وداعا 6 اكتوبر

[Osama_soliman]

يارب يخلص بسرعة
عشان المرور فى الحتت اللى فيها اصلاحات بقى قرف

[amirhamed]

المرور في كل حتى بقى صعب

[iunknown]

انا رأييى ان اللى راح من مدينة نصر للمهندسين النهاردة الصبح يجيب لوحين خشب يعملهم كشك سجاير على اى ناصية فى المهندسين ويبات فيه، و اللى راح من المهندسين لمدينة نصر النهاردة الصبح يجيب لوحين خشب يعملهم كشك سجاير على اى ناصية فى مدينة نصر ويبات فيهم، علشان محدش مروح بيته النهارة،

لو الحل مش مناسب لبعض الناس ممكن يجيبو ريد بوول علشان بيعطيك جوانييييييييح

[OlaOsman]

طيب أثناء يومي أعمال الصيانة الوضع صعب.. ايه بأه الوضع في الأيام العادية مع وجود آثار الصيانة؟

[amir]

يا جماعه
لو كانت النيه صادقه لأصلاح الكوبري , طبعا مع تعجبي من مدي سوء الانشاء لأن الفواصل اللي برزت و بقت مطبات متتاليه دي المفروض و الكلام من علي لسان عادل امام انها معدن و المعادن تتبرر بالبروره و فايده الفواصل دي انها تتمدد في الصيف و تنكمش في الشتاء فأزاي يعني تفضل تتمدد لغايه ما الاطراف تقابل الاطراف و تركب علي بعض زي ما كلنا شايفين, فلو كانت النيه فعلا صادقه في الاصلاح يبقي الفاضل اختيار التوقيت, و دي مشكله اخري من قايمه مشاكل الاداره المصريه العتيده, المدارس و الجامعات كمان اعمال الاصلاح و التطوير تبدء مع بدايه الدراسه!!!!
طب ماهو الاجازه موجوده و الدنيا بتبقي فاضيه يبقي ليه نزنق الدنيا في مواسم الذروه؟؟؟
ده غير ان قرار اصلاح كوبري يعتبر عصب مهم في الانتقال من اقصي العاصمه لاقصاها لازم يكون مدروس و مدبر بطريقه علميه و عمليه
يعني مثلا لو القرار في ايدي كنت قلت يتصلح مع اول بدايه الاجازات الدراسيه يبقي بكده شلت حوالي نص العربيات اللي بتمر عليه صبح و ليل سواء مدارس و جامعات او دروس خصوصيه مساءا
و اجيب الشركه المنفذه الزمها بتواصل العمل 24 ساعه بواقع 8 ساعات عمل و تبديل العماله كل 8 ساعات في نوبتجيات منتظمه, يبقي بكده وفرت وقت الاصلاح الي الثلث فقط
مش عارف اكيد انا مش عبقري ولا جي من بلد تانيه بس ازاي دايما كل مره الحكومه بتتحفنا بقرار ما نلاقي الف واحد يطلع بقرارات احكم و احسن مليون مره حتي لو كان مش في نفس المجال او التخصص
فاكرين جراج رمسيس لما اتبني و جم يهدوه؟؟ طلع واحد في الجرنان الاخبار بيقولنا ان قرار انشاءه سليم و قرار هدمه سليم؟!!!!!!!!!!!!!!!!!!!!!!!!!!!!!!!!!!!!!!!!
طب ازاي يا جماعه هي اداره شئون دوله (مش متخلفه قوي زي باقي دول القاره) بتبقي في ايد شويه عيال في حضانه؟؟؟؟؟؟
ماهو الواقع بيقول ان الوضع الاداري و اتخاذ القرار سيء للغايه سواء في موضوع الكوبري او غيره و المتابع للاحداث هيلاقي قدامه قائمه ممتده طويله من الفشل المخزي و الغباء المتكرر
لو فعلا قلب الناس دي علي بلدنا, بلدنا بجد مش بتاعت مدام شيرين او شهيده متاع الحياه التانيه اللي اتدبحت دي يبقي لازم يفوقو من الغيبوبه و يصححو الاوضاع من اول القانون و سيادته و هيبته و صحته الي اخر اتفه حاجه في شئون البلاد
انما بالصوره الحاليه يبقي احنا رايحين بنجري ناحيه كابوس من الفوضي و الضياع يمكن احنا عايشين اوله بس لسه اللي جاي ازفت بكتير
و الاحداث السابقه في البلد من حوادث و كوارث و خلافه بتشي بمدي سوء الاوضاع و انهيارها
يبقي كلمه كله تمام يا فندم و مبدء ليس بالامكان ابدع مما كان لازم ياخدو مكانهم في مزبله التاريخ و نفوق بقي
ماهو لو ده محصلش يبقي علي البلد زات نفسها السلام و ساعتها هيبقي علي البلد كلها مش اللي بيحكموها دلوقتي و بس لأ ده هيبقي علينا كلنا
الوضع هيبقي صعب و الناس هتضطر للحصول علي حقوقها اللجوء الي الدراع
و مش هتنفعنا ساعتها كل مؤتمرات التخدير الوثني
للاسف انا متشائم جدا من بكره و اتمني اني اكون غلطان و البلد حالها ينصلح

[shanodaa]

الفواصل كانت ممكن تتعمل في وقت اخر مش في موسم المدارس وبعديين 6 شهور ليه يعني هما ها يعملوه من جديد

[MoToRiZeR]

للاسف انا متشائم جدا من بكره و اتمني اني اكون غلطان

للأسف يا دكتور انا كمان و الله نفسي تكون غلطان بس انا متأكد إنك صح .. البلد راحت خلاص و الناس already لجأت للدراع و كل يوم بنسمع و بنشوف بعنينا حاجات تشيب .. كفاية إن الواقع يبقي إنك بتنزل كل يوم مش عارف هترجع ولا لأ .. ربنا يستر

[l0new0lf]

يا جماعه الموضوع بسيط جداَ
اي حاجه بتستخدم و تعمل لازم لها جدول صيانه دورى
حتى جسم الانسان لازمله صيانه دوريه
الكوبري اتساب لغاية ما اتبهدل للاهمال و عدم مراعاة اي نوع من الصيانه
فطبيعى انه بعد 20 او 30 سنه استخدام هتكون الصيانه مكافه جدا و تاخد وقت طويل
و ده ناتج عن غياب الطخطيط (زى معظم المشاريع المقامه فى مصر_ مفيش اعتبار للبعد الرابع وهو الزمن)
فكثر خير الكوبرى انه لسه صامد
و ربنا يصبرنا على ُمبتلانا

[Chucky]

انا الحمد لله ربنا راحمنى من كوبرى 6 اكتوبر و بلاويه

لانى ساكن فى حدائق حلوان و كل مشوايرى فى مدينة نصر بس للاسف ساعات الظروف بتجبرنى انى اروح اى مشوار فى وسط البلد و ساعتها بضطر اطلع كوبرى اكتوبر و فعلا بعرف اد ايه الناس اللى شغلها يلزمها كل يوم تطلع الكوبرى ده ليها الجنة

بجد انا مش عارف ازاى اللى فكر فى انشاء الكوبرى ده عمره ما حط فى دماغه ان عدد العربيات هيكتر لدرجة انه ذنق نفسه بين مبانى الفرق بينها و بين الكوبرى لا يتعدى الـ 100 متر يعنى ده لما يحب يوسع الكوبرى بعد كده هيعمل ايه... هيدخله جوة شقق الناس اللى ساكنة جنب الكوبرى ( ده لو كان فى فكرة اصلا انهم يوسعه الكوبرى )

انا بصراحة رائى الوحيد لتوسيع الكوبرى ده هو انه يعملوه دورين

بمعنى انهم يخلوا عرض الكوبرى ده كله اتجاه واحد و ييتم انشاء دور تانى للكوبرى يبقى ده الاتجاه المعاكس و بكده مشكلة الكوبرى دى هتتحل و عمرهم ما هيشوفوه واقف ابدا ( حلم و عمره ما هيتحقق )

[OlaOsman]

طيب حد يقول لنا يا جماعة المرور فوق الكوبري في الأيام العادية شكله ايه؟ في العادي و لا فيه أزمة بسبب الصيانة؟

[mohamed_kta]

السلام عليكم

انا النهارده جيت عليه من التحرير الى مدينة نصر و كان ماشى تمام الحمد لله.

[محمد ابراهيم 1]

المشكله فى البط الشديد فى التنفيذ

يعنى لو عندهم دم كانوا جابوا سلاح المهندسين فى القوات المسلحه مع كبرى شركات المقاولات مع العمل بالأمر المباشر وكانوا اشتغلوا ليل نهار بورديات متصله مع إغلاق كامل للكوبرى فى يوم خميس بعد الساعه 6 وكانوا أكيد حيخلصوا قبل صباح الأحد
ومكنش الناس حتحس بمشكله فظيعه