محتاج رأيكم- مودرن موتورز الهايكستيب وللا السبع

[sab3aawy]

انا رايح اعمل صيانه 15 ألف يوم السبت ان شاء الله (يااااه، بقيت ماشى 15 ألف بحالهم)

السؤال هو، ومن واقع خبراتكم، اروح اعملها فين ،مودرن موتورز الهايكستيب وللا السبع زهراء المعادى

وسؤال تانى، اين يقع مركز صيانة السبع بالظبط

سؤال تالت، ماهى تكلفة صيانة 15 ألف بدون غيار زيوت

[Ashraf A.Kader]

بشمهندس خالد ازيك يا باشا- انا رايح السبت اعمل صيانة ال20000 في زهراء المعادي السبع لو تحب نتفق ونروح مع بعض-الناس هناك محترمين جدا وزي الفل
ابقي اشوف تكلفة ال15000 لان الاوراق في العربية وابلغك بالليل

[معاذ الشرباصى]

خالد باشا

السبع محترمين جدا, و كل اللى اعرفهم معاهم نيسان بيروحوا هناك, و بيشكروا جدا فى معاملاتهم

معرفش مودرن الهايكتسب, بس فى ناس كانت شكرت فيهم برضه

[Ashraf A.Kader]

بص يل باشا الصيانة عملت من غير تغيير حاجة 65 جينيه غير الضرايب
المجموع 74 جينيه

[kimo14560]

امبارح رحت الهاكستب . 4 ساعات لصيانة 1000 كم : لازم تروح بدرى او بعد الساعة 5 ... ولازم تحجز قبلها 3 أيام .

[Ashraf A.Kader]

مفيش حجز في السبع وعمري ماقعدت الفترة الطويلة دي

[dynamic_alpha]

لازززززززززززززززززززم تروح السبع

فعلا حتندم أشد الندم لو تعاملت مع الناس اللي في Modern Motors
أسوأ توكيل في مصر

[amrsabet]

مهندس/ سبعاوى مركز السبع الميزة فية انه مش علية ظغط جامد زى مودرن الهايكستب بمعنى ان مركز السبع ممكن يخدم 20 او 25 عربية فى اليوم وبيكون بالحجز عن طريق الرقم0100050700 او الرقم 25162518 هتروح هتلاقى م/ شريف حسن او م / محمد عمر هيستلموا منك العربية وهتطلع تقعد فوق فى الاستراحة وهتشوف العربية بيتعملها الصيانة قدامك
اما مركز مودرن الهايكستب برده بتحجز وبعدين بتروح بيستلم العربية منك م/حاتم ولكن نظرا للضغط والزحمة الجامدة عندهم خاصة يوم السبت ممكن تتاخر جامد عمتا مدير المركز م/ اسامة عبدالعال راجل محترم وممكن لو ليك اى شكوى ادخلة هوا مكتبه ورا الاستقبال بس الباب من ورا
انا شخصيا اتعملت مع المركزين ومعروف لدى المركزين بالاسم نظرا للمشاكل اللى بعانيها فى العربية

[sab3aawy]

انا مرحتش امبارح الصيناة واجلتها للسبت القادم وذلك لظروف خاصة، بس واضح بعد كلامكم انى هروح السبع

انا شاكر جدا لكل مشاركاتكم القيمة ،هطلب منكم بس ان حد يوصف لى مكانه لو امكن ويبقى جزاكم الله خيرا

[Ashraf A.Kader]

سبعاوي باشا خد الاتوستراد لحد متوصل صقر قريش عديه بعديها حتلاقي بنزينة وطنية علي شمالك بعدها بحوالي كيلو حتلاقي نزلة علي يمينك عليها يافطة(وادي دجلة) انزل فيها وخج اول منحني شمال(u Turn) وافضل ماشي علي طول حتعدي الاتوستراد من النفق وبعد شوية حتلاقي فودافون علي يمينك افضل ماشي لحد متلاقي جامع كبير قدامك (افتكر اسمه جامع التلات) الشارع اللي بعد الجامع يمين في تاني شمال (شارع مكسر)حتلاقي السبع علي يمينك بعد حوالي 200 متر

[saifsaadmohamed]

هو مركز السبع ده للنيسان فقط

[sab3aawy]

مركز السبع للنيسان فقط

[aboezz44]

انا جربت السبع ويونايتد جرووب الى فى الدراسه
التوكيلين محترمين
بس انا ارتحت نفسيا وحسيت ان الأحترافيه ظهرت اكتر فى يونايتد

[akooobasha]

استاذ سبعاوي

بعد التحية انا المهندس محمد عمر من توكيل السبع زهراء المعادي
و احب اقولك اني هابقى مستنيك تشرفني في المركز يوم السبت ان شاء الله و اخليك تعرف مركز السبع واخد ليه المركز الاول على مراكز نيسان مصر كلها سنتين ورا بعض في خدمة العملاء

و احب اقول اي حد عايز يعرف او يسال عن عربيات نيسان انا تحت امره و يشرفني في المركز في اي وقت

نصيحة صغيرة يوم السبت ممكن يبقى زحمة شوية فيا ريت تيجي بدري
شكرا

م/محمد عمر

[Amr81]

استاذ سبعاوي

بعد التحية انا المهندس محمد عمر من توكيل السبع زهراء المعادي
و احب اقولك اني هابقى مستنيك تشرفني في المركز يوم السبت ان شاء الله و اخليك تعرف مركز السبع واخد ليه المركز الاول على مراكز نيسان مصر كلها سنتين ورا بعض في خدمة العملاء

و احب اقول اي حد عايز يعرف او يسال عن عربيات نيسان انا تحت امره و يشرفني في المركز في اي وقت

نصيحة صغيرة يوم السبت ممكن يبقى زحمة شوية فيا ريت تيجي بدري
شكرا

م/محمد عمر

السلام عليكم مهندس محمد عمر
أنا مهندس عمرو كنت جيت السبع عشان عندي مشكلة في الكرسي اليمن جنب السواق
هو هبط شوية و انتو أختو إسمي و رقم العربية و رقم تليفوني و قلتو هتكلموني و محدش كلمني
والموضع دة حصل مرتين اني أروح ويخدو بياناتي ومحدش يكلمني
فياريت لو حضرتك تعرف تفدني فالموضع دة
شكراً جزيلاً