المصرى هيفضل مصرى-فى داهية المحمول

[sab3aawy]

منقول من منتدى المقهى العربى

بحسبة بسيطة وجد مقيم مصري في الكويت ان رمي
هاتفه النقال من نافذة سيارته يعود عليه بفائدة 35دينارا.
فقد اتخذ احد المقيمين المصريين في الكويت هذا القرار امس عندما
شعر بأن احدى دوريات امن المرور تلاحقه لايقافه بعد ان شاهده افرادها
يتحدث في هاتفه النقال اثناء القيادة في مخالفة صريحة لقرار عمل
به من بداية مايو الحالي يقضي بإيقاع غرامة قدرها 50 دينارا على
كل قائد سيارة يتحدث بالهاتف النقال دون سماعة سلكية او
لاسلكية اثناء القيادة معرضا نفسه والآخرين من
مستخدمي الطريق للخطر.

وبإيقاف الدورية للسائق المصري نفى ان يكون لديه هاتف
نقلا اصلا وبالفعل بتفتيش السيارة لم يعثر رجال الدورية
على الهاتف في حين اوضح لهم لما سئل عن وضع
يده على اذنه بقوله (كنت اسلك اذني) وبالعثور على
الهاتف النقال مرميا على جانب الطريق وبسؤاله مرة
اخرى قال المقيم المصري "ان هاتفي وشريحته لا يتجاوز
سعرهما 15دينارا والمخالفة 50دينار
فاخترت ان اخسر الاقل".

[mahamedaraby]

المصرى معروف فى كل حته

دايما بيتحايل على القانون

[ahmedsamir79]

بس بصراحه الراجل حسبها صح

[mohamed ibiza]

لا والله راجل حسبها بسرعة و خد القرار المناسب هما المصريين ميستروش في اي بلد كده

[mohamed2002]

هههههههه حسبها صح :)

[hamedo0]

ايون حسبها صح

[Ibtal]

منقول من منتدى المقهى العربى

بحسبة بسيطة وجد مقيم مصري في الكويت ان رمي
هاتفه النقال من نافذة سيارته يعود عليه بفائدة 35دينارا.
فقد اتخذ احد المقيمين المصريين في الكويت هذا القرار امس عندما
شعر بأن احدى دوريات امن المرور تلاحقه لايقافه بعد ان شاهده افرادها
يتحدث في هاتفه النقال اثناء القيادة في مخالفة صريحة لقرار عمل
به من بداية مايو الحالي يقضي بإيقاع غرامة قدرها 50 دينارا على
كل قائد سيارة يتحدث بالهاتف النقال دون سماعة سلكية او
لاسلكية اثناء القيادة معرضا نفسه والآخرين من
مستخدمي الطريق للخطر.

وبإيقاف الدورية للسائق المصري نفى ان يكون لديه هاتف
نقلا اصلا وبالفعل بتفتيش السيارة لم يعثر رجال الدورية
على الهاتف في حين اوضح لهم لما سئل عن وضع
يده على اذنه بقوله (كنت اسلك اذني) وبالعثور على
الهاتف النقال مرميا على جانب الطريق وبسؤاله مرة
اخرى قال المقيم المصري "ان هاتفي وشريحته لا يتجاوز
سعرهما 15دينارا والمخالفة 50دينار
فاخترت ان اخسر الاقل".

I think it is good that egyptian stay egyptian. When you live outiside egypt you see much worse than egyptian.

[Jato.33]

شخصية المصري من الشخصيات النادرة جداً
غير قابل للتغيير ولا يقبل التكيف مع أي قانون
أعتقد لو صدر قانون يجعل عقوبة إستخدام المحمول أثناء القيادة هي الإعدام شنقاً
هيفضلوا يتكلموا فيه برده
مش عارف ليه عايزين نمشي الصح على دماغنا الغلط ومش عايزين نصلح غلط دماغنا عشان نمشي صح

طيب هوا لو يحسبها صح زي ما أحد الأخوة في المنتدى هنا حسبها لو كان جابله سماعة بلوتوث كانت هتبقى أرخص بكتير من تمن الموبايل إلي راح وبالذات إنه مش هيشتريها من مصر إلي ممكن تكون السماعة فيه بتمن الموبايل تقريباً وممكن زيادة

ذكي أوي بصراحة
أكيد محاسب مش شاطر

[waleedss]

بالظبط زي قرار بلع البرشامه اذا تمسكت في لجنة الامتحان

[SHNORY]

تليفون موتورولا مستعمل c117 خمسين جنيه + 10 جنيه تبديل شريحه يبقوا 60
والغرامه 300 +انك حتهزق الظابط علشان مبيشوفش
بيتهيالي بقليل من المجهود ممكن نظبط الموضوع ده عندنا وهنا انت بيبقي التليفون جنبك وبيتسرق ومش بتلاقيه تخيل بقي لما ترميه في الشارع الناس حتخطفه يعني يدوروا براحتهم
ههههههههههههههههههه
وفعلا الحلول المصريه بتتدرس بره يا جماعه لانها مبتكره

[sniper2010]

انا أول ما قريت عنوان الموضوع فكرت إن موبايل سبعاوي اتسرق فافتكرت على طول قصة كانت حصلت مع واحد قريبي _ _ _ كان سايق عربيته بالنهار و لقى واحد بيشاور عايز يركب معاه و قفله من باب فعل الخير الراجل ركب و وصل المكان اللي عاوز ينزل فيه و نزل مافيش أي مشاكل و بعدين قريبي ده اكتشف إن الموبايل مش مكانه جنب عصاية الفتيس _ _ _ مش بس كده _ _ _ دا الحرامي البجح بقى يرن ع النمر الموجودة أو يتصل بيها بالذات لو النمرة باسم حريمي _ _ _ آخر بجاحة

[Ahmed Samy]

المصرى معروف فى كل حته

دايما بيتحايل على القانون

لا والله راجل حسبها بسرعة و خد القرار المناسب هما المصريين ميستروش في اي بلد كده

و ماذا تركتم لغير المصريين

يعني سيبتوا ايه للكوايته

[د.محمود صلاح]

من زمان قانون المرور فى الكويت بيعمل غرامة فورية على البصق من شباك العربية 5 دينار
فظهرت نكتة تقول ... مرة واحد بصق مسكته الشرطة وطالبته بغرامة 5 دينار , ادالهم 10 دينار قالوا له مافيش فكة قال لهم وانا معييش فكة , بعد مازهق قال لهم ( اتفوا ) كده نبقى خالصين !!!

[Bossy_Fadl]

طيب ايه المشكله لو كان التزم بالقانون و كسب الخمسين دينار و كسب ال15 دينار تمن الموبايل كمان؟

حسبي الله و نعم الوكيل

مخالفه القانون عندنا بقي ادمان

و بقينا نختار الطريقه اللي تخلينا نخالف القانون و نخسر اقل

المكسب مبقاش وارد اساسا

المهم نخالف القانون و خلاص

محدش بيفكر انه لو ماتكلمش في الموبايل هيحافظ علي حياته و حياة الناس اللي ممكن تعدي من ادامه

و كمان مش موضوع سماعه بلوتوث و غيره

ما هو الكلام في حد ذاته بيلغي الانتباه وقت السواقه

يعني الموضوع مش موضوع انه ماسك الموبايل

لا المشكله انه يتكلم اساسا في التليفون و يتناقش في مواضيع و هو سايق

ماهو ربنا ادانا عقل واحد ميعرفش يركز في حاجتين

يا سواقه يا كلام

و غير كده في ارواح ممكن تضيع

لا هو بس فكر ازاي ميدفعش الغرامه كلها و يوفر 35 دينار

مش عارفه اقول ايه

ميرسي ليك سبعاوي علي الخبر

بوســــــــي