لمحات عن الماروتى بعد 600 كيلومتر

[sab3aawy]

فى خلال الأسبوع الماضى عملت حوالى 600 كيلومتر بالماروتى ، طبعا بان فييها اثر التليين والنتيجة كالآتى:

1- اولا استهلاك الوقود: 35 لتر عملوا 620 كيلومتر نقدر نقول ان نصهم مدينة ونصهم طوالى
2-ثانيا: صوت الموتور بقى اهدأ بكتير من اول يوم
3-ثالثا: تسارع الموتور تحسن كتير عن اول يوم
4-رابعا:صوت الجير بوكس وحفيف طنابير الفرامل تحسن جدا عن اول يوم

انطباعات اخرى:

5-العربية ارتفاعها عن الأرض كويس جدا(اعلى من النيسان بحوالى 2-3 سم) ومبتحكش فى اى حاجة، بالأضافة الى انها بتطلع بالعجلات الأربعة فوق المطب ..:) وبالتالى لا مجال ان حاجة تحك

6-العربية وزنها خفيف جدا على الموتور فسحبها حلو اوى بالاضافة الى سهولة الطلعة بالعربية من السكون ، يعنى لو حد بيتعلم السواقة ورجله مش واخدة على بنزين ودبرياج صعب العربية تبطل منه

7- الاطارات (هندى) خشنة وصوتها عالى الى حد ما

8- اثر حكاية ال 3 سلندر بيبان وانت طالع بالعربية، تحس برجرة الموتور فى الطلعة حاجة بسيطة زى اى عربية 3 سلندر، وكذلك بيبان فر رنة صوت الموتور لو قرصت عليه جامد، بيقول ال"وررررررر" بتاعة ال 3 سلندر

9-الموتور مبيسقفش خالص

دى شوية الحاجات اللى انا لاحظتها خلال الأسبوع الماضى

[MoDyBeNz2008]

شكرا يا باش مهندس سبعاوي عالموضوع الجامد دة

و في انتظار التقيم الشامل الوافي للماروتي قريب ان شاء الله

[محمد ابراهيم 1]

عقبال ما تعمل بيها 600 ألف كم ربنا يبارك لك فيها ويجعل وشها حلو عليك ويبارك لك فيها ويكفيك شرها

[ibrahimsaad]

الف مبروك ياباشمهندس ومنتظرين التقييم الشامل لانى بصراحه بفكر ابيع ال 128 واجيب ماروتى زيرو رغم انها اصغر حجما وعامله كده زى اللعبه لكن كل الناس بتشكر فيها

[Islam_galal]

بتحط بنزين أوكتين كام ؟

[sab3aawy]

بتحط بنزين أوكتين كام ؟

حاليا بحط 90

[Abdm]

ألف مبروك يا بشمهندس سبعاوى وربنا يباركلك فيها ومنتظرين التقيم الشامل للسيارة
وهل من الممكن عمل أى تعديلات بها مثل تعريض الكاوتش أو التكييف أو أى أفكار أخرى

[zalpany2000]

مبارك مبارك مبارك عليك
وربنا يكفيك شرها ويعطيك خيرها ان شاء الله
و في انتظار باقي التقييم.
تحياتي

[wessampo]

الف الف الف مبروك يا استاد سبعااااااااااااااااااوى على الماروتى يا ترى فاكرنى انا الى كنت بسال على حمولتها والحمد لله جبتها وشغالة والحمد لله وحدة زى الفل يعنى بقينا فى قارب واحد ومرة تانية الف مبروك

[xylola]

حاليا بحط 90

بنزيت 92 أفضل وعن تجربة:k49:

[maak333]

فعلا بنزين 92 افضل من ال90 والفرق 2.80 ج في التفويلة

[mindvision]

فعلا بنزين 92 افضل من ال90 والفرق 2.80 ج في التفويلة

معلش عشان انا جديد في موضوع العربيات كله ولسه بدور علي اول عربية لي...
فانا كنت عايز اعرف بس.. هل موضوع البنزين 90 من 92 في (الماروتي) هاتفرق كتير؟!!؟

[m7nsh]

هى مكتوب فى كتالوجها ان رقم الأوكتان ميقلش عن 85 فمش عارف هل هيكون فى فرق فعلا بين ال90 و ال92

بس انا عموما بحطلها 90 و شغاله زى الفل

[D . a .\ AYMAN]

الماروتي بتاخد بنزين 80 حتى عادي لأنها كاربيراتير
وعموما انا بشوف ناس كتير معاها ماروتي بتحط 80
بس المشكلة طبعا انك تلاقيه ولو لاقيته هاتقف طابووووووووووووووور عليه

[xylola]

هى مكتوب فى كتالوجها ان رقم الأوكتان ميقلش عن 85 فمش عارف هل هيكون فى فرق فعلا بين ال90 و ال92

بس انا عموما بحطلها 90 و شغاله زى الفل

أنا بحط 92 بعد مجربت 90 وفعلان 92 أحسن في سحب العربية وبتجري والماتور مفتوح مش مخنوقه