إعـــــــلان

Collapse

.

,
See more
See less

معرض أوتوماك، جريدة الأخبار تحرز 72 هدف بشوطة واحدة

Collapse
X
 
  • Filter
  • الوقت
  • Show
Clear All
new posts

  • معرض أوتوماك، جريدة الأخبار تحرز 72 هدف بشوطة واحدة

    كنت قد اتخذت قرارا بعدم زيارة ايه معارض سيارات بعد الصدمة المهولة التى اتصدمتها فى معرض الأهرام السابق، الذى كنت قد اعتبرته شهادة وفاه لمعارض السيارت فى مصر بكل المستوى الردئ الذى ظهر عليه

    ولكن غيرت هذا القرار دعوة ارسلها لى شقيق كريم يعرفنى ولا اعرفه عبر صديقنا محمود حفناوى لزيارة معرض اوتوماك, وحقيقة اشكره على دعوته الكريمة

    فى الحقيقة كنت رايح وانا محبط جدا ومتوقع ان الموضوع لن يزيد كثيرا عن مهزلة فورميلا وان بتاعه الأهرام

    لكن للأمانة لازم نعترف ان المستوى مختلف تمااااااااااااااااااااااااما

    مساحات كبيرة جدا، فكر متميز فى العرض من كل شركة،موديلات جديدة، الكثير من الشركات كان عندها نظم صوتية متميزة

    اما هذة فهى لمحات سريعة عن المعرض:

    1- بيجو بارس، عربية حلوة لكن هى فى الأخر إيرانى، خامات الصالون عليها تعليقات كتير، مستوى تقفيل الصاج والابواب عليه تعليقات، مسئول ساحة عرض بيجو منعنا من فتح الكبوت، انا شايف انها محتاجة تنزل 10 إلافجنيه علشان تنافس فى فئتها الفعلية، لكن كدة، غالية شوية

    2- فيات لينيا، عربية مبهرة بكل معنى الكلمة، منظر وشياكة وصالون وحاجة ابهة بصراحة، بس ياخسارة ، الحلو ما يكملش، الأبهة دى كلها على موتور 1400 سى سى و 78 حصان فقط، متهألى ان 115 الف جنيه كتير عليها بالموتور ده، خصوصا انها تركى

    3-العربية بى واى دى: اللى هى شكل الكورولا بس حطينلها فوانيس هوندا سيتى من ورا وموتور ميتسوبيشى، عربية حلوة جدا وتقفيلها ممتاز ، وسعرها مناسب جدا (تبدأ من 64 ألف)

    4-الكورولا الشكل القديم مستمرة

    5- التويوتا افانزا: فقيرة جدا بالنسبة لسعرها، صالونهاالداخلى عادى جدا، فرش السقف زى بتاع ال128 والشاهين، الكنب الخلفى زى بتاع السوزوكى الميكروباص، انا شايف ان العربية دى تكون ممتازة كتاكسى لأنها 7 راكب، لكن كعربية ملاكى، انا ممكن اشترى حاجة اشيك من كدة ميت مرة ب90 الف جنيه

    6- الكامرى: سيارة انيقة وواسعة ومبهرة لدرجة تخطف الأبصار، بس فيها عيب واحد، انها انضف من إنها تمشى فى شوارع مصر

    7- الأفيينسيس: سيارة يابانية مصممة طبقا للذوق الاوروبى، ولذلك فهى تجمع الحسنيين

    8- سوزوكى: لا جديد، ترى فى معارضهم العديد من الموديلات، اما فى الشارع فلا ترى غير الماروتى!!!!!!!!!!!!!!!!!!!!!!

    9-هيونداى: ولا عربية جديدة، كل العربيات هى هى ، فيما عدا ان الفيرنا ال1500 منزينها تقفيل هندى مع تعديل بسيط جا فى شكل الشبكة والفوانيس لأحلالها بالفيرنا المصرية، السوناتا معروضة ايضا كما كان فى المعرض السابق لكن واضح ان التسليم لم يبدأ

    10- ابو القتوح قنصل الوز: جايب وز من كافة الأشكال والأحجام، طبعا وزتيه الشهيرتين A516 وA620 ، ووزتين جداد صغيرين، واحدة اسمها A113 تشبه الى حد كبير الفيات بونتو القديمة، وسعرها 46 الف،,وواحدة اسمها A213 وتشبه الى حد ما المازدا 121 موديل 1997مع اختلاف اشكال الفوانيس التى جعلها اخواننا الصينيين فخمة للغاية،ودى سعرها 48 الف، ومنزل عربية 4*4 بحاجة و تسعين ألف، وعربيتين كوبية شبه الهيونداى كوبية

    11- نيسان صانى: الشكل الحالى مستمر، وهاينزل 3 ألوان جديدة

    12- فورد فيستا: عربية عادية جدا بمبلغ باهظ عليها

    13-رينو: اللوجان موجودة فى المعرض، مش بطالة لكن مش فخمة

    14- سكودا: لا جديد، الرومستر مش هتتباع فى مصر بالسعر اللى هم حاطينها بيه ده، مش عارف ليه مقدروش بستوعبوا الحقيقة دى من ساعة المعرض اللى فات وبرضه حاطينها بنفس السعر

    15-دايهاتسو ماتيريا: صباح الدلع ، عربية تحفة من جوة وواسعة بالهبل وشيك بطريقة لا معقولة، بس منظرها من برة غريب شوية

    16- الحلو فى الآخر: لو معاك 140 ألف جنيه اشترى هوندا سيفيك بدون تفكير، ولو معاك 120 الف ، غشترى هوندا سيفيك وسسد الباقى على دفعات، ولو معاك ميت الف، إدفعهم مقدمة وهات سيفيك وقسط الباقى، اما لو معاك 50 الف، استنى لما يبقى معاك 100 وادفعهم مقدمة فى سيفيك،
    بجد وبدون مبالغة اشيك صالون سيارة شفته فى حياتى، لن تصدق ما لم تراه، بشرط يكون التابلوه منور، بتفكرنى بكابينة قيادة الطائرة سيسنا النفاثة الصغيرة، حاجة يفوق جمالها الوصف، مع جودة الهوندا التى لا كلام عليها
    [SIZE=5][COLOR=navy]سبعاوى[/COLOR][/SIZE]
    _______________________________________________

  • #2
    شكرا على تقييمك يا سبعاوى بس كان نفسى تحط صور زى كريم خصوصا و انى متشوق اشوف تابلوا الهوندا اللى بتحكى عنه ده اصلى مشفوشتش تابلوا طايرة سيسنا قبل كده

    سؤال اخير هيا كيا نزلت فى المعرض ده و لا؟
    م/ موحد القطرين[b][/b][i][/i]
    [SIGPIC][/SIGPIC]

    Comment


    • #3
      تقييم عظيم من استاذنا سبعاوى
      جعله الله فى ميزان حسناته
      :D :D :D

      Comment


      • #4
        شكرا يا باشمهندس علي التغطيه الرائعه دي و اللي الواحد بعد ما قراها و شاف صور كريم حس كأنه راح المعرض بالضبط

        Comment


        • #5
          بيب بيب هوندا
          فعلا هوندا بتعمل شغل جامد في السوق المصري حاليا

          سبعاوي بيك
          يا تري ايه تعليقك علي الهوندا سيتي 1300 سي سي
          [SIGPIC][/SIGPIC]

          Comment


          • #6
            اصلا بيقولوا
            السيفيك الجديدة تابلوة سيتروين

            Comment


            • #7
              كل الطرق تؤدى الى السيفيك هههههههههههههههه

              الف شكر ليك
              [CENTER]الحمد لله[/CENTER]
              [CENTER] [/CENTER]
              [CENTER][sor2]http://farm3.static.flickr.com/2639/3939929853_4547d6e150.jpg[/sor2][/CENTER]

              Comment


              • #8
                يا جماعه انا كاتبها قبل كده في كذا موضوع العربيه دي بجد يتقال عليها عربيه مش اي كلام انا بقول انها احسن و اجمل و اقوي عربيه متوسطه ركبتها في حياتي

                Comment


                • #9
                  لينكات لصور تابلوه الهوندا سيفيك

                  دى صورة تابلوه الهوندا سيفيك الجديدة



                  أما دى فهى صورة تابلوة الطيارة السيسنا




                  مش فارقة كتير :)
                  [SIZE=5][COLOR=navy]سبعاوى[/COLOR][/SIZE]
                  _______________________________________________

                  Comment


                  • #10
                    كلام جميل

                    وانا شايف فعلا ان السيفيك ده فعلا مقامها بين السيارات اللي موجوده حاليا الا اذا لم يجد جديد وبرضه صعب
                    [SIZE="5"][CENTER][COLOR="Teal"][SIZE="4"]عن أبي هريرة قال :[/SIZE][/COLOR]
                    [COLOR="Olive"]قال رسول الله صلى الله عليه وسلم :[/COLOR]
                    [COLOR="Purple"]إذا قال الرجل لأخيه :جزاك الله خيرا ، فقد أبلغ في الثناء[/COLOR][/CENTER][/SIZE]

                    Comment


                    • #11
                      شكرا للتغطية الرائعة :)
                      بس العربية مش شكلها ضيق شوية ورا؟
                      االلهم لك الحمد كما ينبغي لجلال وجهك ولعظيم سلطانك

                      Comment


                      • #12
                        شكرا يا سبعاوى....
                        [url=http://www.up4world.com/images/][img]http://www.up4world.com/images/store10/d735ac5e26.jpg[/img][/url]

                        Comment


                        • #13
                          الف شكر سبعاوى باشا على التغطية الجميلة دى
                          م/عماد الخناجرى
                          [url=http://www.postimage.org/image.php?v=Pq1jRHgr][img]http://www.postimage.org/Pq1jRHgr.jpg[/img][/url]

                          Comment


                          • #14
                            ألف شكر على التغطيه الجامده دى
                            كان فعلآ نفسى ازور المعرض السنه دى بس مفيش حظ
                            شكرآ يا هندسه
                            [CENTER][FONT=Comic Sans MS][SIZE=3]Don't Play With Fire[/SIZE][/FONT][/CENTER]
                            [CENTER][FONT=Comic Sans MS][SIZE=5]Be The Fire[/SIZE][/FONT][/CENTER]

                            Comment


                            • #15
                              very Normal

                              [align=left]Honda civic is viry normal car

                              i saw it in automach
                              and i thinl opel astra has such interior
                              than civic

                              Comment

                              Working...
                              X