صدعونا باننا بنسرق منهم مواضيع وبعدين سرقونا

[sab3aawy]

احد المنتديات اللى لو حد عندنا كتب فى موضوع من موضوعاته" صباح الخير" ييجوا يتهمونا ان "صباح الخير" دى مسروقة من عندهم لأن واحد عندهم كاتب"صباح الخير" زى اللى عندنا

ومع كدة سارقين موضوع بتاعى بتاع "مقارنة بين اللانوس والفيرنا" اللى انا كاتبه من ايام كونتاكت ونقلته هنا منذ افتتاح المنتدى

طبعا ميمنعش الامر اننا ممكن نلاقى بعد شوية اللى جاى يتهمنا بسرقة الموضوع منهم باعتبار انه منشور عندهم، حتى لو كان تاريخ نشره عندنا يسبق تاريخ نشره عندهم بسنتين، اصل-وياللعجب-الفكرة كانت فى راس اللى كتبه هناك من سنتين وانا قريت افكاره وسرقتها ، بس هو مكتبهاش غير ديلوقتى

ياريت بأه اللى بيته من قزاز 3 مللى لو حد عطس فيه يتكسر،ميحدفش الناس بقوالب الدبش

[moh_kamal67]

عايزين توضيح ياباشا ، موش فاهمين هما مين

[أبو عبدالله]

ربنا يهدينا كلنا والله يا اخي سبعاوي

وفعلا اللي بيته من زجاج 1 ملي ميحدش الناس بالزلط

[Hany A Fattah]

سبعاوى باشا

هدى نفسك هو الكلام عليه جمرك ؟
سبهم يسرقو زى ماهمه عايزين يمكن يتعلمو حاجه تنفعهم

[aif]

سبعاوي باشا ...ما تزعلش نفسك .... كله بثوابه وكل لما حد بيقرأ علمك ربنا بيثيبك عليه
....
اللي نقل موضوعك نسبه لنفسة ... ولا ذكر انه منقول ...؟؟

[shanodaa]

يظل الاصلي شامخ براق
والتقليد مالوش لازمه حتي ولو كان ؟؟؟

[moh_kamal67]

سبعاوى باشا فى المنتدى زى النار على العلم ، 130 واحد فى حوالى 12 ساعة شاهدوا الموضوع ، الناس المبتدئين الى زينا 30 ، 40 واحد بيشوفوا الموضوع فى 24 ساعة
ده نجاح ، وشهرة ، وده ليه ثمنه ، ان كلمتك تكون مسموعة، فالى الامام

[MMamdouh]

طبعا نقل المقارنة هناك حيرفع من اسهم منتداهم... الا ان النتيجة النهائية حتبقى عكسية عملا بالحكمة اللى فى امضاء كريم منير:

كلما على القرد... كلما ظهرت ايييييييييه؟؟

كلنا عارفين ان الدنيا هناك مهوية اساسا و ان الاصل هو نايل موتورز... المهم بعد كدة لو حد منهم قال ان احنا نقلنا موضوع من هناك نبقى نمسكة ن..

MMamdouh

[sab3aawy]

برضه للأمانة اقول ان ردا على موضوعى ده احد الاعضاء البارزين فى كلا المنتديين(عندنا وعندهم) بعت ليا رسالة مهذبة جدا بيؤكد فيها ان الموضوع هناك مكتوب فيه انه منقول وانى لو حابب انه يتكتب هناك انه باسمى فهو هيعمل كدة

انا بس حبيت اشكره على هذا التصرف الراقى وأوكد ان المشكلة مش مشكلة نقل مواضيع بقدر ما هى مشكلة ان احيانا الناس بتمسك لبعض على حاجات صغيرة ، وبالتالى لو ان فكرة نقل المواضيع مقبولة يبقى مافيش داعى ان حد يثير فتنة لا داعى لها لمجرد ان كلمتين اتنقلوا من هناك جم هنا او العكس زى المشكلة الضخمة اللى اثارها بعض الناس عندهم قبل كدة

لا اكثر ولا أقل

[mahamedaraby]

يا استاذ سبعاوى انت مواضيعك مركه مسجله تتعرف فى اى حته

برضه للأمانة اقول ان ردا على موضوعى ده احد الاعضاء البارزين فى كلا المنتديين(عندنا وعندهم) بعت ليا رسالة مهذبة جدا بيؤكد فيها ان الموضوع هناك مكتوب فيه انه منقول وانى لو حابب انه يتكتب هناك انه باسمى فهو هيعمل كدة

وكويس والله الحركه اللى عملها دى

[Karim_Monir]

وبالتالى لو ان فكرة نقل المواضيع مقبولة يبقى مافيش داعى ان حد يثير فتنة لا داعى لها لمجرد ان كلمتين اتنقلوا من هناك جم هنا او العكس زى المشكلة الضخمة اللى اثارها بعض الناس عندهم قبل كدة

لا اكثر ولا أقل

المشكلة انك ممكن تنقلها وتنقول اسم الشخص اللي كاتبها
لكن بعض المنتديات بترفض ذكر المنتدى المنافس وده حقهم
لكن اقل اعتبار نعملة للي تعب نكتب اسمه طالما عارفينة
وهو لو رفض ينشرة يبقى حر

[aif]

انا دخلت هناك والموضوع فعلا موجود بالحرف ... ومكتوب في آخره .... منقول ....
......
احنا عندنا ساحة كاملة للموضوعات المنقولة .... ما حدش بيقول في معظم الاحيان مين صاحب الموضوع ....
وعندنا ممنوع وضع رابط منتديات منافسة ....
وسبعاوي ما كتبش تحذير من نقل الموضوع في موضوعه الأصلي ( المفروض نراعي كتابة التحذير دة مستقبلا ) ....
معلهش يا سبعاوي ..... اعتقد انه لا يخفى علي اي حد مهتم باسيارات مين هو صاحب هذا الموضوع وهذا الاسلوب الفريد .....
يعني لو حد سمع لحن لسيد مكاوي او بليغ حمدي او عبد الوهاب ...... اكيد مش ح يسأل مين صاحب اللحن لأنه معروف ....كذلك موضوعاتك يا ابو السباع ..... دي ضريبة الشهرة يا ريس

[محمد ابراهيم 1]

بصراحه يا سبعاوى
كتاباتك بتشجع على السرقه
لأنها ببساطه جميله جدا