
...
مصر للطيران بتفرق كتير اوي المعاملة ونوعية الطاقم حسب وجهة الرحلة وحسب جنسية الراكب
يعني الكلام ده لا يمكن يحصل مع رحلة نيويورك ولا باريس ولا لندن
لكن ممكن يحصل مع رحلات السعودية والدول العربية .... واكيد الرحلات الداخلية ..... واكيد اكيد مع المصريين دون غيرهم ..... لكن لو حصل مع واحد خليجي او اوربي او امريكي والعياذ بالله يبقى نهارهم ملوش ملامح
ده سبب تباين آراء الزملاء
كل واحد بيحكي عن رحلة مختلفة
دي وجهة نظري في القضية يعني

كلام سليم طبعا و وارد جدا

[sh3sh3]

بصرراحة انا بسافر كتييييييييييير للاسف على مصر للوقعان دي ..................مفيش غير مرة ولا مرتييين ياربي الا والمضييف ابتسم في وشي حسييييييييت بفرررررررررح شديييييييييييييييييييد واني بني أدم لكن كل مرة الكلام بتكبر ومن طراطيييف مناخيرهم

[Ralliart]

من تجربتي لمصر للطيران الرحلة من الكويت لمصر كان المضيفين في منتهى قلة الذوق ولما سألت المضيف على رقم الرحلة راح ضارب ضحكة زي تباعين الميكروباص وقالي انت راكب طيارة ومش عارف رقم الرحلة
والاكل كان حاجة زبالة جداً وبطني وجعتني

انما مصر للطيران اللي رايحة اوروبا حاجة تانية خالص جربتها من مصر للنمسا ترانزيت وبعد كدة ركبت النمساوية للسويد والطيارة المصرية كانت انضف مليون مررة من النمساوية في المعاملة والاكل والمسافة بين الكراسي وكل حاجة ومطار ستوكهولم لا يقارن إطلاقاً بمطار القاهرة في الحجم والنضافة

فواضح جداً التفرقة في المعاملة بين اللي رايح دولة عربية او دولة اجنبية وبين الراكب المصري والراكب الاجنبي ودي للأسف الشديد ثقافة المصريين في كل حتة

[Bishoy.Girgis]

انا سافرت 4 مرات علي مصر للطيران و كانت المعاملة طيبة جدا .. فعلا دي حاجه غريبة اوي يا سبعاوي اللي حصل ده بس ممكن يكون سببه الاعتصامات الكتيرة اللي بتحصل داخل المطار الايام اللي فاتت بس ده ميديش الحق لأي حد مهما كان انه يتعامل بالطريقة ديه مع المسافريين ايا كان .

[نور القمر]

سبعاوي مذكرش انها مصر للطيران
لكن مجرد مقال عجرفة عرفت انها هي
انا ركبتها مرة واحدة ومكررتهاش لنفس السبب وهو العجرفة
احييك واحي جميع الركاب على الايجابية

[AmatoALLAH]

سبعاوي مذكرش انها مصر للطيران
لكن مجرد مقال عجرفة عرفت انها هي
انا ركبتها مرة واحدة ومكررتهاش لنفس السبب وهو العجرفة
احييك واحي جميع الركاب على الايجابية

اتصدقي مالحظتش انه ماذكرش مصر للطيران اصلا :))
تقريبا انا سبب الاوشاااعه دي :))
بس زي ما انتي قلتي مجرد ذكر كلمة عجرفه يبقي لازم تكون مصر للطيران

و اللي بيقول مصر للطيران بتختلف في الدول العربيه عن امريكا فدا غير صحيح , ركبتها في الاتنين وزي بعض عجرفه و قلة ذوق و منفوخين علي الفاضي الا من رحم ربي

[ENG\AHMED]

و ده سوء استخدام للسلطات و المفروض ننوس عين أمه الطيار ده يتحاسب عليه .......

على فكرة انا مقولتش تصرف الطيار صح انا بوضح للراجل اللى حصل بغض النظر عن الننوس يتحاسب ولا لأ , اللى اقصدة ان الشركة مش هتبلطج على الركاب علشان يرضوا الننوس وعلشان كدة كتبت الاميل علشان يبعت شكوى للادارة لأن بالنسبالهم الراكب هو اللى عامل قلق حسب مالطيار بلغ

بعد اذنك

هوة لية حضرتك ملتفتش لتعليقى على الاداء بتاع مصر للطيران و الى اعتقد انك متاكد انى مبفتريش عليهم و علقت على انى بتمنى ان الاهمال ميكنش طايل الصيانة مفيش تمنى بيتقدملة دليل

عند فساد راس الهرم ( اقصد راس الادارة و المتابعة ) يفسد الهرم باكملة - و من امن العقاب اساء الادب - و اعتقد ان فى ناس كتير قوى فى مصر دلوقتى آمنة من العقاب

تقبل تحياتى

هقول لحضرتك
انا مهندس طيران فى الشركة ومع احترامى لكل الاراء اللى اتقالت والنقد انا ممكن اقولك اضعافة لأنى شغال فيها ولأن فى الاخر وبمنتهى البساطة شركة حكومة صحيح فيها تطوير بس فكر الحكومة مسيطر ولو بنسبة ودة سبب الانتقادات

بالنسبة لموضوع اختلاف التعامل حسب جهة السفر فا دة مش صحيح لأن اللى بيسافر هنا بيسافر هنا وفى الاخر طباع بشر ولكن اللى ممكن يفرق التعامل حسب الجنسية واعتقد مصر كلها كدة , وانا متفق تماما من ناحية الضيافة ان فيهم نسبة بتتعامل بعجرفة وغير مؤهلين للتعامل مع الركاب وفى منهم المحترمين وفى منهم اللى تصرفات بعض الركاب بتستفزهم وبالاخص ركاب الدول العربية وافريقيا والامثلة دى كلها بشوفها كتير جدا
واقول لحضرتك على حاجة متأكد ان مفيش حد يعرفها ان مش اى طيارة بتطلع اوروبا او امريكا , طيارات معينة بس اللى بتطلع والسبب فى كدة ان بيبقى فى تفتيشات دورية من سلطة الطيران المدنى الاوروبى على كل الطيارات اللى بتنزل فى مطارات اوروبا وتحديدا الشركات اللى واخدة اعتمادات دولية زى مصر للطيران

مشكلة مصر للطيران بالنسبة لمستوى الطيارات ان معظم الاسطول قديم ودى نقطة فاقولها مؤخرا وابتدوا يحدثوا ويجيبوا طيارات جديدة

اما عن تعليقى على موضوع الصيانة لأن بشوف اودام عينى ناس بتبقى طالعة مرعوبة من ركوب الطيارة ولما الطيارة بتتأخر لأى سبب سواء فنى ولا لأ بيتشائموا وبيلغوا السفر , فى ناس عندها قلق طبيعى من ركوب الطيارات فا مش لازم نزودة من لاشئ ومش بقول كدة علشان انا شغال فى الشركة او ان الصيانة بدون اخطاء او مشاكل لأ الصيانة فيها مشاكل ممكن تكون فى ضغط وقت الكشف على طيارة , تأخر بعض قطع الغيار وفى الحالة دى من حق المهندس وضع العيب كعيب مؤجل وطبعا حسب توصيات صانع الطائرة بحيث لا يؤثر على السلامة ولو فى عيب يؤثر على السلامة من حق المهندس المسئول عن الطيارة انة يوقفها ويقرر عدم صلاحيتها لحين اصلاح العيب وفى الحالة دى مش من حق اى حد انة يرغمة على اقلاع الطيارة
يعنى مشاكل الصيانة تقدر تقول ادارية اكتر منها فنية لأن ببساطة انسى ان حد هيطلع طيارة غير امنة لأن ابسط حاجة هو اول واحد هيروح فى داهية والمسئولية هنا جنائية يعنى حبس فالموضوع هنا مش شنطة اتأخرت او مضيفة كشرت فى وش راكب

لكن بعد هبوط الطائرة -الذى كان جافا جدا برغم هدوء الجو خارج الطائرة-بشكل لا ادرى ان كان متعمدا لتأديبنا او غير مقصود،حتى ان الطائرة لامست الأرض وهى مائلة قليلا على احد الجانبين

اعتقد انة غير مقصود او لعوامل جوية لأن لو حصل مشكلة فى الطيارة هو هيتظبط

[ENG\AHMED]

ملحوظة انا مش بدافع عن الشركة بس بوضح حاجات ممكن تكون غايبة عن بعض الناس بسبب انهم خارج المجال مش اكتر

[Medo007]

اتصدقي مالحظتش انه ماذكرش مصر للطيران اصلا :))
تقريبا انا سبب الاوشاااعه دي :))
بس زي ما انتي قلتي مجرد ذكر كلمة عجرفه يبقي لازم تكون مصر للطيران

و اللي بيقول مصر للطيران بتختلف في الدول العربيه عن امريكا فدا غير صحيح , ركبتها في الاتنين وزي بعض عجرفه و قلة ذوق و منفوخين علي الفاضي الا من رحم ربي

انا عايز اتعرف على اخو حضرتك انا بحب الطيران المدني جدا واعرف طيارين كتير

[mmtronic]

هقول لحضرتك
انا مهندس طيران فى الشركة ومع احترامى لكل الاراء اللى اتقالت والنقد انا ممكن اقولك اضعافة لأنى شغال فيها ولأن فى الاخر وبمنتهى البساطة شركة حكومة صحيح فيها تطوير بس فكر الحكومة مسيطر ولو بنسبة ودة سبب الانتقادات

بالنسبة لموضوع اختلاف التعامل حسب جهة السفر فا دة مش صحيح لأن اللى بيسافر هنا بيسافر هنا وفى الاخر طباع بشر ولكن اللى ممكن يفرق التعامل حسب الجنسية واعتقد مصر كلها كدة , وانا متفق تماما من ناحية الضيافة ان فيهم نسبة بتتعامل بعجرفة وغير مؤهلين للتعامل مع الركاب وفى منهم المحترمين وفى منهم اللى تصرفات بعض الركاب بتستفزهم وبالاخص ركاب الدول العربية وافريقيا والامثلة دى كلها بشوفها كتير جدا
واقول لحضرتك على حاجة متأكد ان مفيش حد يعرفها ان مش اى طيارة بتطلع اوروبا او امريكا , طيارات معينة بس اللى بتطلع والسبب فى كدة ان بيبقى فى تفتيشات دورية من سلطة الطيران المدنى الاوروبى على كل الطيارات اللى بتنزل فى مطارات اوروبا وتحديدا الشركات اللى واخدة اعتمادات دولية زى مصر للطيران

مشكلة مصر للطيران بالنسبة لمستوى الطيارات ان معظم الاسطول قديم ودى نقطة فاقولها مؤخرا وابتدوا يحدثوا ويجيبوا طيارات جديدة

اما عن تعليقى على موضوع الصيانة لأن بشوف اودام عينى ناس بتبقى طالعة مرعوبة من ركوب الطيارة ولما الطيارة بتتأخر لأى سبب سواء فنى ولا لأ بيتشائموا وبيلغوا السفر , فى ناس عندها قلق طبيعى من ركوب الطيارات فا مش لازم نزودة من لاشئ ومش بقول كدة علشان انا شغال فى الشركة او ان الصيانة بدون اخطاء او مشاكل لأ الصيانة فيها مشاكل ممكن تكون فى ضغط وقت الكشف على طيارة , تأخر بعض قطع الغيار وفى الحالة دى من حق المهندس وضع العيب كعيب مؤجل وطبعا حسب توصيات صانع الطائرة بحيث لا يؤثر على السلامة ولو فى عيب يؤثر على السلامة من حق المهندس المسئول عن الطيارة انة يوقفها ويقرر عدم صلاحيتها لحين اصلاح العيب وفى الحالة دى مش من حق اى حد انة يرغمة على اقلاع الطيارة
يعنى مشاكل الصيانة تقدر تقول ادارية اكتر منها فنية لأن ببساطة انسى ان حد هيطلع طيارة غير امنة لأن ابسط حاجة هو اول واحد هيروح فى داهية والمسئولية هنا جنائية يعنى حبس فالموضوع هنا مش شنطة اتأخرت او مضيفة كشرت فى وش راكب

متشكر لايضاحك و ربنا يسلمنا جميعا

[shaddadfalcon1]

انا عمري ماسافرت علي مصر للطيرات بس دايما بسمع كلام وحش عنهم بس ناس زمايلي بتسافر عليها من القاهره لدبي وبيقولو كويسه وانا اخر مره كنت بتخانق مع الشركه عشان تسفرني علي مصر للطيرات بدل فلاي دبي

انا سافرت علي فلاي دبي - الأمارات - لوفتانزا - اير كندا

بصراحه احسنها وارقاهم وانظفهم كان الأمارات

[mohkhattab]

معلش انا بسافر بمعدل مره او مرتين كل سنه و عادة مواعيدى بتتناسب مع لوفتهانزا بس جربت السويسريه و اير فرانس و مصر للطيران و الاماراتيه كذا مره... شهادة لله مصر للطيران اتحسنت قوى ... لو هقارن الخدمات الارضيه مصر للطيران نمره 3 (بس مش سيئه ... مره كان فى ترانزيت وقته ضيقو شنطتى مرجعتش معايا من الجزاير و عملت محضر الساعه 7 مساء... على 11 صباحا تانى يوم كانو مبلغينى انها فى الجزائر و اتحملت على طيارة اليوم و رحت اخدتها على الفجر) ....
الاكل بلا منازع مصر للطيران احسنهم
الضيافه اتحسنت جدا ممكن احط الاماراتيه اول ناس بفرق كبير و يليهم لوفتهانزا و بعدها مصر للطيران بحاجه بسيطه و بعديها اير فرانس
الطيارين مفرقتش قوى ...

ممكن يكون فى تفضيل للكفاءات لخطوط معينه يعنى مثلا طيران اوروبا ال staff بتاعه مختلف عن طيران الدول العربيه مثلا و الله اعلم

لا و يقولك احمد شفيق كان مظبط كل حاجة و الوزارة فى عهده كانت تمام

يا باشا خلى بالك ان احمد شفيق كان مستلم مصر للطيران و هى واقعة و فعلا لو مصر للطيران متحنتش عن الاول كان عمر ترتيبها العالمى بين الشركات هيتحسن و لا كانت مصر للطيران انضمنت لتحالف ستار

[i_Am_Legend]

ياباش علشان نص الناس دي في مصر للطيران شغالة بالواااااااااسطةةةةةةةةةةة

[mohamed_selim]

هو فى سبب للتحسن النسبى اللى حصل ... عشان يخشو فى star alliance لازم يكون فى حد ادنى لحاجات معينه و بيكون فى تفتيش عليها ... هل ده حصل عشان فى مصلحه شخصيه لحد او عشان ربنا ... الله اعلم بس عن تجربه الدنيا مختلفه كتير عن زمان فى رحلات اوروبا ... معرفش نظام الخليج ايه ... بالنسبه للسعوديه جربتهم فى الحج و العمره ... معقول بالرغم من الضغط (بس ده ميمنعش انى سمعت عن مهازل مع ناس تانيه)