وداعا للفيات-آخر رحلة بالريجاتا

[El Prince]

عزيزى أ/ سبعاوى
هذا الموضوع دليل على انك انسان أصيل و تصون العشره و يحز فى نفسك الفراق

يمكن يكون عزائك الوحيد ان العربية هاتحل مشكلة انسان تانى بدل ما يتبهدل فى المواصلات
و يكون عزاؤنا الوحيد ان خبير فى الفيات سوف يظل معنا لمساعتنا دائماً

عموماً ربنا يباركلك فى الكتكوتة الجديدة

مع تحياتى ,,,

[MoToRiZeR]

ربنا يكرمك بفيات برافو تربو يا باشمهندس سبعاوي :)
حاسس من كلامك إنك كنت بتشاور عقلك متروحش للراجل و تروح البيت و خلاص

[aboalm]

ايه ياعم سبعاوى الواحد كانت حا تفر الدمعه من عينيه و ليه بعتها طيب .
بأتكلم بجد و الله انا حسيت كأنك بتوصل بنتك لعريسها

[mahamedaraby]

بجد موضوع مؤثر اوى وفعلا العربيه بتاثر فى الواحد جدا وانا حسيت الموضوع ده قبل كده

ساعات والله بتحس علاقه بتبقى بين العربيه وصاحبها وانها غاليه عليه وميبخلش عليها بحاجه لكن برضوا فى الاخر دوره الحياه فى العربيات لازم تستمر والعربيه تباع

ربنا يعوضك خير وان شاء الله نيسان تكون عوض عنها

[mrghost]

فعلا العربيات لما تكون معاك بقالها كتير وتيجى نبيعها كأنك بتودع واحد عزيز عليك والله لما بيعت الفيات 125 وكانت بقالها معانا حوالى 12 سنه بكيت عليها يوم بحاله وبابا ماكنش عاوز يسلمها للمشترى وحاول انه يتلكك علشان البيعه تتوفق بس المشترى مسبش فرصه لينا وكأننا فقدنا شخص عزيز علينا

[magdi mina]

زى العادة ... الأسلوب الراقى .. الرومانسى .. المغناطيسى . .الجاذب لقلوبنا .. سواء بتشرح الموتور .. أو فى كتابة موضوع .. أو بتوصف مشاعر الفراق لعربية .. أحييك .. وربنا يخليك لينا .. يا با شمهندس المشاعر .:k10::k32:

[ahmed azab]

ربنا يكون في عونك يا بشمهندس ويباركلك في

الماروتييييييييييييييييييييييييييييييييييييييييييي يييييييييييييييييي طبعا

منا اول واحد شوفتك بيها انت والدكتور في مدينة نصر

[Amr_Moh]

salamo 3alekom
rabena ydeek a7san menha
ana kan bardo ma3aia fiat siena1400
we ra3`m enaha 3arabia motawad3a bas kanet da7`la dma3`ii awii

[waled369]

ربنا يكرمك باللي افضل منها
قصة مؤثرة جدا
حصل لي نفسها لما بعت السويفت

[sab3aawy]

ربنا يكون في عونك يا بشمهندس ويباركلك في

الماروتييييييييييييييييييييييييييييييييييييييييييي يييييييييييييييييي طبعا

منا اول واحد شوفتك بيها انت والدكتور في مدينة نصر

ياسلاااااااااااااااااااااااااااااام ، اخيرا

دوختنا يا راجل ، قعدنا نضرب اخماس فى اسداس علشان نعرف من الشاب اللى عرفنا واحنا معرفناهوش ده،حاولنا نلحقك علشان نعرفك لكن للأسف مأمكنش لانك كنت راكب بساط الريح واحنا راكبين مكنسة كهربائية لسة بتتلين، بس الله يبارك فيك وبجد بشكرك لأنك اضفيت لمحة مرحة جدا على اول يوم للسيارة ، وخلقت لى ذكرى خفيفة الظل مش ممكن هنساها طول ما العربية دى موجودة

[Karim_Monir]

مبروك الماروتي يا خالد وكويس الزيرو زيرو برضه
يمكن انا رغم ميولي الاسيوية حاليا
الا اني مختلف معاك في حبكللفيات
فانا من اشد كارهي الفيات وخاصة العلبة المسماة 128
رغم اني اتعلمت عليها السواقة وشافت مني الويل لسنوات رغم حداثة موديلها (1990)
الا اني بكره العربية دي فعلا
ولما فكرت اشتري ماعملتش زي الناس رغم اني ماكنش معايا فلوس كتير
روحت جبت فولكس بيتل
وحبتها جدا
وبعتها وجبت فولكس احدث شوية
وبعتها وجبت بيتل لتالت مرة
وبعتها وكنت هاجيب بيتل 1303 لراابع مرة
وقفت في وشي الحكومة متمثلة في ام كنزي
لازم عربية بالتكييف عشان كنزي
وكانت الاكسيل
من قمة الثبات لقمة المراجيح
ايام وبتجري
ربنا يرزقك حتى CLK وتديني لفة

[amr123]

عندك حق التعلق بالسيارة شيء غريب ...ممكن تكون عملت فيك عماااااااااايل لكن لحظة البيع بتكون صعبة ...انا حسيت بكده لما بعت الشاهين ...ياما عملت فيها ...وياما اكتر هيا عملتها فيا

اعتبرها حضرتك مرحلة ...ذكرى حلوة و مرة ...و ربنا يبارلك في الى جاى و تعلى تعلى لحد البورش (مع انها خسارة في شوارع مصر)

اهم شيء تكون معانا في المنتدى حتى لو ركبت بسكليته و قررت التخلى عن اي سيارة :):)

[CryptonX]

للأسف طول ماالجنيه المصري مضوب بالصرمة امام اليورو ..
وطول ما التوكيلات بتركز علي المبيعات و الربح دون الدعايا و التسويق ..

و طول ماعم ماركوني معتبرنا دولة نامية مبيعاتها قليلة جدا ( علي حد قوله ) ...
مش حترجع ايام فيات تاني ..

الا اذا افتتح مصنع لتجميعها من جديد او مثلا فيات اشترت شركة النصر .. زي ماعملت في الصرب و اشترت مصنع زاستافا بالكامل السنة دي ..

يا رب :)

[sab3aawy]

و طول ماعم ماركوني معتبرنا دولة نامية مبيعاتها قليلة جدا ( علي حد قوله ) ...
مش حترجع ايام فيات تاني ..

يا اخى اللى مجننى ان عم ماركونى شايفنا دولة مبيعاتها قليلة جدا ، مع ان عم كيم لى سونج(معرفش اسمه بالظبط بس هم كل الكوريين اسمائهم عبارة عن اساليب مختلفة لترتيب الكلمات سونج-كيم-لى) بيدى غبور كل سنة جايزة على اعظم مبيعات فى المنطقة وفى العالم وحاجات جامدة كدة؟ مع ان مبيعات هيونداى عالميا اعلى من مبيعات فيات بكتير، ومع ذلك هيونداى شايفانا سوق مهم

ياللا مش مهم

[ahmed azab]

ياسلاااااااااااااااااااااااااااااام ، اخيرا

دوختنا يا راجل ، قعدنا نضرب اخماس فى اسداس علشان نعرف من الشاب اللى عرفنا واحنا معرفناهوش ده،حاولنا نلحقك علشان نعرفك لكن للأسف مأمكنش لانك كنت راكب بساط الريح واحنا راكبين مكنسة كهربائية لسة بتتلين، بس الله يبارك فيك وبجد بشكرك لأنك اضفيت لمحة مرحة جدا على اول يوم للسيارة ، وخلقت لى ذكرى خفيفة الظل مش ممكن هنساها طول ما العربية دى موجودة

والله ده انا اللي حظي حلو اني شوفتكم وكنت حاسس برضه ان ده هيحصل يا هندسة علشان كده اول مجيت قولت ابركلك علي الماروتي

http://www.nilemotors.net/Nile/showthread.php?t=43631