بيرلسكونى عكها تانى-والمرة دى الضحية اوباما

[sab3aawy]

يبدو ان سيلفيو بيرلسكونى-رئيس وزراء ايطاليا- لن يتخلى ابدا عن عادة "التطجين" فى الكلام والتى اوقعته فى مآزق سياسية عديدة، ربما كان اقربها لأذهاننا كلماته العنصرية ضد الاسلام عام 2001 والتى سارع بالاعتذار عنها انذاك مدعيا انها كلمات اسئ نقلها، اما اخر "تطجيناته"السابقة فقد كانت منذا ما يقل عن 15 يوم عندما قال عبارة غزلية عبر وسائل الاعلام لعارضة الأزياء مارا كارفانا التى حولها الى وزيرة العدالة الاجتماعية فى وزارته وكادت هذة العبارة ان تتسبب فى انهاء حياته الزوجية

اما هذة المرة فقد ورطته زلاقة لسانه فى "التلبيخ" فى الرئيس الأمريكى المنتخب بارك اوباما، حيث انه فى اثناء اجتماع بين بيرلسكونى ورئيس وزراء روسيا وعندما تطرق الحديث الى الرئيس الأمريكى المنتخب قال بيرلسكونى عن اوباما:"انه صغير السن ونشط وجلده مدبوغ" فى اشارة الى سمار لون اوباما ، وطبعا لم تكذب وكالات الأنباء خبرا وسارعت بتتطير الخبر الى انحاء العالم، ياترى العلاقات بين امريكا وايطاليا هيبقى شكلها ايه فى الفترة القادمة بعد تصريحات بيرلسكونى المدبوغة؟ الله اعلم

[محمد ابراهيم 1]

الواد بيرلسكونى أبو لسان زالف ده مفيش فايده فيه
بس أعتقد إن العلاقات مش حتتأثر ولا حاجه لأن دى دول مؤسسات مش أفراد
وبرضه البركه فى إساءة النقل

[Rsarabia]

بيرلسكونى دا بيفكرنى بمرتضى منصور ربنا يهديهم الاتنين

[elassar2010]

مافيش مشاكل طبعا هتحصل دول ناس بينهم بيزنس ومليارات واصلا مش فاضين انهم يسمعوا دا قال ودة ماقلش عادى البزنس هو الى يقربهم وبس الى يبعدهم

[r0xer]

ههههههههه..ورغم زلات لسانه ولكنه المحبب للشعب الإيطالي "وخصوصا الميلانيين". و فعلا بيعك كتير بلسانه....ولكن المميز فيه هو انه عنده كاريزما عالية جداً .

معتقدش هتحصل أزمة بين البلدين لإن أصلاً الأوضاع الايطالية الامريكية مهياش تمام من أيام الغير مغفور له بإذن الله بوش..فمش هتخرب اكتر ماهي خربانة يعني!

[فادى]

بيرلسكونى بيسموه القذافى بتاع أوروبا,
رجل دماغ زى القذافى بالضبط, و من طرائفه انه عامل شريط كاسيت رومانسى!!!!
و فى احدى التصريحات قال انو هيمتنع عن ممارسة الجنس لأربعة شهور, و عاد بعديها و قال "أنا كنت بهزر مش بتكلم جد".

[وائل عطية]

بيرلسكونى عن اوباما:"انه صغير السن ونشط وجلده مدبوغ" فى اشارة الى سمار لون اوباما ، وطبعا لم تكذب وكالات الأنباء خبرا وسارعت بتتطير الخبر الى انحاء العالم، ياترى العلاقات بين امريكا وايطاليا هيبقى شكلها ايه فى الفترة القادمة بعد تصريحات بيرلسكونى المدبوغة؟ الله اعلم

الحقيقة الجملة اللي قالها بيرلسكوني ترجمتها : " إنه شاب وسيم أسمر البشرة "

طبقاً لما أوردته جريدة " ليبيراسيون " اليومية الفرنسية
وكلمة Bronzé الواردة في المقال بالجريدة الفرنسية يمكن أن تُترجم " أسمر البشرة" أو " برونزي اللون"

واضح إن حصل تحابيش على الموضوع، وإن كانت الجريدة بتتساءل إذا ماكانت هذه زلة لسان أم تحريض ضد أوباما
وهذا هو الموضوع في الجريدة الفرنسية

http://www.liberation.fr/monde/0101167824-berlusconi-trouve-obama-jeune-beau-et-bronze

[amirhamed]

الطبع غلاب

[r0xer]

شكراً أستاذ وائل على المعلومة...والكل صدق خبر الجريدة بما فيهم الباشمهندس سبعاوي لأنها عادة من عادات هذا الملياردير الإيطالي. :)

[Chicco]

الحقيقة الجملة اللي قالها بيرلسكوني ترجمتها : " إنه شاب وسيم أسمر البشرة "

طبقاً لما أوردته جريدة " ليبيراسيون " اليومية الفرنسية
وكلمة Bronzé الواردة في المقال بالجريدة الفرنسية يمكن أن تُترجم " أسمر البشرة" أو " برونزي اللون"

واضح إن حصل تحابيش على الموضوع، وإن كانت الجريدة بتتساءل إذا ماكانت هذه زلة لسان أم تحريض ضد أوباما
وهذا هو الموضوع في الجريدة الفرنسية
http://www.liberation.fr/monde/01011...beau-et-bronze

بالظبط يا باشا :)
هو الخبر وصل أمريكا إنه قال ..tanned ...أقرب ترجمة ليها إنه لوحته الشمس كما في المصيف مثلا ...طبعا ده ما منعش مذيعي برامج الحوار من ذكر الواقعة و السخرية من برلسكوني

[mokhtar]

الراجل ده غريب جدا وتصريحاته اغرب كنت قرأت من كام سنه الخبر ده عنه انه فى احدى الحفلات الرسميه للحكومه الايطاليه فى فتره ولايته السابقه كان صرح تصريح غريب جدا امام وسائل الاعلام لما قال ان فيما معنى الكلام ان زوجته معجبه جدا بوسامه ورجوله احد الوزراء وتقريبا هتدخل فى علاقه معاه والوزير ده كان شاب فى اوائل الاربعينات ووسيم وجذاب جدا وبيرلسكونى بيقول الكلام ده مازحا وهو بيضحك انا قرأت الكلام ده وضربت كف بكف على الرجاله اللى مش رجاله




..mokhtar..

[وائل عطية]

بالظبط يا باشا :)
هو الخبر وصل أمريكا إنه قال ..tanned ...أقرب ترجمة ليها إنه لوحته الشمس كما في المصيف مثلا ...طبعا ده ما منعش مذيعي برامج الحوار من ذكر الواقعة و السخرية من برلسكوني

تمام
وفعلاً كلمة tanned من معانيها " مدبوغ " ولكن ترجمة الكلمة هكذا يُعتبر خطأ لأن سياق الكلام هو الحكم فنأخذ معناها الأخر وهو " متأثر بأشعة الشمس " يعني " أسمر البشرة "

[sab3aawy]

عموما يا جماعة انا وصلنى الخبر بالعربى من الاذاعة المصرية ولذلك انا حطيته فى ساحة الاخبار المنقولة، صحيح ان الصياغة تعود لى لكن محتوى الخبر منقول بالكامل ليس لى فيه اى اضافة، وبالتالى انا مسمعتش الأصل الايطالى او الترجمة الفرنسية حيث انى لا اجيد ايا منهما

وشكرا لوائل على تصحيح المعلومة

[وائل عطية]

وشكرا لوائل على تصحيح المعلومة

ياباشا لا شكر على واجب
بس دا مايمنعش إن الراجل لسانه زالف حبتين