قواعد قيادة السيارات فى كل دول العالم-كما علموها لنا فى الخليج

[Karim_Monir]

فكرتني يا خالد قبل ما اسافر دبي روحت طلعت رخصة دولي وحجزت عربية مع شركة سيارات اخدها من المطار وكدة
واول ما نزلت من المطار وكان الفجر حصلت مشكلة في الفيزا عشان لازم يعملو هولد على مبلغ فيها لزوم المخالفات
المهم قولت اوصل الاوتيل واشوف القصة دي
اول ما شوفت السواقة من المطار للاوتيل حلفت لاقضيها تاكسيات مهما كان تمنها
لاني لو سقت في البلد دي ساعة واحدة هاتحبس لانس هاسوق بطريقتنا في مصر :-)

[medododo]

ألف شكر على الموضوع
بالنسبة للصينية
اللي بيسموها في الخليج الدوار
فعلا الاولية للي داخل الدوار
بس عشان محدش يتربك كمان بيكون يافطة في مدخل كل دوار إن الاولية للقادم من جهة اليسار
ياه دي لو مطبقة في مصر !!!!!!!!!!!!!!!!!!!!!!
فكرتني بأيام جميلة

[هيثم]

و بعد ده كله لسه بنسمع ناس بتردد الهراء اللى من نوعيه العرب جرب و شوال مليان فلوس و اغبياء و الى اخره

[moh19227]

هههههههههههههههههههههههههههههههه
دا احنا علي كده لو طلعنا بره هنتفضح :d

قاعدة الصينية: والصينية دى اكبر شغلانة مرورية فى الخليج وربما فى العالم كله، ولها قاعدة ثابته فى كل مكان فى العالم ما عدا مصر تشمل الآتى:

انا اول مره اعرف الكلام ده

12- اى خط بعرض الطريق يعنى انه لابد التهدئة قبل هذا الخط، اذا كان الخط منصلا فمعناه انه يجبالتوقف التام قبل هذا الخط ثم التأكد من خلو الطريق بعده ومعاودة الحركة، الخط المتقطع بالعرض معناه ان الأولوية للاتجاه الآخر وانه يتوج على قائد السيارة التهدئة والتأكد من خلو الاتجاه الآخر صاحب الأولوية قبل الاستمرار
13-تحديد الأولوية يتم بطريقة من اثنتين بحسب الدولة، فى الخليج وجودة الخط المتقطع بالعرض فى طريقى و/ أو وجود لافتة مثلثة تقول give way معناها ان الأولوية ليست لى، اما فى مصر فيتم الأمر بالعكسى حيث توجد فى لافتة زرقاء عليها ماسة(سامبوكسة) صفراء فى الاتجاه صاحب الأولوية وهذة معناها ان الأولوية له

دول فعلا معلومات جديده اول مره اعرفهم
بس ياريت لو امكن شكل السامبوكسه دي علشان مشفتهاش قبل كده

والف شكرا يا بشمهندس علي الموضوع الجميل
وفعلا زي محضرتك بتقول

القيادة فن وذوق واخلاق

[moh19227]

اذا كان الطريق الذى تنحرف منه يسارا مسموح بالانحراف منه فى اقصى حارة من اليسار فقط والانحراف يتم فى لحظة كل الاتجاهات الأخرى الي الطريق الجديد مغلقة باشارات حمراء فانك يجب ان تخرج الى اقصى يمين الطريق الذى تنحرف له، اما اذا كان الناحراف من حارتين او اكثر فانك يجب ان تخرج الى نفس الحارة التى تركتها، بمعنى انك لو انحرفت من الوسطى تخرج الىالوسطى ولو انحرفت من اليسرى تخرج لليسرى وهكذا

معلش دي عاوزه شوية شرح
اللي انا فهمته لما تكون هتدخل شارع شمال وانت واقف في اخر حارة شمال في الطريق اللي انت فيه
والطريق اللي انت هتدخله فيه مثلا اشارة مرور موقفه العربيات صح كده ؟!!
يبقي لما تدخل الشارع تاخد الحارة اليمين مش الشمال ولا ايه انا اتخلبطت !!

الدوران للخلف: يتم الدوران للخلف فى التقاطعات الغير معلمة باشارة ممنوع الدوران للخلف، والدوران للخلف يبدأ من اقصى حارة فى يسار الطريق، الى اقصى حارة فى[overline] يمين[/overline] الاتجاه المعكاس

يمين ولا شمال ؟!

[juba8]

تسلم ياهندسه