اخونا العزيز كريم منير بخير وراجع على الفور باذن الله

[Karim_Monir]

حمد الله على سلامتك يا شقيق :) معلش إستلفتها من هاني أدم :)
ربنا يفرج كربك يا كريم ويلهمك الصبر على ما أهمك وأغمك.

بس أنا زعلان :( :( :( وشكلي كدة حعتزل المنتدى كام يوم!

انا بقى اول واحد خد باله إنك مش موجود معانا وإفتقدتك برغم بعد المسافات (ريحتك مش موجودة في المنتدى :)
أنا ماليش دعوة انا عاوز رد منك في الموضوع إللي انا فتحتة بدور عليك (عيل تاية يا ولاد الحلال) وإنت بنفسك تقولي إنك رجعت المنتدى وإلا مش حصدق إنك رجعت المنتدى!

:( :( :(

يا باشا اولا جزاك الله كل خير انك اول واحد افتكرتني
ثانيا ربنا يعلم اني بعزك انت وكنزي بنتك قد ايه
ثالثا احنا ما نقدرش نخلي صياد المنتدي يزعل مننا امال مين اللي هايعزمنا على سمك مقلي
رابعا انا رديت عليك في نفس التوقيت تقريبا يا شقيقي

[goodwave]

يا حبي ردك وصل :)
والسمك موجود بس فين الأكل.... إدعيلي يا شقيق في طلعة بإذن الله كلها سفر ومشقة بس جنان وربنا يرزقنا منها بالخير وساعتها إن شاء الله حتشوف مقلي ومشوي وممكن طواجن كمان :)

[hero]

الف حمد لله علي سلامتك يا كيموووو ....
نورت المنتدي وبيتك ومطرحك....
والف سلامة علي الوالدة ...ربنا يارب يطمنك عليها ان شاء الله...ويشفيها ويبارك لك فيها ...
يارب يجعل لك من كل هم فرجا ومن كل ضيق مخرجا...

[GoldenManEye]

يفيض قلبى ولا ينطق لسانى

الف حمد لله على سلامتك يا كريم

نورت بيتك.

[m_aash]

حمدا لله على السلامة يا كريم عودتك لبيتك الكبير نايل موتورز
وأدعوا الله أن يزيل همك و يفرج عنك كربك و يتم شفاه على والدتك و يبارك لك فيه

[waleed24ag]

الف حمد لله علي السلامه يا كريم و ربنا ميجيب مشاكل تاني و تفضل معانا علي طول

[ara]

ألف حمد لله على السلامة وربنا يفك كربنا جميعا.
و طبعا الف سلامة للسيدة الوالدة شفاها الله واجرها علي مرضها وصبرها وصبرك بجانبها.
انا و الله عظيم دعيت لحضرتك لإن نايل موتورز ده عامل زى عيلتى :)
وأهم حاجة إنك تفتكر "على قدر أهل العزم تكون العزأم" يعنى ربنا سبحانة وتعالى لما بيمتحنا بيكون عارف إن الواحد منا بكرم ربنا و بعملة و إيمانة ودعاء إخواته ليه قادر إنه يعديها على خير و الحمد لله :)

[CryptonX]

كريم من ساعة منت اختفيت و المنتدى قلب غم !!

مينفش نايل موتورز من غيرك يا راجل :)

حاولت اكلمك كتير .. بس لفيته مغلق .. قلت بلاش اضغط عليك

علي العموم الف حمد الله علي السلامة و عقبال كل المشاكل تتحل ان شاء الله

و بعدين عندك سبب تاني تفرح علشانه ...

المعرض :) روح اتفرج و انسى همومك :) و اقعد تحت العربيات زي منت عايز يا راجل !

دحنا كنا حتى ناويين نفركش المقابلة علشانك .. :)

[Moh.Fahmy]

اخيرا يا كيمو ظهرت

طبعا يا كيمو انت عارف معزتك قد ايه فانت مش محتاج اني اقولك اني والله كنت قلقان عليك و عايز اطمن باسرع وقت انما بكل اسف موبايلك يا اما مقفول او غير متاح او ما بيردش و رقم البيت تقريبا في الموبايل القديم لاني مش لاقيه و الله يا كيمو عايز اطمن عليك كده زي بالظبط ما ببقي عايز اطمن علي اخويا محمود في السعودية و ابقي مش عارف اكلمه

بص يا كيمو انا مش عايزك تزعل نفسك لان الاشخاص اللي زيك دايما بيواجهوا مصاعب و ابتلاءات و بتلاقي برضه اعضاء حزب اعداء النجاح دايما لهم بالمرصاد و مش سايبنهم في حالهم انما يا كيمو او تنخ او تضعف او تندم علي اي حاجة عملتها و ده هما اللي عايزينه

طبعا انا بتكلم كده كلام عام لكن عندي احساس بحجم و نوعية المشاكل و الابتلاءات اللي بتيجي للي زيك يا كيمو و ربنا شفيلك الوالدة ان شاء الله في اقرب وقت و يا ريت تبلغها تحياتي و تخليها تدعيلي لان دعاء الامهات ده يا كيمو بيبقي سريع الاجابة لانه بيخرج من جواهم و بدون اي مصالح او حسابات

وقت ما تروق يا كيمو كده اديني رنه اتصل بيك لاني بجد نفسي اسمع صوتك
ازال الله عنك الكرب و الغم و رزقك نعمة الاستقرار


محمد فهمي

[alaa_dash]

حمد الله على السلامة يا ابو عبد الرحمن:) ..انت راجل محترم و تستاهل كل خير..و ربنا
معاك و تكون دايما طيب ..و ربنا يجعل السيدة الوالدة بأتم صحة و عافية دايما..
تعرف انه كان عيد ميلاد عضوين هنا اليومين اللي فاتوا دول و ماتعملهومش تهنئة
ما حدش جالوا نٍفس يعمل تهاني :)

[Karim_Monir]

شكرا يا هيور وجولدن وكريم وارا ووليد ومحمد
استاذي محمد فهمي رديت عليك على الخاص عشان انت بالذات مش هاوفيك حقك لو رديت على العام
استاذ علاء جزاك الله خير
والدنيا مابتقفش على واحد
قوللي بس مين هما وانااهنيهم بنفسي عن ان عمرهم نقص سنة
ها ها

[gemtawila]

الحمد لله على السلامة - والحمد لله ان كل الأمور بخير

[Ghamrawy]

حمد الله على السلامة و ان شاء الله كل امورك تبقى باحسن حال عن قريب

[Nile_Storm]

هتختفي تاني انت حر

هتلاقينا عملنا المقابله الجايه عندك بالعافيه

هنجيلك هجوم مره واحده
اديك عرفت مقامك عندنا غالي ازاي
فعلا و الله نايل موتورز كان ناقصه حاجه مهمه

كان عاوز شويه بنزين :)


و ربنا ميجبش مشاكل
و حمد الله علي السلامه

[إسلام شاهين]

ألف حمد لله على السلامة يا كريم والله أنا لسه شايف الموضوع من أساسه حالا دلوقتي ، وعلى كل حال المؤمن دائما مصاب وقال صلى الله عليه وسلم " عجبت لأمر المؤمن أمره كله خير إن أصابته ضراء صبر فكان خيرا له وإن أصابته سراء شكر فكان خيرا له "

دائما وأبدا قول الحمد لله على كل شيء