(:@:)ماركات وموديلات السائقين-النوع الثامن:ماما رشا

[dodi2]

و قولولى النتيجة

[S H @ F T]

متألق دائما ياسبعاوي


وأسلوبك في نمو وتقدم باستمرار

[ams]

ها ها ها ... ها ها ها ... ها ها ها
ضحكات يوهيوهيه متقطعه

[mohmd76]

تحليل اقل ما يوصف انه فى غاية من الذكاء العالى والتعليم الراقى والثقافة المتوهجة المشتعلة
لانه حلل المجتمع كله بكافة عناصرة ومكوناته وسلوكياته وتصرفاته واسلوب حياته ومعيشته والبيئة التى يعيش فيها

اقوى موضوع أشرف بيزنس

[mesaharaty]

فى الجوووووووون

جاااااااااااااااااااامد يا سبعاوى باشا
كنت باشوف النموذج اللى حضرتك شرحته ده بس مش عارف أحلله ولا عارف أديله أى إسم
بس حضرتك شرحته ووضحته فى الجوووووووون

شكرا ومنتظرين إبداعات أخرى

[mohamed]

جامدة جدا كالعادة يا باشمهندس

[H.ibrahim]

ماذا اقول بعد كل ماقيل انه ابو السباع متالق دائما :k10::k10:بس خلى بالك ماما رشا متواجدة بالمنتدى :k40::k40:

[medo_msmsa]

اولا الف شكر على الحلقة الجديدة وكالعادة موفقة للغاية من نماذج غريبة موجودة عندنا في مصر "ربنا يحفظنا من السواقة اللي زي كده"
ثانيا: ممكن اعرف سبب الكلام اللي انت كاتبة في توقيعك هو انت مقاطع المنتجات السعودية "اصل اللي اعرفه الناس بتقاطع منتجات الدنمارك او امريكا مثلا"
اسف على الاطالة

[mahamedaraby]

متالق كالعاده يا استاذ سبعاوى

تحياتى ليك على مواضعيك الاكتر من الرائعه

[R A N A]

بجد بجد موضوع تحفة وفوق الرائع اساسا انا لما قريته فطست علي روحي من الضحك خصوصا بقي تعبير شبشب رع ده يانهار ابيض جبته ازاي ومنين بجد؟

الحمد لله انا لسة مصادفتنيش ماما رشا وهي سايقة يدوب شفتها مرة نازلة من العمارة وبتركب ولادها العربية ومرة شوفتها وهي بتسخن عربيتها ودايما اشوفها وهي مستعجلة وعايزة تطلع من ركنتها بأسرع وقت ممكن ولو حد قدامها ايديها مش بتنزل من علي الكلاكس لدرجة اني قلتلها في مرة معلش بس ثواني هاطلع عربيتي من قدامك قالتلي بلهجة غريبة كده معلش اصلي معايا اطفال ومينفعش استني كتير (الكتير ده كان 3 دقايق او 5 دقايق) لكن الحمد لله لسة مقابلتهاش سايقة وبتعمل العمايل دي ساعتها هابقي مش عارفة ازعقلها ولا اعذرها ولا اعمل ايه الحقيقة لاني في يوم من الايام ان شاء الله يعني هاتجوز واكون ام واكيد هابقي مضطرة اني اقوم بمشاوير الاطفال اليومية طبعا لان الرجالة مبقوش فاضيين لحاجة ولا لحد اصلا ومالهمش خلق للغلب ده اساسا فمش مش عارفة هاقدر اسوق وانا تركيزي في مليون حاجة كده ولا هاعمل ايه .
بيتهيألي ممكن ساعتها اربط العيال في الكرسي اللي ورا ومفكش اسرهم الا لما نوصل مشوارنا وننزل من العربية ده هو الحل الوحيد بس طبعا اكيد هايقعدوا يعيطوا ويزنوا وانا مبستحمش زن الاطفال وعياطهم (يمكن عشان لسة مخوضتش تجربة الامومة) بس ممكن نحطلهم لزق علي بوقهم ونفكه برده واحنا بنفك ربطتهم في الكرسي اللي ورا (طبعا بهزر انا مش قاسية علي الاطفال كده).

بس فعلا اللي انا شايفاه ان الاطفال مينفعش اصلا تركب قدام تماما مهما كان سنهم لانه خطر فعلا وهما عاملين اصلا كرسي الاطفال ده عشان يتحط فيه الطفل ورا مش عشان يتساب فاضي والعيل يقعد قدام بس تقول ايه احنا شعب بيعتبر الحاجات الاساسية كماليات .
عموما بهنيك يابشمهندس على النموذج الجديد ده وفي انتظار مزيد من النماذج في الحلقات القادمة بإذن الله :k10:

[tamohsen]

الفروض يحطوا ستيكر

Be careful
Mama Rasha on board lol

[ahmedfd]

مواهب هندسية أصيلة علشان الناس بس متقولش بتوع الهندسة ملهمش في الأدب و الكتابة...
رافع راس المسطرة التي و الأرسطو و البرجل الروترينج يا معلم سبعاوي يا متعدد المواهب.. :)

[ahmedfd]

أسف مشاركة مكررة

[sab3aawy]

ثانيا: ممكن اعرف سبب الكلام اللي انت كاتبة في توقيعك هو انت مقاطع المنتجات السعودية "اصل اللي اعرفه الناس بتقاطع منتجات الدنمارك او امريكا مثلا"
اسف على الاطالة

كما ذكرت فى الردود على رسائل سابقة، هو مجرد نوع من أنوع الاعتراض على مسألة ضرب الأطباء بالسياط، وشكرا جزيلا على اطرائك على الموضوع

[أشرف العدوي]

استاذ سبعاوي
انت فعلاً فوق الوصف
مش لاقي كلام جميل اوصفك بيه بجد و الله العظيم
تحياتي ليك