معلومات سريعة لمالكى الماروتى

[sab3aawy]

النهاردة فتحت كبوت العربية الماروتى على سبيل الفرجة وحب الاستطلاع وطلت بمعلومتين او تلاتة احب انقلهم لمالكى الماروتى:

1- يوجد فى مدخل فلتر الهواء للماروتى باب يسمح للهواء البارد او الساخن بدخول الفلتر، الهواء البارد يأتى من الطريق والساخن يمر على فرن الشكمان ليدفأ قليلا قبل الدخول للمحرك، الباب غبر مرئى لكن يد التحكم فيه مرئية ،توجد فى مدخل الفلتر وتشبه كثيرا دبوس المشبك ، يتم تحريكها عن طريق سحبها للأمام لاخرجها من مكان مبتيها ثم تحريكها يمينا او يسارا الى مكان المبيت الآخر، ويتم تغيير وضع هذا الباب مرة فى اول الشتاء ومرة فى اول الصيف ووضع الشتاء ووضع الصيف موضحين على مدخل الفلتر

2- يوجد فى جسم الجير بوكس للسيارة غطاء بلاستيكى مستدير فى حجم غطاء زجاجة المياه المعدنية او اكبر قليلا ، يمكن فتحه وغلقه باليد (قلاووظ) وبه مقياس لزيت الجير بوكس موضح عليه المنسوب المناسب للزيت، كما يمكن تزويد زيت الجير بوكس من نفس الفتحة فى حالة الحاجة للتزويد

3-كهرباء البوجيهات تعمل بنظام الأبلاتين والكوندنسر وليس بها دائرة تقطيع جهد الكترونية

4- مسمار التحكم فى سرعة التباطوء(السلانسيه) للسيارة موجود اسفل نهاية سلك الاكسراتير من عند الكرابراتير، ورأس المسمار لأسفل

5- المحرك يعمل بنظام كامة علوية مفردة و6 صبابات، نظام المناولة من الكامة للصبابات باستخدام تاكيهات

دى شوية الحاجات اللى انا لمحتها فى اول فحص لميكانيكا السيارة

[EslaM_NagY]

سؤال بيسط

هى الماروتى 3 سلندر ؟؟؟؟

[Lion_Heart]

سؤال بيسط

هى الماروتى 3 سلندر ؟؟؟؟

فعلا 3 سلندر 800 سم مكعب 4 غيار

[mucho]

السلام عليكم
كل عام وحضراتكم بخير
هذه ان شاء الله هي اول مشاركة لي في المنتدى وسبب اشتراكي في المنتدى هو شراء سياره وبمعنى ادق اول سياره في حياتي :)
في حدود امكانياتي وجدت ان افضل سياره ستناسبني ان شاء الله هي سوزوكي ماروتي وكان علي متابعة ارائكم فيها وكان معظمها جيد والحمد لله
ولكن اريد ان استفسر منكم عن بعض الاشياء واعذروني لاني ما اعرفشي في عالم السيارات اي حاجه
اولا ما افضل مكان اتوجه اليه لشراء هذه السياره وليه الناس بتشتكي من التوكيل يمكن ده سؤال يوضح مدى جهلي بس استحملوني شوي
ثانيا ما افضل بنك في تقسيط السياره ما رايكم مثلا في بنك الاسكندريه او غيره من البنوك
في انتظار ردكم
وشكرا

[D . a .\ AYMAN]

الف شكر ياباشا على المعلومات الخاطفة دي

بس حلوة حتتة الهواء الساخن والدافئ للصيف والشتاء ... أول مرة أعرف ان فيه كده أصلا

بس هية بتفرق في إيه بالنسبة للموتور أصلا .. أنا مش عارف فايدتها

[sab3aawy]

الف شكر ياباشا على المعلومات الخاطفة دي

بس حلوة حتتة الهواء الساخن والدافئ للصيف والشتاء ... أول مرة أعرف ان فيه كده أصلا

بس هية بتفرق في إيه بالنسبة للموتور أصلا .. أنا مش عارف فايدتها

دى بتكون مفيدة لسرعة دفء المحرك شتاء لما ادخل له هواء ساخن، وعدم سخونة المحرك بشكل مفرط صيفا لما ادخل له هواء بارد، وكانت موجودة بشكل او بآخر فى معظم سيارات ابائنا من طرازات الفيتا والبيجو، لكن حاليا ابتدت تختفى من السيارات الحديثة ذات الحقن الإلكترونى

[sab3aawy]

السلام عليكم
كل عام وحضراتكم بخير
هذه ان شاء الله هي اول مشاركة لي في المنتدى وسبب اشتراكي في المنتدى هو شراء سياره وبمعنى ادق اول سياره في حياتي :)
في حدود امكانياتي وجدت ان افضل سياره ستناسبني ان شاء الله هي سوزوكي ماروتي وكان علي متابعة ارائكم فيها وكان معظمها جيد والحمد لله
ولكن اريد ان استفسر منكم عن بعض الاشياء واعذروني لاني ما اعرفشي في عالم السيارات اي حاجه
اولا ما افضل مكان اتوجه اليه لشراء هذه السياره وليه الناس بتشتكي من التوكيل يمكن ده سؤال يوضح مدى جهلي بس استحملوني شوي
ثانيا ما افضل بنك في تقسيط السياره ما رايكم مثلا في بنك الاسكندريه او غيره من البنوك
في انتظار ردكم
وشكرا

التوكيل هو افضل مكان للشراء حتى لو لم يكن هو افضل مكان للصيانة، لأن جواب المرور بيطلع من عنده والسيارة ملكه فعلا، بعكس المعرض اللى بيكون واخد السيارات ومش واخد ورقها لأنه بيكون مسدد جزء مش كبير من تمنها والباقى بيسدده لما ييجى زبون يدفع ثمن السيارة وبناء عليه يطلع ورق السيارة باسم الزبون، بالنسبة للبنوك انا اعرف ان بنك فيصل بيقدم افضل عروض لتمويل السيارات حاليا فحاول تبدأ من عندهم

[EslaM_NagY]

فعلا 3 سلندر 800 سم مكعب 4 غيار

شكرا على الرد

[mucho]

اشكرك على الرد يا استاذ سبعاوي

[D . a .\ AYMAN]

الف شكر ياباشا على الرد الوافي

وجزاك الله خيرا

[m7nsh]

متشكرين جدا يا بشمهندس سبعاوى على الموضوع المفيد بجد

لو حضرتك قدرت تصورلنا الكبوت بالموبيل وتوضح عليه الحجات اللى عرضتها دى يبقى كتر خيرك ( طبعا لو وقتك يسمح )

و الف شكر مره تانيه

[adelgeb]

المهندس سبعاوى
شكرا على المعلومات المهمة عن هذه السيارة الظريفة. ولكن لى سؤال أرجواأن تتكرم بالرد عليه.ذكرت فى احدى مشاركاتكم أن الماروتى نسخة أصغر من ال 128 فهل مشكلة فتح الشاسيه التى نعانى منها فى ال128 موجودة فى الماروتى ؟

[sab3aawy]

المهندس سبعاوى
شكرا على المعلومات المهمة عن هذه السيارة الظريفة. ولكن لى سؤال أرجواأن تتكرم بالرد عليه.ذكرت فى احدى مشاركاتكم أن الماروتى نسخة أصغر من ال 128 فهل مشكلة فتح الشاسيه التى نعانى منها فى ال128 موجودة فى الماروتى ؟

من خلال معرفتى بناس عندهم السيارة من فترة طويلة مسمعتش ان المشكلة دى موجودة فى الماروتى نهائيا

[EslaM_NagY]

هو التسارع بتاع الماوتى تقريبا كام ثانية من 0 الى 100 ؟؟

وهل الاستجابة فى السواقة العادية حلوة ولا العربية خملانة ؟؟


بفكر ابيع ال128 واجيب ماروتى

الشاسيه عندى فيه خريطة الوطن العربى وربنا يستر وانا ماشى متتفكش :)

[sab3aawy]

هو التسارع بتاع الماوتى تقريبا كام ثانية من 0 الى 100 ؟؟

وهل الاستجابة فى السواقة العادية حلوة ولا العربية خملانة ؟؟


بفكر ابيع ال128 واجيب ماروتى

الشاسيه عندى فيه خريطة الوطن العربى وربنا يستر وانا ماشى متتفكش :)

تسارعها من صفر الى 100 كم/س اكثر من رائع، هى بعد 100 بيكون تسارعها اقل بكتير ، لكن قبل ال100 تسارعها لا يقل عن تسارع سيارة 1600 خفيفة الوزن، وطبعا اماكنياتها فى المناورة غير عادية بفضل الحجم الصغير والتصميم المتقن لمجموعة التوجيه، العربية عيوبها بعيدة عن الحاجتين دول، انا مازلت شايف ان عيوبها الأساسية هى صغر حجم الشنطة وارتفاع صوت المحرك مع التسارع، وان الناس بتستهيفها شوية فى الشارع، ثباتها مش وحش ومش حلو ومثله الفرامل ،غير كدة العربية سواء فى الجرى او المناورة او سهولة القيادة والتمكن من ادوات السيارة بشكل فوق الخيال عربية ممتازة